Morgunblaðið - 16.11.2004, Blaðsíða 10

10 ÞRIÐJUDAGUR 16. NÓVEMBER 2004 MORGUNBLAÐIÐ
FRÉTTIR
HALLDÓR Ásgrímsson forsætis-
ráðherra og Þorgerður K. Gunnars-
dóttir menntamálaráðherra, sögðu í
umræðum á Alþingi í gær um kjara-
deilu kennara, að nauðsynlegt væri
að allir virtu lög í landinu. Össur
Skarphéðinsson, formaður Samfylk-
ingarinnar, og Sigurlín Margrét Sig-
urðardóttir, varaþingmaður Frjáls-
lynda flokksins, töluðu á sömu
nótum.
Halldór sagði að það kynni að vera
að öllum líkaði ekki lögin sem sett
voru á laugardag og vísaði þar til
laga um kjaramál kennara og skóla-
stjórnenda í grunnskólum landsins.
„En það er að sjálfsögðu nauðsyn-
legt að allir virði lög í landinu,“ sagði
hann og bætti því við að enginn hefði
tekið umboðið af samninganefndum
aðila í kjaradeilu kennara og sveitar-
félaga. Síðar sagði hann: „Ég vænti
þess að allir háttvirtir þingmenn geti
hvatt deiluaðila til þess að starfið í
skólunum hefjist og það verði farið
að þeim lögum sem hafa verið sett í
landinu.“
Þorgerður ítrekaði að allir gengju
að sjálfsögðu út frá því að kennarar,
sem og aðrir borgarar þessa lands,
færu að lögum. Hún bað þess þó, í
ljósi lagasetningarinnar sem hefði
ekki verið skásti kosturinn í stöð-
unni, að menn sýndu stillingu og
ákveðinn skilning á því ástandi sem
komið hefði upp í samfélaginu í gær.
Össur sagði um þetta mál að lög
væru lög, jafnvel þótt við værum á
móti þeim. „Ég hef fullan skilning á
því að það sé erfitt fyrir kennara að
sætta sig við þetta,“ sagði hann. „En
auðvitað munu kennarar, eins og
aðrir sem þurfa að sæta ólögum,
hlíta þeim.“
Skólabörnum bættur skaðinn
Þá sagði Sigurlín að við yrðum að
virða landslög, hvort sem okkur lík-
aði betur eða verr. „Það er á engan
hátt forsvaranlegt að fjölmenn stétt
mæti ekki til vinnu,“ sagði hún meðal
annars.
Björgvin G. Sigurðsson, þingmað-
ur Samfylkingarinnar, var málshefj-
andi umræðunnar um kjaradeilu
kennara við upphaf þingfundar.
Sagði hann m.a. að skólaganga tíu
árganga Íslendinga hefði beðið
skaða vegna verkfalls kennara og að
menntamálaráðherra bæri ábyrgð á
því hvernig sá skaði yrðu bættur.
Ráðherra sagði að þegar væri haf-
in vinna við það hvernig bæta ætti
skólabörnum upp þá daga sem þeir
hefðu misst í verkfalli kennara. „Ég
hef tekið þetta mál upp innan rík-
isstjórnarinnar um hvernig eigi að
koma til móts við þá lagagrein sem
kveður á um það að börnin okkar eigi
rétt á 170 dögum í skóla.“ Sagði hún
að málið yrði unnið í samstarfi við
sveitarfélögin og fræðsluyfirvöld í
landinu.
Kennarar fari að lögum
Morgunblaðið/Golli
Halldór Ásgrímsson forsætisráðherra lagði á það áherslu að allir ættu að fara að lögum.
TVEIR dómar hafa fallið með
stuttu millibili þar sem sak-
borningar, sendibílstjóri og
framkvæmdastjóri gámafyrir-
tækis, voru sýknaðir vegna
þess að ekki voru nægar
refsiheimildir í lögum.
Hæstiréttur sýknaði sendi-
bílstjóra af ákæru um að
virða ekki lögboðna vikuhvíld.
Í dómnum segir að sjálf-
stæða verknaðarlýsingu á
brotinu sé hvorki að finna í
umferðarlögum né í reglu-
gerð dómsmálaráðuneytisins
sem sett var með stoð í lög-
unum sem byggjast á tilskip-
unum Evrópusambandsins
um aksturs- og hvíldartíma
ökumanna. Þessi málaflokkur
var fluttur yfir til samgöngu-
ráðuneytisins um áramótin.
Þá sýknaði Héraðsdómur
Reykjavíkur framkvæmda-
stjóra Íslenska gámafélagsins
af því að hafa ekki aflað sér
rekstrarleyfis til efnisflutn-
inga. Ákært var vegna sorp-
flutninga en í dómnum segir
að þar sem að hvorki í lögum
né í reglugerð samgöngu-
ráðuneytisins sé sorp flokkað
sem efni, verði að sýkna
manninn.
Lögð fram á vorþingi
Bergþór Ólason, aðstoðar-
maður samgönguráðherra,
sagði að endurskoðun á lög-
unum sem varða hvíldartíma
og efnisflutninga hefði verið
hafin í ráðuneytinu áður en
báðir dómarnir féllu og gert
væri ráð fyrir því að leggja
frumvörpin fram á vorþingi. Í
kjölfarið yrði reglugerðunum
einnig breytt. Aðspurður
kvaðst hann ekki geta sagt til
um hvort flutningar á sorpi
yrðu taldir til efnisflutninga í
nýju lögunum en að tryggt
yrði að ekkert færi á milli
mála í þeim efnum.
Hann hafði hvorki upplýs-
ingar um hvort önnur fyrir-
tæki sem flytja sorp hefðu
verið krafin um rekstrarleyfi
vegna þess né hversu margir
hefðu verið sektaðir fyrir
brot á hvíldartímaákvæðum,
sambærilegum þeim og sendi-
bílstjórinn var sýknaður af.
Unnið að
endur-
skoðun í
samgöngu-
ráðuneyti
SVO virðist sem langtímaatvinnuleysi hafi aukist hér á
landi hin síðustu ár, segir í skriflegu svari Árna Magn-
ússonar félagsmálaráðherra við fyrirspurn Jóhönnu Sig-
urðardóttur, þingmanns Samfylkingar. Langtímaat-
vinnulausir eru þeir sem hafa verið samfellt án atvinnu í
lengri tíma en sex mánuði.
Í svarinu segir að 33% allra atvinnulausra, í september
sl., hafi verið langtímaatvinnulaus. Að meðaltali voru
26,4% allra atvinnulausra á árinu 2003 langtímaatvinnu-
laus. Þetta hlutfall var 19% árið 2002.
„Þessi þróun veldur vissum áhyggjum enda þótt erfitt
sé að segja til um hvort langtímaatvinnuleysi sé að fest-
ast í sessi,“ segir í svarinu. „Þetta er tiltölulega nýr vandi
sem stjórnvöld og aðrir þeir sem starfa að þessum málum
horfast í augu við og er mikilvægt að við honum verði
brugðist. Þegar í byrjun þessa árs ákvað stjórn Vinnu-
málastofnunar að langtímaatvinnulausir yrðu forgangs-
hópur í vinnumarkaðsúrræðum á árinu ásamt ungu fólki
á atvinnuleysisskrá. Að því er varðar hóp langtímaat-
vinnulausra hefur verið lögð áhersla á menntunar- og
starfstengd úrræði en þau hafa haft jákvæð áhrif á fólk
sem lengi hefur verið án atvinnu. Þá er jafnframt lögð
áhersla á starfsráðgjöf en í því efni var lögð áhersla á að
efla einstaklingsbundna ráðgjöf.“
Líkur á að langtíma-
atvinnuleysi sé að aukast
ÚTGJÖLD íslenska ríkisins vegna
launa sendiherra í september sl.
voru 29,4 milljónir króna, að því er
fram kemur í skriflegu svari Davíðs
Oddssonar utanríkisráðherra við
fyrirspurn frá Sigurjóni Þórðarsyni,
þingmanni Frjálslynda flokksins. Þá
var ferðakostnaður vegna sendiherr-
anna í sama mánuði samtals 3,1
milljón króna. Sendiherrar í þjón-
ustu íslenska ríkisins eru 34. Þar af
eru tvær konur. Fjórtán sendiherr-
anna starfa á Íslandi.
Útgjöld vegna sendiherra
32,5 milljónir
í september
Á BLOGGSÍÐU eins af íslensku
friðargæsluliðunum í Kabúl kemur
fram að í byrjun mánaðarins stóð
hann svonefnda markaðsvakt en á
laugardögum og sunnudögum er
haldinn markaður á flugvellinum
þar sem heimamenn selja starfs-
mönnum flugvallarins ýmsan varn-
ing. Á vaktinni þurfti hann m.a. að
standa vörð og einnig leita á öllum
þeim heimamönnum sem voru á
leið inn á markaðinn til að ganga
frá.
Á bloggsíðunni segir: „Slökkvi-
liðið lendir stundum í því að þurfa
að senda einn mann til að standa
vörð á markaðnum ásamt fleirum
sem koma úr ýmsum deildum hér
á vellinum. Vaktinni minni á mark-
aðnum var skipt upp í tvennt og á
fyrri vaktinni þurfti ég að standa í
aðalhliðinu sem liggur inn á mark-
aðinn og sjá til þess að enginn
óviðkomandi færi inn. Seinni vakt-
in var svo rétt fyrir lokun mark-
aðsins og fórum við þá nokkrir
saman að innganginum sem
heimamennirnir nota og fengum
við það verkefni að leita á öllum
þeim heimamönnum sem ætluðu
inn á markaðinn til að ganga frá.“
Þegar Íslenska friðargæslan tók
við flugvellinum greindi Þorbjörn
Jónsson sendifulltrúi frá því að lit-
ið væri á Íslendingana sem borg-
aralega starfsmenn í herbúningi.
Íslendingarnir hefðu fengið
tveggja mánaða þjálfun í Noregi í
því hvernig eigi að lifa og starfa í
hernaðarlegu umhverfi. Ekki hefði
verið hægt að setja menn inn á
svæði þar sem þess væri krafist að
þeir bæru vopn án þess að hljóta
fyrst þjálfun í að bera þessi vopn.
Þetta hefði eingöngu verið sjálfs-
varnarþjálfun, þeir hefðu ekki ver-
ið þjálfaðir í árásartækni eða
neinu slíku, heldur eingöngu
hvernig eigi að nota vopnin svo
þeir meiddu ekki sjálfa sig og aðra
í kringum sig. Það væri grundvall-
aratriði að vera með eigið öryggi á
hreinu.
Arnór Sigurjónsson, yfirmaður
íslensku friðargæslunnar, segir að-
spurður að markaðsvaktin teljist
til borgaralegra starfa. Starfs-
menn skiptist á að standa vörð.
Spurður um hvort hætta sé á árás-
um á slíkum vöktum segir Arnór
að belgískir hermenn, sem sjái um
öryggi flugvallarins, hafi áður leit-
að á Afgönunum áður en þeir
koma inn á það svæði sem Íslend-
ingarnir eru á. Jafnvel hafi verið
leitað á þeim tvívegis. Aðspurður
hvers vegna þurfi að leita á þeim
enn á ný segir Arnór að menn vilji
vera alveg öruggir um það að sölu-
mennirnir séu aðeins með það sem
þeir eigi að selja en ekkert annað,
s.s. fíkniefni. Þetta sé ekkert frek-
ar vopna- eða sprengjuleit heldur
sé um að ræða almennt eftirlit
með þeim sem eru á flugvellinum.
Hann minnir á að fjölmargir Afg-
anar búi innan vallarsvæðisins og
um 500 starfi að rekstri hans.
Íslenskum friðargæsluliða í Kabúl í Afganistan var gert að standa á markaðsvakt
Stóð vörð og leitaði
á heimamönnum
TENGLAR
.....................................................
http://blog.central.is/haffikabul/
index.php
TVEIR af þremur íslensku friðargæsluliðunum sem slösuðust í árás í Kabúl
í lok október eru komnir aftur til starfa á flugvelli borgarinnar og sá þriðji
mun væntanlega halda þangað innan tíðar, samkvæmt upplýsingum frá ut-
anríkisráðuneytinu. Þeir sem farnir eru til Kabúl eru Sverrir Haukur
Grönli og Steinar Örn Magnússon. Stefán Gunnarsson fer hugsanlega utan
í vikunni.
Á miðvikudag tekur nýr yfirmaður við stjórn flugvallarins. Hallgrímur
Sigurðsson lætur þá af störfum og snýr aftur til Íslands og Garðar For-
berg, sem stjórnaði áður flugvellinum í Pristína í Kosovo, kemur í hans
stað. Arnór Sigurjónsson, yfirmaður íslensku friðargæslunnar, segir að-
spurður að ekki sé ætlunin að Hallgrímur taki að sér störf fyrir utanrík-
isráðuneytið þegar hann snýr heim. Hann segir að fyrir utan atvikið 23.
október, þegar gerð var sjálfsmorðssprengjuárás á friðargæsluliðana, fái
Hallgrímur hvarvetna hrós fyrir störf sín á flugvellinum. „Það liggur fyrir,
það er engum blöðum um það að fletta,“ segir hann. Þá óski sér allir að at-
burðirnir 23. október hefðu aldrei átt sér stað. Arnór vill að öðru leyti ekki
tjá sig um árásina.
Tveir farnir aftur til Kabúl