Morgunblaðið - 14.02.2004, Page 65
FÓLK Í FRÉTTUM
MORGUNBLAÐIÐ LAUGARDAGUR 14. FEBRÚAR 2004 65
Leikhúsgestir, munið
spennandi matseðil!
Kringlukráin á góðri stund
Hljómar á
stórdansleik
um helgina
Sími 568 0878 - www.kringlukrain.is
GAGNRÝNENDUR í Bandaríkj-
unum hafa hrifist af Mávahlátri
Ágústs Guðmundssonar en myndin
var frumsýnd í New York í gær.
Dave Kehr, gagnrýnandi The
New York Times, segir hana „nota-
lega gamanmynd“ sem á „látlausan
og þægilega sjálfshæðinn skandin-
avískan máta“ minni á hinar mark-
verðlaunuðu og vinsælu Ítalska fyr-
ir byrjendur eftir Lone Scherfig og
Elling eftir Petter Naess. Kehr er
greinilega heillaður af höf-
uðpersónunni Freyju, dulúð hennar
og styrk, sem hann segir Margréti
Vilhjálmsdóttur túlka af „þrótti og
útgeislun“ og að „tignarlegt bros“
hennar nái eitt og sér að bræða „ís-
köld hjörtu þorpsbúanna“.
Þá hælir gagnrýnandi New York
Times Ágústi Guðmundssyni fyrir
að hafa skapað „fágaða, léttleik-
andi og skemmtilega“ kvikmynda-
gerð af „vinsælli skáldsögu“ Krist-
ínar Marju Baldursdóttur sem um
leið lumar á andstæðum „dulúðar
og dimmu“.
Í anda vandaðra breskra
mynda
Gagnrýnandi The Village Voice
Alexis Soloski er álíka hrifinn af
Mávahlátri og segir að miðað við
hana þá sé greinilegt að kvik-
myndalistin hafi bæst við fiskinn og
ullina sem helsta útflutningsvara
Íslendinga. Soloski ber kvikmynd
Ágústs saman við þau „vönduðu og
listrænu drama“ sem Bretar hafi
sérhæft sig í undanfarið. Reyndar
segist Soloski hafa skynjað í mynd-
inni ófullnægða löngun til að fara
dýpra ofan í ýmis þungavigtarmál
eins og þorpsmenninguna og kven-
frelsisþreifingar eftirstríðsáranna.
Myndin sé samt sem áður mjög
áhugaverð, búi yfir einkar sterkum
kvenrullum og tekin í heillandi um-
hverfi.
Skrýtin en ánægjuleg
Í umsögn sinni fyrir The New
York Post veltir V.A. Musetto því
fyrir sér hvers vegna svo margar
„skrýtnar“ myndir komi frá Ís-
landi, dettur einna helst í hug
„hrjóstrugt landslag og sól-
arleysið“ sem orsakavalda. Máli
sínu til stuðnings nefnir hann Á
köldum klaka og Djöflaeyju Frið-
riks Þórs Friðrikssonar og bætir
Mávahlátri í þann góða flokk
„óvenjulegra“ mynda og segir hana
„ánægjulegt verk“. Musetto segir
myndina „aðgengilega, tilfinn-
inganæma og gráglettna. Svolítið
þvinguð frásögn og staðlaðar per-
sónur séu vegnar upp með „við-
felldnum leikhópi“ og kynlegum
skotum af stórskornu landslagi.
Getur gagnrýnandi
sérstaklega þáttar
Margrétar Vil-
hjálmsdóttur og
Uglu Egilsdóttur í
því sambandi.
Ágúst Guðmunds-
son var staddur í
Bandaríkjunum er
Morgunblaðið náði
tali á honum en hann
var viðstaddur frum-
sýningu á myndinni í
gær á Manhattan og
Long Island í dag.
Hann segist að von-
um ánægður með
viðtökur gagnrýn-
enda og feginn því
að þessu flókna ferli
sem hefur verið að koma henni í
sýningar vestra sé nú lokið. „ Það
orsakast m.a. af því að erlendur
meðframleiðandi myndarinnar fór
á hausinn sem tafði mjög markaðs-
setningu á myndinni. Hins vegar
fengum við þónokkur tilboð en
byrjuðum á röngum aðila.“
Ágúst segir nýjan dreifingaraðila
búinn að bóka myndina víða um
Bandaríkin og það veki í reynd
undrun hans hversu áhuginn sé
mikill. „Mest kom mér á óvart
hversu Texas-búar eru spenntir
fyrir myndinni – þar sem myndin
verður sýndi í Dallas, Houston og
Austin – því ég hélt að mestur
áhuginn yrði í Mið-Vesturríkj-
unum.“
Í sögunni er titilpersónan Freyja
nýkomin úr vestri og hefur orðið
fyrir greinilegum vestrænum áhrif-
um. Ágúst segir Kanann hafa tekið
eftir því og sjái í henni fjarskylda
ættingja í kvenhetjum saka-
málamynda Hollywood 5. áratug-
arins. Til að byrja með verða þrjú
eintök í gangi á myndinni í Banda-
ríkjunum, „fleiri en á Íslandi“, bæt-
ir Ágúst við og kímir. Hann segir
myndina hafa selst vel til evrópskra
sjónvarpsstöðva og vonar þessi já-
kvæðu viðbrögð bandarískra gagn-
rýnenda eigi eftir að vekja enn
frekari áhuga.
Um þessar mundir er Ágúst þó
kominn með hugann við allt annað
verkefni, sem er nýja Stuðmanna-
myndin Í takt við tímann, framhald
Með allt á hreinu. Ágúst mun leik-
stýra myndinni og segir hann verk-
inu miða vel. Nú sé legið yfir tón-
listinni en tökur muni svo hefjast í
vor og standa fram á sumar. Hann
segist vonast til að Stuðmanna-
myndin verði frumsýnd um jólin
næstu.
Mávahlátur fær mikið lof í Bandaríkjunum
Fiskur, ull og kvikmyndalist
Gagnrýnandi The New York Times segir frammi-
stöðu Margrétar Vilhjálmsdóttur einkennast af
þrótti og útgeislun.
skarpi@mbl.is