Morgunblaðið - 05.09.2004, Side 56

56 SUNNUDAGUR 5. SEPTEMBER 2004 MORGUNBLAÐIÐ
NÆSLAND, nýjasta kvikmynd
Friðriks Þórs Friðrikssonar, er
komin í fjörutíu mynda forval vegna
væntanlegra tilnefninga til evrópsku
kvikmyndaverðlaunanna. Verðlaun-
in verða afhent í Barcelona hinn 11.
desember. Myndin verður frumsýnd
hér á landi í október en var annars
frumsýnd á hinni virtu kvik-
myndahátíð í Karlovy Vary fyrr á
árinu við góðar undirtektir.
Með helstu hlutverk í Næsland,
eða Niceland eins og hún heitir á
ensku, fara Martin Compston (Sex-
tán, Hálandahöfðinginn) og Gary
Lewis (Gengin í New York, Billy
Elliot). Höfundur handrits er Huld-
ar Breiðfjörð en Mugison semur tón-
listina. Framleiðendur eru Skúli
Malmquist og Þórir Snær Sig-
urjónsson fyrir Zik Zak kvik-
myndagerð.
Ljósmynd/Friðrik Örn Hjaltested
Martin Compston (til hægri) átti leiksigur í myndinni Sextán.
Næsland og evrópsku
kvikmyndaverðlaunin
DROTTNINGIN Gena Rowlands er
orðin gömul. Það er af sem áður var
þegar glæsileg konan lék átakanlega í
nýjungagjörnum og kröfuhörðum
kvikmyndum eiginmannsins heitins
John Cassavetes. Seinustu ár hefur
hún verið að leika í bandarískum
sjónvarpsmyndum og miðlungs-
góðum melódrömum.
Nú er það mynd eftir son hennar
Nick, leikstjóra sem ekki hefur skap-
að sér persónulegan stíl og hefur enn
ekki tekist að koma frá sér mjög
góðri mynd, þótt She’s So Lovely frá
1997 hafi verið áhugaverð. Hér
myndar hann bók Nicholas Sparks,
bandarísks metsöluhöfundar. Og út-
koman er ofurrómantísk og sæt ást-
arsaga sem virkar áreiðanlega vel á
aðdáendur þannig mynda, en reynist
líklega erfiðara að banka upp á hjá
meira harðbrjósta bíóunnendum.
Hún er aðeins of löng, ryþminn
gloppóttur, aðeins of grátklökk og há-
punkturinn á reiki. Hefði orðið fín-
asta sjónvarpsmynd.
En því miður leikur Gena ekki
nógu vel og hennar hluti mynd-
arinnar gengur eiginlega ekki upp.
En Cassavetes hefur fengið til liðs við
sig fullt af fínum leikurum og standa
ungu leikararnir sig best. Þau Ryan
Gosling og Rachel McAdams eru sér-
staklega sannfærandi í hlutverkum
sínum sem ungu elskendurnir sem
ekki fá að unnast vegna stéttamis-
munar, en hreinlega geta ekki ekki
haldið sig hvort frá öðru. Ef maður
leyfir þeim að smeygja sér inn fyrir
hjá sér óskar maður einskis heitar
alla myndina en að þau endi saman og
lifi hamingjusöm til æviloka.
Fínasta mynd fyrir unnendur ást-
armelódrama – þolanleg fyrir aðra.
Eldheit ástarsaga
KVIKMYNDIR
Smárabíó, Regnboginn
og Borgarbíó
Leikstjórn: Nick Cassavetes. Aðal-
hlutverk: Ryan Gosling, Rachel McAd-
ams, James Garner, Gena Rowlands,
Sam Shepard og Joan Allen. BNA. 115
mín. Warner Bros. 2004.
Minnisbókin (The Notebook)

Hildur Loftsdóttir
Tilvalin mynd fyrir unnendur ást-
armynda. Ryan Gosling og Rachel
McAdams í hlutverkum sínum.
DRAUMUR margra ungmeyja ræt-
ist í þessari mynd, þegar venjuleg al-
þýðustúlka verður skotin í dönskum
skiptinema sem síðan reynist prins-
inn af Danmörku. Það er Julia Stiles
sem leikur læknanema með mjög
einbeitt framtíðaráform sem ekkert
má koma í veg fyrir, en hnikar þeim
smávegis fyrir ástina.
Eins og lesendur geta ímyndað
sér er hér um að ræða sögu sem
sögð hefur verið oft og mörgum
sinnum, og í þetta skiptið er hún því
miður bæði fyrirsjáanleg og ófrum-
leg. Einnig oft á tíðum ansi klaufa-
leg, ósannfærandi og ósamræmis
gætir víða í framvindunni. Margir
áhorfendur eru þó tilbúnir til að líta
framhjá þessum göllum svo lengi
sem þeir fá sín rómantísku og gam-
ansömu atriði. Eitthvað er þó fátt
um góða drætti í þeim málum, en að-
alleikararnir standa sig vel, eru
býsna sannfærandi og „kemestrían“
þeirra á milli ætti að duga sumum.
Það er ekki laust við að myndinni
takist „óvart“ og á sakleysislegan
máta að lýsa þeirri dílemmu sem líf
kóngafólksins getur verið og það
kom skemmtilega á óvart. Einnig að
þótt stelpan gefist full fljótt upp á
prinsessuævintýrinu, þá má hún
eiga það að hún gefur ekki drauma
sína og framtíðaráform upp á bátinn
fyrir framtíð kærastans – jafnvel
þótt hann sé prins – hún er jafn mik-
ilvæg og hann og það eru fín skila-
boð til þess hóps sem hópast mun á
myndina.
Undir meðallagi góð unglingaást-
armynd sem mun þó heilla takmark-
aðan áhorfendahóp.
Ungmey í úlfakreppu
KVIKMYNDIR
Kringlubíó
Leikstjórn: Martha Coolidge. Aðal-
hlutverk: Julia Stiles, Luke Mably, Ben
Miller, Miranda Richardson og James
Fox. BNA 111 mín. Paramount Pics
2004.
Prinsinn og ég (The Prince and Me)

Hildur Loftsdóttir
1000 kr. afsláttur af Allsherjarpassa fyrir viðskiptavini Landsbankans
4 DAGAR EFTIR!
COFFEE & CIGARETTES
„Nálgast það besta sem komið hefur frá þessum
mergjaða furðufugli sem jafnan fer ótroðnar slóðir sem
kollegar hans eru að reyna að feta út um allar jarðir.”
– Sæbjörn Valdimarsson, Morgunblaðið
cccc
–MBL.
CAPTURING THE FRIEDMANS
„Vægast sagt einstök heimildarmynd og því glæpur
að láta hana framhjá sér fara.”
– Einar Árnason, Fréttablaðið
SPELLBOUND
„Óborganlega fyndin. Ótrúlega góð.“
– Ómar Örn Hauksson, DV.
cccc
–MBL.
cccc
– DV