Morgunblaðið - 15.10.2005, Page 29
MORGUNBLAÐIÐ LAUGARDAGUR 15. OKTÓBER 2005 29
MENNING
Rannís tekur þátt í evrópska verkefninu Researchers
in Europe 2005 til að kynna mikilvægi vísinda og
rannsókna fyrir samfélagið. Rannsóknamiðstöð Íslands • Laugavegi 13 • 101 Reykjavík • www.rannis.is
Dr. Guðrún Valdimarsdóttir sameindalíffræðingur, 33
„Rannsóknirnar hafa læknisfræðilegan tilgang því ef vel tekst til verður hægt að lækna ákveðna
sjúkdóma, svo sem sykursýki, Parkinson og hjartabilun, með því að setja heilbrigðar frumur í stað
skaddaðra,“ segir Guðrún Valdimarsdóttir sem vinnur að rannsóknum á stofnfrumum úr fósturvísum
á rannsóknastofu í læknadeild Háskóla Íslands.
Guðrún rannsakar áhrif vaxtarþáttarins TGF-beta í stofnfrumum úr fósturvísum í samstarfi við hóp
vísindamanna í Hollandi en þaðan lauk hún doktorsnámi. Hún stundaði fyrst nám í líffræði við
Háskóla Íslands og segist alltaf hafa stefnt að því að starfa við rannsóknir. „Ég tók mér samt tíma
til að hugsamálið áður en ég fór í doktorsnámið því þetta er auðvitað ekki hefðbundin vinna. Í rann-
sóknunummínum fer t.d. mikill tími í að sinna þessum viðkvæmu frumum og vinnutíminn getur
verið mjög óreglulegur. En ég hef tekið aðmér kennslu í frumulíffræði til að hitta fleiri en frumurnar
mínar – og til að hlaða batteríin fer ég í sund, út að hlaupa eða í gönguferðir úti í náttúrunni!“
Sjá nánar um rannsóknir Guðrúnar á vefnum www.visindi2005.is
[frumur og kennsla]
Vísindi – minn vettvangur
P
R
[p
je
e
rr
]
VEGLEG rússnesk menning-
arhátíð verður í Kópavogsbæ
dagana 15. til 23. október. Við-
burðir verða vítt og breitt: í
Gerðarsafni, Salnum, Bókasafni
Kópavogs, Smáralind, Kópavogs-
kirkju og Alþjóðahúsinu. Meðal
dagskrárliða eru sýningar á mun-
um úr fórum rússnesku keisara-
ættarinnar og helgimyndum,
fjöldi tónleika, kvikmyndahátíð og
málþing.
Gunnar Birgisson bæjarstjóri
Kópavogs segir Rússneska menn-
ingardaga koma í framhaldi af
Spænskum menningardögum sem
haldnir voru í bæjarfélaginu fyrir
ári: „Við vildum halda menning-
arhátíð þar sem við gætum nýtt
sem skyldi menningarstofnanir
bæjarins og um leið kynna menn-
ingu annarra þjóða,“ segir Gunn-
ar.
Spænska hátíðin í fyrra heppn-
aðist sérlega vel og var með svip-
uðum áherslum og Rússneska
menningarhátíðin nú: myndlist,
tónlist, dans og söngur. „Þetta
tókst mjög vel og við ákváðum
því að fjalla um Rússland á sama
hátt.“
Leitast er við að hátíðin höfði
til breiðs hóps: „Við viljum kynna
rússsneska menningu á þann hátt
að sem flestir geti notið og haft
gaman af, en ekki þannig að höfði
aðeins til þröngs hóps sérfræð-
inga. Um leið leitumst við við að
stilla aðgangseyri mjög í hóf svo
að sem flestir sjái sér fært að
sækja viðburðina sem í boði eru.“
Vegleg og víðfeðm dagskrá
Dreift hefur verið á heimili á
höfuðborgarsvæðinu dagskrárriti
hátíðarinnar.
Meðal dagskrárliða ber hvað
hæst sýningu keisaralegra rúss-
neskra dýrgripa í Gerðarsafni.
Munirnir eru fengnir að láni frá
Ríkisminjasafninu í Tsarskoe
Selo, einni af konunglegu smá-
borgunum umhverfis Sánkti-
Pétursborg þar sem konungs-
fjölskyldan lét byggja sér eina af
glæsilegri höllum keisaraætt-
arinnar. „Mest af því sem sýnt er
hefur aldrei ferðast út fyrir Rúss-
land áður og var flutt með her-
fylgd og mikilli öryggisgæslu frá
Pétursborg til Helsinki, og þaðan
til Keflavíkur gegnum Belgíu, og
loks frá Keflavík í lögreglufylgd.“
Á neðri hæð safnsins verða síðan
til sýnis helgimyndir, bæði mynd-
ir í eigu íslenskra aðila og myndir
fengnar erlendis frá.
Tónlistaratriðin eru fjölmörg
og einstök: Alina Dubik mezzó-
sópran heldur tónleika við undir-
leik Jónasar Ingimundarsonar.
Hinn heimsfrægi baritónsöngvari
Vladimir Chernov lætur ljós sitt
skína og Terem-kvartettinn leik-
ur á rússnesk þjóðlagahljóðfæri
tónlist eins og þeim einum er lag-
ið.
Þá syngur Eteri Gvazava sópr-
an og Rossiyanochka danshóp-
urinn frá Pétursborg dansar ekta
rússneska dansa. Konstanstin
Scherbak flytur rússneska al-
þýðutónlist og rússneskt rokk
verður leikið í Alþjóðahúsinu.
Þá er ótalin kvikmynda- og
bókmenntahátíð í Bókasafni
Kópavogs þar sem verða meðal
annars sýndar myndirnar Beiti-
skipið Potjemkin eftir Eisenstein
og Bernska Ívans eftir Tark-
ovsky.
Ekki má heldur gleyma að geta
málþings þar sem fjöldi íslenskra
fræðimanna og áhugamanna ræð-
ir um margar hliðar Rússlands og
rússneskrar menningar.
„Þetta tókst vel í fyrra, en ég
held að takist enn betur í ár og
ég hygg að allir finni eitthvað við
sitt hæfi,“ segir Gunnar.
Afrakstur samstarfs
Menningarhátíð sem þessi
verður ekki að veruleika nema
með öflugu samstarfi. Þannig vill
Gunnar þakka menntamálaráðu-
neytinu og -ráðherra sem liðkað
hafa fyrir samskiptum við rúss-
nesk stjórnvöld. „Við höfum einn-
ig fengið ómetanlega hjálp frá
Pétri Óla Péturssyni sem búsett-
ur er í Sánkti-Pétursborg og
hefðum við verið illa stödd án
hans krafta,“ sergir Gunnar. Pét-
ur Óli hefur verið ákaflega virkur
miðill í menningarsamskiptum
milli Rússlands og Íslands og ið-
inn við að kynna Íslendingum
landið mikla í austri.
Einnig hefur fjöldi fyrirtækja
styrkt menningarhatíðina: „Ég er
ánægður með þá hugarfarsbreyt-
ingu sem orðið hefur hjá íslensk-
um fyrirtækjum; sem tilbúin eru
að láta fé af hendi rakna þegar
vel gengur ekki aðeins til æsku-
lýðs- og íþróttamála heldur einnig
til menningar.“
Morgunblaðið/Brynjar Gauti
Meðal dagskrárliða á Rússnesku menningarhátíðinni í Kópavogi eru tón-
leikar Alinu Dubik mezzósóprans við undirleik Jónasar Ingimundarsonar.
Tónleikarnir eru í dag kl. 17 í Salnum en sérstakur gestur á tónleikunum
er eiginmaður Alinu, fiðluleikarinn Zbigniew Dubik.
Rússnesk
menning frá
öllum hliðum
Nánari upplýsingar um dagskrá
Rússnesku menningarhátíð-
arinnar má finna á vef Kópavogs-
bæjar, www.kopavogur.is
Þá Rómanovættin | Lesbók 16