Morgunblaðið - 21.08.2004, Síða 4

FRÉTTIR
4 LAUGARDAGUR 21. ÁGÚST 2004 MORGUNBLAÐIÐ
ÞAÐ er sumarlegt um þessar mundir í Vetrar-
íþróttamiðstöð Íslands í Hlíðarfjalli, ofan Akur-
eyrarbæjar. Ekkert lífsmark var á staðnum, þeg-
ar ljósmyndari skrapp þangað eitt kvöldið í
vikunni, nema hvað nokkrar kindur voru á beit á
og undu hag sínum vel. Hafa svæðið líklega að
mestu fyrir sig á meðan skíði bæjarbúa rykfalla í
bílskúrum. Skíðalyftan glæsilega, Fjarkinn, beið
síns tíma – en hún og önnur mannvirki eru nú
það eina sem gefur til kynna að hluta úr ári njóti
mannskepnan þess að renna sér á skíðum á
svæðinu.
Morgunblaðið/Skapti Hallgrímsson
Á skíðum skemmti ég mér …
MARGRÉT Hallgrímsdóttir þjóð-
minjavörður segir að undirbúningur
að opnun Þjóðminjasafnsins gangi
vel, en stefnt er að því að opna safnið
með formlegri athöfn 1. september
nk. Strax daginn eftir opnar safnið
fyrir almenning frá kl. 11 til 17.
Verður það opið alla daga nema
mánudaga.
„Undirbúningurinn gengur vel.
Það er allt á fullu hérna, unnið dag
og nótt, á íslenskan hátt, rétt fyrir
opnun. En þetta hefst allt saman
með glæsibrag. Ég hlakka til að
bjóða fólki inn. Þetta er búið að vera
mikið átak í mörg ár og allt upp í 800
manns hafa komið að verkinu, með
einum eða öðrum hætti,“ segir hún.
Þegar Margrét er spurð út í hug-
mynd Þjóðminjasafnsins um eftir-
mynd af 10. aldar sverði á Melatorgi,
segir hún ekki útséð um hana. „Við
erum ekki búin að fá fjármögnun
fyrir þessu, þannig að þetta er enn á
hugmyndastiginu.“ Margrét segir að
hugmyndin hafi tengst kynningar-
átaki safnsins í tengslum við opn-
unina. Hún var kynnt borgaryfir-
völdum og heimiluðu þau tíma-
bundna staðsetningu einkennis-
merkis safnsins á Melatorginu.
Margrét minnir á að enn eigi eftir
að gera listaverk við Þjóðminjasafn-
ið, í samræmi við lög um listskreyt-
ingar opinberra bygginga. „Ég geri
ráð fyrir því að í kjölfar opnunar
safnsins verði tekin ákvörðun um
samkeppni, eða í það minnsta farið í
þá vinnu að gert verði listaverk við
húsið. Hver veit nema þessi sverðs-
hugmynd verði kveikjan að ein-
hverju, sem verði útkoman úr því.“
Styttist í opnun Þjóðminjasafnsins
Unnið dag og nótt
BRESKA blaðið Daily Mail segir að
breska forsætisráðherrafrúin, Cher-
ie Blair, sé að leggja af stað í fyrir-
lestraferð til Bandaríkjanna í haust,
sem gæti fært henni um 100.000
pund í tekjur, eða um 13 milljónir ís-
lenskra króna.
Forsætisráðherrafrúin kemur
hingað til lands í lok þessa mánaðar,
þar sem hún verður gestur á mál-
þingi sem ber yfirskriftina Konur,
vald og lögin og er haldið á vegum
Rannsóknastofu í kvennafræðum og
lagadeildar Háskóla Íslands. Kristín
Ástgeirsdóttir, verkefnastjóri mál-
þingsins, segir að aðstandendur mál-
þingsins þurfi ekki að borga neitt
slíkt gjald til að fá frú Blair hingað
til lands.
„Við borgum
ferðir og gistingu
og eitthvað til
málamynda. Ég
held henni þyki
bara svo spenn-
andi að koma
hingað,“ segir
Kristín. „Þetta er
bara um fimmtán
þúsund kall, eitt-
hvað svoleiðis, það er í raun og veru
bara til að borga laun aðstoðarkonu
hennar.“
Tekur þátt í ráðstefnu
Hún segir að breska forsætis-
ráðherrafrúin sé í raun að koma
hingað til að taka þátt í ráðstefnu,
það sé annað mál að fara í fyrir-
lestraferð.
Daily Mail segir að Cherie Blair
hafi undirritað samning við umboðs-
skrifstofuna Harry Walker, sem hafi
umboð fyrir marga fræga ræðu-
menn, t.d. Bill Clinton, Henry Kiss-
inger, Bono, söngvara U2 og leik-
konuna Lauren Bacall.
Umboðsskrifstofan taki það fram
við viðskiptavini sína að hún sé ekki
„seld“ sem reyndur
mannréttindalögfræðingur, heldur
sem eiginkona breska forsætisráð-
herrans. Viðmælendur blaðsins telja
að frú Blair geti fengið um 50.000
pund, eða um 6,5 milljónir króna fyr-
ir hvern fyrirlestur og allt að 3,9
milljónir fyrir fyrirlestra í háskólum.
Fær málamyndagreiðslu
fyrir að heimsækja Ísland
Cherie Blair
„ÞAÐ er alltaf gaman að byrja á
haustin í sjálfu sér. Ef maður er
kennari á annað borð hefur maður
einstakan áhuga á að hitta börnin.
En það er ekki gaman að hugsa til
þess að hér verði bara lok, lok og læs
strax í september,“ segir Bryndís
Rut Stefánsdóttir, umsjónarkennari
á yngsta stigi í Álftamýrarskóla.
Morgunblaðið settist í gær niður
með kennurum við skólann sem voru
í óðaönn við að undirbúa næsta
skólaár, sem hefst á mánudag.
Innt eftir því hvort kennararnir
telji líklegt að til verkfalls muni
koma segir Ingibjörg Valdimars-
dóttir, trúnaðarmaður kennara í
Álftamýrarskóla og kennari í textíl-
mennt, að nú virðist allt standa fast.
„Við verðum að vona það besta. Við
stöndum saman og vonumst til að fá
það besta út úr því sem hægt er,“
segir hún.
Samþykktu verkfall
20. september
Kennarar hafa samþykkt í at-
kvæðagreiðslu að boða til verkfalls
þann 20. september næstkomandi, ef
samningar verða ekki enn í höfn.
Þórhallur Runólfsson íslenskukenn-
ari segir að undirbúningur skóla-
starfsins sé í fullum krafti og kenn-
arar hafi satt best að segja ekki haft
tíma til að ræða kjaradeiluna mikið
eða hugsanlegt verkfall. „Við undir-
búum skólaárið eins og venjulega og
vinnum með því hugarfari,“ segir
Ingibjörg.
Aðspurð hvað þau vilji að lögð
verði áhersla á í samningagerðinni
núna, nefna þau hækkun grunnlauna
og lækkun kennsluskyldu. „Við sem
kennum verklegar greinar vorum
mjög óánægð eftir síðustu samninga.
Við erum með lægri laun en þeir sem
hafa umsjón með bekk. Við höfum
gífurlega marga bekki og í skóla af
þessari stærðargráðu hafa sér-
greinakennarar í flestum tilvikum
umsjón með öllum nemendum í sér-
greininni. Við erum mjög óánægð
með að það skuli ekki nefnt og við
vonumst til að fá einhverja leiðrétt-
ingu. Við höfum umsjón með stofu
og tækjum, vélum og efni. Einnig
sjáum við um innkaup og berum
peningalega ábyrgð á þeim. Við er-
um mjög óánægð með að það skuli
ekki tekið með,“ segir Ingibjörg,
sem er kennari í textílmennt eins og
fyrr segir, sem áður var kallað hand-
mennt.
Binda mikla vonir við
samningagerðina
Síðast var samið um kjör kennara
árið 2001. „Sá samningur kemur bet-
ur út fyrir okkur eldra liðið, ég held
að það sé enginn vafi,“ segir Þórhall-
ur um reynsluna af þeim samningi.
„Jú, þetta var örlítil kjarabót fyrir
mig,“ segir Bryndís Rut. „Ég bind
miklar vonir við að hagur minn
vænkist núna. Ég held að það horfi
upp á það að þetta verði stórmál aft-
ur,“ segir hún.
Árið 2001 var samið um að skóla-
stjórar fengju aukið svigrúm til að
stýra vinnu kennara, eða 9,14
klukkutíma á viku í stað 3 klukku-
tíma áður. Ágreiningur hefur verið
um túlkun þessa atriðis.
„Það er mjög erfitt fyrir okkur
kennara að það virðist eins og yfir-
menn sveitarfélaganna og forsvars-
menn kennara túlki það ákvæði ekki
á sama hátt. Útkoman hefur verið sú
að þeir sem greiða launin eru ofan á.
Við erum að vonum mjög óhress með
það að þetta skuli ekki vera túlkað á
sama hátt. Það er eitt af áherslu-
atriðum hjá okkur núna að þetta
verði leiðrétt, það verði hreinar línur
og komi einhver leiðrétting á þessari
vinnutímaskyldu,“ segir Ingibjörg.
Misjafnir möguleikar
á aukavinnu
Samninganefnd kennara hefur
sett fram kröfu um að grunnlaun
fyrir byrjendur verði 250 þúsund
krónur á samningstímanum.
Innt eftir því hvort kennarar hafi
möguleika á aukavinnu og viðbótar-
greiðslum við grunnlaunin segja
kennararnir að það sé mjög mismun-
andi eftir skólum. Í sumum skólum
bjóðist engin aukavinna.
Bryndís segir einsetninguna hafa
skilað kennurum betri vinnuaðstöðu.
„Nú er ég bara í minni stofu og ég
deili henni ekki með neinum öðrum.
Við fengum tölvur inn í hverja stofu
og síma. Allt þetta er bót líka,“ segir
hún. Einnig hafi það verið gott sem
kennarar náðu í síðustu samningum
að nú er tekið tillit til fjölda nemenda
í bekk og einnig þess ef kennarar
hafi mjög erfiða nemendur.
Öll eru þau sammála um það að
kennarastarfið sé skemmtilegt, lif-
andi og gefandi starf. Því fylgi þó
einnig mikil ábyrgð og það geti verið
mjög krefjandi. „Það getur tekið úr
manni allar nóturnar,“ segir Þórhall-
ur. Ingibjörg segir að stundum geti
kennarar verið algjörlega undnir
andlega að loknum vinnudegi.
Grunnskólakennarar í óðaönn að undirbúa næsta skólaár og vonast eftir góðum samningum
„Undirbúum
skólaárið eins
og venjulega“
Morgunblaðið/ÞÖK
Nokkrir kennarar í Álftamýrarskóla undirbúa veturinn og ræða stöðuna í samningamálunum. Frá hægri: Þórhall-
ur Runólfsson, Bryndís Rut Stefánsdóttir, Ingibjörg Valdimarsdóttir og Guðrún Jóna Valgeirsdóttir.
TVEIR sjónvarpsmenn frá danska
hernum, Lars Bøgh Vinther og
Jeppe Wahlstrøm, hafa verið á Ís-
landi undanfarna daga við tökur á
heimildamynd um heri á Norður-
löndunum, samkvæmt upplýsingum
frá Landhelgisgæslunni.
Sjónvarpsmennirnir ræddu m.a.
við sprengjusérfræðinga Gæslunn-
ar, þá Jónas Þorvaldsson og Adrian
King, sem störfuðu um tíma í Írak
fyrir Íslensku friðargæsluna.
Einnig heimsóttu þeir m.a. Land-
helgisgæsluna, Varnarliðið á Kefla-
víkurflugvelli, dómsmálaráðuneytið
og utanríkisráðuneytið.
Sjónvarpsmennirnir yfirgáfu svo
landið í fyrradag. Áformað er að
sýna heimildamyndina, sem verður í
fjórum þáttum, á Discovery Chann-
el, í september til desember.
Vinna að mynd
um heri á
Norðurlöndum