Morgunblaðið - 07.10.2005, Blaðsíða 23
MORGUNBLAÐIÐ FÖSTUDAGUR 7. OKTÓBER 2005 23
MINNSTAÐUR
Fyrir okkur hin…
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
N
AT
2
91
09
1
0/
05
Djúpivogur | Fjöllistamaðurinn
Örn Ingi var á ferð á Djúpavogi í
síðastliðinni viku, en markmið
hans með heimsókninni var að
virkja sem flesta bæjarbúa til list-
rænna athafna. Eftir stífar æfing-
ar í vinnubúðum Arnar Inga frá
þriðjudegi til laugardags var sleg-
ið upp tilþrifamikilli sýningu á
sunnudeginum og kom þá afrakst-
urinn í ljós. Þátttaka var með
ágætum, sérstaklega hjá yngri
kynslóðinni.
Dagskráin var sett með viðhöfn
í grunnskólanum þar sem elsti
íbúi Djúpavogs, Snorri Gíslason
sem er níræður að aldri, klippti á
borða í tilefni dagsins. Hinn aldni
íbúi, sem er í daglegu tali kall-
aður Snorri á Bjargi, afhjúpaði
þar veggmynd sem hann átti þátt
í að vinna með grunnskólabörn-
unum.
Hafmeyjar þjóna til borðs
Við miðju listaverksins, kring-
um hringlaga veggklukku, er rún-
um rist lófafar þessa aldna heið-
ursmanns, í bland við handaför
barnanna er unnu að verkinu. Í
verkinu mætast því hið gamla og
nýja og í miðjunni tifar klukkan
til vitnis um að ekkert fái stöðvað
tímans rás.
En Snorri og grunnskólabörnin
voru ekki þau einu sem stóðu fyr-
ir málverkasýningu, því hluti af
uppákomum Arnar Inga var ein-
mitt myndlistarnámskeið með
þátttöku íbúanna. Íþrótta-
miðstöðin iðaði m.a. af lífi og var
þar fimleikasýning, dans, tónlist-
aratriði o.fl. Þátttakendur og
gestir voru á öllum aldri sem
vissulega gaf deginum aukið vægi.
Það sem hvað mesta athygli
vakti var mjög svo framúrstefnu-
legur gjörningur sem framinn var
í sundlaug Djúpavogs. Þar var
m.a. dúklagt fljótandi borð út í
miðri sundlaug og við það sat
prúðbúið par sem var þjónað til
borðs af tveimur hafmeyjum, allt
þetta í takt við hljómþýða tónlist
sem undirstrikaði stemmninguna.
Dagskráin endaði svo með til-
þrifamikilli fimleikasýningu á
hinu fljótandi borði.
Djúpavogsbúar
í fjöllistagír
Morgunblaðið/Andrés Skúlason
Lófafar í listina Snorri Gíslason á Bjargi, elsti íbúi Djúpavogs, tók þátt í
listsköpun með bæjarbúum og lagði sitt af mörkum til verksins.
Keflavík | Fulltrúar British Stand-
ards Institution (BSI) afhentu á dög-
unum yfirmanni flotastöðvar varn-
arliðsins á Keflavíkurflugvelli, Mark
Laughton kafteini, ISO 9001:2000-
vottun stofnunarinnar vegna verk-
fræðideildar varnarliðsins.
Verkfræðideild varnarliðsins á sér
langa sögu en starfsmenn eru ís-
lenskir, alls tólf að tölu. Helstu verk-
efni deildarinnar eru hönnun, verk-
fræðiráðgjöf og rekstur landupplýs-
ingakerfis á varnarsvæðinu og
Keflavíkurflugvelli.
Starfsmenn verkfræðideildar-
innar hafa á liðnum árum unnið að
markvissum umbótum með gæða-
stjórnun að leiðarljósi og að sögn
Ingólfs Eyfells, forstöðumanns
deildarinnar, þótti við hæfi að nota
alþjóðlega viðurkennda staðla til að
mæla árangur af starfi deildarinnar.
Verkferlar voru skráðir samkvæmt
ISO/TR 10013, en fljótt varð ljóst að
breytinga var ekki þörf þar sem þeir
voru þegar í samræmi við viður-
kennda gæðastjórnun.
Agaðri vinnubrögð
Á meðan á innleiðingu ISO-
staðalsins stóð varð verulegur sam-
dráttur í umsvifum og mannafla
varnarliðsins og fækkaði starfs-
mönnum verkfræðideildarinnar úr
22 í 13. Þá reyndist ekki unnt að ráða
utanaðkomandi ráðgjafa til aðstoðar
og reyndi því mjög á starfsmenn alla
við verkið. Þróun gæðakerfisins tók
um eitt ár og var það tekið í notkun
1. október á síðasta ári.
„Þegar horft er til baka sést að
ávinningurinn er umtalsverður.
Vinnubrögð eru agaðri og við náum
að framkvæma það sem við setjum
okkur. Markviss skilgreining verk-
efna sparar tíma og fyrirhöfn og
minna er um endurvinnu,“ segir Ing-
ólfur. „Ávinningurinn af innleiðingu
ISO 9001:2000-staðalsins felst ekki
síður í einhug og góðum anda meðal
starfsmanna verkfræðideildar-
innar.“
Verkfræðideild varnar-
liðsins hlýtur vottun
Vottaðir Starfsmenn verkfræðideildarinnar ánægðir með ISO-vottun sína.
Reykjanesbær | Reykjanesbær hef-
ur skrifað undir samning við KSÍ
um byggingu sparkvallar við Ak-
urskóla sambærilegan þeim sem
eru við aðra grunnskóla í Reykja-
nesbæ. Samningurinn er liður í
sparkvallaátaki KSÍ en markmið
þess er að skapa skemmtilegan og
öruggan vettvang fyrir knatt-
spyrnuiðkun í sveitarfélögum.
Reykjanesbær mun annast rekst-
ur og viðhald vallarins en KSÍ legg-
ur til fyrsta flokks gervigras og
vinnu við lagningu þess.
Reykjanesbær kostar allar fram-
kvæmdir við byggingu vallarins s.s.
undirbyggingu, girðingu með
mörkum og frágang umhverfis völl-
inn. Völlurinn sem er 20m x 40m
verður upphitaður og lýstur.
Sparkvöllur
við Akurskóla
LANDIÐ
SUÐURNES