Morgunblaðið - 16.11.2004, Síða 48

48 ÞRIÐJUDAGUR 16. NÓVEMBER 2004 MORGUNBLAÐIÐ
13.11. 2004
einfaldur
1. vinningur
í næstu viku
6
5 0 4 2 6
8 4 2 4 9
9 20 26 34
7
10.11. 2004
1 3 12 35 38 43
14 26 8
M.M.J.
Kvikmyndir.com

H.J. Mbl.

Shall we Dance?
Richard Gere Jennifer Lopez Susan Sarandon
Það er aldrei of seint að setja
tónlist í lífið aftur
Sýnd kl. 5.45, 8 og 10.15.
Sýnd kl. 8 og 10.
NÆSLAND
Sýnd kl. 6. Síðustu sýningar.
Sýnd kl. 5.40, 8 og 10.20.
Mors Elling
Smala Susie
Midsommer
NORRÆNIR
BÍÓDAGAR
Sýnd kl. 6. Ísl. texti.
Sýnd kl. 8. Enskur texti.
Sýnd kl. 10. Ísl. texti.
Einu sinni
var...
Getur gerst
hvenær
sem er.
HILARY DUFF CHAD MICHAEL MURRRAY
AKUREYRI
Sýnd kl. 6 og 8.
ÁLFABAKKI
Sýnd kl. 4, 6, 8 og 10.10.
KRINGLAN
Sýnd kl. 6, 8 og 10.10.
Búið ykkur undir að öskra.
Stærsta opnun á hryllingsmynd
frá upphafi í USA.
KRINGLAN
Sýnd kl. 6, 8 og 10.10.
kl. 6, 8 og 10. Ísl. texti.
L
agasmiðurinn og upp-
tökustjórinn Arnþór
Birgisson flytur fyr-
irlestur á samnorrænni
ráðstefnu, sem fram fer
á Hótel Nordica á fimmtudag og
föstudag. Ráðstefnan er á vegum
menntamálaráðuneytisins og ber
nafnið Rætur – stefnumót við nor-
ræna menningu og er haldin með
stuðningi norrænu ráðherranefnd-
arinnar.
„Ég ætla að tala um af hverju
margar stórar stjörnur frá Bretlandi
og Bandaríkjunum hafi síðustu tíu ár
leitað til Svíþjóðar með að taka upp
sína tónlist,“ segir Arnþór sem hefur
mikla reynslu af þessum málum. „Ég
ætla að ræða ástæður þessa og
hvernig tónlistarbransinn hefur
breyst og hvernig unnið er núna í
popptónlist. Mér fannst áhugavert að
taka þátt í þessari ráðstefnu því það
er margt að breytast í tónlistarbrans-
anum og margt að tala um,“ útskýrir
Arnþór nánar. Hann ætlar að stoppa
nokkra daga á Íslandi ásamt konu og
tveggja ára syni. „Við ætlum að
stoppa yfir helgina og hitta ætt-
ingjana,“ segir Arnþór sem hefur bú-
ið í Svíþjóð frá tveggja ára aldri.
Arnþór hefur unnið fyrir marga
þekkta tónlistarmenn síðustu sjö til
átta ár, m.a. Jennifer Lopez, Santana,
Janet Jackson, Celine Dion, Jessica
Simpson, Ronan Keating, Boyzone,
Samantha Mumba og Girls Alound.
Listinn er bæði langur og tilkomu-
mikill.
Byrjaði snemma í bransanum
Arnþór byrjaði tvítugur að vinna
hjá Murlyn Songs í Svíþjóð þar sem
hann vinnur enn. Þar á undan vann
hann í tvö ár í hljóðveri í Stokkhólmi.
„Ég var tæknimaður á daginn en
fékk að nota stúdíóið á nóttinni fyrir
sjálfan mig. Ég fór líka í tónlistar-
skóla,“ segir hann um upphafið.
Arnþór segir tónlistariðnaðinn
vera að taka breytingum. „Tónlistin
er að breytast og það er jákvæð þró-
un. Unglingar í dag eru komnir með
nóg af léttri popptónlist. Plötufyr-
irtækin eru búin að breytast, þau vilja
vinna með hæfileikafólki. Það er búið
að hreinsa út hjá plötufyrirtækjunum
og hæfileikafólkið situr eftir sem get-
ur samið, spilað og sungið.“
Þetta hefur breytt vinnuferlinu hjá
Arnþóri. „Núna er þetta meira að
maður hittir listamanninn um leið og
býr til þessar plötur með þeim. Það
tekur enginn tíu upptökustjóra leng-
ur inn á eina plötu og býr til blöndu,
sem enginn veit hvað er,“ segir hann
og ítrekar að heildarmyndin sé sterk-
ari.
Honum finnst þetta góð þróun og
kalla á betri vinnubrögð. „Það er
miklu skemmtilegra að búa til tónlist
með þessum hætti. Það er ekki eins
mikil tímapressa og maður fær tæki-
færi til að gera þetta vel. Plötusalan
hefur farið niður næstum því um 50%
og það hefur gert það að verkum að
plötufyrirtækin hafa þurft að hugsa
og breyta hlutunum,“ segir Arnþór
og býst við því að mikið af góðri tón-
list komi út á næstu árum.
„Ég finn að tónlistarbransinn er að
breytast og held að næstu tíu ár verði
spennandi og góð ár fyrir tónlist.“
Vinnan með Janet
Arnþór tók m.a. upp smáskífuna
„All Nite (Don’t Stop)“ með Janet
Jackson. „Ég vann með henni í sex,
sjö mánuði í fyrra. Það er það sein-
asta sem ég gerði í þessum stóra
heimi popps og pólitíkur. Það er gam-
an að vinna með svona stjörnum en
það er líka erfitt því það eru svo
margar manneskjur í þessu sem eru
að ákveða hlutina,“ segir hann.
„Ég þurfti að ferðast til Bandaríkj-
anna en allt var tekið upp í Los Ang-
eles og New York,“ segir Arnþór sem
dvaldi um tvo mánuði á hverjum stað.
„Þessar stærstu stjörnur vilja ekki
koma til Stokkhólms.“
Arnþór hefur unnið þónokkuð með
Santana. „Ég er núna að semja hug-
myndir fyrir nýju plötuna hans. Ef
hann finnur eitthvað sem honum líst á
klárum við það saman. Fyrir seinustu
plötuna hans gerði ég eitt lag með
honum og söng það líka,“ segir hann
en það er lagið „Let Me Love You To-
night“.
Að mestu leyti einbeitir Arnþór sé
að einum tónlistarmanni í einu.
„Núna er ég að vinna með breskum
strák, sem heitir Daniel Deborg, en
við erum að gera plötu saman. Hann
hefur aldrei gert neitt áður heldur er
ótrúlegur söngvari sem ég fann fyrir
ári,“ segir hann en platan kemur út í
vor.
„Mér finnst skemmtilegast núna að
vinna með nýjum listamönnum, sem
hafa ekki gert neitt en eru hæfi-
leikaríkir. Daniel semur textana sína
sjálfur og ég vinn mikið með honum,“
segir Arnþór, sem segist vera búinn
að fá sig fullsaddan af „Pop Idol og
Fame Factory og öllu þessu sjón-
varpsdrasli. Maður skilur að fólk vilji
ekki kaupa plötur lengur ef allt sem
kemur á borð þess er rusl“.
Arnþór er samt ekki búinn að fá
nóg af poppinu heldur vill bara fást
við hæfileikafólk og hafa meiri breidd
í tónlistinni. „Maður reynir að gera
eitthvað sem hjálpar tónlistarbrans-
anum.“
Vill ekki vera í sviðsljósinu
Hann segist aðspurður alls ekki
vilja sjálfur fá stærri hluta af sviðs-
ljósinu. „Nei, guð minn góður. Það
eru margar jákvæðar hliðar við að
vera sá í sviðsljósinu en það reynist
oft erfitt líf. Það er gott að vera bak
við tjöldin. Ég get unnið miklu lengur
og er að gera eitthvað nýtt alla daga.“
Hvað skyldi standa uppúr hjá
Arnóri af vinnu síðustu ára? „Það að
taka upp í fyrra með Janet Jackson
er eitt það ótrúlegasta sem ég hef
lent í. Hún er svo mikil stjarna, bæði
á sviði og í upptökustúdíói. Hún er
mikil fagmanneskja, ég hef aldrei séð
annað eins. Hún hefur gert þetta svo
lengi og veit alveg hvernig hún á að
gera hlutina. Það er ótrúlega þægi-
legt að vinna þannig.“
Líka fannst honum gaman að vinna
með Jennifer Lopez. „Það var mjög
gaman að taka upp með henni. Hún
syngur kannski ekki jafnvel og Janet
en er mjög hlý persóna. Maður fær að
gera marga skemmtilega hluti í þess-
ari vinnu.“
Arnþór segir landamærin vera að
mást út í tónlistarheiminum. „Það
hefur verið erfitt fyrir Skandínava að
koma inn í bandaríska tónlistariðn-
aðinn. Fólk allt að því skammaðist sín
fyrir að vera með Svía sem sömdu
stærstu hittarana þeirra. Núna skipt-
ir þetta ekki lengur máli. Það eina
sem skiptir máli er að það sé tilfinn-
ing í tónlistinni.“
Tónlist | Vinsæll upptökustjóri og lagasmiður með erindi á norrænni ráðstefnu um menningarmál
Kominn með
nóg af Idol
Hann er af íslenskum ættum, alinn upp í
Svíþjóð en hefur samið topplög fyrir listamenn
á borð við Janet Jackson og Jennifer Lopez.
Inga Rún Sigurðardóttir ræddi við Arnþór
Birgisson.
Reuters
„Hún er svo mikil stjarna, bæði á
sviði og í upptökustúdíói. Hún er
mikil fagmanneskja, ég hef aldr-
ei séð annað eins. Hún hefur gert
þetta svo lengi og veit alveghvernig hún á að gera hlutina,“
segir Arnþór m.a. um JanetJackson í viðtalinu.Arnþór Birgisson hefur frá tvítugu starfað með þekkt-
um listamönnum og þekkir vel inná tónlistarbransann.
Allir eru velkomnir á ráðstefnuna
Rætur, sem fram fer 18. og 19. nóv-
ember á Hótel Nordica og er að-
gangur ókeypis. Skráning og nán-
ari upplýsingar um dagskrá eru á
www.roots.is.
ingarun@mbl.is
’Unglingar í dag erukomnir með nóg af léttri
popptónlist. Það er búið
að hreinsa út hjá plötu-
fyrirtækjunum og hæfi-
leikafólkið situr eftir
sem getur samið, spilað
og sungið.‘