Morgunblaðið - 26.01.2005, Blaðsíða 37

MORGUNBLAÐIÐ MIÐVIKUDAGUR 26. JANÚAR 2005 37
DAGBÓK
Hlíðasmára 11, Kópavogi
sími 517 6460
www.belladonna.is
Réttu stærðirnar
Sextugasta sólarkaffi Ísfirðingafélagsinsí Reykjavík verður haldið á skemmti-staðnum Broadway við Ármúla áföstudaginn. Í tilefni af þessu stór-
afmæli verður óvenjumikið um dýrðir.
Ísfirskar perlur sjá um skemmtiatriðin
munu margir landsfrægir tónlistarmenn Ísa-
fjarðar koma fram. Að sjálfsögðu mun BG
sjálfur stíga á svið auk þess sem hljómsveit
hans mun leika fyrir dansi. Hinn síungi stór-
söngvari, metsöluhöfundur, hljómplötuútgef-
andi, bílaáhugamaður og Sumargleðigjafi
Ragnar Bjarnason mun skemmta með aðstoð
útvarpsmannsins ástsæla Þorgeirs Ástvalds-
sonar. Ræðumaður kvöldsins verður tón-
skáldið og rektor Listaháskólans, Hjálmar H.
Ragnarsson.
Um undirspilið sér Vilberg Viggósson, en
væntanlega mun fjöldi söngvara stíga á svið
og taka lagið að hætti Ísfirðinga.
„Það er hefð, sem allir Ísfirðingar eiga sam-
eiginlega að fyrsta heiðskíran dag í þorra,
þegar sólin gægist í fyrsta sinn yfir fjalla-
brúnirnar, eru bakaðar pönnukökur og öllum
boðið til sólarkaffis,“ segir Ólafur Hannibals-
son.
Ísfirðingafélagið í Reykjavík var stofnað 22.
apríl 1945, sem kynningar- og skemmtifélag
brottfluttra Ísfirðinga. Það gekkst strax fyrir
því, að Ísfirðingar gætu hist þennan dag og
glaðst saman og hefur sú hefð haldist óslitið
síðan. „Alla tíð hefur verið sérstakur ljómi yfir
sólarkaffinu og menn nýtt sér það til að rifja
upp gömul kynni. Þarna hittast fjölskyldur og
ættingjar og bera saman bækur sínar, ferm-
ingarárgangar taka sig saman um að hittast
eða bekkjarsystkin úr skólum bæjarins, eða
gamlir íþróttafélagar.
Þetta er því einskonar þjóðræknishátíð,
gömul vinabönd eru treyst og tryggð og af-
komendur kynntir fyrir vinum og vandamönn-
um, þetta er dagur ljúfra minninga um
áhyggjuleysi bernsku og æsku að leik og
starfi.“
Ólafur segir að þótt Ísfirðingafélagið hafi
verið stofnað sem „kynningar- og skemmti-
félag“ hafi umsvif þess þó aukist umtalsvert.
„Það gefur út ársritið Vestanpóstinn, sem
dreift er ókeypis til félagsmanna. Fyrir nokkr-
um árum keypti það húsið Sóltún á Ísafirði og
rekur það sem orlofshús fyrir félagsmenn
hvert sumar við miklar vinsældir. Auk þess
gengst það fyrir tveimur hátíðum öðrum,
Kirkjuhátíð á vorin, þar sem ísfirskur prestur
hefur oftast prédikað, og Sólkveðjuhátíð á
haustin, sem oftast er haldin hjá Ísfirðingnum
Braga Einarssyni í Eden í Hveragerði.
Alltaf ber þó fögnuðinn yfir endurkomu sól-
arinnar út úr svartholi skammdegisins hæst,
þá er rétti tíminn til að hittast og gleðjast
saman.“
Mannfagnaðir | Ísfirðingafélagið í Reykjavík heldur sitt sextugasta sólarkaffi
Vinabönd treyst og tryggð

Ólafur Hannibalsson
fæddist árið 1935 á Ísa-
firði. Hann lauk stúd-
entsprófi frá Mennta-
skólanum á
Laugarvatni og fór það-
an í Háskólanám í
Bandaríkjunum og
Tékkóslóvakíu.
Ólafur hefur starfað við
kennslu, blaða-
mennsku, bændastörf,
ritstörf og einnig sem skrifstofustjóri ASÍ.
Hann er kvæntur Guðrúnu Pétursdóttur og
eiga þau saman tvær dætur. Fyrir átti hann
þrjú börn.
Nýja stólalyftan í Kóngsgili
ÉG er búinn að bíða lengi eftir að
nýja stólalyftan í Kóngsgili opni
og stefnt er að því að opna hana í
febrúar.
Ég átti leið í Kringluna í dag og
sá þá kynningu á lyftunni og mik-
ið ofsalega varð ég vonsvikinn!
Kláfurinn eða kláfaklefinn sem á
að vera fjögurra manna rétt rúm-
ar þrjár manneskjur þar sem risa-
stór armur sem lokar hurðinni
kemur lengst inn í klefann. Síðan
eru festingar fyrir fjögur skíði að
mig minnir og eitt snjóbretti!
Hvaða rugl er þetta? Þar sem
svona 60–70% og jafnvel fleiri eru
á snjóbretti myndi ég nú telja að
ein festing væri ekki nóg! Allt í
lagi, ef kláfurinn hefði verið
stærri væri bara hægt að hafa
brettið inni en það er bara ekkert
pláss. Jæja, það seinasta sem ég
varð vonsvikinn með er að fjög-
urra sæta stóllinn er í fyrsta lagi
rosalega ljótur og í öðru lagi rosa-
lega hrár og asnalegur. Var ekki
hægt að kaupa stól af sömu fram-
leiðendum og framleiða Fjarkann
á Akureyri eða stólalyftuna í
Kóngsgili? Það eru allavega þægi-
legir og flottir stólar.
Eitt enn, ég var í Kóngsgilinu
um síðustu helgi og allt í lagi með
það, ég búinn að fara nokkrar
ferðir og röðin komin að mér. Mér
til skelfingar sé ég stólinn koma
fyrir aftan mig og fyrir honum
miðjum er eitthvert járn og ég
þorði ekki annað en að setjast svo
ég myndi ekki stórslasa mig. Á
leiðinni upp fattaði ég svo að eng-
in seta var á stólnum! Heldur bara
plastið sem er undir og járnið átti
víst að festa setuna og bakið! Ég
leit upp og sá að þessi stóll var
númer 4, ég er mjög hissa á því að
þeir skuli láta hann vera í umferð
ef það er engin seta á honum. Mér
var rosalega illt í bakinu eftir að
hafa setið í þessum stól.
Friðrik G.
Herrahringur í óskilum
HERRAHRINGUR fannst á
Öldugötu á bóndadaginn. Upplýs-
ingar í síma 848 6430.
Kettlingur fæst gefins
6 mánaða lífs-
glaður kett-
lingur óskar eft-
ir góðu heimili
sökum ofnæmis
eiganda. Mjög
mannelskur og
gælinn, malar
stanslaust. Katt-
arnáðhús og
matardallar fylgja með. Upplýs-
ingar í símum 692 7707 og
663 4755.
Velvakandi
Svarað í síma 5691100 frá 10–12
og 13–15 | velvakandi@mbl.is
Morgunblaðið/Golli
50 ÁRA afmæli. Í dag, 26. janúar,fagnar Gísli M. Eyjólfsson 50
ára afmæli sínu. Af því tilefni tekur
hann ásamt fjölskyldu sinni á móti ætt-
ingjum og vinum í Oddfellowhúsinu,
Keflavík, föstudaginn 28. janúar kl. 20.
Árnaðheilla
dagbók@mbl.is
60 ÁRA afmæli. Í gær, 25. janúar,varð sextugur Haukur Hall-
dórsson, fyrrverandi formaður
Stéttarsambands bænda. Í tilefni af
tímamótunum tekur hann, og kona
hans, á móti gestum, laugardaginn 29.
janúar frá kl. 17 að Sveitahótelinu í
Sveinbjarnargerði.
Reykjavíkurmótið.
Norður
♠G
♥K8743 S/Allir
♦Á6432
♣Á2
Vestur Austur
♠107432 ♠–
♥– ♥ÁDG92
♦DG1075 ♦K9
♣D107 ♣KG9843
Suður
♠ÁKD9865
♥1065
♦8
♣65
Í 14. umferð á sunnudaginn kom upp
baráttuspil í háloftunum, sem yfirleitt
hófst með opnun suðurs á þremur spöð-
um.
Vestur Norður Austur Suður
– – – 3 spaðar
Pass Pass Dobl Pass
?
Norður á ekki alveg nóg til að lyfta
þremur spöðum í fjóra og víðast hvar
braðist austur með opnunardobli. Á
þremur borðum kaus vestur að sitja í
doblinu út á tíuna fimmtu í spaða. Það
gafst ekki vel, því sagnhafi nær sér auð-
veldlega í sjö trompslagi með því að
stinga tígul þrisvar, og svo á hann tvo
ása til hliðar: 730 í NS.
Þeir vesturspilarar sem tóku út í fjóra
tígla voru hins vegar ekki lausir allra
mála. Norður doblaði og austur sagði
fjögur hjörtu. Það er freistandi að túlka
þá sögn sem tvílita hönd með hjarta og
lauf og breyta í fimm lauf. Nokkrir
gerðu það og fóru ýmist einn niður, eða
unnu fimm lauf dobluð þegar tígul-
stungan fannst ekki í vörninni. En hitt
sást líka að austur væri skilinn eftir í
fjórum hjörtum dobluðum. Þá var „flótt-
inn“ í fjögur hjörtu túlkaður sem einlita
hönd með hjarta.
Ekkert er svo sem kristaltært í svona
stöðum og því er oft farsælt að yfir-
melda strax til að koma skiptingunni til
skila. Jón Baldursson gerði það með
austurspilin – hann sagði fjóra spaða of-
an í þrjá spaða til að sýna tvílita hönd
með hjarta og láglit. Sagnir enduðu í
fimm laufum og vörnin fannst ekki.
BRIDS
Guðmundur
Páll Arnarson
Fréttir á SMS