Morgunblaðið - 06.10.2005, Side 37

MORGUNBLAÐIÐ FIMMTUDAGUR 6. OKTÓBER 2005 37
UMRÆÐAN
GEÐTEYMI heimahjúkrunar
hefur starfað frá því í apríl 2004. Að-
dragandi að stofnun teymisins var
vaxandi þörf fyrir þjónustu við geð-
sjúka utan stofnana.
Haustið 2003 kom heilbrigðis- og
tryggingamálaráðuneytið að máli
við heilsugæsluna og óskaði eftir því
að sett yrði á laggirnar geðteymi við
heimahjúkrun sem sinnti þeim sem
ættu við geðræn vandamál að stríða
og byggju heima. Nokkur undirbún-
ingur var að stofnun teymisins og
var haft samráð bæði við geðsvið
Landspítala – háskólasjúkrahúss og
Geðhjálp auk annarra aðila sem hafa
sinnt þessum hópi.
Meginmarkmið með þjónustu
teymisins er að:
Tryggja samfellda meðferð ein-
staklinga með geðraskanir 18 ára og
eldri
Að efla sálrænt og félagslegt heil-
brigði
Að koma í veg fyrir endur-
innlagnir
Að styrkja aðlögunarhæfni ein-
staklinga eftir útskrift af sjúkra-
húsum
Að hvetja einstaklinginn til sjálfs-
hjálpar og sjálfsvirðingar
Að finna viðeigandi úrræði til að
auka félagslega og andlega færni
eftir því sem við á hverju sinni.
Sækja þarf um þjónustuna og eru
það oftast meðferðaraðilar ein-
staklingsins sem sjá um það. Þjón-
ustan getur verið frá því að vera vitj-
un einu sinni í viku í að vera
daglegar vitjanir. Hver vitjun tekur
að meðaltali um eina klukkustund.
Þjónustutíminn er alla virka daga
frá klukkan 8.00–20.00 og þjón-
ustusvæðið er um 118.000 íbúar
(Reykjavíkur og Seltjarnarness).
Mikilvægur þáttur í starfseminni
er að vinna á forsendum skjólstæð-
ingsins þannig að hann setji sér
markmið með þjónustunni. Þessi
markmið eru síðan endurskoðuð eft-
ir ákveðinn tíma. Til að tryggja við-
eigandi meðferð og að skjólstæðing-
urinn njóti þeirra réttinda sem hann
á rétt á er lögð áhersla á góða sam-
vinnu við Landspítala – háskóla-
sjúkrahús, heilsugæsluna, miðstöð
heimahjúkrunar, félagsþjónustuna,
svæðisskrifstofu og
aðra aðila sem vinna að
málefnum geðsjúkra
utan stofnana.
Í dag eru fjögur
stöðugildi starfsfólks
við teymið og starfa við
það tveir geðhjúkr-
unarfræðingar, þrír
sjúkraliðar og einn
hjúkrunarfræðingur
sem hefur það sérsvið
að fylgja eftir konum
sem greinst hafa með
þunglyndi á meðgöngu
eða eftir fæðingu
barns.
Á fyrsta starfsári
geðteymisins voru alls
136 einstaklingar í um-
sjón þess. Skjólstæð-
ingar að jafnaði í með-
ferð í hverjum mánuði
voru 52 og vitjanir
4.084.
Algengasta með-
ferðin var í formi
stuðnings eða 34%,
lyfjagjafir og eftirlit
28% og að hjálpa til við
að rjúfa félagslega ein-
angrun var 17% af
veittri meðferð.
Þetta fyrsta starfsár voru 35% af
skjólstæðingum geðteymisins
greind með þunglyndi, með geðklofa
24% og með geðhvörf 15% .
Starfsemi geðteymisins er í stöð-
ugri þróun með sýn á þarfir geð-
sjúkra hverju sinni. Mikilvægt er að
stefna að því að hlúa að heima-
hjúkrun og auka starfsemi geðteym-
isins. Samfélagshjúkrun er mik-
ilvægt form hjúkrunar og sú leið
sem líklegust er til að auka lífsgæði
einstaklinga og koma í veg fyrir end-
urinnlagnir.
Geðteymi heimahjúkrunar
Sigríður H. Bjarnadóttir
fjallar um aðstoð við geðsjúka
utan stofnana ’Starfsemi geðteym-isins er í stöðugri þróun
með sýn á þarfir geð-
sjúkra hverju sinni. ‘
Sigríður H.
Bjarnadóttir Höfundur er hjúkrunarfræðingur
og verkefnastjóri geðteymis heima-
hjúkrunar.

 


 
  
 









 
  
Rakarastofan
Klapparstíg
S: 551 3010
Hair play frá
Rakarastofan
Klapparstíg
Fréttir í
tölvupósti