Morgunblaðið - 07.11.2004, Blaðsíða 29

og ríka arkítekt, sem verður ástfang-
inn af geitinni Sylvíu. Lýstu aðeins
fyrir mér hvernig þú skilur þennan
mann – og hvers vegna þú skilur
hann?
„Annars vegar er leikritið, sem
menn eru vægast sagt ekki á eitt
sáttir um hvað fjallar; það er hægt að
skilja á ýmsa vegu, sem er einmitt
það sem er skemmtilegt við það. Hins
vegar er það sem snýr að starfi leik-
arans. Auðvitað reynir maður að
skilja leikritið til að hafa fast land til
að standa á, en persónan sjálf er allt
annar handleggur. Hún er inni í
harmleik, hvað sem táknlegri merk-
ingu verksins viðkemur. Leikari
verður að standa með því fólki sem
hann leikur. Reyna að vera inní miðj-
unni á því. Og trúa því sem það segir.
Ég hallast að því að jafnvel þótt menn
tali tóma steypu trúi þeir henni vegna
þess að aðstæður þeirra eða tilfinn-
ingar hafa ruglað þá í ríminu. Þessi
maður segist vera ástfanginn og líkir
því við trúarlega upplifun.“
– Já, opinberun.
„Hvorki meira né minna. Er leik-
ritið þá að tala um það þegar mörkin
milli manns og náttúru eða menning-
ar og náttúru hrynja? Það má hafa í
huga að hjarðguðinn Pan er hálfur
maður og hálf geit. Afkvæmi Guðs og
náttúru. Maðurinn er kominn inná
svæði sem svona mikil bannhelgi
hvílir á; maður sem lifir í cyber-heim-
inum – að búa til heilu heimsborg-
irnar – er þarna kominn bókstaflega
út í móa og verður fyrir opinberun
sem er þá eins konar náttúruskynjun.
Í leikslok er dýrið í manninum drep-
ið. Þetta er harmleikur.“
– Skilur þú verkið semsagt svona?
„Ég skil það a.m.k. svo að það sé
ekki einvörðungu háð um menntafólk
í öngstræti og þessi mörk sem það
stígur yfir. Ég veit ekki um neinn
sem getur sagt um hvað þetta leikrit
er í einni setningu og ætla mér ekki
þá dul heldur. En ef ég einfaldlega
elti þennan mann, sem ég leik, þá skil
ég hann einhvern veginn og einnig
ranghugmyndir hans. Allir barnaníð-
ingar segja að barnið hafi viljað mök-
in. Ég get ekki rengt þá þegar þeir
segjast hafa fundið fyrir ást frá
barninu. Utanfrá séð eru þetta auð-
vitað misskilin skilaboð. En innanfrá
er þetta þeirra skynjun og upplifun.
Sem leikari sé ég um að leika mann-
inn sem lendir í þessu með öllum sín-
um ranghugmyndum og réttlæting-
um og verð að treysta því að leikritið
tali sínu máli og áhorfendur skilji
það, hver með sínum hætti.“
Um leikara í erfiðu hlutverki
– Að túlka þetta verk og þetta hlut-
verk hlýtur að vera erfitt einstigi
milli gamanleiks og harmleiks sem
þú hefur reyndar sagt í viðtali að séu
tvær hliðar á sama hlutnum?
„Já, þetta er slíkt einstigi. Ég hef
aldrei verið fyrir stóran harm. Allt er
í rauninni pínulítið kómískt líka. Auð-
vitað er eitt og annað kómískt og
kostulegt við það að verða ástfanginn
af geit. Harmurinn kemur svo ut-
anfrá. Albee hefur þann undirtitil á
leikritinu að það sé stúdía um grískan
harmleik og þar ganga menn blindir
á vit sinna örlaga.“
– Er þetta ekki með erfiðari hlut-
verkum sem þú hefur leikið?
„Ja, þetta leikur sig ekki alveg
sjálft.“
– Hefurðu sjálfur haft nokkur
kynni af geitum?
„Nei. Neineineinei.“
– Ekki einu sinni af geitaosti?
„Nei. Aldrei bragðað hann.“
– En í alvöru, ég hafði á tilfinning-
unni eftir að hafa séð þessa sýningu
að hún tæki nokkuð á þig – ekki síst
undir lokin þegar dramatískt upp-
gjörið nær hápunkti?
„Á mig?“
– Já, þig.
„Eggert Þorleifsson?“
– Já.
„Ég veit það ekki. Ég reyni nú að
rugla ekki saman sjálfum mér og per-
sónunum sem ég leik. En stundum
rennur þetta saman. Hitt get ég sagt
að ég er miklu þreyttari líkamlega
eftir sýningar á Belgíska Kongó. Og
það er ekki eins og ég liggi í súrefn-
istjaldi eftir sýningar á Geitinni eða
þurfi áfallahjálp eða að tala við ein-
hvern eða drekka frá mér allt vit til
að ná mér niður. Í rauninni er bara
hressandi að beita sér svona. Er ekki
sagt að það sé orkuaukandi að eyða
orku?“
– Þannig að þú ferð bara heim að
sofa eftir sýningarnar?
„Heim að lesa. Auðvitað tjúnar
maður sig upp og notar mikið adr-
enalín en það er ekki eins og manni
líði illa. Maður þarf bara að vinda of-
anaf sér. Ég fell ekki undir þessa
klisju að leikarar hangi í karakter-
unum eftir sýningar, hangi í fortjald-
inu og geti tæplega farið í framkall af
því þeir gáfu svo mikið.“
– En hvað um þá klisju að leikarar
stýrist margir af hjátrú og vissum
siðvenjum fyrir sýningar? Fellur þú
undir hana?
„Nei. En hins vegar byrjar sýning-
in eiginlega um leið og maður vaknar
að morgni sýningardags. Allan dag-
inn er ég með þetta móment í höfðinu
þegar sviðsljósin kvikna og maður
verður að toppa á réttum tíma. Þó svo
maður sitji á kaffihúsi eða fari í sund.
Eina venjan sem ég hef að öðru leyti
er að ég hef gaman af því að fara inná
svið nokkrum mínútum fyrir sýningu
og hlusta á salinn. Oft er einhver dyn-
ur í salnum sem peppar mann ansi
mikið upp.“
– Ertu nervös fyrir sýningar?
„Jaaáá,“ dregur Eggert seiminn.
„Ég er farinn að verða það dálítið nú-
orðið, án þess ég viti hvers vegna.
Frumsýningarskrekk þekkti ég ekki
fyrr en síðustu ár. Kannski er það
vegna þess að ég hef verið að fá
stærri hlutverk og meira er í húfi.
Kannski er það líka vegna þess að því
betri tökum sem þú nærð á því sem
þú gerir þeim mun meiri kröfur ger-
irðu til þín. Maður kemst aldrei á
þann áfangastað þar sem maður seg-
ir við sjálfan sig: Nú er þetta orðið
gott. Nú er ég orðinn æðislegur. Og
held því bara áfram. Einhvern veginn
heldur maður alltaf áfram að byrja á
núlli og þá verður erfiðara og erfiðara
að standa undir eigin kröfum sem
verða æ meiri.“
– Hvernig vinnurðu úr þessu?
„Með því að undirbúa mig sem
allra best. Það er það eina sem ég get
gert. Að vera búinn að setja bolla og
skálar undir alla leka þannig að mað-
ur hafi allt sitt á þurru.“
Ljósmynd/Sigfús Már Pétursson
Með Sigrúnu Eddu Björnsdóttur í Geitinni, þar sem geit kemst uppá milli hjóna: Átök en hressandi…

MORGUNBLAÐIÐ SUNNUDAGUR 7. NÓVEMBER 2004 29
Ómetanlegt
Gjafaegg til tæknifrjóvgunar
Við erum par sem eigum ekki kost á því að eignast barn saman
nema með utanaðkomandi aðstoð. Við leitum því að hugulsamri
konu sem er tilbúin að gefa okkur egg.
Fullum trúnaði er heitið, við komum ekki til með að vita hver þú
ert og þú ekki hver við erum. Allur lyfja- og lækniskostnaður
verður greiddur af okkur.
Ef þú ert yngri en 35 ára, átt a.m.k. eitt barn, heilsuhraust og vilt
veita okkur þetta tækifæri biðjum við þig vinsamlega að senda
bréf með nafni, aldri og símanúmeri til auglýsingardeildar Mbl.
Merkt: „GA-12000“ fyrir 16. nóvember.
Við munum biðja lækni að veita bréfi þínu móttöku og hafa
samband.