Morgunblaðið - 24.01.2004, Blaðsíða 30
LISTIR
30 LAUGARDAGUR 24. JANÚAR 2004 MORGUNBLAÐIÐ
Tríó Reykjavíkur, sem skipað er
Guðnýju Guðmundsdóttur fiðluleik-
ara, Gunnari Kvaran sellóleikara og
Peter Máté píanóleikara, heldur sína
árlegu nýárstónleika í Hafnarborg
annað kvöld, sunnudag, kl. 20. Tón-
leikarnir verða endurteknir mánu-
dagskvöldið 26. janúar kl. 20. Sem
fyrr eru Sigrún Hjálmtýsdóttir og
Bergþór Pálsson gestasöngvarar á
tónleikunum og er þetta þriðja árið
sem þau mæta til leiks á nýárstón-
leikum Tríós Reykjavíkur.
„Við fundum það strax fyrsta árið
hvað við smullum vel saman sem
hópur, enda eru Diddú og Bergþór í
sérflokki bæði sem söngvarar, leik-
arar og manneskjur. Það var líka
greinilegt að tónleikarnir féllu í
kramið hjá áheyrendum enda þurft-
um við að margendurtaka þá og kom-
ust færri að en vildu. Í framhaldinu
stungum við því upp á því við Berg-
þór og Diddú að við gerðum þessa
tónleika að árlegum viðburði og þau
tóku mjög vel í það,“ segir Gunnar
Kvaran aðspurður um tildrög nýár-
stónleika Tríós Reykjavíkur.
Efnisskrá nýárstónleikanna verð-
ur sem fyrr af léttara taginu þar sem
boðið er upp á vínartónlist, sígauna-
tónlist og tónlist úr þekktum söng-
leikjum, bæði evrópskum og amer-
ískum. „Ég held að óhætt séð að
fullyrða að allir geti fundið eitthvað
við sitt hæfi á efnisskrá okkar, því
hún er geysilega fjölbreytt. Meðal
þeirra hljóðfæralaga sem tónleika-
gestum gefst kostur á að heyra má
nefna Tzigane fyrir fiðlu og píanó eft-
ir Ravel, Méditation úr Thaïs eftir
Massenet, Tango eftir Piazzola, Ung-
verskan dans nr. 2 eftir Brahms, auk
þess sem hinn frægi Pizzikato Polka
eftir J. Strauss verður á sínum stað.
Af söngtónlist má nefna að sungin
verður lagasyrpa úr Carousel eftir
R. Rodgers, auk laga úr söngleikj-
unum Cats eftir Andrew Lloyd
Webber, Kysstu mig, Kata eftir Cole
Porter og Annie Get your Gun eftir
Irving Berlin. Úr óperum og óper-
ettum munu Diddú og Bergþór flytja
Pa, pa, pa úr Töfraflautunni eftir
Mozart, Les oiseaux daus la charm-
ille úr Ævintýrum Hoffmanns eftir
Offenbach, Schenkt man sich Rosen
in Tirol úr Der Vogelhändler eftir
Zeller, Klukkudúettinn úr Leður-
blökunni eftir Strauss, Varir þegja
úr Kátu ekkjunni eftir Lehár og Ég
vil dansa úr Sardasfurstynjunni eftir
Kálmán.“
Góð leið til að létta
sig upp í skammdeginu
Að sögn Gunnars einkennast
nýárstónleikar Tríós Reykjavíkur af
mun meira glensi, léttleika og jafnvel
óvæntum uppákomum, en tónleikar
tríósins dags daglega. „Okkur finnst
svo mikilvægt að fólk geti komið á
tónleika hjá Tríói Reykjavíkur og
skemmt sér konunglega. Að mínu
mati er líka mikilvægt að ná til fleiri
áheyrenda,“ segir Gunnar og bendir
á að nýárstónleikar séu góð leið til að
brúa bilið milli klassíkurinnar og
þess létta popps sem tónlist Strauss
og Lehár telst vera.
„Við vitum það öll að ef maður fer
á Sinfóníutónleika þar sem vín-
artónlist er spiluð þá kemur fólk á þá
tónleika sem sækir annars ekki Sin-
fóníutónleika. Ástæða þessa er að
fólk elskar vínarmúsík, enda er það
mjög góð tónlist. Langflest þeirra
laga sem við flytjum er eitthvað sem
fólk þekkir og elskar að heyra, jafn-
vel þótt það sé búið að heyra það oft
áður. Fólk vill oft heyra þessi lög aft-
ur og aftur, sem betur fer.“ Spurður
hvers vegna hann telji að fólk sæki
jafn mikið í að hlusta á vínartónlist í
byrjun nýs árs og raun ber vitni seg-
ir Gunnar það áreiðanlega tengjast
þörfinni fyrir að létta sig upp í
skammdeginu. „Þessi tónlist lyftir
manni upp og fær okkur til að horfa
björtum augum fram á veginn.“
Tónlist sem fólk elskar að heyra
Morgunblaðið/Ásdís
Gunnar Kvaran sellóleikari, Guðný Guðmundsdóttir fiðluleikari og Peter Máté píanóleikari, sem skipa Tríó
Reykjavíkur, koma ásamt Sigrúnu Hjálmtýsdóttur og Bergþóri Pálssyni fram á nýárstónleikum í Hafnarborg.
silja@mbl.is
RITHRINGURINN efnir til
smásagnasamkeppni og er
þemað að þessu sinni hrylling-
ur.
Búist er við fjölbreyttum
sögum því hrollvekja er teygj-
anlegt hugtak, það sem einum
hryllir við finnst öðrum hvers-
dagslegt eða fyndið.
Áhugasamir skrái sig á for-
síðu Rithringsins, www.rit-
hringur.is, fram til 31. janúar.
Þar fá þátttakendur tímabund-
inn séraðgang og senda söguna
á vefinn. Sagan skal vera á
bilinu 1.000–5.000 orð.
Keppni
um hroll-
vekjusögur
GRÍÐARLEGA góð aðsókn
hefur verið á sýningu Ólafs
Elíassonar, Frost Activity, í
Listasafni Reykjavíkur –
Hafnarhúsi frá foropnuninni
síðastliðið föstudagskvöld. Að
Sögn Soffíu Karlsdóttur
kynningarstjóra komu á
fjórða þúsund manns í húsið
sl. helgi, en fram til dagsins í
dag hafa á sjötta þúsund
manns heimsótt safnið og
skoðað sýningu Ólafs. Þá hef-
ur aðsókn í leiðsagnir ýmissa
hópa, skólahópa og vinnu-
staðahópa sjaldan eða aldrei
verið meiri. Ef fram fer sem
horfir sér Listasafn Reykja-
víkur fram á að nýtt aðsókn-
armet verði slegið með sýn-
ingunni Frost Activity.
Góð að-
sókn á sýn-
ingu Ólafs
Elíassonar
inn á krakka í elstu bekkjum
grunnskólanna og svo aftur fram-
haldsskólana. Við teljum Stein
höfða sérstaklega vel til þeirra, m.a.
þar sem hann var mikill húmoristi,
þó húmorinn hafi oft verið ansi
svartur, auk þess sem hann var
óhræddur við að sletta. Ég held að
KÓMEDÍULEIKHÚSIÐ sýnir ein-
leikinn Steinn Steinarr á litla sviði
Borgarleikhússins í kvöld og annað
kvöld kl. 20:30. Verkið var samið af
leikaranum Elfari Loga Hannes-
syni, sem fer með hlutverk Steins,
og leikstjóranum Guðjóni Sigvalda-
syni og frumsýnt í Hömrum á Ísa-
firði í lok nóvember sl., en verkið
fjallar um ævi og verk skáldsins úr
Nauteyrarhreppi við norðanvert
Ísafjarðardjúp.
Spurður um tildrög sýningarinn-
ar segir Elfar hugmyndina vera
rúmlega ársgamla. „Síðasta upp-
færsla mín var einleikur um Guð-
mund Thorsteinsson, Mugg, og ég
ákvað bara að halda mig við lista-
mennina. Mér hefur alltaf fundist
Steinn afar áhugaverður maður og
hef í gegnum tíðina lesið töluvert
bæði um og eftir hann.“ Að sögn
Elfars notuðust þeir Guðjón aðeins
við texta Steins sjálfs í einleiknum,
ýmist ljóð hans eða tilsvör í við-
tölum. Elfar lýsir einleiknum sem
einræðu skáldsins við áhorfandann
þar sem hann geri upp ævi sína og
störf.
Elfar hefur rekið Kómedíuleik-
húsið síðan 1997 og er þetta sjötta
uppfærslan. Síðustu ár hefur hann
að sögn aðallega fengist við ein-
leiksformið. „Mér líkar afar vel að
vera einn á sviðinu, þó það sé vissu-
lega mikil ákorun. Auk þess er
miklu auðveldara að ferðast með
einleiki,“ segir Elfar og bendir á að
sýningin um Stein hafi frá upphafi
verið hugsuð sem farandsýning. Úr
Borgarleikhúsinu liggur leiðin norð-
ur á Akureyri og síðan víðar út um
land.
„Við stílum sýninguna nokkuð
þó verk hans séu komin nokkuð til
ára sinni þá tali þau enn beint til
krakkanna.“
Leikmynd og búningar uppfærsl-
unnar eru í höndum Guðjóns Sig-
valdasonar. Hann sá einnig um að
hanna lýsinguna ásamt Friðþjófi
Þorsteinssyni.
Einræða skálds með
svartan húmor
Morgunblaðið/Jim Smart
Elfar Logi Hannesson í hlutverki Steins Steinarr.
BÖRNUM gafst kostur á að velja
bestu myndskreytinguna á sýning-
unni Þetta vilja börnin sjá sem ný-
lokið er í Gerðubergi og kusu þau
myndskreytingar Guðjóns Ketils-
sonar úr bókinni Eyjadís eftir
Unni Þóru Jökulsdóttur.
Á sýningunni voru myndskreyt-
ingar úr flestum íslenskum barna-
bókum sem út komu á árinu 2003,
þrjátíu og tveimur bókum eftir
tuttugu og fjóra myndskreyta,
þ. á m. Sigrúnu Eldjárn, Brian
Pilkington, Ólaf Gunnar Guð-
laugsson, Höllu Sólveigu Þorgeirs-
dóttur og Áslaugu Jónsdóttur.
Skipuð dómnefnd valdi Brian Pilk-
ington sem besta myndskreytinn á
sýningunni og hlaut hann Dimmal-
imm-verðlaunin 2003 fyrir bókina
Mánasteinar í vasanum.
Meðan á sýningunni stóð gafst
börnum einnig kostur á að velja
þá myndskreytingu sem þeim þótti
best. Niðurstaðan úr vali
barnanna er nú kunn og urðu
myndir Guðjóns Ketilssonar úr
bókinni Eyjadís fyrir valinu að
þessu sinni en Guðjón er best
þekktur fyrir myndskreytingarnar
í bókunum um Blíðfinn. Höfundur
Eyjadísar er Unnur Þóra Jökuls-
dóttir og er bókin gefin út hjá
Máli og menningu.
Börnin völdu
myndskreytingu eftir
Guðjón Ketilsson
Guðjón Ketilsson.
HJÁ Freyvangsleikhúsinu standa nú yfir æfingar á
söngleiknum Ronju ræningjadóttur í leikstjórn Odds
Bjarna Þorkelssonar. Þetta er í fyrsta sinn sem Frey-
vangsleikhúsið setur upp barna- og fjölskylduleikrit og
telst því merkur áfangi í sögu leiklistar í Eyjafjarð-
arsveit.
Leikendur í Ronju eru um 30 talsins auk þriggja
manna hljómsveitar undir stjórn Hjálmars Stefáns
Brynjólfssonar og síðan eru aðrir starfsmenn sýning-
arinnar um 30 manns. Áætlað er að frumsýna leikritið í
seinni hluta febrúarmánaðar.
Freyvangsleikhúsið
æfir Ronju ræningjadóttur
Oddur Bjarni
Þorkelsson