Morgunblaðið - 14.01.2005, Blaðsíða 30

Morgunblaðið - 14.01.2005, Blaðsíða 30
30 FÖSTUDAGUR 14. JANÚAR 2005 MORGUNBLAÐIÐ Hallgrímur B. Geirsson. Styrmir Gunnarsson. Framkvæmdastjóri: Ritstjóri: STOFNAÐ 1913 Útgefandi: Árvakur hf., Reykjavík. Aðstoðarritstjórar: Karl Blöndal, Ólafur Þ. Stephensen. Fréttaritstjóri: Björn Vignir Sigurpálsson. O kkur er mjög umhugað um að nýta þá peninga vel sem okkur er trúað fyrir,“ segir Halldór Jónsson forstjóri Fjórðungs- sjúkrahússins á Akureyri, en nú er ljóst að nýliðið ár, 2004, mun verða gert upp nánast hallalaust. Gjöld umfram tekjur námu að loknu ellefu mánaða tímabili, janúar til nóv- ember 3,5 milljónum króna, en framlög á fjár- lögum til reksturs, viðhalds og eignakaupa fyr- ir árið 2004 námu 2.961 milljón króna, þannig að frávikið er 0,1%. Í byrjun árs gerðu for- svarsmenn sjúkrahússins ráð fyrir að halli árs- ins yrði á bilinu 40–45 milljónir króna, en hann verður nánast enginn. Árangurinn segir Halldór m.a. byggjast á aðgerðum sem gripið var til haustið 2003 en markmið þeirra var að hagræða í rekstri. „Við gerðum breytingar á okkar rekstri og höfum komið þeim í framkvæmd án þess að skerða þjónustuna. Það er aldrei létt verk að grípa til svona aðgerða, en okkur ber að nýta þá fjár- muni skynsamlega, sem við höfum til ráðstöf- unar,“ segir Halldór. Jón Kristjánsson heilbrigðisráðherra minntist á hversu vel hefði til tekist með rekst- urinn á liðnu ári þegar hann tók í notkun nýtt segulómtæki á sjúkrahúsinu á 51 ára afmæli þess, 15. desember síðastliðinn. Segulómtækið hefur lengi verið á óskalista stofnunarinnar og rættist því langþráður draumur þegar það var tekið í notkun. Samvinna um heilbrigðisþjónustu á Norður- og Austurlandi Halldór segir að forsvarsmenn sjúkrahússins verði að vera sívakandi fyrir því sem betur má fara og styrkt gæti og eflt þjónustuna. For- svarsmenn FSA áttu frumkvæði að samvinnu um heilbrigðisþjónustu við sveitarfélög og heil- brigðisstofnanir á Norður- og Austurlandi og er nú í gangi vinna við að auka það og útvíkka. Læknar frá FSA hafa farið t.d. til Húsavík- ur og Sauðárkróks og innt þar af hendi ýmsa læknaþjónustu, m.a. skurð- og svæfingalækn- ingar og á sviði kvensjúkdóma. Þannig hefur heilbrigðisþjónusta á þessum stöðum orðið fjölbreyttari en ella. Halldór segir að nú sé stefnt að því að bæta við röntgenþjónustu, sjúkrahúsið hafi yfir að ráða færu fagfólki á því sviði og með tilkomu nýrrar tækni, m.a. stafrænna myndavéla og fleiri tækja skapist möguleikar á samvinnu milli heilbrigðisstofnana á því sviði. Fyrir ligg- ur að endurnýja þarf röntgentæki á Húsavík og Norðfirði og þá þarf litlu við tækin á Sauð- árkróki að bæta til að þau uppfylli kröfur. Von- ast er til að þessi samvinna verði komin á síðar á þessu ári að sögn Halldórs. Hann nefndi að einnig hefði komið til tals að útvíkka þjónustuna og væri horft til Vestfjarða í því sambandi. „Við finnum fyrir auknum áhuga fyrir samstarfi við okkur á því svæði,“ segir hann og bætti við að viðræður stæðu yfir, myndað hefði verið svonefnd VAN-bandalag (vestur-, austur-, norður-bandalag) til að fara yfir ýmsa fleti málsins. Rafrænar sjúkraskrár munu spara mikla vinnu Halldór nefnir að fleira sé í farvatninu, m.a. er verið að innleiða nýtt sjúkraskrárkerfi á sjúkrahúsinu, tölvuvæða það og er um að ræða verkefni sem tekið gæti eitt til tvö ár. Að því loknu ætti ekki að vera neitt því til fyrirstöðu að gögn væru send á milli stofnana á rafrænu formi, „en það mun spara ótrúlega mikla vinnu,“ segir Halldór. Með breyttu vinnuferli hvað þetta varðar sér hann fram á að unnt verði að hagræða enn frekar í rekstri, „uppstokkun af þessu tagi hef- ur oft í för með sér hagræðingu, ný tækni hef- – hás hús, b rauna mörg lingu Fr ureyr inatri gæslu tíðkis andi s leita í sjálfs ureyr íbúar isþjón mynd um 40 millja Ha hafi þ heiða fræði veggj kvæm alls ó ir Ha Vis yrði m sama og su setnin stað, búnin þeir s stað, ustun næst mann Sam Fjárl ónum nýtt í legu j fyrir ári en núllin Þe þegar sama því sn litið e laun. ur í för með sér breytt vinnulag,“ segir Halldór og bendir á að menn þurfi ævinlega að vera opnir fyrir nýjum möguleikum, reyna að fá sem mest fyrir þá peninga sem til ráðstöfunar eru hverju sinni. Oft sé hægt að taka upp ný verkefni án þess að fá í þau sérstaka fjárveit- ingu, hægt sé að hliðra til innan frá. Ein hæð í nýbyggingu tekin í notkun í vor Nú í vor verður tekin í notkun ein hæð í svo- nefndri nýbyggingu við FSA, viðbótarhúsnæði sem hafist var handa við að reisa sumarið 1994. Tvær hæðir í húsinu eru í notkun, sú efsta þar sem barnadeild er til húsa og í kjallara er bún- ingsaðstaða, skjalageymsla og fleira. Heimild var í fjárlögum síðasta árs til að bjóða út innréttingar á einni hæð og hafa fram- kvæmdir staðið yfir að undanförnu og ráðgert að þeim ljúki í byrjun maí næstkomandi. Þar verður aðstaða fyrir sjúkra- og iðjuþjálfun, meinafræðideild verður þar, sem og aðstaða fyrir barna- og unglingageðlækningar og funda- og kennsluaðstaða. Á fjárlögum þessa árs eru 124 milljónir króna til að hefjast handa við innréttingar á einni hæð til viðbótar í ný- byggingunni, en tvær hæðir eru nú enn óinn- réttaðar. „Ég vona að ekki verði langt liðið fram yfir næstu áramót þegar sú hæð verður tilbúin,“ segir Halldór en bendir jafnframt á að hag- kvæmt yrði að bjóða út báðar hæðirnar í einu, slíkt gæti haft í för með sér hagstæðara tilboð auk þess sem með því yrði komist hjá heil- miklu raski sem framkvæmdum jafnan fylgi. Hann sagði vilja fyrir hendi hjá ráðherra að ljúka verkinu í samhengi, taka báðar hæðir í einum pakka, en niðurstaða væri þó ekki feng- in varðandi hvort af slíku geti orðið. Á annarri af tveimur óinnréttuðum hæðum byggingarinnar verður stjórnsýslu spítalans komið fyrir, en hún býr við þröngan húsnæð- iskost nú. Hin hæðin verður að sögn Halldór að líkindum nýtt fyrir þjónustu við sjúklinga án innlagnar, en í eina tíð var horft til þess að í nýbyggingu yrði legudeild. „Við höfum horfið frá þeim áformum, en ljóst er að í framhaldinu þarf að bæta og endurnýja aðstæðu legu- deildanna.“ Annað fyrirkomulag þróast í heilbrigðisþjónustunni nyrðra Síðastliðið sumar sendi Ríkisendurskoðun frá sér skýrslu um stjórnsýsluúttekt á Fjórðungs- sjúkrahúsinu á Akureyri þar sem fram kom að það stenst fyllilega samanburð við Landspítala Uppgjör Fjórðungssjúkrahússins á Akureyri v Sívakandi fyrir því sem betur má fara Halldó ist í að fyrirko Norðan heiða eru sérfræðingar að stærstum hluta innan veggja Fjórðungssjúkrahússins á Akureyri. Halldór Jónsson, forstjóri Fjórðungssjúkrahússins, segir í sam- tali við Margréti Þóru Þórsdóttur að þetta fyrirkomu- lag hafi reynst vel í bæjarfélaginu. Nýtt og fullkomið segulómtæki var tekið í notkun á FS ar sannað gildi sitt. Á myndinni eru Halldór Benedikts ardeildar FSA t.v., Jón Kristjánsson, heilbrigðis- og tr Birgisson geislafræðingur að skoða myndir í tölvubún magga AÐ STYTTA SÉR LEIÐ Dómur Héraðsdóms Reykjavíkurí máli því, sem HjörleifurGuttormsson, fyrrverandi al- þingismaður, höfðaði til þess að ómerkja úrskurð umhverfisráðherra frá því í apríl 2003, hefur vakið veru- lega athygli. Sá úrskurður staðfesti ákvörðun Skipulagsstofnunar frá því í desember, að álver fyrir allt að 322 þúsund tonna álframleiðslu þyrfti ekki að sæta umhverfismati, þar sem áður hafði farið fram umhverfismat á 420 þúsund tonna álveri, sem Norsk Hydro ætlaði að reisa. Samkvæmt þeim upplýsingum, sem fram hafa komið, sýnist dómur Hér- aðsdóms ekki muni hafa nein sérstök áhrif á stöðu framkvæmda í Reyðar- firði. Málinu verður vísað til Hæsta- réttar og jafnvel þótt hann staðfesti niðurstöðu Héraðsdóms sýnist svig- rúm til að ljúka nýju umhverfismati, þannig að ekki verði tafir á væntan- legum framkvæmdum. Dómurinn vekur hins vegar athygli af öðrum ástæðum. Hann er mjög skýr og röksemdafærslan fyrir niður- stöðu dómsins er mjög sterk. Þar segir, að enginn ágreiningur sé um að bygging álvers falli undir lög um umhverfismat. Meginástæða þess sé fyrst og fremst losun skaðlegra efna í umhverfið, svo sem brenni- steinsdíoxíðs og loftkennds flúoríðs. Af þessum sökum sé búnaður álvers til að lágmarka og hreinsa útblástur mengandi efna meðal þess, sem úr- slitaþýðingu hafi fyrir áhrif álvers á umhverfið. Þess vegna sé undir eng- um kringumstæðum hægt að líta fram hjá búnaði álvers í þessu skyni. Síðan segir í dómnum að nýr byggj- andi álversins í Reyðarfirði hafi ákveðið að beita aðferðum við hreins- un útblásturs, sem hafi í meginatrið- um verið ólíkar því, sem ráð hafi verið gert fyrir í álveri Norsk Hydro. Þetta hafi þýtt að útblástur í andrúmsloft á flúoríði hafi aukizt verulega og út- blástur á brennisteinsdíoxíði hafi margfaldast. Þetta hafi þýtt að losun hins breytta álvers á brennisteins- díoxíði í andrúmsloftið hafi að lokum verið áætluð 3.864 árstonn í stað 828 árstonna áður og losun flúoríðs áætluð 78,8 árstonn í stað 54,6 árstonna áður. Sú niðurstaða Skipulagsstofnunar að láta fyrirhugaðar aðferðir hins nýja byggjanda álversins við hreinsun útblásturs ekki sæta umhverfismati væri í berlegu ósamræmi við tilgang laga um mat á umhverfisáhrifum. Í samtali við Morgunblaðið í gær sagði Siv Friðleifsdóttir, fyrrverandi umhverfisráðherra, sem staðfesti nið- urstöðu Skipulagsstofnunar, að dóm- urinn kæmi sér verulega á óvart. Ál- ver Alcoa væri mun minna og án rafskautaverksmiðju og umhverfis- áhrif mun minni „þó að útblástur aukizt á tveimur efnum“. Ljóst er að það er þessi aukni út- blástur á tveimur efnum, sem ræður úrslitum um niðurstöðu Héraðsdóms. Sú spurning vaknar óneitanlega við lestur dóms Héraðsdóms Reykjavík- ur, hvort stjórnvöld hafi verið að stytta sér leið og flýta sér um of, að ekki sé talað um óðagot eins og Hjör- leifur Guttormsson lýsir þessu í sam- tali við Morgunblaðið í gær. Ef hér hefur verið á ferðinni til- hneiging til að stytta sér leið væri það ekki í fyrsta sinn vegna framkvæmda á Austurlandi. Deilan um Fljótsdals- virkjun snerist fyrst og fremst um það, að stjórnvöld ætluðu að nota tveggja áratuga gamalt virkjanaleyfi til að byggja þá virkjun, þótt lög um umhverfismat hefðu verið sett í milli- tíðinni, og komast með þeim hætti fram hjá umhverfismati. Allt það mál var dæmalaust klúður. Nú hafa verið færð sterk rök fyrir því, að stjórnvöld hafi stytt sér leið varðandi álverið í Reyðarfirði, þótt um hafi verið að ræða verulega breyttan hreinsunarútbúnað í því ál- veri, sem að lokum var samið um að byggja. Hvaða vit er í slíkum vinnu- brögðum? Það standa mjög erfiðar deilur í þessu landi á milli náttúruverndar- sinna og þeirra, sem telja óhjákvæmi- legt að nýta landsins gæði með öðrum hætti en náttúruverndarsinnar eru sáttir við. Það skiptir máli að reyna að brúa þetta bil. Og þá er lágmarks- krafa að ekkert álitamál geti verið um að farið hafi verið að lögum. IMPREGILO OG VIRKJANAFRAMKVÆMDIR Þegar ítalska verktakafyrirtækiðImpregilo var með lægsta tilboð í framkvæmdir við Kárahnjúkavirkjun kom það mörgum á óvart. Raunar höfðu ýmsir sérfróðir menn haft á orði í að- draganda útboðsins á sínum tíma að ekkert yrði af þessum framkvæmdum vegna þess að kostnaðaráætlun Lands- virkjunar væri alltof lág og engin tilboð mundu berast sem yrðu nálægt þeirri áætlun. Raunin varð önnur og ítalska fyrirtækið tók verkið að sér. Nánast frá upphafi hafa staðið átök um framkvæmdir fyrirtækisins. Verka- lýðshreyfingin hefur verið þar í forystu og ljóst að hún hefur talið að starfs- hættir Impregilo væru til þess fallnir að veikja mjög stöðu íslenzkra launþega. Þessar deilur eru farnar að hafa skaðleg áhrif á framkvæmdirnar við Kárahnjúka sem nú eru töluvert á eftir áætlun. Þess vegna er mikilvægt að setja þær niður. Það er ekki bara mik- ilvægt fyrir okkur Íslendinga heldur líka fyrir ítalska fyrirtækið. Þegar Landsvirkjun stóð frammi fyrir því að taka ákvörðun um hvort tilboði fyrir- tækisins yrði tekið og hvort hægt væri að treysta því fyrir þessum fram- kvæmdum leituðu forráðamenn Lands- virkjunar upplýsinga um fyrirtækið víða um heim og fengu jákvæðar um- sagnir. Hið sama eiga nýir viðskiptavin- ir Impregilo eftir að gera og þá m.a. hér á landi og ekki gott fyrir fyrirtækið að það orð fari af því að það hafi staðið í stórdeilum hér. Á hinn bóginn verða íslenzkir gagn- rýnendur fyrirtækisins einnig að gæta að sér. Ef hægt er að sýna fram á að fyr- irtækið hafi greitt laun samkvæmt kjarasamningum er erfitt að sjá hvern- ig verkalýðshreyfingin getur staðið á því að fyrirtækinu sé skylt að greiða laun sem „venja“ segi til um að eigi að greiða við svipaðar aðstæður. Það er mikið í húfi fyrir okkur Íslend- inga að vel takist til við Kárahnjúka. Þess vegna m.a. verður þessum deilum að ljúka.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.