Morgunblaðið - 16.11.2004, Side 22
22 ÞRIÐJUDAGUR 16. NÓVEMBER 2004 MORGUNBLAÐIÐ
MINNSTAÐUR
w
w
w
.d
es
ig
n.
is
@
20
04
Ármúla 31 • S. 588 7332 • www.i-t.is
Fjölbreytt úrval
N†TT
ba› fyrir jólin!
Ver› kr. 94.300,- stgr
Ba›innrétting, breidd 85 cm. Gegnheil Hnota. Innifali› í ver›i:
Spegill, ljós, postulínshandlaug, blöndunartæki og skápahöldur.
Opi› virka daga
frá kl. 9-18
Opi› laugardaga
frá kl. 10-14
SUÐURNES
Reykjanesbær | „Þetta er krefjandi og erfitt verkefni en
ég er ánægður með að fá tækifæri til að taka þátt í því,“
segir Geir Sveinsson sem ráðinn hefur verið fram-
kvæmdastjóri Íþróttaakademíu í Reykjanesbæ. Fyrsta
skóflustungan að húsi Íþróttaakademíunnar var tekin
um helgina.
Geir er fertugur Reykvíkingur. Hann starfaði sem at-
vinnumaður í handknattleik í mörg ár og var fyrirliði ís-
lenska landsliðsins. „Það er áhugavert að fá tækifæri til
að taka þátt í svona verkefni frá upphafi, að byggja upp
frá grunni. Starfið tengist íþróttunum sem ég hef verið
viðloðandi allt mitt líf og einnig stjórnun sem ég hef náð
að mennta mig í á síðustu árum,“ segir Geir en hann hef-
ur nýlega lokið MBA-námi við Háskóla Íslands.
Fyrsti áfangi byggður
Geir hefur tekið þátt í undirbúningi Íþróttaakademí-
unnar frá því í vor. Hann hefur fram til þessa einkum fal-
ist í því að hanna hús fyrir starfsemina en bygging þess
er nú að hefjast. Nú verður áherslan lögð á að undirbúa
innra starf Íþróttaakademíunnar sem tekur til starfa
næsta haust.
Húsið rís við Reykjaneshöllina í Njarðvík. Fyrsti
áfangi sem nú verður byggður er um 2.700 fermetrar að
stærð og kostar um 460 milljónir kr. Þar verður meðal
annars fyrirlestrasalur, kennslustofur, stór íþróttasalur,
kennslu- og rannsóknaraðstaða, bókasafn og aðstaða
fyrir kennara. Í framhaldinu verða síðan byggðir næstu
áfangar sem teknir verða í notkun jafnóðum og starf-
semin eykst, sá síðasti eftir þrjú ár þegar starfsemin
verður komin í fullan gang. Geir segir að reynt hafi verið
að hanna húsið þannig að auðvelt verði að breyta því í
takt við þróun starfseminnar og kveðst hann ánægður
með niðurstöðuna. Hann segir að á síðari stigum verði
teknar ákvarðanir um frekari uppbyggingu, svo sem
hvort þörf verði fyrir stúdentagarða í tengslum við
Íþróttaakademíuna og rannsóknarstofur, en á skipulagi
er gert ráð fyrir þeim möguleika. Í nágrenninu er fyr-
irhuguð mikil uppbygging íþróttamannvirkja í framtíð-
inni, meðal annars á nýjum bæjarleikvangi, og verður
Íþróttaakademían mjög miðsvæðis.
Eignarhaldsfélagið Fasteign hf. byggir húsnæði
Íþróttaakademíunnar og leigir Reykjanesbæ sem fram-
leigir það síðan til sjálfseignarstofnunar um Íþrótta-
akademíu. Eftir útboð á framkvæmdinni var samið við
Íslenska aðalverktaka. Tilboð voru yfir áætlun verk-
kaupa og kemur fram í fréttatilkynningu frá Íþrótta-
akademíunni að unnið hafi verið að breytingum til að
fella kostnað að upphaflegum markmiðum.
Vinna að kennsluskrá
Starfsemi Íþróttaakademíunnar er þríþætt. Í fyrsta
lagi fer þar fram kennsla í íþróttafræðum. Þar er um að
ræða þriggja ára nám á háskólastigi sem fram fer í sam-
vinnu við Háskólann í Reykjavík. Gert er ráð fyrir því að
þrjátíu nemendur verði teknir inn á fyrsta ári og síðan
aukist fjöldinn jafnt og þétt þannig að nemendur verði
um 110 þegar skólinn verður fullmannaður á þriðja ári.
Geir segir að nú verði gengið í það af krafti að ráða
starfsfólk og útbúa kennsluskrá sem þurfi að vera tilbúin
í mars þegar stúdentsefni fara að huga að möguleikum
til framhaldsnáms á næsta hausti.
Íþróttaakademían mun bjóða upp á stutt og löng nám-
skeið í samstarfi við íþróttahreyfinguna í landinu. Geir
hefur í huga að bjóða sérsamböndum Íþróttasambands
Íslands aðstoð við nauðsynlega fræðslustarfsemi, svo
sem fyrir þjálfara. Segir hann mikilvægt að mennta bet-
ur þjálfara barnanna því þar sé grundvöllurinn lagður að
íþróttaferli þeirra og almennu heilbrigði. Vegna fámenn-
is og fjárskorts hafi sérsamböndin ekki alltaf haft að-
stöðu til að sinna þessu starfi eins og þyrfti en Geir tekur
fram að þetta sé misjafnt milli greina. Einnig er hug-
myndin að tengja þessa fræðslustarfsemi almennri
heilsueflingu. Geir hefur þar í huga upplýsingar um
óhollt mataræði og hreyfingarleysi barna sem leiði til
þess að þau verða of þung. Vonast hann til að hægt verði
að vinna að verkefnum á þessu sviði í samvinnu við þær
stofnanir sem um þau mál fjalla, til dæmis Lýð-
heilsustofnun.
Þriðji þátturinn í starfsemi Íþróttaakademíunnar er
að þar verður aðstaða fyrir nemendur á Suðurnesjum
sem stunda fjarnám við háskóla en sú starfsemi er á veg-
um Miðstöðvar símenntunar á Suðurnesjum. Nú stunda
yfir hundrað nemendur á Suðurnesjum fjarnám, flestir
við Háskólann á Akureyri.
Fimm stofnanir og fyrirtæki gerðust stofnaðilar að
sjálfseignarstofnun um Íþróttaakademíuna og lögðu
fram stofnfé. Geir segir að reksturinn verði fjármagn-
aður með fjárframlögum frá ríkinu út á hvern útskrif-
aðan nemanda, skólagjöldum og tekjum af nám-
skeiðahaldi.
Margt jákvætt
Geir hefur fengið starfsaðstöðu á vegum Reykjanes-
bæjar. Hann segist verða var við mikinn áhuga á verk-
efninu þar. Stemmningin kom meðal annars fram þegar
fjöldi íþróttamanna var viðstaddur athöfnina sem mark-
aði upphaf framkvæmda síðastliðinn laugardag.
„Það hefur verið viss ótti í fólki á Suðurnesjum um at-
vinnuástandið en ég hef orðið var við að þar er margt já-
kvætt að gerast. Ég held að Íþróttaakademían geti líka
hjálpað til. Þetta er frábært tækifæri fyrir Reykjanesbæ
og íþróttirnar í landinu,“ segir Geir Sveinsson.
Húsnæði Íþróttaakademíunnar byggt upp í þremur áföngum
Frábært tækifæri fyrir
Reykjanesbæ og íþróttirnar
Morgunblaðið/Þorkell
Stjórnandi Geir Sveinsson hefur tekið að sér að vera
framkvæmdastjóri Íþróttaakademíu í Reykjanesbæ.
Reykjanesbær | 55 fíkniefnamál
hafa komið upp hjá lögreglunni í
Keflavík það sem af er þessu ári og
67 einstaklingar hafa verið kærðir
vegna þeirra. Er þetta mikil fjölgun
frá síðasta ári þegar 22 fíkniefnamál
komu upp. Kom þetta fram hjá
Rúnari Árnasyni lögreglumanni á
fundi menningar-, íþrótta- og tóm-
stundaráðs Reykjanesbæjar (MÍT)
um forvarnarmál.
Ráðið samþykkti bókun þar sem
lýst er áhyggjum vegna aukningar
fíkniefnamála en jafnframt vakin at-
hygli á því að aukninguna megi að
hluta til rekja til áherslu lögreglunn-
ar á þennan málaflokk og eljusemi
lögreglumanna. MÍT tekur heilshug-
ar undir hugmyndir sem Rúnar viðr-
aði á fundinum um aukna samvinnu
sýslumannsembættanna og hvetur
jafnframt bæjaryfirvöld til að leggja
sitt af mörkum svo það geti orðið að
veruleika.
Rúnar segir að sýslumennirnir á
Keflavíkurflugvelli og í Keflavík
hefðu tekið jákvætt í að auka sam-
vinnu í fíkniefnamálum. Hugmyndir
hans ganga út á að hvort embættið
tilnefni tvo lögreglumenn í fíkniefna-
deild sem starfa myndi á öllu svæð-
inu.
Meira en tvöfalt fleiri
fíkniefnamál upplýst