Morgunblaðið - 07.10.2005, Blaðsíða 4
4 FÖSTUDAGUR 7. OKTÓBER 2005 MORGUNBLAÐIÐ
FRÉTTIR
Notaðu peningana þína ...
Ingólfur H. Ingólfsson hefur um
árabil haldið vinsæl námskeið um
fjármál heimilanna og hjálpað
fjölda fólks að ná tökum á
fjármálum sínum.
Penninn/Eymundsson veitir
15% afslátt af bókinni á meðan
á námskeiðunum stendur
Akureyri: 19. nóv.
Ísafjörður: 21. nóv.
Egilsstaðir: 23. nóv.
Vestm.eyjar: 26. nóv.
edda.is
... til þess að:
• Greiða hratt niður skuldir
• Hafa gaman af því að eyða þeim
• Spara og byggja upp sjóði og eignir
• Læra á verðbréfamarkaðinn
Þú getur þetta allt með peningunum sem þú átt nú
þegar því að þú átt nóg af þeim – þú þarft bara að
finna þá.
Reykjavík: 11. okt.
15. nóv.
ÚR MÍNUS Í PLÚS - næstu námskeið:
Skráning á www.spara.is eða í síma 587 2580
SÝSLUMAÐURINN í Reykjavík samþykkti síð-
degis í gær fjárnámskröfu Jóns Ólafssonar í veð-
skuldabréfi í eignum Hannesar Hólmsteins Giss-
urarsonar vegna meiðyrðadóms sem féll í London í
sumar. Fjárnámið að upphæð tæplega 11 milljónir
var gert í veðskuldabréfi sem gefið var út vegna
sölu Hannesar Hólmsteins á húseign sinni í
Reykjavík þann 1. september sl. og var skuldabréf-
ið tekið í vörslu sýslumannsins í Reykjavík.
Heimir Örn Herbertsson hdl., lögmaður Hann-
esar Hólmsteins, mun kæra málið til Héraðsdóms
Reykjavíkur. Að hans sögn hefur Hannes Hólm-
steinn jafnframt ráðið lögmann í Englandi til að
krefjast þess að dómurinn í Englandi verði endur-
upptekinn. Það sé í sjálfu sér mikil ákvörðun enda
sé tímataxti enskra lögmanna á bilinu 30-50.000
krónur
Seldi húsið 1. september
Fjárnámskrafan var tekin fyrir hjá sýslumann-
inum í Reykjavík klukkan 13:15 og stóð hún í um
þrjá og hálfan tíma. Miðað við tóninn í lögmönnum
Jóns og Hannesar Hólmsteins eftir að henni var
lokið rúmlega þremur tímum síðar er greinilegt að
harkalega var tekist á.
Útgefandi veðskuldabréfsins er Skipholt ehf., í
eigu Kjartans Gunnarssonar, framkvæmdastjóra
Sjálfstæðisflokksins, og fleiri en félagið keypti hús-
ið af Hannesi Hólmsteini þann 1. september sl.,
skömmu eftir að dómurinn féll ytra. Skipholt
greiddi 59 milljónir fyrir húsið, annars vegar með
útgáfu skuldabréfsins sem hljóðar upp á 30,6 millj-
ónir og hins vegar með yfirtöku skulda. Í skulda-
bréfinu segir að Skipholt muni byrja að endur-
greiða skuldina eftir fimm ár, þ.e. hinn 1. október
2010. Fram til þess dags greiðist hvorki vextir né
afborganir af höfuðstól skuldarinnar. Samkvæmt
kaupsamningnum hefur Hannes Hólmsteinn því
ekki fengið greitt reiðufé vegna sölu hússins.
Rut Júlíusdóttir hdl., lögmaður Jóns Ólafssonar,
sagði að samkvæmt kröfu hennar hefði Hannes
Hólmsteinn verið sviptur vörslu á skuldabréfinu.
Þetta væri að hennar mati fullnægjandi niðurstaða
í málinu enda hefði tekist að fá fjárnám í andvirði
kröfunnar. Með þessu væru hagsmunir Jóns Ólafs-
sonar tryggðir enda væri skuldabréfið á tryggum
stað. Aðspurð sagði hún óvíst hvort Jón Ólafsson
gæti látið selja skuldabréfið en það skipti í sjálfu
sér ekki máli því engin áform væru um slíkt. Spurð
um ástæðu þess að hún féllst ekki á að trygging
yrði sett fyrir upphæðinni, sagði hún að hún hefði
metið það svo að hagsmunir síns skjólstæðings
hefðu ekki verið jafn vel tryggðir með þeim hætti.
Hefði Jón fjárnám í höndunum gæti hann strax
þegar málinu væri að fullu lokið krafist nauðung-
arsölu á því sem fjárnám var gert í en með trygg-
ingu gæti ferillinn orðið mun lengri og flóknari.
Furðulegt að fallast ekki á tryggingu
Heimir Örn Herbertsson hdl., lögmaður Hann-
esar Hólmsteins, sagði niðurstöðu sýslumanns frá-
leita og hann furðaði sig á þeirri hörku sem lög-
maður Jóns Ólafssonar hefði beitt í málinu,
sérstaklega í ljósi þess að boðin hefði verið fram
trygging.
Hjá sýslumanni krafðist Heimir Örn þess að við-
urkenning á hinum enska dómi yrði endurskoðuð í
samræmi við lög. Einnig þess að fjárnáminu yrði
frestað þannig að niðurstaða
fengist um ágreining um hvort
dómurinn hefði gildi hér á
landi. Þessu hefði öllu verið
mótmælt af lögmanni Jóns og
hafnað af sýslumanni. Þegar
ljóst hefði orðið að málið héldi
áfram hefði hann óskað eftir
því að hann fengi að setja fram
tryggingu fyrir greiðslu skuld-
arinnar. „En af einhverjum
undarlegum ástæðum hafnaði
lögmaður Jóns tryggingunni.
Og af enn undarlegri ástæðum
hafnaði fulltrúi sýslumanns því
að sett yrði trygging. Þetta tel
ég með öllu löglaust og í raun-
inni stórfurðulegt,“ sagði hann.
Lyktirnar hefðu orðið þær
að sýslumaður samþykkti fjár-
námið og tók veðskuldabréfið í
vörslu sína. Heimir Örn sagði
að öllum ákvörðunum sýslu-
manns í þessu máli yrði skotið
til héraðsdóms.
Varðandi sölu Hannesar
Hólmsteins á húsinu til félags í
eigu Kjartans Gunnarssonar, sagði Heimir Örn
það fráleitt að halda því fram að Hannes Hólm-
steinn hefði selt húsið sitt í þeim tilgangi að skjóta
undan eignum eða um væri að ræða málamynda-
gerning, eins og sumir hefðu gert. Þar að auki hefði
hann boðist til að leggja fram tryggingu fyrir fjár-
námskröfunni og því hefði hann á engan hátt reynt
að koma eignum eða fé undan. Tilgangurinn með
sölunni hefði verið að afla fjár til að standa straum
af lögmannskostnaði vegna málaferla Jóns gegn
Hannesi Hólmsteini. Nú væri staðan sú að skulda-
bréfið hefði verið fryst hjá sýslumanninum í
Reykjavík og Hannes Hólmsteinn gæti því ekki
selt það til að afla sér fjár.
Spurður um ákvæði skuldabréfsins um að
greiðslur hefjist ekki fyrr en eftir fimm ár sagði
Heimir Örn að þetta mál hefði borið að með
skömmum fyrirvara. Hannes Hólmsteinn hefði
leitað álits á málaferlum Jóns hjá lögfræðingi Há-
skóla Íslands og fengið álitsgerð hjá dómsmála-
ráðuneytinu og metið þau svör þannig að kröfur
Jóns myndu tæpast ná fram að ganga. Þegar kom-
ið hefði í ljós að hætta var á hinu gagnstæða hefði
þurft að bregðast skjótt við og afla peninga til að
hafa upp í kostnað. Þá gæti hann selt skuldabréfið
til að afla sér fjár.
Harkalega tekist á um fjárnámskröfu Jóns Ólafssonar á hendur Hannesi H. Gissurarsyni
Fjárnám tekið í veðskulda-
bréfi vegna sölu á húseign
Sigríður Rut Júlíusdóttir, lögmaður Jóns Ólafssonar, og Heimir Örn
Herbertsson, lögmaður Hannesar Hólmsteins, koma á fund hjá sýslu-
manni Reykjavíkur þar sem fjárnámskrafan var tekin fyrir í gær.
Morgunblaðið/Árni Sæberg
Niðurstaðan verður
kærð til héraðsdóms og
óskað eftir endurupp-
töku málsins í Englandi
Eftir Rúnar Pálmason
runarp@mbl.is
HANNES hafði möguleika á að
komast út úr þessu á mjög sóma-
samlegan hátt en hann kaus að gera
það ekki. Hann svaraði ekki bréfum
frá lögmönnum mínum og skellti á
þá ef þeir hringdu í hann. Því hag-
aði hann sér frekar dólgslega og
þess vegna erum við komnir þangað
sem við erum komnir,“ segir Jón
Ólafsson um lyktir meiðyrðamálsins
í Bretlandi gegn Hannesi Hólm-
steini Gissurarsyni.
Jón segir að Hannes Hólmsteinn
hafi þegar brotið gegn niðurstöðu
dómstólsins með því að ítreka fyrri
ummæli sem stefnt var fyrir.
Jón segir að á þeim tíma sem
hann hafi verið í fjölmiðlarekstri á
Íslandi, hafi hann haft þá reglu að
svara aldrei fyrir sig og láta aldrei á
sér sjá, sama hvernig fólk hagaði
sér gagnvart honum. En um leið og
hann hafi hætt í fjölmiðlarekstri
hafi hann verið orðinn „óbreyttur“
og þurfti þar með ekki lengur að
líða meiðyrði. „Hannes lét margt um
mig falla meðan ég var í fjölmiðla-
rekstri og hann gerði það áfram eft-
ir að ég hætti,“ segir Jón. „Hann
þýddi þetta yfir á ensku í þeim eina
tilgangi að valda mér tjóni erlendis
sem hann og gerði. Þegar lá fyrir að
hann hefði valdið mér tjóni, þá ritaði
ég honum og Háskóla Íslands bréf
og óskað eftir því að ummælin yrðu
fjarlægð af heimasíðu hans sem vist-
uð var í háskólanum. Jafnframt
bauð ég Hannesi að hann myndi
biðjast afsökunar í persónulegu
bréfi til mín. En hann hunsaði allt
þetta og háskólinn taldi að heima-
síðan yrði tekin niður um áramót
sem ekki varð. Þegar síðan var uppi
mánuðum saman eftir áramót,
ákvað ég að hefja mál. Ég gat vissu-
lega farið fram á miklu hærri skaða-
bætur hefði ég viljað en það gerði ég
ekki því mér fannst það ekki passa
við þær aðstæður sem eru á Íslandi.
Ég var heldur ekki að leita að fjár-
munum heldur niðurstöðu um að
ummæli hans væru dæmd ómerk og
ógild.“
„Hannes
hagaði sér
frekar
dólgslega“
NÝ Sultartangalína verður sveigð
og lögð niður í dal á nokkurra
kílómetra kafla til þess að hún sjá-
ist ekki frá Gullfossi. Hluti gömlu
línunnar blasir þó enn við ferða-
mönnum sem skoða fossinn.
Þorgeir J. Andrésson, skrif-
stofustjóri Landsnets, segir að
ekki standi til að gamla línan
verði tekin niður á þeim kafla sem
sést frá fossinum, enda myndi
fylgja því mikill kostnaður. Nýja
línan á ekki að leysa þá gömlu af
hólmi, heldur bæta við þá flutn-
ingsgetu sem nú er til staðar
vegna stækkunaráforma Norður-
áls.
Línan liggur frá virkjuninni
120 km leið að aðalveitustöðinni á
Brennimel við Hvalfjörð. Verklok
eru áætluð í næsta mánuði, og
hefjast þá prófanir á línunni. Um
120 erlendir verkamenn á vegum
króatískra og slóvenskra verk-
taka hafa undanfarið unnið að því
að reisa þau 310 tonn af stáli sem
fara í möstrin og strekkja 360
metra af rafmagnsvírum.
Morgunblaðið/Sigurður Sigm.
Ný Sultartangalína í
hvarfi frá Gullfossi