Morgunblaðið - 15.10.2005, Blaðsíða 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 15. OKTÓBER 2005 VERÐ Í LAUSASÖLU 220 KR. MEÐ VSK.
REIKNAÐ er með að Tann-
garður, húsnæði Háskóla Íslands
þar sem m.a. tannlæknadeild
skólans hefur aðsetur, verði rif-
inn til að rýma fyrir uppbygg-
ingu Landspítala – háskóla-
sjúkrahúss. Húsnæðið þykir bæði
illa staðsett og óhentugt og því
ekki mögulegt að nýta það áfram.
Tanngarður var byggður árið
1981, hannaður af arkitektinum
Garðari Halldórssyni. Helga
Benediktsdóttir, framkvæmda-
stjóri Arkitektur.is og forsvars-
maður þess hóps sem átti verð-
launatillöguna um hönnun LSH,
segir að flestir hóparnir sem skil-
uðu tillögum hafi lagt til að
Tanngarður hverfi. Húsið sé fyr-
ir og ekki hægt að láta það
standa áfram.
Aðspurð segir Helga litla eft-
irsjá í húsinu, en segir tryggt í
tillögum hópsins að sú starfsemi
sem þar fer fram í dag verði
komin í nýtt húsnæði áður en
húsið verður rifið, en ekki er
ljóst í dag hvenær það verður.
Auk tannlæknadeildar er lækna-
deild HÍ í húsinu, auk lífeðl-
isfræðistofnunar, rannsókn-
arstofa og annars sem tilheyrir
lækna- og tannlæknadeildum há-
skólans.
Nú þegar úrslit í verðlauna-
samkeppninni um deiliskipulagið
hafa verið tilkynnt þarf skipulag-
ið að fara sína leið í gegnum
kerfið áður en hægt verður að
hefja hönnun á mannvirkjum,
segir Jón Kristjánsson heilbrigð-
isráðherra. Hann segir ekki ljóst
hvort farið verði í sérstaka sam-
keppni um hönnun á bygging-
unum, eða hvort þær verði ein-
faldlega boðnar út. Reiknað er
með því að framkvæmdir hefjist
árið 2008.
Morgunblaðið/Kristinn
Ráðgert að Tann-
garður verði rifinn
RÁÐHERRAR Sjálfstæðisflokksins sátu fyrir
svörum á landsfundi flokksins í nær þrjá tíma í
gær. Fram kom í máli Geirs H. Haarde utanrík-
isráðherra að viðræðum um framtíð varn-
arsamningsins yrði haldið áfram í Bandaríkj-
unum í næstu viku. Þá kom m.a. fram í máli Árna
M. Mathiesen fjármálaráðherra að tillagan um
að fella niður bensínstyrk til öryrkja kæmi úr
heilbrigðisráðuneytinu. Í máli Þorgerðar K.
Gunnarsdóttur menntamálaráðherra kom m.a.
fram að von væri á nýju frumvarpi um Rík-
isútvarpið. Hún sagði einnig að hún ætti ekki von
á öðru en að „við reynum að koma hér á lögum,
skynsömum lögum um fjölmiðla“. Hún teldi mik-
ilvægt að reyna að ná sátt í þessu erfiða máli.
Landsfundurinn heldur áfram í dag. Geir H.
Haarde, sem býður sig fram til formennsku í
flokknum, heldur ræðu eftir hádegi. Það sama
gera tveir frambjóðendur sem bjóða sig fram til
varaformennsku, þau Þorgerður K. Gunn-
arsdóttir og Kristján Þór Júlíusson.| 10
Morgunblaðið/Kristinn
Ráðherrar Sjálfstæðisflokksins svöruðu spurningum frá landsfundarfulltrúum síðdegis í gær undir röggsamri stjórn Halldórs Blöndals.
Viðræðum um varnarsamninginn
haldið áfram í næstu viku
STÍGAMÓT lögðu fram kæru hjá
lögreglu í gær þess efnis að nafn
samtakanna væri notað í styrktar-
söfnun án leyfis. Samtökunum bár-
ust í gær nokkrar ábendingar um
að verið væri að hringja út í nafni
samtakanna og safna styrkjum en
engin slík söfnun er í gangi hjá
samtökunum um þessar mundir.
Eftir hádegi í gær kom í ljós að
hinar umræddu hringingar komu
frá fyrirtækinu BM-ráðgjöf, sem
sér um úthringingar fyrir verkefn-
ið Blátt áfram hjá Ungmennafélagi
Íslands.
Að sögn Þórs Ostensen, tals-
manns BM-ráðgjafar, var um mis-
skilning að ræða af hálfu eins við-
mælenda fyrirtækisins, sem hafi
haldið að símtalið væri á vegum
Stígamóta. Sagði Þór aðeins um
eitt einangrað tilvik að ræða, sem
upp hafi komið í Vestmannaeyjum
og að málið hafi verið útskýrt fyrir
Stígamótum. Hann sagði starfs-
konur Stígamóta hafa haft sam-
band við forvígismenn Blátt áfram
verkefnisins hjá Ungmennafélagi
Íslands og misskilningurinn hafi
þar með verið leiðréttur. „Þetta
kemur því miður stundum upp á að
fólk tengir ekki alveg rétt hvað
þessi ákveðni aðili er að styrkja og
stendur í þeirri meiningu að hann
sé að styrkja Stígamót og þar verð-
ur í raun misskilningurinn,“ sagði
Þór.
Guðrún Jónsdóttir, talskona
Stígamóta, hafði nokkuð aðra sögu
að segja. Hún sagði að samtökun-
um hefðu borist nokkrar ábending-
ar í gær um að verið væri að
hringja út á vegum Stígamóta og
safna styrkjum. Ekki hafi verið um
einangrað tilvik að ræða heldur
hefðu nokkrir aðilar tilkynnt um
þetta.
Guðrún sagði það koma upp
reglulega að nafn samtakanna
væri notað í þessu skyni og því hafi
verið reynt að bregðast skjótt við.
„Vegna þess að Stígamót njóta vel-
vildar í samfélaginu verðum við að
standa vörð um að sú velvild sé
ekki misnotuð,“ sagði hún en bætti
við að mikilvægast væri að út-
hringingarnar hafi verið stöðvaðar.
Hún taldi að vandinn lægi hjá fyr-
irtækinu. „Einhver kann að hafa
ruglast, eða kosið að ruglast.“
Kæran hjá lögreglu stendur enn
og höfðu Stígamót ekki tekið
ákvörðun um frekari skref.
Stígamót kæra söfnun
HRINGVEGINUM var lok-
að í gærkvöldi um Hvalnes og
Þvottárskriður nærri Höfn í
Hornafirði og verður kannað
hvort hægt verði að opna
hann aftur í dag.
Vegagerðin ákvað að loka
veginum síðdegis í gær í kjöl-
far þess að tvær aurskriður
féllu á veginn en mikil rigning
var á þessum slóðum.
Hreinsa þarf vegina af skrið-
unum áður en þeir verða opn-
aðir aftur og verður farið í
það í dag en spáð er hægari
vindi en var í gær með nokk-
urri úrkomu.
Þjóðvegi 1
lokað um
Hvalnes
AVION Group, sem á meðal annars Eim-
skip og Air Atlanta, er í öðru sæti á nýjum
lista yfir 500 framsæknustu fyrirtæki í Evr-
ópu árið 2005. Listinn er tekinn saman af
Europe’s Entrepreneurs for Growth og hef-
ur verið birtur frá árinu 1995.
Magnús Þorsteinsson, stjórnarformaður
Avion Group, sagði í samtali við Morgun-
blaðið að það væri mjög skemmtilegt að
hafna svo ofarlega á svo virtum lista. Að-
spurður hvaða þýðingu þetta hefði fyrir fyr-
irtækið svaraði hann: „Það er eftir því tekið
að við erum að gera góða hluti og gefur okk-
ur og okkar góða starfsfólki aukinn styrk til
frekari dáða.“
Avion Group
í öðru sæti

Avion Group | 16
♦♦♦
HRAFN Jökulsson, forseti skákfélagsins
Hróksins, hóf taflmaraþon sitt til styrktar
grænlenskum börnum í Kringlunni í gær-
morgun og var fyrsti mótherjinn Halldór
Blöndal. Maraþonið stóð yfir í Kringlunni í
allan gærdag, alla nótt og er búist við að
því ljúki um þrjúleytið í dag og hefur
Hrafn þá setið að tafli í um 30 klukku-
stundir og teflt 250 skákir. Tilgangurinn
er að safna áheitum til að kaupa 500 tafl-
sett handa börnum á Austur-Grænlandi
sem félagar í Hróknum munu færa börn-
unum þegar nær dregur jólum.
Þegar Morgunblaðið náði tali af Hrafni í
gærkvöldi hafði hann nýlokið 100. skák-
inni og var árangurinn nokkuð góður; 85
vinningar, níu jafntefli og sex töp en með-
al þeirra sem náðu að leggja Hrafn var
Guðni Ágústsson landbúnaðarráðherra.
Aðspurður hvernig hann færi að því að
halda sér vakandi sagðist Hrafn hafa ráð-
fært sig við lækni, sem hefði bent honum á
að halda kaffidrykkju í lágmarki, borða
ekki nammi og drekka aðallega vatn. „En
svo er þetta nú bara gamli góði viljastyrk-
urinn, enda er þetta það skemmtilegasta
sem ég geri,“ sagði Hrafn.
Þess má geta að hægt er að fylgjast með
gangi mála á heimasíðu Hróksins.
Morgunblaðið/Ómar
Hrafn teflir hér við Dag B. Eggertsson,
sextugasta og fimmta andstæðing sinn í
skákmaraþoninu í Kringlunni.
Maraþonskák til
styrktar græn-
lenskum börnum
TENGLAR
...............................................................
www.hrokurinn.is
ALLT tiltækt slökkvilið var kallað út að
kjallaraíbúð við Skúlagötu í Reykjavík um
níuleytið í gærkvöldi, en mikinn reyk lagði
frá íbúðinni auk þess sem sprengingar
höfðu heyrst. Reykkafarar fóru inn í íbúð-
ina og voru fljótir að slökkva eldinn, en
íbúðin var mannlaus og lauk slökkvistarfi
um klukkan 22.
Talið er að töluverðar skemmdir hafi orð-
ið á íbúðinni en ekki var vitað hver elds-
upptök voru.
Eldur í mann-
lausri íbúð við
Skúlagötu