Morgunblaðið - 26.01.2005, Blaðsíða 48

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 26. JANÚAR 2005 VERÐ Í LAUSASÖLU 220 KR. MEÐ VSK.
Næring ekki
refsing
Lágmúla og Smáratorgi
opið kl. 8-24
alla daga
ÞAÐ styttir talsvert biðina eftir strætó þegar maður hefur einhvern
til að spjalla við. Ekki síst þegar dimmt er í veðri og blautt. Þessir ein-
staklingar, sem urðu á vegi ljósmyndara Morgunblaðsins, virtust
djúpt sokknir í eitthvert mikilvægt málefni. Ef til vill gengi hand-
boltaliðsins í Túnis eða þá leysingarnar sem hafa verið í hlýindunum
undanfarna daga um land allt.
Morgunblaðið/Ómar
Biðin eftir strætó stytt
ICELAND Express áformar að
hefja áætlunarflug til Frankfurt/
Hahn-flugvallarins í Þýskalandi í lok
maí eða byrjun júní næstkomandi.
Gert er ráð fyrir að flogið verði
þrisvar í viku til Þýskalands í sumar
og líklegt að fluginu verði haldið
áfram næsta vetur, þótt ferðatíðnin
kunni að vera minni þá, að sögn Al-
mars Arnar Hilmarssonar, fram-
kvæmdastjóra félagsins.
Nýir eigendur eignuðust Iceland
Express á liðnu hausti og var Almar
ráðinn framkvæmdastjóri í nóvem-
ber síðastliðnum. Hann segir að eitt
fyrsta verkefni nýrra stjórnenda
Iceland Express hafi verið að fjölga
áfangastöðum félagsins úr tveimur í
þrjá. Félagið er nú með fastar ferðir
til London og Kaupmannahafnar.
„Okkur þótti rökréttast að færa okk-
ur inn á meginlandið. Vænlegasti
kosturinn þótti okkur Frankfurt/
Hahn-flugvöllurinn sem er miðja
vegu milli Frankfurt og Lúxemborg-
ar. Um þennan völl fóru þrjár millj-
ónir farþega í fyrra. Þarna er ein af
fjórum miðstöðvum Ryanair í Evr-
ópu.“
Almar sagði að Íslendingar
þekktu nálægar slóðir flugvallarins
vel frá fornu fari þegar flogið var til
Lúxemborgar. Trier, Rínardalurinn
og Mósel eru í næsta nágrenni. „Við
erum ekki síst að horfa til gríðar-
margra þýskra ferðamanna sem
koma hingað til lands. Þeir voru um
40 þúsund í fyrra,“ sagði Almar.
Iceland Express hefur
flug til Þýskalands
UNDANFARNA daga hefur Þor-
gerður Katrín Gunnarsdóttir
menntamálaráðherra kynnt í fram-
haldsskólum skýrslu um styttingu
náms til stúdentsprófs, og segir
Steingrímur Sigurgeirsson, aðstoð-
armaður menntamálaráðherra, að
skýrslan hafi fengið jákvæð viðbrögð
í þeim skólum sem ráðherra hefur
heimsótt. Hann segir andrúmsloftið
hvergi hafa verið neikvætt og bætir
því við að fundirnir hafi verið afar
gagnlegir fyrir alla aðila og margar
góðar ábendingar komið fram um
hvernig megi framkvæma stytt-
inguna á sem bestan hátt. Steingrím-
ur segir endurskoðun á námskránum
í framhaldsskólum vera næsta skref
eftir að kynningu skýrslunnar lýkur.
Nokkrir rektorar og skólameistar-
ar framhaldsskólanna, sem Morgun-
blaðið ræddi við í gær, lýsa efasemd-
um um gagnsemi styttingar náms á
framhaldsskólastigi um eitt ár. Telja
þeir m.a. að stytting skólaársins
myndi valda niðurskurði á valáföng-
um í auk þess sem vinnuálag á nem-
endur myndi aukast verulega.
Ráðherra fær já-
kvæð viðbrögð frá
framhaldsskólum
 Efast um/11
ÓLAFUR Elíasson er í 17. sæti yfir vinsæl-
ustu myndlistarmenn heims árið 2004, sam-
kvæmt netmiðlinum Artfacts.net. Vinsæld-
irnar byggjast ekki á sölu verka eða um-
sögnum sérfræðinga, heldur fjölda sýninga og
hversu hátt sýningarstaðirnir, þar sem verk
listamannanna eru sýnd, eru metnir af miðl-
inum.
Þrjú efstu sætin skipa Pablo Picasso, Andy
Warhol og Paul Klee, sem allir eru látnir, en
meðal annarra listamanna í efstu tuttugu sæt-
unum má nefna Joseph Beuys, Joan Miro,
Henri Matisse, Salvador Dalí og Cindy
Sherman.
Athygli vekur að í hópi tuttugu efstu manna
er Ólafur yngstur, fæddur 1967, næstyngstur
er Pierre Huyghe, fæddur 1962, en hann skip-
ar 13. sæti listans. Matisse er elstur, fæddur
1869./41
Ólafur 17. vin-
sælasti myndlist-
armaður heims
STUTTMYND sem Sigurjón Sighvatsson
framleiðir hefur verið tilnefnd til Óskars-
verðlauna, en verðlaunaafhendingin fer
fram 27. febrúar nk. Að sögn Sigurjóns er
þetta í fyrsta sinn sem hann sjálfur er til-
nefndur til Ósk-
arsverðlauna.
„Maður hefur
alltaf viljað fá til-
nefningu til Ósk-
arsins en ég hélt
að vísu að það
yrði ekki stutt-
mynd, en Ósk-
arinn er alveg
jafn stór hvort
sem um stutt-
mynd eða langa
mynd er að
ræða,“ segir Sig-
urjón.
Myndin ber
nafnið Every-
thing In This
Country Must og
er gerð eftir smásögu írska rithöfundarins
Colum McCann en leikstjóri er annar ungur
Íri, Gary McHendry. Myndin er 18 mínútur
að lengd, var tekin upp í Belfast og fjallar
um átökin á Norður-Írlandi.
Sigurjón kveðst mjög ánægður og spennt-
ur með að hafa fengið tilnefninguna en hann
segir samkeppnina í flokki stuttmynda vera
mjög harða. „Ég ætla að vona að við [með-
framleiðendur og leikstjóri] förum allir upp
á svið og fáum Óskarinn,“ segir Sigurjón að
lokum.
Stuttmynd
Sigurjóns fær
Óskarstilnefningu
Sigurjón Sighvatsson
HEILDARTEKJUR ríkissjóðs af stimpilgjöld-
um jukust um 2,7 milljarða króna á síðasta ári.
Þá námu gjöldin alls um 6,4 milljörðum króna en
voru 3,7 milljarðar árið 2003. Þetta kemur fram í
svari Geirs H. Haarde fjármálaráðherra við fyr-
irspurn Margrétar Frímannsdóttur þingmanns.
Áætlað er í svarinu að stimpilgjöld vegna fast-
eignakaupa gætu hafa numið um 4 milljörðum á
liðnu ári, en voru um 2,4 milljarðar árið 2003.
Þetta eru mun meiri tekjur en reiknað hafði ver-
ið með því í lok ágúst sl. var haft eftir skrif-
stofustjóra í fjármálaráðuneytinu í Morgun-
blaðinu að tekjur af stimpilgjöldum gætu numið
3,5 milljörðum yfir árið 2004. Var samkeppni
bankanna á íbúðalánamarkaðnum rétt að byrja.
þessu megi gera ráð fyrir að stimpilgjöld vegna
fasteignakaupa árið 2003 hafi numið um 2,4
milljörðum króna. „Vegna breyttra aðstæðna á
lánamarkaði vegna fasteignakaupa á seinni
hluta ársins 2004 er erfiðara að áætla hve mikill
hluti stimpilgjaldsins sé vegna fasteignakaupa.
Gróf nálgun gæti numið tæpum 4 milljörðum
króna,“ segir í svari ráðherra.
Fasteignamat hækkaði víðast hvar um landið
um 16-20% um áramótin og segir formaður Fé-
lags fasteignasala, Björn Þorri Viktorsson, það
blasa við að bara vegna þessara hækkana muni
ríkið auka enn frekar tekjur sínar af stimpil-
gjöldum en slíkt gjald vegna kaupsamnings
íbúðar er 0,4% af fasteignamati húss og lóðar.
Í svari fjármálaráðherra segir að fyrirkomu-
lag og innheimta stimpilgjalda valdi því að erfitt
sé að gera sér fyllilega grein fyrir skiptingu
gjaldsins, líkt og þingmaðurinn spurði um. Í
upplýsingum frá Fasteignamati ríkisins komi
fram að stimpilgjöld af fasteignaviðskiptum á
fyrri hluta ársins hafi verið um 65–70% af heild-
arstimpilgjöldum. Er þá átt við bæði gjöld af
skuldabréfum og kaupsamningum. Samkvæmt
Heildartekjur ríkisins af stimpilgjöldum námu 6,4 milljörðum árið 2004
Tekjur vegna íbúðakaupa
áætlaðar 4 milljarðar
Áætlanir gerðu ráð fyr-
ir heildarstimpilgjöld-
um upp á 3,5 milljarða
♦♦♦