Morgunblaðið - 15.10.2005, Blaðsíða 6
6 LAUGARDAGUR 15. OKTÓBER 2005 MORGUNBLAÐIÐ
FRÉTTIR
M
Á
T
T
U
R
IN
N
&
D
Ý
R
Ð
IN
NÆTURVAKTIN KIRINO NATSUO
SELDIST Í MILLJÓNAUPPLAGI Í JAPAN
JAPÖNSKU GLÆPASAGNAVERÐLAUNIN
JAPÖNSKU BÓKMENNTAVERÐLAUNIN
TILNEFND TIL BANDARÍSKU
EDGAR-VERÐLAUNANNA
HJÚKRUNARHEIMILIÐ Eir
ætlar að leggja um 2 milljarða
króna til uppbyggingar á öryggis-
íbúðum, þjónustumiðstöð og ann-
arri uppbyggingu fyrir eldri borg-
ara á Álftanesi. Bæjarfélagið hefur
selt Eir land en mun leigja þjónustu
og aðstöðu af hjúkrunarheimilinu,
og var skrifað undir samninga þar
að lútandi í gær.
Reisa á samtals 104 íbúðir, 28 í
raðhúsum og 76 í fjölbýli, og er
reiknað með að framkvæmdir hefj-
ist í byrjun næsta árs, og að fyrsti
áfangi verði tilbúinn í mars árið
2007. Auk öryggisíbúðanna verða
þjónustumiðstöð og skrifstofur í
nýja kjarnanum. Auk þess sem þar
verður stjórnsýslurými og bókasafn
sem bæjarfélagið mun leigja af Eir.
„Við teljum að hjúkrunarheimilið
Eir hafi sýnt mikinn metnað og
framtíðarsýn,“ segir Guðmundur G.
Gunnarsson, bæjarstjóri á Álfta-
nesi, spurður hvers vegna ákveðið
hafi verið að semja við Eir. „Þeirra
einkunnarorð í þessu hjúkrunar-
heimili sem hér á að rísa er „íbúð til
lífstíðar“, með allri þeirri þjónustu
sem einstaklingarnir þurfa á staðn-
um. Viðkomandi getur flutt inn al-
heilbrigður, og svo er honum þjón-
að á mismunandi hátt eftir því sem
honum vegnar.“
Bærinn borgar Eir leigu
Guðmundur segir að samist hafi
um að leiga bæjarfélagsins verði
0,48% af endanlegum byggingar-
kostnaði á mánuði, sem hann sagði
afar hagstætt fyrir bæjarfélagið.
Það nemi trúlega um 1.000 kr. á
hvern fermetra, sem þyki í lægri
kantinum fyrir þjónustu sem þessa.
Á Álftanesi búa yfir 2.200 íbúar, þar
af um 200 60 ára og eldri
„Þetta er stór dagur í sögu Eir-
ar,“ sagði Sigurður Helgi Guð-
mundsson, forstjóri Eirar, eftir að
hann afhenti bæjarstjóra ávísun
upp á 80 milljónir króna, sem er
innborgun inn á landkaupin, en
heildarkaupverð á um 2 hekturum
lands er 120 milljónir króna.
„Við höfum talsverða reynslu af
rekstri öryggisíbúða, við erum búin
að reka þær í fimm ár, og að mínu
mati er reynslan góð. Við gerðum
sérstaka úttekt á kostnaði árið
2003, og þá var kostnaður opin-
berra aðila 73 milljónir, en ef að
þeir sem þar dvöldu hefðu verið
lagðir inn á stofnun eins og hjúkr-
unarheimili hefði kostnaðurinn ver-
ið 78 milljónir króna,“ sagði Sig-
urður.
10% af kostnaði við
hjúkrunarrými
Auk þess sem kostnaður hefur
mælst innan við 10% af kostnaði við
innlögn sagði Sigurður ekki síður
mikilvægt að öryggisíbúðir séu
manneskjuleg leið sem gefi fólki
kost á því að vera sem lengst á eigin
heimili, en samt að fá þá þjónustu
sem það þarf á að halda.
Undir þetta tók Vilhjálmur Þ.
Vilhjálmsson, stjórnarformaður
Eirar, sem sagði góða reynslu hafa
fengist af rekstri öryggisíbúða.
„Öryggisíbúðirnar hafa gert það að
verkum að fólk getur verið lengur
saman. Við erum með 37 öryggis-
íbúðir á Eir í Grafarvogi, og ef ann-
ar aðilinn veikist svo mikið að hann
þarf að fara inn á hjúkrunarheimili
þá er það gert, en þá getur fólk haft
samband daglega.“
Hjúkrunarheimilið Eir mun standa að uppbyggingu fyrir aldraða á Álftanesi
Reistar verða yfir 100 íbúðir
Morgunblaðið/RAX
Guðmundur G. Gunnarsson bæjarstjóri (t.h.) og Vilhjálmur Þ. Vilhjálmsson, stjórnarformaður Eirar, handsöluðu
samkomulagið ásamt Sigurði Helga Guðmundssyni, forstjóra Eirar, við athöfn á Álftanesi í gær.
Eftir Brján Jónasson
brjann@mbl.is
FYRRVERANDI stjórnarformaður
Íslenska fjölmiðlafélagsins hefur
verið dæmdur í þriggja mánaða skil-
orðsbundið fangelsi og til að greiða
14,3 milljónir í sekt vegna vangold-
inna skatta á árunum 1998–1999.
Fram kemur í dómnum að rannsókn
skattrannsóknarstjóra hófst í júní
2002 og að ákæra ríkislögreglustjóra
var gefin út um þremur árum
seinna.
Stjórnarformaðurinn krafðist
sýknu og benti á að hann hefði ekki
sjálfur annast skattskil fyrirtækisins
heldur hefðu þau verið í höndum
framkvæmdastjórans. Dómurinn
taldi að hann bæri engu að síður
ábyrgð sem stjórnarformaður. Þá
hefði honum verið kunnugt um fjár-
hag fyrirtækisins og að ekki var til
fé til að greiða hin opinberu gjöld.
Rannsókn hófst í júní 2002
Íslenska fjölmiðlafélagið var tekið
til gjaldþrotaskipta í september
2001. Skiptastjóri tilkynnti ríkislög-
reglustjóra um hugsanleg brot og
var tilkynningin framsend skatt-
rannsóknarstjóra. Rannsókn skatt-
rannsóknarstjóra hófst 4. júní 2002
og lágu niðurstöður fyrir 4. febrúar
2003. Málinu var vísað til efnahags-
brotadeildar ríkislögreglustjóra 5.
janúar 2004. Fram kemur að skýrsla
var tekin af stjórnarformanninum
15. nóvember sama ár. Ákæran var
síðan gefin út 15. maí 2005. Dóm-
urinn féllst ekki á að dráttur rann-
sóknarinnar hafi verið vítaverður þó
finna mætti að því að hún hófst seint.
Höfð var hliðsjón af þessu við
ákvörðun refsingar. Refsingin er
skilorðsbundin til tveggja ára.
Arnfríður Einarsdóttir kvað upp
dóminn. Björn Þorvaldsson sótti
málið f.h. ríkislögreglustjóra og
Helgi Jóhannesson hrl. var til varn-
ar.
Fyrrverandi stjórnarformaður dæmdur fyrir fjárdrátt
Þrjú ár liðu frá upphafi
rannsóknar til ákæru
TALSVERT hefur verið hringt í
Nordica hótel til að spyrjast fyrir
um auglýsta námstefnu þar 22. nóv-
ember án þess þó að hótelstarfs-
menn kannist nokkuð við málið.
Leikur grunur á að um sé að ræða
svindl til að hafa staðfestingargjald
af þátttakendum af ráðstefnu sem
aldrei verður haldin.
Boðskort barst fjöldamörgum Ís-
lendingum á dögunum um fría nám-
stefnu á sviði markaðssetningar á
Nordica hóteli og Grand hóteli.
Staðfestingargjald er á bilinu 1.200
til 3.000 krónur sem sagt er að verði
endurgreitt. Brynhildur Guðmunds-
dóttir, ráðstefnustjóri á Nordica
hóteli, segir málið ekki tengt hót-
elinu á nokkurn hátt annan en að
nafn hótelsins virðist af einhverjum
sökum standa utan á umslagi sem
barst Íslendingum í þúsundavís.
Haft hefur verið samband við lög-
reglu vegna málsins sem hefur einn-
ig fengið símtöl frá fólki.
Ekki hefur gengið að fá svör frá
auglýstum ráðstefnuhaldara í
Bandaríkjunum í uppgefnu síma-
númeri.
Grunur um svindl
í ráðstefnuhaldi
ÓSK barst frá fulltrúum olíufélag-
anna í gær um að hitta fulltrúa
Reykjavíkurborgar eftir helgina,
að sögn Vilhjálms H. Vilhjálms-
sonar hrl., lögmanns Reykjavíkur-
borgar, í málinu.
Fundurinn er vegna kröfu borg-
arinnar á hendur olíufélögunum
vegna ólöglegs samráðs í viðskipt-
um. Fresturinn sem borgin veitti
olíufélögunum til að svara kröfu-
bréfinu rann út í gær. Taldi Vil-
hjálmur að fundurinn yrði haldinn
fljótlega eftir helgina.
Borg og olíufélög
funda eftir helgi
INGIBJÖRG Sólrún Gísladóttir, for-
maður Samfylkingarinnar, segir um-
mæli Davíðs Oddssonar í setningar-
ræðu hans á landsfundi Sjálfstæðis-
flokksins vart svaraverð, þau segi
meira um þann sem þau mæli en
þann sem rætt er um.
Í ræðu sinni sagði Davíð að bæði
formaður Samfylkingarinnar sem og
þingmenn flokksins virðist „naumast
líta lengur á Samfylkinguna sem
flokk en fremur sem tiltölulega létt-
vægt dótturfélag auðhrings“.
Ingibjörg segir undarlegt að Davíð
kjósi að stíga með þessum hætti af
sviði stjórnmálanna, sem og að hann
kjósi að setja þennan brag á lands-
fund flokks síns. „Ég get ekki með
nokkru móti tekið svona ummæli al-
varlega. Þetta er bara einhver þrá-
hyggja sem segir
meira um þann
sem þessi orð
mælir heldur en
um mig eða Sam-
fylkinguna.“
Davíð gagn-
rýndi einnig um-
ræðustjórnmál,
og sagði að þegar
komið sé inn á
innihaldslaus um-
ræðustjórnmál, sem Samfylkingin
leggi áherslu á, séu dylgjurnar á
næsta leiti. „Ætli maður verði ekki að
segja að hann ætti kannski að líta sér
nær,“ sagði Ingibjörg Sólrún spurð
um þessi ummæli, og vísaði þar í
fyrri ummæli Davíðs um formann og
þingmenn Samfylkingarinnar.
Ekki hægt að taka
ummælin alvarlega
Ingibjörg Sólrún
Gísladóttir
BORGARMINJAVÖRÐUR upplýsti
á fundi menningar- og ferðamála-
ráðs Reykjavíkurborgar í vikunni
að á næstunni verði sett upp skilti
við Grímsstaðavör við Ægisíðu sem
segi sögu svæðisins og grásleppu-
skúranna sem þar standa.
Stefán Jón Hafstein, formaður
ráðsins, sagði aðspurður marga
áhugasama um að vernda svæðið
og setja upp minnisvarða um gamla
tíma þegar róið var út frá vörinni
og fólk keypti nýveidda grásleppu
af sjómönnum.
Að mati Stefáns Jóns er hugsan-
legt að Sjóminjasafnið komi á ein-
hvern hátt að varðveislu svæðisins
og sagði hann svæðið í raun mun-
aðarlaust sem stendur. Nú þurfi að
ákveða hvað gert verði í framhald-
inu því sumir skúranna séu orðnir
hrörlegir og huga þurfi að þeim.
Hann segist sjá fyrir sér að þetta
geti orðið skemmtilegur og fróðleg-
ur staður fyrir göngufólk og ferða-
menn í framtíðinni. Morgunblaðið/Kristinn
Söguskilti sett upp við Grímsstaðavör