Morgunblaðið - 17.10.2004, Qupperneq 35

NÝR konungur hefur verið
valinn í Kambódíu. Hann
heitir Norodom Sihamoni.
Kambódía er land í Asíu
ekki mjög langt frá Kína. Það
er næstum því tvisvar
sinnum stærra en Ísland. Þar
búa hins vegar miklu fleiri
eða um 14 milljónir manna.
Sihamoni var valinn
konungur á fimmtudag. Það
var níu manna hópur sem
valdi hann. Hann tekur við
konung-dæminu af föður
sínum. Pabbi hans heitir
Norodom Sihanouk. Hann
var kóngur í Kambódíu í
meira en 50 ár. Hann sagði
af sér konung-dómi í síðustu
viku.
Nýr konungur í Kambódíu
Reuters
Norodom Sihamoni, nýr konungur Kambódíu, heilsar hér
þingmönnum í höfuðborginni Phnom Penh.
Nýi kóngurinn er 51 árs
gamall. Hann hefur ekki
mikla reynslu. Hann hefur
einu sinni verið sendi-herra.
Annars er hann þekktastur
fyrir að hafa verið
ballett-dansari. Sagt er að
hann hafi ekki verið spenntur
fyrir að verða kóngur. Hann
hafi engan áhuga á
stjórn-málum. Þess í stað
hefur hann miklu meiri áhuga
á dansi, tónlist og
kvik-myndum.
MORGUNBLAÐIÐ SUNDAY 17. OCTOBER 2004 35
AUÐLESIÐ EFNI
BANDARÍSKI leikarinn
Christopher Reeve er látinn.
Hann var 52 ára gamall.
Reeve var þekktastur fyrir
að hafa leikið ofur-mennið
Súperman í vinsælum
bíómyndum. Hann var einnig
tals-maður fyrir rannsóknir á
sviði mænu-sköddunar.
Sjálfur hlaut Reeve
alvarlegan mænu-skaða og
lamaðist fyrir neðan háls
þegar hann féll af hestbaki
og hálsbrotnaði 1995.
Lengi var talið að Reeve
gæti ekki unnið framar, en
þremur árum eftir slysið var
hann farinn að leika á ný.
Reeve lést af völdum
hjarta-truflana. Hann skilur
eftir sig eiginkonuna Dönu og
þrjú börn.
Reuters
Leikarinn Christopher Reeve
ásamt eigin-konu sinni
Dönu. Hann lést í vikunni.
Súperman-
leikarinn
látinn
ÍSLENSKA landsliðið í
knatt-spyrnu tapaði, 1:4, fyrir
Svíum. Leikurinn var liður í
undan-keppni heims-
meistara-mótsins í
knatt-spyrnu. En þjóðirnar
áttust við á Laugardals-velli á
miðvikudaginn.
Svíar voru mun sterkari í
leiknum og skoruðu öll sín
mörk í fyrri hálfleik. Eiður
Smári Guðjohnsen klóraði í
bakkann fyrir íslenska liðið
með laglegu marki í síðari
hálf-leik. Um síðustu helgi
gerði íslenska lands-liðið
jafntefli við Möltu í sömu
keppni ytra. Hefur liðið þar
með aðeins fengið eitt stig í
fjórum fyrstu leikjunum i
keppninni. Svíar eru hins
vegar efstir í riðlinum með 10
stig.
Eftir þessi úrslit hafa
leikmenn íslenska
lands-liðsins og
landsliðs-þjálfararnir Ásgeir
Sigurvinsson og Logi
Ólafsson, hlotið harða
gagnrýni fyrir slaka
fram-göngu. Næsti leikur
lands-liðsins verður gegn liði
Króata. Fer sá leikur fram í
Króatíu í lok mars á næsta ári.
Íslenska ungmenna--
landsliðinu hefur vegnað
heldur betur í keppninni. Lagði
liðið Svía, 3:1, á
Grindavíkur-velli á þriðjudag.
Hannes Þ. Sigurðsson
skoraði öll mörk Íslands.
Hefur hann þar með gert sex
mörk í keppninni. Hann
skoraði einnig þrennu í
sigur-leik gegn Búlgörum fyrr í
haust. Ungmenna-landsliðið
tapaði hins vegar, 1:0, fyrir
Möltu og hefur unnið tvo leiki
en tapað tveimur.
Morgunblaðið/Golli
Íslendingar töpuðu fyrir Svíum á Laugardals-velli.
Tap og sigur í
undankeppni HM
RÍKIS-STJÓRNIN lofar að láta
heyrnar-lausa fá meiri
peninga til að borga fyrir
túlka-þjónustu.
Þorgerður K.
Gunnarsdóttir mennta-
mála-ráðherra sagði á Alþingi
að vonandi gætu
heyrnar-lausir núna fengið
hjálp táknmáls-túlka í
daglegu lífi.
Margir þingmenn héldu
ræður og sögðust vera
ánægðir með þetta.
Hafdís Gísladóttir, fram-
kvæmda-stjóri Félags
heyrnarlausra, sagði líka að
þetta væru mjög góðar fréttir.
„Þetta er mjög mikilvægt
skref í réttinda-baráttu
heyrnar-lausra,“ sagði hún.
Halldór Blöndal, forseti
Alþingis, ætlar að athuga
hvað það kostar að túlka
umræður á Alþingi fyrir
heyrnar-lausa.
Á Íslandi eru 250 til 300
heyrnarlausir. Táknmál er
móðurmál þeirra.
Morgunblaðið/Sverrir
Túlkað fyrir heyrnar-lausa sem fylgdust með umræðum á
Alþingi í vikunni. Auka á fjár-framlög til túlka-þjónustu.
Heyrnar-
lausir fá
túlka í
daglegu lífi
Vænlegar eldistegundir
í íslensku fiskeldi:
Staða einstakra eldistegunda og þörf á rannsókna- og þróunarvinnu
Ráðstefna haldin af Fiskeldishópi AVS og Landssambandi fiskeldisstöðva,
Hótel Loftleiðum 22. október 2004, frá kl. 9–18.
Markmið með ráðstefnunni er að gefa yfirlit yfir stöðu einstakra eldistegunda, meta samkeppnis-
hæfni í alþjóðlegu samhengi og koma með tillögur að mikilvægum rannsókna- og þróunarverkefnum.
Dagskrá
· Ávarp sjávarútvegsráðherra.
· Yfirlit yfir fiskeldi og fundarsköp, Guðbrandur Sigurðsson, Fiskeldishópur AVS.
· Laxeldi, Jón Kjartan Jónsson, Samherji hf.
· Bleikju- og regnbogasilungseldi, Jónatan Þórðarson, Silungur hf.
· Þorskeldi, Kristján G. Jóakimsson, Hraðfrystihúsið - Gunnvör hf.
· Lúðueldi, Arnar Jónsson, Fiskey ehf.
· Hlýraeldi, Sindri Sigurðsson, Hlýri ehf.
· Sandhverfueldi, Benedikt Kristjánsson, Silfurstjarnan hf.
· Ýsueldi, Óttar Már Ingvason, Brim fiskeldi ehf.
· Eldi á sæeyra, Þorsteinn Magnússon, Sæbýli hf.
· Ræktun kræklings, Magnús Gehringer, Samtök íslenskra kræklingaræktenda.
· Aðrar eldistegundir, Valdimar Ingi Gunnarsson, Fiskeldishópur AVS.
· Samantekt, Finnbogi Jónsson, Landssamband fiskeldisstöðva og Fiskeldishópur AVS.
Þátttökugjald er kr. 7.000 og nánari upplýsingar um ráðstefnuna og skráningu er að finna á
heimasíðu Landssambands fiskeldisstöðva (www.lf.is) og Fiskeldishóps AVS (www.fiskeldi.is).