Morgunblaðið - 16.11.2004, Qupperneq 6

6 ÞRIÐJUDAGUR 16. NÓVEMBER 2004 MORGUNBLAÐIÐ
FRÉTTIR
Vinnueftirlitið, Landlæknisembættið, Verzlunarmannafélag
Reykjavíkur, Rafiðnaðarsamband Íslands og Rannsóknastofa
í vinnuvernd efna til málþings:
Starfsmenn undir smásjánni?
Rafrænt eftirlit með einstaklingum á vinnustöðum
Málþingið verður haldið á Grand Hótel Reykjavík
miðvikudaginn 17. nóvember kl. 8.30-10.30.
Dagskrá:
• Málþingið sett
Kristinn Tómasson, yfirlæknir Vinnueftirlitsins.
• Eftirlit með einstaklingum á vinnustöðum, umfang,
einkenni og viðhorf starfsmanna
Guðbjörg Linda Rafnsdóttir, félagsfræðingur og verkefnisstjóri
rannsóknarverkefnisins.
• Rafrænt eftirlit og líðan starfsmanna
Anna Björg Aradóttir, hjúkrunarfræðingur hjá
Landlæknisembættinu.
• Rafrænt eftirlit á vinnustöðum í ljósi persónuverndar-
laganna og nýrra reglna um rafræna vöktun
Þórður Sveinsson, lögfræðingur hjá Persónuvernd.
• ...að gæta bróður síns... Rafrænt eftirlit á vinnustöðum
Sigrún Viktorsdóttir, Verzlunarmannafélagi Reykjavíkur.
• Samantekt – Guðrún Pétursdóttir, forstöðumaður
Sjávarútvegsstofnunar Háskóla Íslands.
Fundarstjóri: Guðrún Pétursdóttir.
Málþingið er öllum opið meðan húsrúm leyfir.
Skráning fer fram hjá Vinnueftirlitinu
í síma 550 4600 eða á netfanginu linda@ver.is
Skráningargjald kr. 1.500 er greitt við innganginn.
Morgunverður er innifalinn.
Vinsamlegst mætið tímanlega.
Verkefnið er styrkt
af RANNÍS:
Markáætlun um
upplýsingatækni
og umhverfismál.
Á VEF Kennarasambands Íslands
kom í gær fram að ekki væri rétt að
kennarar hafi á sunnudagskvöld
hafnað 5,5% launahækkun líkt og
fram hefði komið í máli formanns
launanefndar sveitarfélaganna.
„Í tillögum FG og SÍ sem lagðar
voru fram [á sunnudagskvöld] var
lagt til að launatafla hækkaði strax
um 5,5% eins og gert var ráð fyrir í
miðlunartillögu ríkissáttasemjara.
Þessu höfnuðu fulltrúar LN en buðu
að fyrsta hækkun í nýjum kjara-
samningi yrði 5,5% að því tilskildu að
hann yrði undirritaður fyrir 20. nóv-
ember. Jafnframt höfnuðu fulltrúar
LN því að sumarlaun og annarupp-
bót í desember yrðu óskert,“ að því
er segir á vef KÍ.
Nýr samningafundur í dag
Birgir Björn Sigurjónsson, for-
maður samningarnefndar sveitarfé-
laganna, segir að hann hafi farið yfir
þetta með formanni Kennarasam-
bands Íslands, Eiríki Jónssyni og rík-
issáttasemjara í gær og þar hafi for-
maður KÍ staðfest að rangt væri
farið með á vef Kennarasambands-
ins. „Þegar samninganefnd launa-
nefndar sveitarfélaganna hafi sam-
þykkt tillögu kennara um að
launataflan hækkaði strax um 5,5%
samkvæmt miðlunartillögu þá komu
þeir með breytta tillögu. Þeir vildu að
þar stæði að minnsta kosti um 5,5%.
Það er auðvitað erfitt að framkvæma
eitthvað sem heitir að minnsta kosti
5,5% þannig að það voru tæknilegir
erfiðleikar að skilja þetta. Í öðru lagi
hafði ég ekki umboð til þess að sam-
þykkja neitt annað heldur en hafði
staðið í miðlunartillögunni. Af þeim
sökum sagðist ég ekki geta samþykkt
það og þá vildu kennarar ekki hafa
þetta inni í þessari samþykkt þrátt
fyrir að þetta hafi verið ein af aðal-
kröfunum,“ segir Birgir Björn.
Samninganefndirnar funduðu með
ríkissáttasemjara í gær og hefur ann-
ar fundur verið boðaður í dag.
Vildu að minnsta
kosti 5,5% hækkun
Morgunblaðið/Kristinn
Samninganefndir kennara og sveitarfélaganna hittust á stuttum samn-
ingafundi hjá sáttasemjara í gær. Annar fundur hefur verið boðaður í dag.
„ÞAÐ er alveg ljóst að það þjást allir á
þessu svæði, bæði Palestínumenn og
Ísraelsmenn,“ sagði Halldór Ás-
grímsson forsætisráðherra á sam-
stöðufundi með Palestínu sem hald-
inn var í Borgarleikhúsinu í
gærkvöldi. „Palestínumenn þjást þó
enn meira og það er ömurlegt að sjá
þá miklu eyðileggingu sem þar hefur
átt sér stað, líðan barnanna og þá
eymd sem sést víða á Vesturbakkan-
um.“
Vel á annað hundrað manns sótti
fundinn í gær, en hann var haldinn
vegna andláts Yasser Arafats á dög-
unum. Fjölmargir sem þekktu til Ara-
fat fluttu erindi, auk Halldórs Ás-
grímssonar töluðu m.a. Steingrímur
Hermannsson fyrrverandi forsætis-
ráðherra, Jóhanna Kristjánsdóttir
blaðamaður, Ögmundur Jónsson for-
maður BSRB, og Sveinn Rúnar
Hauksson formaður Félagsins Ís-
land-Palestína.
Í ræðu sinni kom Halldór að stöðu
friðarmála í Mið-Austurlöndum, og
sagði lykilinn að friði á milli Ísraels og
Palestínu væri lykillinn að friði í Mið-
Austurlöndum, og heiminum almennt.
Hann sagði að mikið verði lagt á vænt-
anlegan arftaka Yasser Arafats. „Sá
arftaki þarf ekki eingöngu að vinna sér
inn traust alþjóðasamfélagsins, hann
þarf líka að vinna sér inn traust sinnar
eigin þjóðar og jafnframt taka á vanda-
málum eins og skipulagsmálum og
ýmsum öðrum málum. Þannig að hans
bíða mikil verkefni.“
„Sektarkennd heimsins“
Jóhanna Kristjánsdóttir blaðamað-
ur sagði erfitt að ræða um málefni
Palestínu á þeim stutta tíma sem hún
fékk úthlutað, og hægt væri að rekja
ýmis atriði tengd Palestínu í löngu
máli. „Ég gæti rifjað upp hver rótin er
að tilurð Ísraelsríkis, sem er aftur
meira og minna undirrótin að þeim
hörmungum sem hafa orðið á þessu
svæði síðan. Svo gæti ég jafnvel svar-
að því með einu orði væri ég spurð um
ástæðuna. Sektarkennd. Sektar-
kennd heimsins sem hafði horft meira
og minna þögull á útrýmingu gyðinga
í stjórnartíð nasista,“ sagði Jóhanna.
„Ég gæti líka hellt mér yfir [Ariel]
Sharon lengi kvölds. Þetta gæti ég
gert og margt annað. En ég ætla ekki
að gera það vegna þess að það er allt-
af verið að því, en það gerist aldrei
neitt. Svo ég ætla bara að lesa ljóð,“
sagði Jóhanna, og hlaut lófatak áhorf-
enda að launum.
„Nú í upphafi 21. aldarinnar rís
hinn illræmdi aðskilnaðarmúr á Vest-
urbakkanum. Mörg hundruð kíló-
metra fangelsismúr, sem er ætlað að
loka heila þjóð inni,“ sagði Ögmundur
Jónasson, formaður BSRB, í ræðu
sinni. „Aðskilnaðarmúrinn í Palestínu
er reistur af verkfræðilegri ná-
kvæmni. Þegar nasistar murkuðu lífið
úr milljónum gyðinga á valdatíma sín-
um í Þýskalandi var það ekki aðeins
fjöldi fórnarlambanna sem vakti ugg
og hrylling í brjóstum manna, heldur
einnig sú yfirvegun sem lá að baki
voðaverkunum. Verkfræðivinnan við
hönnun útrýmingarbúðanna og allt
skipulag að baki ódæðinu.“
Gaf palestínsku þjóðinni von
Í ræðu sinni sagði Steingrímur
Hermannsson að Arafat hafi verið
mikilhæfur leiðtogi, en um leið um-
deildur, eins og hver sem staðið hefði í
hans sporum hefði verið. „Óumdeil-
anlega tókst honum að sameina þjóð-
ina betur en nokkrum öðrum hafði
tekist og veita henni leiðsögn í 40 ár
[...]. Honum tókst að gefa palestínsku
þjóðinni von um að eignast sitt eigið
land og verða sjálfstæð þjóð.“
Alveg ljóst að það þjást
allir í Palestínu og Ísrael
Morgunblaðið/Sverrir
Vel á annað hundrað manns mætti á fundinn í Borgarleikhúsinu í gær og var andinn á fundinum góður.
lög sem sett eru í landinu af réttkjörnum stjórnvöldum.
Stjórn SAMFOK harmar að grípa hefur þurft til þess
neyðarúrræðis sem
nýsamþykkt lög um kjaramál kennara og skólastjórn-
enda í grunnskólum er. Ljóst er að menntun og velferð
barnanna hefur haft forgang þegar ákvörðun var tekin í
málinu. Deiluaðilar hafa enn tækifæri til að semja áður
en gerðardómur fellir úrskurð sinn,“ segir í ályktun
SAMFOK.
STJÓRN SAMFOK, sambands foreldrafélaga og for-
eldraráða í grunnskólum Reykjavíkur, hefur sent frá sér
ályktun þar sem lýst er yfir „miklum vonbrigðum með
ákvörðun kennara í grunnskólum Reykjavíkur um að
mæta ekki til vinnu í dag og með því virða nýsamþykkt
lög og velferð grunnskólabarna að vettugi,“ eins og segir
í ályktuninni.
„Þrátt fyrir óánægju kennara með þróun samnings-
mála þeirra undanfarið er óásættanlegt að þeir virði ekki
„Óásættanlegt að þeir virði ekki lög“
ÁKVEÐIÐ var á fundi samninga-
nefndar Félags leikskólakennara í
gærkvöldi að efna ekki til allsherj-
aratkvæðagreiðslu um boðun
verkfalls í leikskólum í janúar,
heldur leggja þá tillögu fyrir
launanefnd sveitarfélaga að
skammtímasamningur verði gerð-
ur við leikskólakennara. Samning-
urinn gildi fram á næsta ár og
tryggi ákveðnar breytingar á
kjörum sem fyrst, en að beðið
verði eftir niðurstöðum gerð-
ardóms, að því er Björg Bjarna-
dóttir, formaður Félags leikskóla-
kennara, segir.
Segir Björg að leikskólakenn-
arar hafi talið þennan kost skyn-
samlegastan „í þeirri slæmu stöðu
að okkar mati“ sem kenn-
arasamfélagið og aðrir opinberir
starfsmenn séu í eftir að lög voru
sett á verkfall grunnskólakennara
um helgina.
Greiða ekki
atkvæði um
boðun verkfalls
SÁ sem hraðast ók um Hvalfjarð-
argöng á þessu ári var mældur á
149 km hraða í apríl. Hámarkshraði
um göngin er 70 km/klst þannig að
ökumaðurinn var á rúmlega tvö-
földum hámarkshraða. Hraðakst-
urbrotum hefur þó fækkað í göng-
unum og ætla Spalarmenn að
eftirlitsmyndavélar lögreglu hafi
þessi jákvæðu áhrif á ökumenn.
Með samanburði á ökuhraða í
janúarmánuði 2002 og 2004 kemur í
ljós að umtalsvert hefur dregið úr
ökuhraða. Í janúar á þessu ári óku
1,2% of hratt en hlutfallið var 2,5%
árið 2002. Meðalhraði þeirra sem
óku of hratt var 88,5 km/klst.
Dregur úr
hraðakstri