Morgunblaðið - 17.10.2004, Side 49

MORGUNBLAÐIÐ SUNDAY 17. OCTOBER 2004 49
Austurströnd 8 · 511 1200
www.ljosmyndastudio.is
L J Ó S M Y N D A S T Ú D Í Ó
P É T U R P É T U R S S O N
Ný námskeið
hefjast 25. okt.
Afró
Salsa
Flamenco
Magadans
Tangó
Stott
Pilates
FJÓRÐA nóvember næstkomandi
verður frumsýnd ný íslensk heimild-
armynd í fullri lengd sem ber titilinn
Pönkið og Fræbbblarnir. Höfundar
myndarinnar eru þeir Örn Marinó
Arnarson og Þorkell Sigurður Harð-
arson sem saman reka framleiðslu-
fyrirtækið Markell. Þeir eiga að baki
stuttmyndir eins og Fullt hús og Vín
hússins og leikstýrðu heimild-
armyndinni um Ham, Ham - Lifandi
dauðir ásamt Þorgeiri Guðmunds-
syni.
„Þetta er heimildarmynd um
pönktímann og Fræbbblana,“ út-
skýrir Þorkell. „Fræbbblarnir eru
taldir vera fyrsta pönkhljómsveitin
og myndinni vindur fram frá sjón-
arhóli hennar. Við byrjum 1978 og
skoðum tíðarandann á þessum ár-
um. Í myndinni eru viðtöl við þá sem
lifðu pönkið af og við spjöllum við
rokkfræðinga og tónlistarmenn sem
þátt tóku í íslensku pönksenunni
Myndin er dálítið hrá og pönkuð
svona svipað og viðfangsefnið. Segja
má að efnistökin hæfi innihaldinu.“
Þeir félagar segja ástæðuna fyrir
því að þeir hafi ráðist í þetta verk-
efni m.a. liggja í því að þeir séu báðir
forfallnir Fræbbblaaðdáendur og
þeir geti vart hugsað sér teiti án tón-
listar Fræbbblanna.
Þorkell segir að myndefnið sé m.a.
fengið frá Friðriki Þór, myndskeið
sem ekki voru nýtt í sígilda heimild-
armynd hans um íslenska pönkið,
Rokk í Reykjavík. Leitin að mynd-
efni var algjör „Sherlock Holmes“
leikur að sögn þeirra félaga og með-
al annars fannst fyrir stuttu upptaka
frá fyrstu tónleikum Fræbbblanna
sem mörkuðu tímamót í íslenskri
dægurlagasögu. Eftir það opnaðist
flóðgátt en Bubbi Morthens hefur
lýst því þannig að í pönkmenning-
arlegu tilliti hafi Fræbbblarnir opn-
að dyrnar en Utangarðsmenn labb-
að inn.
Grundvallarmunur
Það er óhjákvæmilegt annað en að
bera þessa nýju mynd við Rokk í
Reykjavík enda báðar heimild-
armyndir um íslenska pönkið. En á
þeim er þó grundvallarmunur.
„Rokkið er samtímamynd, heimild
um það sem var að gerast á þeim
tíma,“ segir Örn. „Pönkið og
Fræbbblarnir er gerð í sögulegri
fjarlægð og tíminn upp að Rokk í
Reykjavík, frá ’79 til ’82, er m.a.
skoðaður. Í dag eru menn komnir
með ákveðna sýn á þennan tíma og
geta metið hann yfirvegað og sjá
betur hvað var virkilega að gerast.
Sumir sem við töluðum við eru með
allt aðra sýn á hlutina nú en þá.“
Fyrir nokkrum árum voru
Fræbbblarnir endurreistir og hafa
þeir spilað reglulega á hljómleikum
síðan. Hljómsveitin gefur út nýja
hljóðversplötu, Dót, í næstu viku, sú
fyrsta síðan fjögurra laga platan
Warkweld in the West kom út í des-
ember 1982. Árið 2000 kom reyndar
út ný plata, Dásamleg sönnun um
framhaldslíf. Hún er tekin upp á tón-
leikum en innihélt þó að megninu til
nýtt efni. Heimildarmyndin um
Bubba Morthens, Blindsker, er í
gangi í kvikmyndahúsum núna og
þar er íslenska pönksprengjan áber-
andi. Hvað er það við þennan tíma
sem heillar?
„Það breyttist bara svo mikið í
kjölfarið og þá ekki bara í tónlist
heldur sköpun almennt,“ segir Þor-
kell.
„Þetta var alveg einstaklega
spennandi tími en ládeyðan á undan
var næstum alger. Viðmiðum og
gildum var skakað grimmilega og
það var ótrúlegt að upplifa þetta.“
Kvikmyndir | Heimildarmyndin Pönkið og Fræbbblarnir
Fræbbblarnir: Að mörgu leyti hin algjöra íslenska pönksveit.
Pönk fyrir byrjendur
Morgunblaðið/Eggert
Þorkell og Örn Marinó.
Pönkið og Fræbbblarnir verður
frumsýnd 4. nóvember.
arnart@mbl.is