Morgunblaðið - 22.09.2005, Blaðsíða 36

36 FIMMTUDAGUR 22. SEPTEMBER 2005 MORGUNBLAÐIÐ
MINNINGAR
Allir dagar eiga kvöld
og allar nætur morgna.
Þannig verða árin öld
og öldin mynd hins horfna.
(Höf ók.)
Nágranni minn og sveitungi til
margra ára, Elías Þorbergsson,
bóndi frá Hattardal, er lést á Land-
spítalanum hinn 11 maí sl., var jarð-
sunginn frá Súðavíkurkirkju hinn
21. maí sl. Hann hefði orðið 79 ára í
dag, 22. september. Enn einn
strengurinn við gömlu sveitina mína
slitnaði við fráfall Elíasar, að heils-
ast og kveðjast það er gangur lífs-
ins.
Dagur var að kveldi kominn hjá
Ella, en það var hann ávallt kallaður
svona dagsdaglega, ég held hann
hafi verið sáttur við sólarlagið og
hvíldina að loknu dagsverki.
Elli setti vissulega svip sinn á öld-
ina sem hefur kvatt okkur. Hann var
ELÍAS GUNNAR
ÞORBERGSSON
✝ Elías GunnarÞorbergsson
fæddist í Efri-Mið-
vík í Sléttuhreppi í
N-Ísafjarðarsýslu
22. september 1926.
Hann lést á Land-
spítalanum 11. maí
síðastliðinn og var
útför hans gerð frá
Súðavíkurkirkju 21.
maí.
grannur og spengileg-
ur maður, svolítið
sperrtur, hann notaði
stundum sterkar lýs-
ingar um menn og
málefni en meinti oft-
ar en ekki minna með
orðunum, hafði svolít-
ið gaman af því að
vera ósammála síð-
asta ræðumanni.
Þar til ég var sjö
ára bjó fjölskylda mín
og Elli ásamt sinni
fjölskyldu í gamla
bænum í Hattardal. Í
minningunni var alltaf nóg pláss í
gamla bænum, hvort sem það var
fyrir börn í sveit eða gesti. Oft var
ansi gestkvæmt í Hattardal og eins
og segir „ef pláss er í hjartanu er
pláss í húsinu“. Einnig man ég eftir
miklum bakstri fyrir helgar því ekki
var til siðs að bjóða svart kaffi og
mola og kom það að sjálfsögðu í hlut
mömmu og Stellu að baka.
Þarna voru Elli og Stella með
þrjú börn og aðeins var eitt herbergi
til einkanota. Þegar fjórða barnið
var væntanlegt réðust Elli og Stella
í framkvæmd við nýbyggingu íbúð-
arhúss sem þau fluttu svo í um vet-
urinn 1962. Í desember 1961 fæddist
svo fjórða barnið sem var drengur
og var skírður Gunnar Þröstur.
Þennan vetur bjó Stella hjá tengda-
foreldrum sínum úti í Súðavík ásamt
börnum sínum þar til húsið var
tilbúið og fannst mér vistin daufleg
þegar elsta dóttir þeirra Anna
María var ekki til að leika sér við.
Þar sem við vorum nánast á sama
aldri og bjuggum í sama bænum til
sjö ára aldurs varð samband okkar
afar gott þó stundum hafi slest upp
á vinskapinn eins og gengur með
börn. Hefur samband okkar alltaf
verið náið í gegnum tíðina.
Stuttu seinna byggðum við svo
íbúðarhús í Hattardalskoti og var
þar með hætt að búa í gamla bænum
enda hafði hann þjónað sínu hlut-
verki og stundum er ég nú að segja
börnunum mínum að ég hafi búið í
torfbæ.
Samgangur var alltaf mikill á milli
bæjanna og ekki þurfti að banka til
að tilkynna heimsókn, það var bara
kallað: Er einhver heima?
Elli og Stella hættu búskap 1978
og fluttu út í Súðavík þar sem þau
keyptu sér nýtt hús. Elli fór að
vinna hjá Súðavíkurhreppi og Stella
vann í Frosta hf. Búskapurinn hafði
alltaf sterk tök í Ella. Nokkrir smá-
bændur voru í Súðavík á þessum
tíma og fékk Elli fjárhúspláss hjá
bróðursyni sínum svo hann gat haft
nokkrar eftirlætis kindurnar með
sér út í þorpið þegar hann flutti. Það
veitti Ella mikla ánægju að stússast
við kindur, tala um kindur, skoða
kindur og vera í þessu umhverfi sem
hann þekkti svo vel.
„Ekki verður feigum forðað né
ófeigum í hel komið.“ Í nóvember
1994 flytja Elli og Stella til Reykja-
víkur aðeins tveim mánuðum áður
en snjóflóðið mikla féll á Súðavík.
Gjöreyðilagðist húsið þá sem þau
höfðu búið í. Síðustu árin var heilsan
farin að gefa sig og undi Elli því ekki
vel að vera ekki frjáls og fleygur að
eigin vild.
Það er fallegt útsýnið af hlaðinu í
Hattardal, bændabýlin á vinstri
hönd, þá Snæfjallaströndin fyrir
miðjum Álftafirðinum og Sjötúna-
hlíðin til hægri. Kvöldlognið á Álfta-
firðinum er oft dásamlegt. Þessari
mynd held ég að Elli hafi oft flett
upp og skoðað í minningabankanum
er hann bjó í Reykjavík.
Býlunum í Álftafirði fer nú fækk-
andi. Aðeins eru nú tvö í ábúð en
voru átta talsins þegar Elli var
bóndi í Hattardal.
Á ævikvöldinu var Elli tilbúinn til
að fara og hefði hæglega getað kvatt
með orðum skáldsins, Ólafs Jóhanns
Sigurðssonar:
Upp yfir Brún og í þá sveit
sem enginn í þessum sóknum leit.
Stíg ég á bak og brott ég held,
beint inn í sólarlagsins eld.
Kær kveðja.
Friðgerður Baldvinsdóttir
frá Hattardal.
Við Steingrímur
urðum vinir á gamla
Dagblaðinu. Auðvelt
var að þykja vænt um
þennan ljúfa öðling
sem því miður gekk sinn æviveg í
fjötrum. Æðruleysið var hans aðals-
merki og fötlun hans varð honum
aldrei vegartálmi. En Steingrímur
minn þurfti að leggja harðar að sér
en aðrir menn til að skila sínu dags-
verki. Í dag eru fjötrarnir fallnir og
Steingrímur frjáls ferða sinna.
Við stofnun Borgaraflokksins urð-
STEINGRÍMUR
KRISTJÓNSSON
✝ SteingrímurKristjónsson
fæddist í Reykjavík
14. maí 1950. Hann
lést á heimili sínu
hinn 12. september
síðastliðinn og var
jarðsunginn frá
Fossvogskapellu 20.
september.
um við samferða um
pólitíska krákustigu
og Steingrímur var að
sjálfsögðu áfram trúr
sínu fólki í hópi ör-
yrkja. Og ekki nóg
með það: Þingmenn
og ráðherrar Borgara-
flokksins kölluðu
Steingrím Kristjóns-
son á sinn fund þegar
ríkisstjórnin fjallaði
um málefni öryrkja.
Hispurslaus fram-
koma Steingríms og
augljós réttlætis-
kennd hafði djúp áhrif á þau stjórn-
völd sem á mál hans hlýddu.
Á fertugsafmæli mínu orti Stein-
grímur mér fallega vinarkveðju en
skáldalaunin verða enn að bíða
þangað til báðir hittast hinum meg-
in. Með ástvinum hans deili ég sökn-
uði í dag.
Ásgeir Hannes.
Innilegar þakkir til allra þeirra, er auðsýndu okkur
samúð og vinarhug við andlát og útför elskulegrar
eiginkonu minnar, móður okkar, tengdamóður,
dóttur, tengdadóttur og ömmu,
RUTAR LÁRUSDÓTTUR,
Heiðarenda 8,
áður Faxabraut 67,
Keflavík.
Sérstakar þakkir viljum við færa starfsfólki á D-deild Heilbrigðisstofnunar
Suðurnesja fyrir einstaka umönnun og velvild í garð Rutar og öllum þeim,
sem studdu hana og okkur í veikindum hennar.
Brynjar Hansson,
Guðrún Lára Brynjarsdóttir, Skúli Rósantsson,
Sólveig Hanna Brynjarsdóttir,
Eiður Gils Brynjarsson,
Guðrún Árnadóttir,
Sólveig Björndís Guðmundsdóttir,
Rut, Rósant Friðrik og Soffía Rún.
Innilegar þakkir til allra, sem sýndu okkur samúð
og hlýhug við andlát og útför móður okkar,
tengdamóður, ömmu og langömmu,
INGIBJARGAR KRISTÍNAR
KRISTJÁNSDÓTTUR,
Rifi,
Snæfellsnesi.
Sérstakar þakkir færum við öllu starfsfólki á
St. Franciskuspítalanum í Stykkishólmi fyrir góða umönnun og hlýju.
Sigríður Karlsdóttir, Einar K. Kristinsson,
Kristján Jóhannes Karlsson, Hafdís Berg Gísladóttir,
Kristín S. Karlsdóttir, Snæbjörn Kristófersson,
Eyrún Leifsdóttir, Skarphéðinn Gíslason,
Unnar Leifsson, Guðrún Gísladóttir,
Andri B. Þorsteinsson,
barnabörn og barnabarnabörn.
Innilegar þakkir til allra þeirra, sem sýndu okkur
samúð og hlýhug við andlát og útför eiginmanns,
föður okkar, tengdaföður, afa og langafa,
ÓLAFS RAGNARS KARLSSONAR
málarameistara,
Núpalind 8,
Kópavogi.
Sérstakar þakkir færum við starfsfólki og læknum
á deild L-1 Landakotsspítala.
Hrefna Einarsdóttir,
Einar Ólafsson, Daiva Léliené,
Stefanía María Ólafsdóttir, Þórður Árnason,
Sigríður Jóna Ólafsdóttir, Pálmi Sigurðsson,
barnabörn og barnabarnabarn.
Innilegar þakkir til allra þeirra, sem sýndu okkur
samúð og hlýhug við andlát og útför eiginmanns
míns, föður okkar og tengdaföður,
BJÖRNS BJÖRNSSONAR.
Guðný Aðalsteinsdóttir,
Bryndís Björnsdóttir, Magni S. Sigmarsson,
Ásdís Björnsdóttir, Guðni Már Harðarson.
Elskuleg sambýliskona mín, móðir okkar, tengda-
móðir og amma,
KRISTÍN JÓNSDÓTTIR,
Tjarnarbóli 10,
Seltjarnarnesi,
lést á heimili sínu þriðjudaginn 20. september.
Útför hennar fer fram frá Fossvogskirkju fimmtu-
daginn 29. september kl. 15.00.
Reynir Jóhannesson,
Elísabet Reinhardsdóttir, Sigvaldi H. Ægisson,
Reinhard Reinhardsson, Karólína I. Guðlaugsdóttir,
Stefanía Reinhardsdóttir Khalifeh
og barnabörn.
Ástkær bróðir okkar,
GUNNAR GUNNLAUGSSON
frá Syðri Sýrlæk,
Suðurengi 1,
Selfossi,
sem lést þriðjudaginn 13. september, verður
jarðsunginn frá Villingaholtskirkju laugardaginn
24. september kl. 13.30.
Ásgeir Gunnlaugsson,
Óttar Gunnlaugsson, Sigríður Þorgeirsdóttir,
Ingvar Gunnlaugsson,
Sigrún Gunnlaugsdóttir.
Kær frænka okkar og fóstra,
ÓSK SNORRADÓTTIR
frá Hlíðarenda
í Vestmannaeyjum,
sem lést þriðjudaginn 13. september, verður
jarðsungin frá Landakirkju laugardaginn 24. sept-
ember kl. 14.00.
Ólafía Ásmundsdóttir, Páll Ingólfsson,
Snorri Hafsteinsson, Jónína Ketilsdóttir
og fjölskyldur.