Morgunblaðið - 15.10.2005, Blaðsíða 1
Íþróttir, Enska knattspyrnan,
Lesbók, Börn og M-ið í dag
Morgunblaðið er í sex hlutum, samtals 136 síður í dag
BOGI Nilsson ríkissaksóknari sagði sig í gær frá
athugun á því hvort tilefni væri til að höfða mál á
grundvelli þeirra gagna sem liggja að baki þeim 32
liðum ákærunnar í Baugsmálinu sem vísað var frá
dómi. Dómsmálaráðherra þarf því að setja nýjan
saksóknara til að fjalla um málið. Gestur Jónsson,
verjandi Jóns Ásgeirs Jóhannessonar, segir að
dómsmálaráðherra verði að huga að því hvort hann
sé hæfur í málinu í ljósi yfirlýsinga hans um sak-
borninga í þessu máli.
Bogi tilkynnti dómsmálaráðherra þetta á
fimmtudag og sendi fjölmiðlum í gær afrit af bréfi
sínu til ráðherra.
Björn Bjarnason dómsmálaráðherra vildi ekki
tjá sig um málið í gær og sagðist taka sér þann tíma
sem hann þyrfti til að skoða málið.
Bróðir og synir hjá KPMG
Í bréfinu til ráðherra sagðist Bogi telja að það
skipti miklu máli að ríkissaksóknari nyti ávallt fulls
trausts við meðferð mála og að ekki væri unnt að
draga óhlutdrægni hans í efa. Hann benti því næst
á að tveir synir hans og bróðir hans hefðu starfað
hjá endurskoðunarfyrirtækinu KPMG hf. en tveir
löggiltir endurskoðendur þess fyrirtækis eru með-
al ákærðra í Baugsmálinu, í þeim átta ákæruliðum
sem ekki var vísað frá og eru enn til meðferðar hjá
héraðsdómi.
Í bréfinu sagði Bogi að hann hefði hugleitt hvort
þessi starfstengsl bróður síns og sona við hina
ákærðu endurskoðendur gætu valdið vanhæfi hans
og komist að þeirri niðurstöðu að svo væri ekki.
Þar sem hann hefði síðar orðið þess var að óhlut-
drægni hans við meðferð málsins væri dregin í efa
vegna framangreindra tengsla, hefði hann talið að
hann væri ekki til þess bær að stýra athugun á
gögnunum og taka ákvörðun um afgreiðslu máls-
ins. Því væri nauðsynlegt að dómsmálaráðherra
setti annan löghæfan mann til þessa verkefnis.
Hugi að hæfi sínu
Í samtali við Morgunblaðið sagði Gestur Jóns-
son hrl., verjandi Jóns Ásgeirs Jóhannessonar, að
dómsmálaráðherra hlyti sjálfur að huga að því
hvort hann teldist hæfur til að setja nýjan saksókn-
ara í málið. „Ég tel að hann hljóti sjálfur að fara í
gegnum það hvort hann sé hæfur til að skipa sak-
sóknara í ljósi þeirra ummæla sem hann hefur látið
frá sér fara um sakborninga í þessu máli,“ sagði
hann. Aðspurður sagði hann að verjendur hefðu
enga athugasemd gert við hæfi Boga. „Ég virði
ákvörðun hans og skil hana vel,“ sagði Gestur
Jónsson.
Finna þarf mann utan embættisins
Þar sem Bogi taldi sig ekki bæran til að fjalla um
málið teljast allir undirmenn hans hjá ríkissak-
sóknara vera vanhæfir skv. ákvæði í stjórnsýslu-
lögum. Því þarf að finna mann utan embættisins til
að fjalla um málið. Samkvæmt upplýsingum Morg-
unblaðsins verður sá að uppfylla sömu kröfur og
gerðar eru til ríkissaksóknara, þ.e. að uppfylla
lagaskilyrði til skipunar í dómaraembætti í Hæsta-
rétti.
Ríkissaksóknari segir sig frá athugun á 32 ákæruliðum Baugsmálsins
Ekki verði unnt að
draga óhlutdrægni í efa
Eftir Rúnar Pálmason
runarp@mbl.is
Bréf | 10
Um 80 kjúklingar hafa drepist á
býli í Kosovo og er búist við niður-
stöðum úr rannsóknum á þeim eftir
fáa daga.
Afríka berskjölduð
Evrópuríkin og þróuð ríki almennt
hafa burði til að bregðast hart við
fari fuglaflensuveira að berast á milli
manna en annað er upp á teningnum
í Afríku. Óttast er, að þar geti hugs-
anlegur faraldur haft skelfilegar af-
leiðingar í för með sér. Þangað
streyma nú farfuglar úr norðri og
telja sérfræðingar Sameinuðu þjóð-
anna miklar líkur á, að veiran berist
þangað í vetur.
París. AP, AFP. | Mikill og vaxandi við-
búnaður er í Evrópu vegna hugsan-
legs fuglaflensufaraldurs en veiran
hefur fundist í fugli í að minnsta
kosti einu þorpi í Tyrklandi og
tveimur í Rúmeníu. Talið er, að far-
fuglar á suðurleið hafi borið hana og
því er óttast, að hún kunni að skjóta
upp kollinum víðar, vestar í Evrópu,
í Mið-Austurlöndum og í Afríku.
Framkvæmdastjórn Evrópusam-
bandsins hefur skipað ríkisstjórnum
í aðildarríkjunum að herða á aðgerð-
um gegn fuglaflensunni en varar um
leið við ástæðulausum ótta og minnir
á, að enn hafi veiran ekki stökk-
breyst. Í Frakklandi hefur hins veg-
ar 50 milljónum andlitsgrímna verið
dreift til sjúkrahúsa í landinu og
stefnt er að því, að þær verði orðnar
200 millj. um áramót. Xavier Bertr-
and, heilbrigðisráðherra Frakk-
lands, sagði, að kæmi upp faraldur,
myndu læknar nota bóluefnið Ta-
miflu ókeypis en um allan heim eru
stjórnvöld að birgja sig upp af því.
Það er þó ekki víst, að það muni
koma að gagni því að í Víetnam hefur
fundist afbrigði af fuglaflensuveir-
unni, H5N1, sem er ónæmt fyrir lyf-
inu. Það er hins vegar viðkvæmt fyr-
ir öðru lyfi, sem kallast Relenza.
Víða í Evrópu eru stjórnvöld að
velta því fyrir sér að banna kjúk-
lingabændum að hleypa fuglinum út
og þar sem fuglaflensan hefur fund-
ist í Tyrklandi og í Rúmeníu, í árós-
um Dónár, hafa skotveiðar á fugli
verið bannaðar.
Auka varnir í Evrópu
Hafa fundið
ónæmt afbrigði
fyrir helsta lyfinu
AP
Alifuglar færðir til slátrunar í rúmensku þorpi. Talið er víst, að fuglaflensuveiran hafi borist í þá frá farfuglum.
Linz. AP. | Austurrískur hóteleig-
andi hefur ákveðið, að frá og með
næsta vori verði börnum yngri en
12 ára bannað að koma inn fyrir
dyr á hótelinu. Segir hann, að þau
séu til ama fyrir fullorðið fólk.
Roland Baliner, sem rekur Hotel
Cortisan við hið fagra vatn Wolf-
gangsee, skýrði frá ákvörðun sinni
í fyrradag og réttlætti hana með
því, að börnin væru með ærsl og
læti og bara leiðinleg. Fyrir kæmi
jafnvel, að þau krotuðu á veggi og
húsgögn.
Yfirvöld hafa brugðist ókvæða
við ákvörðun Baliners, sem þau
kalla svartan blett á öllu héraðinu,
en hann segist ákveðinn í að standa
við barnabannið. Hann tók hins
vegar fram, að fullorðna fólkinu
væri velkomið að hafa með sér
hunda.
Hundar betri
en börnin
Bagdad. AP, AFP. | Miklar örygg-
isráðstafanir eru í Írak vegna þjóð-
aratkvæðagreiðslunnar í dag um nýja
stjórnarskrá fyrir landið.
Sjítar og Kúrdar hvetja landsmenn
til að segja já við nýju stjórn-
arskránni en afstaða súnníta til henn-
ar er mjög blendin. Vilja sumir sam-
þykkja hana en aðrir eru henni
andvígir. Óttast þeir, að verið sé að
stíga fyrsta skrefið í þá átt að skipta
Írak í þrennt, í olíurík svæði Kúrda
og sjíta í norðri og suðri og í auðlinda-
snautt súnnítaríki í miðju landinu.
Kosið um
stjórnarskrá
Reuters
Kjörstaðir/18
ÍSLENDINGAR hafa ekki ástæðu
til að óttast að smitast af fugla-
flensu á ferðum sínum erlendis eins
og staðan er í dag. Þetta segir Dav-
id Nabarro, sem hefur yfirumsjón
með aðgerðum Sameinuðu þjóð-
anna gegn útbreiðslu fuglaflensu
og hugsanlegum flensufaraldri í
mönnum.
Nabarro segir í samtali við Morg-
unblaðið að þeir sem helst þurfi að
hafa áhyggjur af þróun mála nú séu
vísindamenn sem óttist að flensan
stökkbreytist og taki að berast á
milli manna. Nabarro bendir á að
slík stökkbreyting gæti orðið „hvar
sem er í heiminum“.
Hann segir fólk ekki þurfa að ótt-
ast að leggja sér fuglakjöt til
munns, svo lengi sem kjötið hafi
verið eldað. „Ég snæddi sjálfur
kjúklingakjöt í [gær]kvöld,“ sagði
Nabarro, en hann var staddur í
Bangkok í Taílandi þegar Morg-
unblaðið náði tali af honum. Þar
ræddi Nabarro við starfsmenn SÞ
sem vinna við varnir gegn fugla-
flensu. | 4
Gæti breyst „hvar sem er“
♦♦♦
STOFNAÐ 1913 279. TBL. 93. ÁRG. LAUGARDAGUR 15. OKTÓBER 2005 PRENTSMIÐJA MORGUNBLAÐSINS mbl.is