Morgunblaðið - 26.01.2005, Blaðsíða 7

MORGUNBLAÐIÐ MIÐVIKUDAGUR 26. JANÚAR 2005 7
FRÉTTIR
Flex-T
vinnustöðvar
30%
TTT
auglýsingastofa/Ljósm
.S
S
J
Skrifstofuhúsgögn
á frábæruverði!
Flex-T vinnustöðvar (180x180cm)
frá Kr.46.270
Bæjarlind 8-10 • Sími 510 7300 • www.ag.isHeildarlausnir í skrifstofuhúsgögnum
Mark30 skrifstofustólar
Kr.40.900
kynningarafsláttur
Flex-T er ný lína vinnustöðva
sem Guðrún Margrét Ólafsdóttir
og Oddgeir Þórðarson hafa hannað.
Vinnustöðvarnar eru með þægilegri
handvirkri hæðarstillingu, 0-20 cm
en fást einnig með rafknúinni, stig-
lausri hæðarstillingu þannig að ýmist
er hægt að sitja eða standa við vinnu.
Nú býðst Flex-T á sérstöku kynning-
artilboði.
Hæðarstilling á baki
Pumpa til að stilla
stuðning við mjóhrygg
Hæðarstillanlegir
armar
Hallastilling á baki
Sleði til að færa setu
fram og aftur
Mjúk hjól
Hæðarstilling á
setu og baki
Hægt er að stilla stífleika setu
og baks eftir þyngd notanda
Veltustilling á setu og baki
Mark er glæsileg lína skrifstofustóla
fyrir vinnustaði og heimili. Hönnuður
stólanna er Pétur B. Lúthersson.
Hægt er að velja um fjölda lita á
áklæði. Nú bjóðum við þessa stóla
á frábæru verði.
Taldi nefndin að ekki væri hægt að
líta á skýrslu Hallgríms sem vinnu-
skjal þar sem hún hefði fyrst og
fremst að geyma upplýsingar um
málsatvik og viðhorf Hallgríms til
umfjöllunar um atvikið, án þess að
fjallað væri um hugsanleg viðbrögð
ráðuneytisins í tilefni af þessum at-
burðum. Hún væri því ekki und-
anþegin upplýsingarétti af þessari
ástæðu.
Fimm síður auðar
Á hinn bóginn taldi nefndin að
hluti skýrslunnar félli undir þau
undanþáguákvæði upplýsingalaga
sem fjalla um takmarkanir vegna
einkahagsmuna, og vegna þess að í
henni væru upplýsingar um sam-
skipti við önnur ríki eða fjölþjóða-
stofnanir, en sá hluti skýrslunnar
fjallar m.a. um meiðsli friðargæslu-
liðanna og verkaskiptingu á flug-
vellinum. Nefndin taldi því að hluti
skýrslunnar væri undanþeginn upp-
lýsingarétti og að ráðuneytinu væri
ekki skylt að afhenda hann. Tekið
er fram í úrskurðinum að nefndin
telur að í fyrrnefndri frásögn ráðu-
neytisins af árásinni væri nákvæm
endursögn á því sem Hallgrímur
skrifaði um aðdraganda árásarinn-
ar, árásina sjálfa og afleiðingar
hennar.
Afritið sem ráðuneytið lét af
hendi er samtals níu blaðsíður, þar
með talin ein blaðsíða með upp-
drætti af aðstæðum á vettvangi.
Fimm blaðsíður eru auðar, þar sem
ráðuneytinu var ekki skylt að láta
þær af hendi, en um þrjár blaðsíður
eru með texta.
NORSKUR maður, eigandi fyrir-
tækisins Scandinavian Historic
Flight (SHF), hefur stefnt Arn-
grími Jóhannssyni, öðrum aðaleig-
anda flugfélagsins Atlanta, og
krefst þess að hann greiði honum
94 milljónir fyrir að standa ekki við
samning sem hann segir að Arn-
grímur hafi gert um kaup á helm-
ingshlut í fyrirtækinu. Arngrímur
hafði í gærmorgun ekki séð stefn-
una og vildi ekki tjá sig um málið
að svo stöddu.
Fyrirtækið SHF og dótturfélag
þess í Bandaríkjunum hafa átt og
rekið fimm flugvélar sem hafa
sögulegt gildi. Flugvélarnar hafa
verið sýndar á flugsýningum og
verið notaðar við gerð kvikmynda.
Í stefnunni kemur fram að Norð-
maðurinn, Anders K. Saether, hafði
samband við Arngrím í júlí 2003 og
bauð honum að kaupa hluti í félag-
inu, en það mun hafa átt í fjárhags-
erfiðleikum á þeim tíma. Hann hafi
komið til Íslands í desember og
fljótlega tekist góð kynni með hon-
um og Arngrími. Eftir talsverðan
aðdraganda hafi samningaviðræður
leitt til þess að 2. mars 2004 hafi
Arngrímur hringt og staðfest samn-
ing um kaup á 50% hlut í SHF fyrir
94 milljónir. Kveðst Saether hafa
sent samninginn með hraðpósti til
Íslands daginn eftir. Arngrímur
hafi fljótlega lýst því yfir að hann
ætti erfitt með að greiða fyrir
hlutaféð. Hinn 14. mars hafi fulltrúi
Arngríms síðan tilkynnt að ekki
gæti orðið af samningnum.
Norðmaðurinn segist hafa orðið
fyrir umtalsverðu fjárhagstjóni af
þessum völdum og vegna vanefnda
sé tvísýnt um áframhaldandi rekst-
ur félagsins. Krefst hann bóta á
grundvelli þess að skuldbindandi
samningur hafi komist á og Arn-
grímur hafi ekki getað fallið ein-
hliða frá samningnum.
Stefnan hefur verið þingfest í
Héraðsdómi Reykjavíkur.
Krefst 94
milljóna
vegna
vanefnda
Stefnir Arngrími
Jóhannssyni í Atlanta
HÉRAÐSDÓMUR Reykjavíkur
sýknaði í gær íslenska ríkið af kröfu
Ástþórs Magnússonar um miskabæt-
ur fyrir að hafa sætt gæsluvarðhaldi
að ósekju. Krafðist Ástþór tveggja
milljóna króna í bætur. Héraðsdómur
komst að þeirri niðurstöðu að hann
hefði ekki sætt gæsluvarðhaldi að
ósekju, gæsluvarðhaldið ekki verið
lengra en nauðsyn var á og aðgerðir
lögreglu ekki framkvæmdar á hættu-
legan, særandi eða móðgandi hátt.
Ástþór sendi föstudaginn 22. nóv-
ember árið 2002 tölvupóst í nafni
samtakanna Friðar 2000, þar sem
sagði að samtökin hefðu rökstuddan
grun um að ráðist yrði gegn íslenskri
flugvél með flugráni og/eða sprengju-
tilræði. Tölvupósturinn var sendur til
fjölda aðila, þar á meðal ráðherra,
þingmanna, embættismanna og fjöl-
miðla.
Starfsmenn ríkislögreglustjóra
handtóku Ástþór sömu nótt, þar sem
hann var á veitingahúsi í Reykjavík
og daginn eftir var hann yfirheyrður.
Þar sagðist hann hafa sent umrædd-
an tölvupóst vegna draumsýna sinna
og innsæis og í tilefni fréttaflutnings í
erlendum fjölmiðlum um að hugsan-
lega yrði ráðist á þá sem styðji ólög-
mætt stríð gegn Írak og Arabaþjóð-
um. Auk þess sagðist hann hafa
fengið tölvupóst frá nafngreindum
manni þar sem rökstutt væri hvers
vegna íslenskar flugvélar yrðu skot-
mörk vegna aðgerða íslenskra stjórn-
valda. Ástþór var úrskurðaður síðar
um kvöldið í gæsluvarðhald til 29.
nóvember á þeirri forsendu að lög-
reglan teldi efni tölvupóstsins vera til
þess fallið að valda almennum ótta og
óöryggi fyrir flugsamgöngur og
kynni að varða við almenn hegning-
arlög. Ástþór kærði gæsluvarðhalds-
úrskurðinn til Hæstaréttar sem felldi
hann úr gildi 26. nóvember 2002. Í
desember var gefin út ákæra á hend-
ur Ástþóri en hann var sýknaður
bæði í Héraðsdómi Reykjavíkur og
Hæstarétti.
Ástþór krafðist bóta á þeirri for-
sendu, að hann hefði að ósekju sætt
frelsissviptingu í fjóra sólarhringa og
verið allan tímann í einangrunarvist.
Gæsluvarðhaldið og einangrunin
hefðu haft í för með sér andlega þján-
ingu og miska sem hann ætti rétt á að
fá bættan með greiðslu bóta. Hann
væri þekkt persóna í þjóðlífinu og
hefði um árabil unnið að friðarmál-
um.
Ríkið taldi hins vegar að Ástþór
hefði sjálfur valdið eða stuðlað að
þeim aðgerðum sem hann reisti kröfu
sína á og hafi mátt vera ljóst, að það
gæti haft alvarlegar afleiðingar að
senda umræddan tölvupóst.
Málið var rekið með gjafsókn úr
ríkissjóði. Sigurður H. Stefánsson
kvað upp dóminn. Hilmar Ingimund-
arson hrl. var lögmaður Ástþórs.
Óskar Thorarensen hrl. var til varnar
fyrir ríkið.
Ríkissjóður sýknaður af
kröfu Ástþórs Magnús-
sonar um miskabætur