Morgunblaðið - 07.11.2004, Blaðsíða 52

AUÐLESIÐ EFNI
52 SUNNUDAGUR 7. NÓVEMBER 2004 MORGUNBLAÐIÐ
MAGNÚS Einarsson, 29
ára, hefur játað að hafa
orðið eigin-konu sinni að
bana. Konan hét Sæunn
Pálsdóttir og var 25 ára
gömul.
Morðið var framið á
heimili þeirra. Talið er að
Magnús hafi kyrkt hana
með þvotta-snúru.
Börnin þeirra voru
sofandi í húsinu þegar
atburðurinn átti sér stað.
Fjögurra ára gömul
stelpa og eins árs
strákur. Þau eru nú í
umsjón fjölskyldu
konunnar.
Myrti
eiginkonu
sína
ELDGOS hófst í Vatna-jökli sl.
mánudag. Gos-staðurinn er í
Grímsvötnum, á svipuðum stað og
þegar gaus 1998.
Gosið var mjög kraft-mikið en hefur
minnkað mikið núna. Það þurfti að
loka veginum um Skeiðarár-sand.
Flugvélar geta ekki flogið um 311.000
ferkílómetra svæði norðaustur af
gossvæðinu. Til saman-burðar má
geta þess að Ísland er 103.000
ferkíló-metrar.
Mikið öskufall varð við Möðru-dal á
Fjöllum. Snjórinn varð svartur af ösku.
Íbúum tókst að koma dýrunum inn í
hús. Annars hefðu þau getað fengið
flúor-eitrun.
Þetta er virkasta eld-stöð á Íslandi.
Þar hafa orðið meira en 50 eldgos frá
því að land byggðist.
Morgunblaðið/RAX
Eldgosið í Gríms-vötnum er mjög kraft-mikið.
Eldgos í Vatna-jökli
Ristur á kviðinn
Ráðist var á karlmann í íbúð
á Hverfis-götu síðasta þriðju-
dag. Hann var ristur á kviðinn.
Honum tókst að komast út á
Lauga-veg. Þar fannst hann
liggjandi í blóði sínu. Mað-
urinn er kominn úr lífshættu.
Meintur árásar-maður hefur
verið hand-tekinn.
Arafat í dauða-dái
Yasser Arafat er í dái. Hann
er leið-togi Palestínu-manna.
Fjöl-skylda hans vill að hann
verði jarðaður í Jerúsalem í
Ísrael. Það vill forsætis-
ráðherra Ísraels ekki. Hætta
er á ókyrrð í Palestínu vegna
málsins.
Beckham til Hollywood?
David Beckham er að spá í
að flytja til Hollywood eftir 2
ár. Hann vill prófa að verða
leikari í bíó-myndum. Hann er
núna fótboltamaður á Spáni.
Aukin þjónusta
Áskrifendur Morgun-
blaðsins fá nú ókeypis að-
gang að Morgun-blaðinu á
Netinu. Til þess þurfa þeir að
skrá sig á mbl.is.
Frakkar í vanda
Kefla-vík sigraði Reims frá
Frakk-landi í körfu-bolta síð-
asta miðvikudag. Leikurinn
var í bikar-keppni Evrópu. Sig-
urinn var öruggur 97:73.
Haukar unnu franska liðið
Creitel í handbolta í Meistara-
deild Evrópu. Haukar voru
mjög góðir og unnu 37:30.
Alltaf í bíó
Íslendingar fara oftar í bíó
en aðrir. Meðal-talið er 5,4
sinnum á ári. Banda-ríkin eru í
2. sæti og Ástralía í 3. sæti.
Stutt
GEORGE W. BUSH verður forseti
Banda-ríkjanna næstu fjögur árin.
Hann vann kosningarnar sem fóru
fram síðasta þriðjudag. Um 120
milljónir manna kusu. Það eru 60%
fólks sem má kjósa. Þetta er hæsta
hlutfall síðan árið 1968.
Sigur Bush var miklu stærri en
kannanir gerðu ráð fyrir. Bush hefur
lofað að vinna sér traust alls
fólksins sem kaus John Kerry. Það
voru meira en 55 milljónir manna.
Bush sagði að hans biðu mörg
erfið verkefni. T.d. að reyna að stilla
til friðar í Írak, bæta trygginga-kerfið
og bylta úreltu skatta-kerfi. Bush
leggur líka áherslu á að halda í
heiðri gildi fjöl-skyldunnar og
trúarinnar.
Kannanir sýndu að fólk styður
Bush vegna stríðsins gegn
hryðju-verkum og vegna
siðferðis-gilda hans. Bush vill t.d.
ekki leyfa hjóna-bönd
samkyn-hneigðra.
Kjósendur Kerry litu hins vegar til
efnahags-mála og inn-rásarinnar í
Írak. Í Banda-ríkjunum má forseti
aðeins sitja í átta ár í einu. Bush
mun því hætta eftir fjögur ár.
Reuters
George W. Bush verður áfram forseti
Banda-ríkjanna.
George W. Bush kosinn
forseti Banda-ríkjanna
ÓLÖF María Jónsdóttir
tekur þátt í evrópsku
móta-röðinni í golfi. Hún var
fyrst íslenskra kylfinga til
að tryggja sér þátt-töku-rétt.
Síðasta miðvikudag lenti
hún í 30.–36. sæti á
úrtöku-móti á Ítalíu. Hún
lék samtals á 299
höggum.
Ólöf María er
atvinnu-kylfingur og
Íslands-meistari í golfi. Hún
sagðist vera mjög ánægð
með árangurinn þótt henni
hefði ekki gengið alveg
nógu vel.
Morgunblaðið/Brynjar Gauti
Ólöf María Jónsdóttir hefur staðið sig mjög vel í golfinu á þessu ári.
Fer í evrópsku móta-röðina
VINSTRI-GRÆNIR í borgar-
stjórn vilja að Þórólfur Árna-
son segi af sér. Þórólfur er
borgar-stjóri í Reykja-vík fyrir
R-listann.
Hann vann hjá Olís þegar
olíu-félögin ákváðu saman
verð á bensíni, olíu og fleiru.
Slíkt sam-ráð er ólöglegt. Olíu-
félögin græddu 6,5 milljarða á
sam-ráðinu. Þetta kemur fram
í skýrslu sam-keppnis-ráðs.
Í júlí 2003 sagðist Þórólfur
ekkert hafa vitað af sam-
ráðinu. Nú segist hann ekki
hafa vitað nákvæm-lega hvað
var um að vera. Sam-ráðið var
byrjað áður en hann hóf störf
og hélt áfram eftir að hann
hætti.
R-listinn vill gefa Þórólfi
tíma til að út-skýra mál sitt
fyrir almenningi.
Segir Þór-
ólfur af sér?