Morgunblaðið - 19.03.2005, Blaðsíða 28

28 LAUGARDAGUR 19. MARS 2005 MORGUNBLAÐIÐ
MINNSTAÐUR
Bláskógabyggð | Atli hefur unnið á Sunn-
lenska fréttablaðinu undanfarin átta ár og rit-
stjórinn Bjarni Harðarson leigði rútu undir
allt starfsfólkið í tilefni af starfslokum Atla og
keyrði með hópinn upp til fjalla í sína heima-
sveit, Biskupstungurnar. Leiðin lá að Hótel
Geysi í kvöldverð en fyrst var komið við hjá
oddvita Bláskógabyggðar þar sem boðið var
upp á gúrkusnafs.
Atli var hrærður vegna alls þessa tilstands
og mjög þakklátur. Hann hefur lifað miklar
breytingar í starfi sínu og nefnir sem dæmi að
þegar hann hóf störf á Morgunblaðinu árið
1950 þá voru engar rafmagnsritvélar, hvað þá
tölvur. „Aðstæðurnar í starfinu þá voru gjör-
ólíkar því sem ég sjálfur þekki í dag og allt
vinnuferlið tók miklu lengri tíma.“
Atli byrjaði sinn blaðamannaferil á Morg-
unblaðinu árið 1950 og starfaði þar í 25 ár og
segir það hafa verið skemmtilegan tíma.
„Menn þurftu að leggja sig alla fram, þetta var
nánast eins og að vinna fyrir sjálfan sig og
maður gekk í hvað sem var. Ég var til dæmis
um tíma látinn sjá um kvennasíðurnar.“
Sumir dagar gleymast aldrei
Atli vann á fréttadeildinni á Mogganum og
fór fljótlega að stýra íþróttafréttum meðfram
og gerði það í tvo áratugi. „Ég fékk að upplifa
glæsilega sigra í íþróttum á þessum árum, eins
og til dæmis 29. júní 1951 þegar Íslendingar
unnu landslið Danmerkur og Noregs í frjáls-
um íþróttum í Ósló og á sama degi á Melavell-
inum vann íslenska landsliðið í knattspyrnu
Svíana. Þetta er dagur sem ég gleymi aldrei,“
segir Atli sem hafði mjög frjálsar hendur í
íþróttaskrifunum og skrifaði einungis um þá
leiki og viðburði sem honum hentaði.
„En þegar ég fór út að skemmta mér hlóð-
ust að mér menn sem ýmist skömmuðu mig
eða hældu fyrir að halda með einum og segja
öðrum til syndanna. Íþróttir voru mjög mikið
hitamál á þessum árum og fólk lét hiklaust í
sér heyra ef það var ekki ánægt.“ Atli fór sem
fréttamaður á vegum Morgunblaðsins á
tvenna Ólympíuleika, í Helsinki 1952 og Róm
1960. Hann var aðalhvatamaður að stofnun
samtaka íþróttafréttamanna, en þau samtök
hafa kosið íþróttamann ársins í 49 ár.
Uppgröftur í kirkjugarði
Atli hefur komið víða við á ferlinum og vann
meðal annars á Dagblaðinu í sjö ár og á Út-
varpinu í fjögur ár en hann bjó líka í tæpan
áratug úti í Bandaríkjunum frá 1988–1997
ásamt konu sinni, Önnu Bjarnason blaðakonu,
en þau kynntist á fyrstu árum sínum á Morg-
unblaðinu.
„Við Anna sendum fréttir og útvarpspistla
til Íslands allan þann tíma sem við bjuggum
úti, en Anna var frábær blaðamaður og miklu
fremri mér í þeim efnum,“ segir Atli með
væntumþykju en Anna lést fyrir sjö árum.
Atli segist sjá eftir blaðamannsstarfinu en
hann hafi þó ýmislegt á prjónunum nú þegar
hægist um.
Hann hefur reynt ýmislegt á langri ævi og
skömmu eftir stríð þegar hann var ungur mað-
ur í Verslunarskólanum komst hann í það
merkilega starf að grafa upp jarðneskar leifar
bandarískra hermanna sem höfðu látið lífið
hér á landi og voru jarðsettir í Fossvoginum.
Notalegar amerískar líkkistur
„Þessi tillaga um uppgröft og flutning jarð-
neskra leifa hermanna heim til fósturjarð-
arinnar var tekin upp á bandaríska þinginu og
enginn þorði að vera á móti henni svo hún var
framkvæmd hér á landi í maí árið 1947 en þá
var ég sautján ára. Við vorum fjórtán manna
hópur sem gengum í það verk að grafa upp þá
202 karla og konur sem höfðu látið lífið hér á
landi og það var nokkuð svæsið því kisturnar
voru fullar af vatni. Líkin voru færð yfir í af-
skaplega fínar og bólstraðar kistur og við
strákarnir vorum eitthvað að prakkarast í
kaffitímanum og lögðum okkur í þessar kistur
en þær voru mjög notalegar,“ segir Atli sem
var einn af þremur strákum úr Versló sem
komust í þetta undarlega starf og fengu að
launum tvöfalt kaup á við það sem þeir voru
vanir.
Atli Steinarsson státar af blaðamannaskírteini númer tvö hér á landi en nýlega hélt Sunnlenska fréttablaðið á Selfossi
heilmikla kveðjuhátíð honum til heiðurs þar sem hann lætur nú af störfum eftir tæp 55 ár í blaðamennsku. Kristín Heiða
Kristinsdóttir slóst með í för og tók höfðingjann tali. Meðal annars voru rifjaðar upp gamlar sögur úr blaðamennskunni.
Atli kveður eftir
rúma hálfa öld í
blaðamennsku
Kveðja Atli Steinarsson tekur við gjafabréfi, flugfarseðli, úr hendi Bjarna Harðarsonar.
khk@mbl.is
Selfoss | „Við erum þessa dagana að
skipuleggja námskeið fyrir starfs-
fólk íþróttamannvirkja sem m.a. er
ætlað að gera starfsfólkið enn hæf-
ara til að fylgjast með og koma í veg
fyrir einelti. Einnig er ég að vinna að
því ásamt fleirum að setja saman
dagskrá fyrir menningarhátíðina
Vor í Árborg sem haldin verður í
maí. Svo erum við núna með glænýja
athugun á líðan og högum barna og
unglinga í Árborg,“ segir Grímur
Hergeirsson, nýr verkefnisstjóri
íþrótta, forvarna og menningarmála
í Árborg en starf hans heyrir undir
fjölskyldumiðstöð sveitarfélagsins.
Grímur starfaði sem lög-
reglumaður í 10 ár við lögregluemb-
ættið á Selfossi, á ýmsum sviðum,
við almenn lögreglustörf og í rann-
sóknum, sérstaklega varðandi fíkni-
efnamál. Einnig hefur hann kennt í
Lögregluskólanum. Grímur er Sel-
fyssingur og tók mikinn þátt í
íþróttastarfi á Selfossi, bæði sem
þátttakandi enda snarpur keppn-
ismaður á sínum tíma og síðan sem
þjálfari og leiðtogi í íþróttastarfi
unglinga. „Ég fékk gott tækifæri til
að reyna ýmis svið í starfi mínu hjá
lögreglunni og það var mjög góður
skóli. Í gegnum þessi störf kynnist
maður ýmsum hliðum mannlífsins
og þessi tími verður eins konar
reynslubrunnur að sækja í,“ segir
Grímur en hann býr á Selfossi og er
kvæntur Björk Steindórsdóttur ljós-
móður og eiga þau þrjú börn.
Ný skýrsla er grunnur
fyrir forvarnarstarfið
„Ég hef hrærst mikið í kringum
íþróttir á margan hátt en það er
mjög áhugaverður málaflokkur að
fást við. Svo finnst mér mikilvægt að
forvarnir séu í góðu lagi í sveit-
arfélögum og að þeim sé sinnt jafnt
og þétt og í starfi mínu sem lög-
reglumaður kom ég að forvarn-
arstarfi með ýmsum hætti. Auk þess
var ég í stjórnunarnámi fyrir nokkr-
um árum og mér fannst þessi bak-
grunnur minn henta mér vel þegar
ég leiddi hugann að því að sækja um
þetta starf sem ég er í núna. Þetta er
lifandi og skemmtilegt starf með
fjölbreytta möguleika til þess að ná
árangri á öllum sviðum þess, einkum
því sem lýtur að börnum og ungling-
um. Það voru forréttindi að fá að
taka þátt í fjölbreyttu starfi eins og
lögreglustarfinu þar sem maður
kynnist öllum hliðum mannlífsins.
Það gefur manni innsýn í líf fólks og
þær fjölbreyttu aðstæður sem upp
geta komið hjá einstaklingum og
fjölskyldum,“ segir Grímur.
Hann vekur athygli á skýrslunni
um líðan og hagi barna og unglinga
sem góðum grunni til að byggja upp
forvarnarstarf og vinnu með börnum
og unglingum. „Með þessari skýrslu
fáum við staðfestingu á stöðu mála
og getum byggt á niðurstöðum
skýrslunnar þegar við tökum
ákvarðanir um einstaka þætti og
áherslur í starfinu hérna. Það má
segja að fram að þessu hafi starfið
meira verið byggt á þeirri tilfinningu
sem fólk hafði til ákveðinna þátta.
Það kemur ýmislegt athyglisvert
fram í þessari skýrslu svo sem að
reykingar unglinga eru ekki al-
mennar í Árborg en aftur á móti er
nokkuð um að drengir noti neftóbak.
Þá kemur fram að eftirlit foreldra og
vitneskja þeirra um útivist barna og
unglinga má vera í fastari skorðum
hér. Þessi skýrsla verður bráðlega
aðgengileg á heimasíðu Árborgar og
hvet ég fólk til að kynna sér hana,“
segir Grímur.
Mikilvægt að ná til allra
„Í þeim málaflokkum sem fjalla
um börn og unglinga er mikilvægt
að umhverfið sé fjölbreytt og starf-
semin öflug eins og það er í raun hjá
okkur í Árborg í íþrótta- og tóm-
stundamálum. Það er verið að gera
góða hluti með krökkunum hérna
enda er það þýðingarmikið fyrir
sveitarfélagið að hlúa vel að því sem
er til staðar svo sem með aðstöðu-
sköpun og góðri umgjörð. Við rekum
til dæmis félagsmiðstöð í góðu hús-
næði og þar þarf alltaf að leitast við
að ná til krakka sem eru á jaðrinum
að vera með og koma inn í starfið en
þau gera það, sjái þau sér færi á því
og verkefni við sitt hæfi þar sem þau
njóta sín. Það er hægt að ná til þess-
ara hópa með samvinnu við skóla og
félög á svæðinu.
Ég sé einnig fyrir mér að yngstu
börnin geti farið beint í félagsstarfið,
á íþróttaæfingu eða annað þegar þau
eru búin í skólanum og séu búin um
fimmleytið, í stað þess að þurfa að
fara í þetta á kvöldin. Þá er einnig
auðveldara fyrir félögin að ná til
menntaðra leiðbeinenda ef aðstaðan
er eitthvað á þessa leið.
Mér finnst þýðingarmikið að
vinna vel með öllum aðilum sem hafa
með höndum einhverja starfsemi á
þessum sviðum sem ég starfa á. Síð-
an er að finna leiðir til þess að ná
enn meiri árangri og bæta við. Við
búum við það hér í Árborg að það er
mikil fjölgun íbúa og alltaf þörf fyrir
meiri og betri aðstöðu strax og eitt-
hvað nýtt er komið í gagnið en það
er bara skemmtilegt og ögrandi að
takast á við slíkt og finna leiðir. Það
er til dæmis mikil grasrótarmenning
í sveitarfélaginu. Listastarfsemin er
mjög blómleg, hér er fjölbreytt lista-
mannaflóra og margir kórar ásamt
mjög góðum tónlistarskóla svo fátt
eitt sé nefnt. Þessum sterka sam-
félagsþætti er komið á framfæri í
menningardagskránni Vor í Árborg
sem fram fer í þriðja sinn í vor, 20.–
23. maí,“ segir Grímur.
Fjölskyldan geti verið saman
Grímur leggur áherslu á að mikil
uppbygging hafi farið fram í gegn-
um árin í gömlu sveitarfélögunum
sem sameinuðust undir Árborg.
„Þessi uppbygging þarf að halda
áfram og við þurfum að hlúa að þeim
þáttum sem verða æ mikilvægari,
menningu, afþreyingu, heilsu og
hreyfingu. Þannig getum við styrkt
samfélagið og búið til umgjörð þar
sem gott er að koma börnum og ung-
lingum til manns eins og sagt er. Það
eru líka margar ógnanir í samfélag-
inu og við þurfum að leggja áherslu
á að unga fólkið velji rétt. Hér get-
um við verið stolt af því sem við eig-
um, hér er gott samfélag og góður
grunnur til að ná enn betri árangri
með því að efla það sem fyrir er.
Það er nauðsynlegt að fylgja þró-
uninni og byggja á því að fjölskyldan
geti verið saman í afþreyingu og átt
góðar uppbyggilegar stundir,“ segir
Grímur Hergeirsson, nýr verkefn-
isstjóri íþrótta-, forvarna og menn-
ingarmála í Árborg.
Grímur Hergeirsson, verkefnisstjóri hjá Árborg, er fyrrverandi lögreglumaður og snarpur keppnismaður
Vill taka þátt í að skapa umgjörð þar sem
gott er að koma börnum til manns
Morgunblaðið/Sigurður Jónsson
Forvarnir Grímur Hergeirsson hefur tekið við starfi verkefnisstjóra
íþrótta, forvarna og menningarmála hjá Sveitarfélaginu Árborg.
ÁRBORGARSVÆÐIÐ