Morgunblaðið - 14.02.2004, Side 57

FRÉTTIR
MORGUNBLAÐIÐ LAUGARDAGUR 14. FEBRÚAR 2004 57
Fjölskylduganga í Elliðaárdal.
Orkuveita Reykjavíkur og Ferða-
félag Íslands efna til fjölskyldu-
göngu í Elliðaárdalnum á morgun,
sunnudaginn 15. febrúar, kl. 11.
Leiðsögumenn verða Einar Gunn-
laugsson og Kristinn Þorsteinsson.
Að lokinni leiðsögn mun Orkuveitan
bjóða ferðalöngum upp á veitingar í
Minjasafni OR.
Gangan hefst í Mörkinni 6 og endar
við Minjasafnið. Áætlaður tími í
ferðina eru um þrjár klukkustundir
og er þátttaka ókeypis.
Á MORGUN
Námskeið um hlutverk og eðli
drauma verður haldið í Síðumúla
6, 2. hæð (húsi SÍBS), föstudaginn
27. kl. 19–22, laugardaginn 28., kl.
10–16 og sunnudaginn 29. febrúar
kl. 10–15. Leiðbeinandi er Val-
gerður H. Bjarnadóttir félags-
ráðgjafi, en hún hefur framhalds-
menntun í heildrænum fræðum,
draumafræðum og trúarheimspeki
og hefur unnið með drauma sem
leið til sjálfsþekkingar.
Á námskeiðinu verður fjallað um
hlutverk og eðli drauma og hvernig
vinna má með eigin drauma og
annarra og nýta þannig þennan
auð svefnsins til sjálfsþekkingar.
Unnið verður í hópum og pörum og
kynntar aðferðir til að rifja upp og
skoða drauma. Skoðað verður sam-
hengi goðsagna og drauma, tákn-
mál draumanna og kenningar um
þá.
Lögfræðingafélag Íslands heldur
fund þriðjudaginn 17. febrúar kl.
kl. 8.10, á Gullteigi, Grand Hóteli.
Fyrir Alþingi liggur frumvarp til
laga um vátryggingarsamninga.
Fram hafa komið ólík sjónarmið
um frumvarpið. Viðar Már Matt-
híasson prófessor gerir grein fyrir
helstu atriðum frumvarpsins. Val-
geir Pálsson hrl. gerir grein fyrir
helstu athugasemdum sem fram
hafa komið frá tryggingafélögum
um efni frumvarpsins.
Verð kr. 1.500, en fyrir félagsmenn
LÍ kr. 1.200. Skráning á logfr-
@logfr.is fyrir kl. 15 mánudaginn
16. febrúar.
Námskeið í NLP. Lífið, trú og
heilsa í nútíð og framtíð er yfir-
skrift námskeiða sem munu hefjast
í lok febrúar og fara fram í Strand-
bergi, safnaðarheimili Hafnarfjarð-
arkirkju við Strandgötu í Hafnar-
firði. Katrín Erla Kjartansdóttir
leiðbeinandi/ráðgjafi „NLP Mast-
er“ mun sjá um námskeiðin. NLP
er hugmyndafræði sem er byggð á
því að öll hegðun sé lærð og hafi
ákveðið mynstur (venjur).
Kynningarfyrirlestur fer fram á
undan hverju námskeiði og verður
sá fyrsti í Strandbergi, Safnaðar-
heimili Hafnarfjarðarkirkju,
sunnudaginn 22. febrúar kl. 20,
undir yfirskriftinni: „Persónuleg
hæfni, ímyndunarafl og sjálfs-
mynd.“ Fylgjandi NLP námskeið
undir yfirskriftinni: „Hvernig þú
vekur upp hæfileika þína, styrkir
sjálfstraust og sjálfsmat“, fer fram
á sama stað, og hefst fimmmtudag
26. febrúar kl. 19– 22 og heldur
áfram laugardaginn 28. febrúar kl.
10–16.
Þátttaka tilkynnist á veffang: katr-
in@gi.is eða í safnaðarheimili
Hafnarfjarðarkirkju. Önnur nám-
skeið verða kynnt síðar á heima-
síðu Hafnarfjarðarkirkju
www.hafnarfjardarkirkja.is
Námskeið í vörustjórnun er 32
klukkustunda námskeið hjá IMG
Deloitte sem hefst 24. febrúar nk.
Námskeiðið er ætlað öllum þeim
sem koma að vörustjórnun í fyrir-
tækjum og stofnunum, m.a. birgða-
stjórnun, innkaupastjórnun, fram-
leiðslustjórnun og stjórnun
flutninga og vörudreifingu. Mark-
mið námskeiðsins er að veita þátt-
takendum innsýn í helstu þætti
vörustjórnunar og hvernig skilvirk
vörustjórnun getur veitt fyrir-
tækjum forskot í samkeppni. Nám-
ið kostar 88.000 kr. Nánari upplýs-
ingar er að finna á heimasíðu IMG
Deloitte www.img.is. Skráning er á
namskeid@img.is.
Á NÆSTUNNI
Á MORGUN, sunnudag 15. febrúar,
heldur Reykjavíkurrúnturinn fund
á Hótel Borg í Reykjavík klukkan 3
síðegis.
Heiðursgestir verða tveir knatt-
spyrnumenn, Gísli Halldórsson
arkitekt, og Högni Ágústsson, hús-
vörður í Þvottalaugum Reykjavík-
ur. Þeir eru einir eftirlifandi af
landsliði Íslendinga sem keppti við
Þjóðverja árið 1935 í Þýskalandi.
Björgvin Schram stórkaupmaður
skoraði eina mark Íslendinga.
Reykjavíkurrúnturinn hefur tví-
vegis áður haft samkomur á Hótel
Borg, síðast komu nær 200 manns á
fundinn. Fjallað verður um ýmis
áhugamál Reykvíkinga og samtök
þeirra um að minnast Reykjavíkur-
borgar áður en bifreiðir flæmdu
fótgönguliða burt úr Austurstræti,
segir m.a. í frétt frá samtökunum.
Þar segir einnig að veitingamað-
urinn á Hótel Borg, Kristinn, hafi
lofað góðu meðlæti með kaffi sem
fram verður borið.
Högni Ágústsson er í fremstu röð. Hann er í ljósum buxum við hlið nasista-
foringja í móttökunefnd knattspyrnumannanna. Gísli Halldórsson er aftur
á móti í þriðju röð, þriðji maður frá súlunni.
Fundur á Hótel Borg á morgun
Reykjavíkurrúntur-
inn heiðrar frumherja