Pressan - 06.02.1992, Síða 30

30
FIMMTUDAGUR PRCSSAN 6. FEBRÚAR 1992
H E I M I L I Ð
...til að losna við ge<sti
Oft er gaman
þegar gesti
ber að garði,
sér í lagi þegar
gestirnir eru
velkomnir,
sem þeir ku
oftast vera.
Stundum vilja
húsráðendur
þó hafa næði
eða forðast
gestagang ein-
hverra hluta
vegna. Þá er
gott að vera í
stakk búinn til
að verjast
gestaágangi.
PRESSAN
leitaði uppi
nokkra séða
*
Islendinga og
aflaði ráða til
að forðast eða
losna við
gesti.
Gunnar
Helgason leikari
„Bjóða gestunum í freyði-
bað.“
Eiríkur
Jónsson
útvarpsmaður
„Losna við gesti? Ég þekki
bara einn mann sem ég
reyndi að losna við og mér
tókst nú að losna við hann
endaniega. Ég man ekki hvað
ég gerði. Það er ekkert
„pent“ að losna við fóik. Það
kemur aldrei aftur. Maður los-
ar sig við gest og heyrir þá
ekki í honum framar. Eg held
að það sé málið. Hins vegar
átti ég vin, sem við héngum
mikið hjá. Hann losaði sig við
gesti með því að trekkja vekj-
araklukkuna, stilla hana og
koma henni fyrir. Hann er
eini maðurinn sem ég hef séð
reyna að losa sig við gesti."
Helgi
Björnsson leikari
„Þegar gest ber að dyrum
manns er best að stynja svo-
lítið. Menn eru alltaf við-
kvæmir fyrir því að trufla
ástaleiki fólks. Ég hef notað
þessa aðferð, hávær samfara-
hljóð, og fólk er fljótt á brott."
Ingibjörg
Sólrún Gísladóttir
þingkona
„Ef ég kynni að losna við
þig úr símanum. Best er að
segjast vera á leiðinni út. Ég
notaði það stundum á náms-
árunum í Kaupmannahöfn
þegar ég fékk leiðinlega
gesti.
Flosi
Ólafsson leikari
,,Að losna við gesti er hið
versta mál.“ Flosi leggur frá
sér símann og kallar á konu
sí.na: „Lilja, hvernig finnst
þér best að losa þig við
gesti?" Úr fjarska er kallað:
„Gefa þeim ekki brennivín."
— Þar hafið þið það, segir
Flosi.
Eggert
Skúlason frétta-
maður á Stöð 2
„Það eru til ýmsar aðferðir.
Banki óvænt upp á hjá manni
gestur, sem maður er engan
veginn í skapi til að taka á
móti, þá er hægt að nota sál-
rænu aðferðina. Hún er að
bjóða honum inn með sem-
ingi, skipa honum úr skón-
um, hinkra við og skipa hon-
um að hengja yfirhöfnina
upp áður en hann fer úr
henni. Þegar hann kemur inn
er gott að hleypa í brýrnar að
hætti Sigmundar Ernis. Þurfa
nauðsynlega að hlaupa í sím-
ann. Fara svo á klósettið og
taka drjúgan tíma í það. Eiga
ekki kaffi. Sé viðkomandi, á
þessu stigi, ekki farinn að
skilja í hvað stefnir, þá er bara
að ganga hreint til verks og
tilkynna viðkomandi að
hann sé beinlínis óæskilegur.
Til er önnur aðferð. Ef
hringt er í mann og einhver
boðar komu sína og ekki er
framkvæmanlegt að neita
viðkomandi, þá hef ég reynd-
ar stundað það að sjóða þjóð-
arrétt okkar Skaftfellinga.
Það er fýll, eða múkkinn.
Hann er svo ógeðslega lykt-
andi að þeir eru ekki margir
sem sitja yfir þeim pottum.
Þú mátt hafa það eftir að ég
reyndi þetta á ákveðnum
manni. Hann skilur það
núna, af hverju hann hitti svo
illa á.
Komi fjölskyldumeðlimir í
heimsókn hef ég reyndar
boðið þeim að horfa á mynd-
bönd með mér úr fréttatím-
um stöðvarinnar. Þá er ekki
ótítt að fólk þurfi að flýta sér,
einhverra hluta vegna. Það
veit ekki að strumparnir eru
aftast á þessum myndbönd-
um.
Annars á ég frekar i erfið-
leikum með að halda fólki.
Ég er að eðlisfari mjög félags-
lyndur maður.“
Bessi
Bjarnason leikari
„Ef ég sé út um gluggann
að fólk er að koma, þá dríf ég
mig í frakkann."
Geriröu það oft?
(gríðarlegur hlátur)
„Ég segi það nú kannski
ekki.“
Laufey
Bjarnadóttir7
forsíðustúlka
„Ég er mjög hreinskilin og
ef mér leiðist nærvera ein-
hvers, þá gef ég það í skyn á
skiljanlegan máta. Það er
besta aðferðin. Annars finnst
mér þetta fáránleg spurning
ef ég á að vera hreinskilin."
Gullveig
Sæmundsdóttir
ritstjóri
„Heyrðu, ég er að fara út úr
dyrunum."
Guðrún
Helgadóttir
þingkona
„Ég segi: „Heyrðu sko, nú
þarf ég að gera annað og þess
vegna ætla ég að biðja þig að
fara núna, en komdu fljótt aft-
ur.“ Annars er ég nú einu
sinni þannig, upp á gott og
vont, að ég segi fólki venju-
lega bara alveg eins og mér
finnst. Ég held að það sé voða
fátt fólk sem hefur setið yfir
mér og haldið að það sé vel-
komið en ekki verið það.
Hreinskiptni er kannski ekki
besti kosturinn við stjórn-
rnálamann en ágætur kostur
við rithöfund, svo þetta er
ágætt."