Morgunblaðið - 17.10.2004, Blaðsíða 40

40 SUNDAY 17. OCTOBER 2004 MORGUNBLAÐIÐ
Andleg leiðsögn, miðlun, tarot,
draumráðningar og huglækning-
ar. Er við frá 13-1.
Hanna s. 908 6040.
Íslenskir tíkarhvolpar. Prúðar,
kafloðnar systur. Ein er svört/þrí-
lit og hin ljós, RFÍ ættbókarfærð-
ar, til sölu. Uppl. í s. 690 0907 og
894 1152.
Til sölu þrír silkiterrier hvolpar
(2 mánaða). Ættbók.
Verð kr. 150 þús. stk.
Símar 893 9415 og 438 6831.
Járnbúr fyrir hunda með tveimur
hurðum.
DÝRABÆR, Hlíðasmára 9, Kóp.,
sími 553 3062. Opið kl. 13-18
mán.-fös., kl. 11-15 lau.
Hausttilboð - 30%! Full búð af
nýjum vörum fyrir hunda, ketti og
önnur gæludýr. 30% afsláttur af
öllum vörum. Opið mán.-fös.
kl.10-18, lau. 10-16, sun. 12-16.
Tokyo, Hjallahrauni 4,
Hafnarfirði, sími 565 8444.
Handfóðraðir Dísapáfagauks-
ungar til sölu. Er með nokkra
gráa og Lútínó albinóa (hvítir m.
rauð augu). Upplýsingar í s.
586 2151 og 899 8212.
Nýbýlavegi 20, s. 554 5022
Súpa og fjórir réttir.
Verð 1.390 á mann.
Tekið með, verð 1.250.
Heimsendingarþjónusta
Piper Navajo 310B. Til sölu 2ja
hreyfla Piper Navajo. Nýskoðuð
og lítið flogin. Upplýsingar í sím-
um 896 6575/561 1760.
Fæ›ubótarefni ársins 2002
í Finnlandi
Fosfoser Memory
Umboðs- og söluaðili
sími: 551 9239
Í formála bókarinn-
ar um Ásmund
Sveinsson, sem
Helgafell gaf út 1961,
lýsir Halldór Kiljan
Laxness ferðalagi
hans og Stefáns frá
Hvítadal um Dali,
sennilega skömmu
eftir árið 1920: „Túnin
voru fullsprottin
skömmu eftir jóns-
messu; ætli þetta hafi
ekki verið einsog degi
áður en borið er út.
Við stefndum yfir
þveran dal að litlum
bæ hinumegin við á. Miðnætur-
birtan er stundum á þessum tíma
árs tærari en sjálft hádegið. Úr
fjarska sjáum við að út gengur á
bæ þessum einn maður og skygnir
hönd fyrir auga, eftilvill að spá til
veðurs. Honum verður litið til og
sér mannaferðir um bjarta nóttina
og gefur merki í bæinn: annar
maður kemur út; síðan hinn þriðji.
Við riðum yfir ána og heim túnið.
Um það bil við riðum í hlað stóðu
sjö gildir karlar fyrir dyrum úti
og heilsa gestum. Við vorum
komnir að Kolstöðum í Miðdölum
og á hlaðinu stóðu kolstaðafeðgar
sjö.“ Einn af þessum „gildu körl-
um“ í þessari myndríku frásögn
skáldsins er Sigurður Sveinsson,
en hann er 100 ára í dag. Sigurður
er eitt þessara duglegu Kolstaða-
systkina sem voru sjö bræður og
fjórar systur, en á þeim bæ var
handmennt mjög í heiðri höfð eins
og fjölmargir smíða- og listmunir
þeirra systkina bera með sér.
Þrátt fyrir áhuga Sigurðar á
smíðum fór hann til náms í Sam-
vinnuskólann og varð síðar bókari
hjá Skipaútgerð ríkisins. Hann
var góður og nákvæmur skrif-
stofumaður og naut virðingar og
vinsælda hjá yfirboðurum og sam-
starfsmönnum. Samt blundaði í
honum löngun til smíða. En hann
notaði gjarnan þær tómstundir
sem gáfust til smíða. Hann var
hamhleypa til allra verka. Meðal
annars byggði hann að mestu
sjálfur hús þeirra hjóna í Foss-
voginum. Einnig átti hann sér
draum að gerast bóndi á fimm-
tugsaldrinum, en heimilisástæður
komu í veg fyrir að sá draumur
rættist.
Hann hætti störfum hjá Skipa-
útgerðinni strax og hann komst á
eftirlaun, samkvæmt svokallaðri
95 ára reglu, þá liðlega sextugur.
Þá hófst annar áfangi í lífi hans
og sennilega sá sem hann hafði
SIGURÐUR
SVEINSSON
meiri ánægju af. Til
að drýgja tekjurnar
vann hann við bensín-
afgreiðslu um skeið,
en jafnframt tók
hann til við að smíða
listilega gerð hús-
gögn, sem hann
hannaði sjálfur. Hann
var og mikil hjálpar-
hella Hallsteins
myndhöggvara sonar
hans, við að byggja
hús Hallsteins í
Breiðholti, en í hús-
inu er nú íbúð og
vinnustofa Hallsteins.
Hallsteinn hefur sagt mér að
áhugi og vinnugleði Sigurðar hafi
verið slík að hann hafi neyðst til
að semja við hann um að hefja
dagsverk ekki fyrr en hálfátta.
Sigurður er árrisull og vildi byrja
að vinna miklu fyrr. Síðan var
unnið, reyndar með hvíldum, til
klukkan tíu um kvöldið. Þegar
húsasmíðin hófst var Sigurður
kominn á áttræðisaldur.
Þegar Sigurður settist í helgan
stein, þá kominn á níræðisaldur,
fór hann að vefa svokallaðar flétti-
myndir úr plastrenningum.
Mynstrið í þessum myndum er
óhlutbundið. Myndirnar hafa vak-
ið nokkra athygli og sýna vel list-
ræna hæfileika Sigurðar.
Sigurður er tónlistarunnandi og
spilar ágætlega á orgel. Eitt sinn
bauð hann mér með sér á sinfón-
íutónleika, sem þá voru haldnir í
Þjóðleikhúsinu. Mér er það minn-
isstætt, þegar við gengum í sal-
inn, þá iðaði hann í skinninu af til-
hlökkun.
Það var ákaflega notalegt að
heimsækja þau Þóru konu hans í
Fossvoginn eða Skaftahlíðina.
Þóra var einstaklega hlý kona og
hafði sérlega skemmtilega frá-
sagnargáfu. Hún andaðist í des-
ember 1993.
Sigurður er ákaflega hjálpsam-
ur maður. Hann var mér mjög
hjálplegur það ár sem ég var er-
lendis með bréfaskriftir varðandi
skólavist og gjaldeyrismál. Mér er
kunnugt um að hann aðstoðaði
fleiri systkini mín með þessi mál.
Að fá gjaldeyrisyfirfærslur var
ekki einfalt mál á þessum tíma, en
Sigurður gat komið þessum mál-
um í lag með lagni. Þó seint sé er
honum nú enn þakkað fyrir hjálp-
ina.
Við hjónin sendum honum góð-
ar óskir á þessum tímamótum og
þökkum honum fyrir samfylgdina.
Ólafur Jóhannesson.
ALDARAFMÆLI
ÞAÐ styttist í aðalfund Stanga-
veiðifélags Reykjavíkur. Formað-
ur SVFR, Bjarni Ómar Ragn-
arsson, hefur lýst yfir að hann
gefi ekki kost á sér til endur-
kjörs og nú hefur það gerst í
fyrsta skipti í 34 ár, að tveir hafa
lýst yfir framboði. Síðast var
kosið til formanns árið 1970.
Þeir sem hafa boðið sig fram
eru Bjarni Júlíusson og Ari Þórð-
arson, en báðir hafa lengi verið
viðloðandi innsta hring SVFR.
Bjarni á að baki átta ára farsæla
stjórnarsetu sem lauk fyrir fáum
árum og Ari hefur leitt fræðslu-
nefnd félagsins síðustu ár. Berg-
ur Steingrímsson, fram-
kvæmdastjóri SVFR, sagði í
samtali við Morgunblaðið að
þetta væru sannarlega tíðindi hjá
félaginu því síðast hefði verið
kosið um formann árið 1970. „Þá
tókust á þeir Axel Aspelund og
Stefán Jónsson. Á aðalfundinn
mættu 236 manns og féllu at-
kvæði þannig að Axel hlaut kosn-
ingu með 165 atkvæði, en Stefán
hlaut 65 atkvæði, fimm seðlar
voru auðir og einn ógildur,“
sagði Bergur.
Gott á grillið
Nú fer í hönd sá tími sem mik-
ilvægt er að veiðimenn nýti þann
afla sem þeir tóku með sér heim
af bökkum vatnanna á nýlokinni
vertíð. Fátt er leiðinlegra fyrir
veiðimann en að rekast á gömul
laxfiskalík í frystikistunni á vor-
in er byrjað er að raða þar nýj-
um afla. Þar sem það færist í
vöxt að menn standi við útigrillin
langt fram á haust og jafnvel
veturinn á enda ekki síður en á
sumrin var Ingvar Sigurðsson,
matreiðslumeistari á Argentínu
steikhúsi, fenginn til að miðla
góðri, einfaldri og umfram allt
gómsætri uppskrift að grilluðum
laxi.
Hann segir: „Hér er ein sem er
ofboðslega einföld og heitir heil-
grilluð laxaflök með sítrónu og
dilli.
Uppskriftin
Tvö laxaflök, um það bil 700
grömm stykkið, sem sagt fremur
lítil. Þau eru ekki roðflett, held-
ur er hreistrið hreinsað af með
því að skafa á móti frá sporði og
fram úr. Þetta er gert því að
roðið er borðað eins og hvert
annað meðlæti í þessari upp-
skrift. Flökin eru og bein-
hreinsuð og yfir þau er stráð
grófu sjávarsalti. Magnið er um
það bil tvær matskeiðar á hvort
flak. Þá er ferskt dill grófsaxað
og stráð yfir annað flakið. Mik-
ilvægt er að dillið sé ferskt. Þá
er tekin ein sítróna og skorin í 8
til 10 sneiðar sem lagðar eru yfir
sama flak, hinu flakinu síðan
hvolft yfir.
Þessi samloka er sett í klemmu
og er roðið penslað með olífuolíu
og dálitlu salti stráð yfir.
Klemman með flökunum er
síðan sett á heitt grill, hitinn á
rétt rúmlega hálfri keyrslu og
snúið tvisvar til þrisvar á meðan
laxinn grillast. Gott er að loka
grillinu á milli til að keyra upp
hita, en opna annað slagið til að
hleypa reyk út. Roðið á að verða
dökkt og stökkt, en ekki brennt.
Eftir 15 til 20 mínútur á laxinn
að vera tilbúinn.
Meðlætið …
Lax kallar alltaf á soðnar kart-
öflur og enn eru þær nógu nýjar
til að hægt sé að borða þær með
hýðinu. Gott er líka að hafa tóm-
atsalat með þessum rétti og
kalda sósu. Salatið byggist á
ferskum tómötum, vel rauðum,
fersku basil, frekar smátt skorn-
um rauðlauk og mozarellaosti.
Ýmsar leiðir eru færar í sósum,
en uppskrift að einni frábærri er
svohljóðandi: 1 dl majones, 1 dl
sýrður rjómi 18%, 2 msk Dijon-
sinnep, 1 tsk púðursykur, 2 msk
ferskt saxað dill, 1 msk sítrónu-
safi og salt og pipar eftir smekk.
Þar með er þetta komið, umfram
allt einfaldur réttur og frábær-
lega góður.“
Fyrsta formannskjör
SVFR í 34 ár
Morgunblaðið/Einar Falur
Veiði lýkur á næstu dögum, m.a. í Tungufljóti.
Morgunblaðið/Ásdís
Ingvar kokkur á Argentínu sting-
ur upp á grilluðum laxi.
ERU
ÞEIR AÐ
FÁ’ANN?