Morgunblaðið - 05.03.2005, Side 56

56|Morgunblaðið
Eftirfarandi uppskriftir sem Baldur Öx-
dal í Ráðhúskaffi gefur Fermingarblaðinu
eru einfaldar en líka í hollari kantinum.
Það var dásamleg terta á veitingahúsinu
hans Lindinni á Laugarvatni sem fékk
blaðamann til að falast eftir uppskriftum
hjá Baldri sem var í íslenska kokkalands-
liðinu 1991–1994 sem ábætisgerðarmeist-
ari.
Hvít súkkulaðifroða
með ferskum ávöxtum
4 dl rjómi
300 g hvítt súkkulaði, smátt saxað
2 matarlímsblöð (látið liggja í köldu
vatni í 10 mín.)
ferskir ávextir að eigin vali
hindberja- eða önnur góð ávaxtasósa
eða mauk – ef vill
Sjóðið rjómann, setjið matarlímsblöðin
og hvíta súkkulaðið út í og hrærið vel
saman. Sett í rjómasprautu og eitt gas-
hylki sett í sprautuna. Setjið hana í volgt
vatnsbað, hristið hana vel og látið hana
ekki kólna áður en þið sprautið úr henni í
glasið sem þið hafið þegar sett ávexti og
sósu í. Skreytið eftir vild, þess vegna með
kókosflögum.
Pekanhnetueplabaka
6 stór græn epli flysjuð, skorin í báta
2 dl pekanhnetur (má drýgja með
öðrum hnetum)
kanilsykurblanda
1 stór krukka eplamauk
döðlubotn
Stráið smá kanilsykri yfir eplin og pek-
anhneturnar og bakið í 20 mín.
Eplamauk sett á döðlubotninn, kan-
ilsykri stráð yfir. Eplunum og pekanhnet-
unum raðað óreglulega ofan á. Hægt er
að gera karamellu og hella yfir kökuna.
Gott er að hita kökuna í 10 mín í ofni áður
en hún er borin fram með rjóma eða ís.
Karamella
3 bollar af sykri settir í pott og 2 msk af
sítrónusafa kreistar yfir og hrært vel
saman. Sett á heita helluna og brætt
þangað til fallegur karamellulitur næst.
Kökur sem
allir geta gert
Ef fermingarbarnið ætlar að taka til hendinni við
kökubaksturinn eru uppskriftirnar hans Baldurs
bæði einfaldar og fljótlegar en líka dásamlega safa-
ríkar.