Morgunblaðið - 17.10.2004, Blaðsíða 37
MORGUNBLAÐIÐ SUNDAY 17. OCTOBER 2004 37
MINNINGAR
✝ Hákon Sveinssonfæddist á Hofs-
stöðum í Reykhóla-
sveit 11. nóvember
1924. Hann lést á
sjúkrahúsinu á Akra-
nesi 20. september
síðastliðinn. Foreldr-
ar hans voru Sveinn
Sæmundsson og
Sesselja Oddmunds-
dóttir. Systkini Há-
kons eru Bjarnveig
Þorgerður, Ragnar
Trausti, Jón, Hall-
grímur, Guðrún, Sig-
ríður Ingibjörg, El-
ísabet, Guðmundur og Arndís,
þau eru öll látin nema Guðmund-
ur.
Hákon var í sambúð með Ólínu
Sæmundsdóttur, f. 4.
maí 1926. Sonur
þeirra er Hrafn Þór-
ir, f. 17. október
1953, kvændur Snjó-
laugu Soffíu Óskars-
dóttur, f. 10. október
1954. Börn þeirra
eru Emil Þór Jóns-
son, f. 16. nóv. 1976,
Atli Sigmar Hrafns-
son, f. 9. maí 1977,
Hrafnhildur Soffía
Hrafnsdóttir, f. 15.
jan. 1981 og Hákon
Ólafur Hrafnsson, f.
25. mars 1987, barna-
barn Hákons er Hugi Hrafn
Blandon, f. 18. júlí 2004.
Útför Hákons var gerð frá
Borgarneskirkju 20. september.
Elsku afi minn.
Mikið ofboðslega er skrítið að þú
sért látinn. Það eru ekki nema í mesta
lagi tvö sumur síðan að ég var að fara
frá þér, keyrandi á mótorhjólinu
mínu, að mér varð hugsað til þín, og
var hugsun mín sú hve heppinn ég
væri að eiga afa, afa sem væri svona
hress og ætti án efa mörg ár eftir. En
allt er í heiminum hverfult og sjáum
við sem stöndum næst þeim sem
veikjast hve fljótt í raun hlutirnir ger-
ast þó svo að við vildum það alls ekki.
En elsku afi minn, ég veit að þú
myndir ekki vilja að ég væri að gera
mikið úr slæmu hlutunum, því ætla ég
að minnast góðu tímanna okkar í
nokkrum línum.
Ég veit af því að þegar ég var ung-
barn komst þú oft og iðulega til
mömmu minnar að skoða litla strák-
inn þinn.
Ég man þegar þú komst til mín og
mömmu í Grundargerði 15 með
súkkulaðirúsínur og majónes- eða
skyrdollu með klinki í, sem þú hafðir
safnað og sett í öskubakkann heima
hjá þér.
Ég man eftir ferðum okkar upp í
Borgarnes saman, þar sem ávallt var
stoppað í Botnsskálanum í Hvalfirði
og keyptur harðfiskur og kók í gleri.
Ég man eftir því þegar þú leyfðir
mér að stýra bílnum þínum, svo síðar
var ég orðinn nógu stór til að sjá yfir
stýrið sjálfur, og gat þá keyrt sjálfur,
með þig við hlið mér.
Ég man þegar ég var orðinn nógu
stór til að hjóla til þín sjálfur einn
míns liðs, og verður mér það ávallt í
fersku minni, þegar ég kom fyrst hve
ánægður þú varst að sjá mig.
Ég man eftir tímum okkar öllum í
bílskúrnum þínum þar sem öllum
vandamálum var snarlega kippt í lið-
inn með þinni ótrúlegu útsjónarsemi.
Og þóttist ég vera rosalega klár og
var afar stoltur um leið af afa mínum
og ætlaði sko að verða jafnklár og afi
minn einhvern tíma.
Ég man þegar þú tókst mig svo oft
með þér í Múlakaffi og ég fékk að fá
mér stóra kleinu og kókómjólk.
Ég man þegar ég var orðinn víðför-
ull hjólagarpur, um tíu ára aldur, og
var farinn að hjóla alla leið í vinnuna
til þín í KK blikki í Kópavoginum, þar
fannst mér þú alltaf vera aðalmaður-
inn á staðnum.
Ég man þegar ég fékk fyrstu skelli-
nöðruna mína og ljósin á henni voru
óvirk, þá var ég viss um hvert ég
skyldi leita.
Ég man þegar ég fékk fyrsta bílinn
minn og allar ráðleggingarnar sem þú
gafst mér um bílaeign og rekstur
þeirra.
Ég man þegar ég var að hefja sjó-
mennsku mína og nám mitt í Stýri-
mannaskólanum, hve stoltur þú varst
og áhugasamur um hvað ég var að að-
hafast.
Svo í lokin, þó að ég gæti eflaust
talið upp minningar um þig endalaust,
man ég núna í seinni tíð tal okkar um
hross og hrossarækt sem var okkur
báðum mikið áhugamál.
Elsku afi minn, ég þakka þér fyrir
allar samverustundir okkar og allt
sem ég hef lært af þér. Ég og mamma
munum alltaf hugsa til þín, elsku karl-
inn minn.
Vertu blessaður í Guðs nafni og
vonandi sjáumst við aftur síðar.
Þinn
Atli Hrafnsson.
Látinn er vinur minn og vinnu-
félagi til margra ára, Hákon Sveins-
son. Í gegnum tíðina höfum við unnið
saman á mörgum stöðum og ætíð ver-
ið vel til vina. Þegar svo bar undir, að
ég þurfti að sinna verkefnum út á
landi, kom hann alltaf fyrstur upp í
hugann. Hákon var úrræðagóður með
afbrigðum og einstakt snyrtimenni í
umgengni. Honum voru átthagarnir
einkar kærir og þó búsettur væri á
öðrum stöðum, var hugur hans ætíð
við sveitina í kringum Breiðafjörð.
Þú færð aldrei sigrað þinn fæðingarhrepp
stjúpmóðurauga hans vakir yfir þér alla tíð.
Með meinfýsnum skilningi tekur hann
ósigrum
þínum, afrekum þínum með sjálfsögðu stolti.
Hann ann þér á sinn hátt, en ok hans hvílir á
herðum þér.
(Jón úr Vör.)
Þrátt fyrir að Hákon hafi verið
töluvert eldri en ég kallaði hann mig
alltaf fóstra og þá sjaldan sem okkur
varð sundurorða, þá þögðum við bara
hálfan dag.
Á leið minni í gegnum Borganes,
þar sem Hákon bjó síðustu ár, hef ég
ævinlega staldrað við í Hyrnunni og
svipast um eftir honum. Þar hittumst
við síðast og tókum tal saman. Þá
kvaddi ég minn góða vin og kveð hann
nú í síðasta sinn með þakklæti í huga.
Í framtíðinni, þegar leið mín liggur
þar í gegn, mun ég ætíð staldra við,
líta yfir salinn í Hyrnunni og kasta á
heiðursmanninn Hákon Sveinsson
kveðju í huganum. Far vel, vinur kær.
Fjölskyldu og ástvinum sendi ég inni-
legar samúðarkveðjur.
Hermann Ragnarsson.
Elsku Konni.
Mig langar að kveðja þig með
nokkrum orðum, og segja þér hversu
merkilegur mér fannst þú alltaf. Það
fyrsta sem kemur upp í hugann þegar
ég hugsa til þín er þetta sérstaka
stríðnisglott sem maður sá svo oft í
svipnum á þér og ömmu, og smitaði
mann svo auðveldlega að það var ekki
annað hægt en að hlæja með ykkur.
Mér fannst mjög sérstakt að þið
amma væruð tvíburar, svona eins og
maður ætti svolítið meira í þér, enda
varstu duglegur að kíkja til okkar.
Mér fannst alltaf mjög gaman þegar
þú komst vestur, hvort sem þú varst
út á Álftavatni eða heima. Þú varst
alltaf til í að fíflast með manni og sást
hlutina í svo skemmtilegu ljósi, það
var eiginlega alveg ómögulegt að vera
ekki kát í kring um þig.
Takk fyrir alla gæðingana sem þú
lánaðir okkur. Það eru ekki allir það
heppnir að eiga svona örlátan frænda,
held að Ósk komi alltaf til með að vera
uppáhalds hesturinn minn.
Ég á eina meri undan henni núna
og er að vinna í því að eignast fleiri.
Takk, elsku Konni, fyrir að hafa
verið jafn frábær og þú varst. Það eru
forréttindi að hafa átt frænda eins og
þig. Ég veit að þú átt eftir að gleðja
marga þar sem þú ert núna. Elsku
frændi, hafðu það sem allra best.
Viltu svo smella einum á hana
ömmu frá mér.
Deyr fé,
deyja frændur,
deyr sjálfur ið sama;
en orðstír
deyr aldregi,
hveim er sér góðan getur.
(Úr Hávamálum.)
Þín frænka
Hlédís Sveinsdóttir.
HÁKON
SVEINSSON
ÚTFARARSTOFA
HAFNARFJARÐAR
Flatahrauni 5A, sími 565 5892
ÚTFARARSTOFA ÍSLANDS
Símar 581 3300 - 896 8242
Allan sólarhringinn - Áratuga reynsla
Suðurhlíð 35 — Fossvogi — www.utforin.is
Sverrir Olsen,
útfararstjóri.
Sverrir Einarsson,
útfararstjóri.
Kistur - Krossar
Prestur - Kirkja
Kistulagning
Blóm - Fáni
Val á sálmum
Tónlistarfólk
Sálmaskrá
Tilk. í fjölmiðla
Erfisdrykkja
Gestabók
Legstaður
Flutningur kistu á
Komum heim til aðstandenda ef óskað er
Bryndís Valbjarnardóttir,
útfararstjóri.
milli landa og
landshluta
Landsbyggðar-
þjónusta
Baldur Frederiksen,
útfararstjóri.
Guðmundur Þór
Gíslason,
útfararstjóri.
Ástkær faðir minn, afi okkar og langafi,
ÁRNI SVEINSSON
fyrrverandi útibússtjóri
Landsbanka Íslands,
Starengi 10,
Reykjavík,
verður jarðsunginn frá Grafarvogskrikju
mánudaginn 18. október kl. 13.30.
Ólafur Árnason,
Ingi Þór Ólafsson,
Ásta Ólafsdóttir,
Victor Pétur Ólafsson,
Árni Ólafsson,
Íris Elísabet Ólafsdóttir,
Elvar Ingason,
Erla Rós Bjarkadóttir,
Þórarinn Ólafur Ingason.
Ástkær eiginmaður minn, faðir okkar, tengda-
faðir, afi og langafi,
ODDUR JAKOB BJARNASON,
Engjavegi 20,
Ísafirði,
lést á Landspítalanum við Hringbraut laugar-
daginn 9. október.
Útförin fer fram frá Ísafjarðarkirkju laugar-
daginn 23. október kl. 14.00.
Ingibjörg Jónsdóttir,
Helga Oddsdóttir,
Jón B. Oddsson, G. Valdís Ólafsdóttir,
Guðrún Oddsdóttir, Hörður Þór Ástþórsson,
Oddný Kristín Oddsdóttir, Hákon Þorleifsson,
Viðar Ingi Oddsson, Björg Leósdóttir,
barnabörn og barnabarnabörn.
Mín elskulega eiginkona, móðir okkar, tengda-
móðir, amma og langamma,
ÁSDÍS ARNFINNSDÓTTIR,
Krókahrauni 6,
Hafnarfirði,
verður jarðsungin frá Akraneskirkju miðviku-
daginn 20. október kl. 14.
Þorleifur Finnsson,
Sigurður Arnar Kristjánsson, Ísabella Daníelsdóttir,
Kristján Jens Kristjánsson, Anna Sigríður Jónsdóttir,
Sigríður Sch. Þorleifsdóttir,
tengdabörn, barnabörn
og barnabarnabörn.
Elskulegur faðir minn, tengadafaðir, afi og
langafi,
ÁRNI EINAR GUÐMUNDSSON,
Meðalholti 10,
Reykjavík,
lést á líknardeild Landspítala Landakoti
sunnudaginn 3. október.
Útförin hefur farið fram í kyrrþey að ósk hins
látna.
Sérstakar þakkir til starfsfólks L-5 fyrir kærleiksríka umönnun og hlýju.
Guðrún Gríma Árnadóttir, Bjarni Ólafsson,
barnabörn og barnabarnabörn.
Ástkær eiginmaður minn, faðir okkar, tengda-
faðir, afi og langafi,
GUÐMUNDUR ÓFEIGSSON,
Kirkjusandi 1,
Reykjavík,
verður jarðsunginn frá Dómkirkjunni í Reykja-
vík þriðjudaginn 19. október kl. 13.30.
Kristín Guðmundsdóttir,
Jóhann Guðmundsson, Guðrún Kristinsdóttir,
Helga Guðmundsdóttir Sørdal,
Bjarnfríður Guðmundsdóttir, Guðmundur Ingi Haraldsson,
Ófeigur Guðmundsson, Lilja Friðvinsdóttir,
barnabörn og barnabarnabörn.