Morgunblaðið - 05.03.2005, Blaðsíða 64

64|Morgunblaðið
chili saman við maukið. Bætið fiskinum út
í pottinn þannig að sú tegund sem þarf
lengstu eldunina komi fyrst. Bætið síðan
afganginum af hvítvíninu og vatninu við
og lofið suðunni að koma hægt og rólega
upp. Saxið steinseljuna og setjið út í rétt
áður en fiskisúpan er borin fram.
Marineraður geitaostur
1 tsk fennelfræ
1 tsk rósapipar
250 g ferskur geitaostur, t.d. Soignon
2 hvítlauksgeirar, afhýddir en heilir
2 litlir grænir chili, marðir
2 rósmaríngreinar, marðar
2 lárviðarlauf
extra virgin ólífuolía þar til rennur yfir
ostinn
Hitið fennelfræ og rósapipar varlega á
pönnu þar til lyktarefnin fara að losna, án
þess að brenna það. Kælið algjörlega.
Búið til litlar kúlur úr ostinum og setjið
í skál eða krukku. Setjið fennelfræin og
rósapiparinn út í og svo afganginn af hrá-
efninu. Hellið olíunni yfir þar til allur ost-
urinn er á kafi.
Miðjarðarhafskjúklingaréttur
4 kjúklingabringur
8 kjúklingaleggir
½ kúrbítur
½ rauð paprika
½ gul paprika
½ græn paprika
1 rauðlaukur
3 greinar timían
12 sveppir
3 msk hveiti
2 tsk tómatpuré
300 ml hvítvín
600 ml vatn
50 g smjör
salt og svartur pipar
Grófskerið allt grænmetið. Setjið olíu í
stóran pott og hitið vel. Setjið leggina
fyrst út í og steikið vel. Svo eru svepp-
irnir settir út í og steiktir vel. Setjið af-
ganginn af grænmetinu út í ásamt timí-
aninu. Saltið og piprið. Næst er
tómatpuréið sett út í og látið krauma vel,
því næst hveitið og látið brúnast með í
u.þ.b. ½ mínútu áður en hvítvínið er sett
út í. Látið það aðeins sjóða niður áður en
vatnið er sett út í. Forsteikið bringurnar
á sérpönnu. Þegar sósan er búin að bland-
ast vel og sjóða í u.þ.b. 10 mínútur setjið
þá bringurnar út í pottinn og sjóðið áfram
í 10–15 mínútur og smakkið til með salti
og pipar. Setjið smjörið út í í lokin þegar
u.þ.b. 5 mínútur eru eftir af suðutím-
anum.
Gott er að hafa grjón með þessum rétti.
Peruterta Tatin
100 g sykur
100 g smjör
10 perur
1 pakki smjördeig
Skrælið og kjarnið perurnar og skerið í
fjóra bita. Setjið sykur og smjör í pönnu
(best að hafa teflonhúðaða Alpan-pönnu)
og brúnið. Raðið perunum þétt á pönn-
una. Rúllið út smjördeigið. Takið pönn-
una af hitanum og leggið smjördeigið á
hana og ýtið deiginu vel niður til hliðanna
(að innanverðu) svo kantur myndist þeg-
ar pönnunni verður snúið við. Setjið inn í
ofn við 200°C í u.þ.b. 20 mínútur eða þar
til deigið er orðið gullinbrúnt. Takið
pönnuna út úr ofninum og látið kólna að-
eins. Setjið síðan fat sem nær yfir pönn-
una og hvolfið, þá ætti allt að losna og
perurnar snúa upp. Borið fram heitt eða
volgt með rjóma eða vanilluís.
Alls kyns skemmtilegt meðlæti er gott
að hafa með og helst setja á gott brauð
(sjá uppskr. bls. 58) og bæta við af áleggs-
bakkanum sem á er: spænsk chorizo-
pylsa, serrano-hráskinka, ítalskt salami,
salami með grænum piparkornum og ís-
lensk lambahráskinka.
Aïoli
2 stórar eggjarauður
5 dl extra virgin ólífuolía
1 tsk dijon-sinnep
1 hvítlauksrif
vatn
salt
Afhýðið og saxið hvítlauksrifið. Setjið
eggjarauðurnar í skál ásamt hvítlauknum
og dijon-sinnepinu. Bætið olíunni út í í
mjórri bunu en gætið þess að hræra vel
allan tímann á meðan olía lekur í skálina,
annars skilur sósan sig. Ef sósan verður
of þykk má þynna hana með vatni eða
sítrónusafa. Kryddið til með salti.
Guacamole
3 meðalstórar lárperur
½ rauðlaukur
2 meðalstórir tómatar
3 hvítlauksrif
½ sítróna
1 dl extra virgin ólífuolía
salt og svartur pipar
Afhýðið lárperuna og takið steininn úr.
Skerið í teninga um 1x1 cm. Skerið lauk-
inn og tómatana í litla bita. Merjið hvít-
laukinn smátt. Blandið öllu saman í eina
skál, kreistið safann úr sítrónunni yfir.
Setjið olíuna út í og bragðbætið með salti
og pipar.
Hummus
300 g kjúklingabaunir soðnar
1 msk tahini (sesamsjör)
½ dl ólífuolía
2 hvítlauksgeirar
½ tsk chiliduft
salt
Kjúklingabaunirnar eru settar í mat-
vinnsluvél ásamt tahini, hvítlauk, chili-
dufti og ólífuolíu og maukað fínt. Ef
blandan er of þykk og vélin ræður ekki
við hana er gott að setja smávegis af
kjúklingabaunavökvanum út í og almennt
gott að nota vökvann til að hafa rétta
þykkt. Kryddið til með salti.
Sætar kartöflur
500 g sætar kartöflur
4 msk ólífuolía
2 hvítlauksgeirar
salt og pipar
Skrúbbið sætu kartöflurnar mjög vel,
skrælið ekki. Skerið þær í u.þ.b. ½ cm
þykkar sneiðar og setjið í skál. Skerið
hvítlaukinn smátt og blandið olíunni sam-
an við. Hellið blöndunni yfir kartöflurnar.
Raðið því næst kartöflunum á grind og
saltið og piprið. Bakið við 220°C í um 15
mínútur.
Kóríander- og sítrónusalsa
4 msk kóríander
1 rauður chili (lítill)
1 hvítlauksgeiri
2 dl extra virgin ólífuolía
½ tsk kúmín, malað
1 sítróna
Saxið kóríanderið. Takið fræin úr chili-
inu og skerið smátt. Saxið hvítlaukinn
smátt. Blandið öllu saman. Setjið kartöfl-
urnar á fat eða disk þegar þær eru til-
búnar og setjið salsað yfir. Borðist heitt.
Tómatmauk
2 heilir tómatar
1 hvítlauksrif
½ dl extra virgin ólífuolía
Maukið allt saman.
Guðjón Birgir Rúnarsson yfirkokkur og Rúnar Gíslason.
Það er mjög smart að bjóða upp á
áleggsbakka með framandi sósum og
góðu brauði.
Kóríander- og sítrónusalsa – beint yfir
sætu kartöflurnar!
Miðjarðarhafskjúklingur hittir alltaf í
mark.
Gull - úrið
Axel Eiríksson ◆ Álfabakka 16
Mjóddinni ◆ sími 587 4100
Flott ferm
ingarúr
Verð frá 1
2
.9
0
0
1902
FESTINA