Morgunblaðið - 15.10.2005, Blaðsíða 11
MORGUNBLAÐIÐ LAUGARDAGUR 15. OKTÓBER 2005 11
FRÉTTIR
Allt fyrir mömmu og litla krílið
Ljósmóðir við í hádeginu til skrafs og ráðagerða
Útsöluslá: Bolir, buxur, kjólar, pils, kr. 2.000/2.500
Skólavörðustíg 41, sími 551 2136 – www.thumalina.is
MARÍA Kristín Gylfadóttir, 34 ára
stjórnmálafræðingur, býður sig
fram í 2. sæti í prófkjöri Sjálfstæð-
isflokksins í Hafnarfirði vegna
sveitarstjórnarkosninganna í vor.
María starfar sem verkefnisstjóri
á Landsskrifstofu Leonardó
starfsmennta-
áætlunar ESB.
María hefur tek-
ið virkan þátt í
félagsstarfi og
er núverandi
formaður Heim-
ilis og skóla –
landssamtaka
foreldra. Hún
var formaður
foreldraráðs Áslandsskóla í 3 ár og
fulltrúi foreldra í fræðsluráði
Hafnarfjarðar frá 2003–2005.
María hefur gegnt trúnaðar-
störfum fyrir Sjálfstæðisflokkinn,
m.a. með setu í stjórn Stefnis og í
stjórn fulltrúaráðsins. Hún er
fulltrúi Sjálfstæðisflokks í lýðræð-
is- og jafnréttisnefnd og varamað-
ur í fræðsluráði.
María leggur ríka áherslu á að
styrkja enn frekar fjölskyldubæ-
inn Hafnarfjörð. Hún vill hlúa enn
betur að menntastofnunum í Hafn-
arfirði, starfsfólki jafnt sem nem-
endum, þannig að Hafnarfjörður
geti skipað sér í forystu í mennta-
málum landsins. Einnig að bæta
aðgengi að leikskólum og skoða
dagvistunarúrræði fyrir börn frá
9–24 mánaða og sjá virkari tengsl
skóla-, íþrótta- og tómstunda-
starfs.
Þannig vill María tryggja fram-
lag til hvers barns á aldrinum 6–16
ára og koma til móts við barn-
marga þannig að öll börn fái að
njóta íþrótta, tómstunda eða list-
náms. María vill líka að ráðist
verði í markvissa uppbyggingu
miðbæjar með þjónustu, atvinnu,
menningar- og listalíf í huga.
María Kristín
býður sig
fram í 2. sæti
GÚSTAF Níelsson, útvarpsmaður, á
Útvarpi Sögu, sækist eftir 8. sæti í
prófkjöri sjálfstæðismanna, vegna
borgarstjórnar-
kosninga næsta
vor.
Í tilkynningu
frá Gústafi segir
að hann hafi í ald-
arfjórðung tekið
virkan þátt í
starfi Sjálfstæðis-
flokksins og setið
í stjórnum Heim-
dallar og Sambands ungra sjálfstæð-
ismanna um árabil, auk setu í flokks-
ráði um hríð og Fulltrúaráði
sjálfstæðisfélaganna í Reykjavík. Á
árunum 1991–93 gegndi Gústaf
starfi framkvæmdastjóra þingflokks
sjálfstæðismanna.
Gústaf leggur áherslu á velferðar-
þjónustu við þá, sem á þurfa að
halda, eins og aldraða, sjúka og
skólabörn. Hann vill auka lóðafram-
boð fyrir atvinnufyrirtæki og ungt
fjölskyldufólk og vill úrlausnir í sam-
göngu- og umferðarmálum. Einnig
að eldri borgarar, sem búa í skuld-
lausum eða skuldlitlum íbúðum sín-
um eftir langt ævistarf, þurfi ekki að
búa við síhækkandi fasteignaskatta.
Gústaf Níels-
son sækist
eftir 8. sæti
HLÝINDI undanfarinna ára hafa
valdið því að á Herðubreið hafa ver-
ið að koma undan snjó tjaldleifar
sem eignaðar eru danska landmæl-
ingamanninum A.F. Hansen, sem
þar dvaldi við landmælingar síðla
sumars árið 1955. Skálaverðir í
Herðubreiðarlindum sóttu þessar
leifar í sumar og afhentu þær
Landmælingum Íslands til varð-
veislu. „Hér er um einstakan fund
að ræða, sem er hluti af sögu land-
mælinga á Íslandi,“ segir Magnús
Guðmundsson, forstjóri Landmæl-
inga Íslands, í samtali við Morg-
unblaðið.
Aðspurður segir Magnús leif-
arnar samanstanda af nokkuð heil-
legu tjaldi Hansens, járnteinum
sem notaðir voru til að setja niður
mið og niðursuðudósum. „Raunar
er ein dósin óopnuð, en við höfum
ekki lagt í að opna hana,“ segir
Magnús og tekur fram að aldrei sé
nema að vita nema í dósinni leynist
niðursoðnar grænar Ora-baunir. Að
sögn Magnúsar er fundurinn ein-
stakur m.a. sökum þess að venjan
var að tjaldbúðir mælingamanna
væru fjarlægðar að mælingum
loknum, en í tilviki Hansens og
þeirra leiðangursmanna sem sóttu
hann á fjallið hafi veður verið svo
vont að þeir hafi nánast þurft að
flýja niður af Herðubreið og aðeins
náð að grípa með sér mæl-
ingatækin.
Beið í hálfan mánuð eftir
nægilega góðu skyggni
Að sögn Magnúsar fannst nýver-
ið handskrifuð dagbók Hansens í
skjalasafni Landmælinga Íslands
þar sem hann fjallar um veru sína
hérlendis við landmælingar. „Þessi
fundur, þ.e. tjaldið og dagbókin, er
dæmi um það hversu oft gat verið
erfitt hér áður fyrr en mæla land-
ið,“ segir Magnús og bendir í því
samhengi á að Hansen hafi þurft að
dvelja við nokkuð erfiðar aðstæður
á tindi Herðubreiðar í næstum tvær
vikur eða frá 24. ágúst til 5. sept-
ember. Að sögn Magnúsar skýrist
þessi langi tími af því að Hansen
þurfti að bíða eftir bjartviðri og
góðu skyggni til þess að geta séð til
hinna mælistaðanna sem hann
þurfti að miða á, en um var að ræða
svonefndar þríhyrningamælingar.
„Þannig að það var mikið fyrir
þessu haft á árum áður fyrir tíma
GPS-tækninnar,“ segir Magnús, en
í dagbók Hansens kemur fram að
veður hafi verið með eindæmum
vont þá daga sem hann dvaldi á
fjallinu, allt að 10 vindstig og 4
gráða frost.
Leiðangur Hansens á Herðubreið
var hluti af umfangsmiklu landmæl-
ingaverkefni sem fram fór sumarið
1955 og fólst í því að endurmæla og
styrkja mælinganetið af Íslandi sem
fyrir var. Þeir sem stóðu að verk-
efninu voru landmælingastofnun
Dana (Geodætisk Institut), korta-
gerðarstofnun bandaríska varn-
armálaráðuneytisins (Army Map
Service) og Vegamálaskrifstofan.
Alls tóku 69 leiðangursmenn þátt í
mælingaverkefninu, bæði Íslend-
ingar, Danir og Bandaríkjamenn.
Aðspurður segir Magnús stefnt
að því að gera tjaldleifarnar sem og
brot úr dagbók Hansens aðgengi-
legt almenningi í Byggðasafninu á
Akranesi, en þar eru Landmæl-
ingar Íslands nú þegar með sýn-
ingu á sögu kortagerðar á Íslandi.
„Enda er þetta tilvalin leið til þess
að gefa fólki innsýn í þau vinnu-
brögð sem viðhöfð voru við mæl-
ingar fyrir ekki nema fimmtíu ár-
um,“ segir Magnús, en þess má að
lokum geta að Landmælingar Ís-
lands fagna einmitt hálfrar aldar af-
mæli sínu í upphafi næsta árs.
Til merkis um hve mikið var haft
fyrir mælingum áður fyrr
Eftir Silju Björk Huldudóttur
silja@mbl.is
Frá búðum leiðangursmanna fyrir hálfri öld.
Meðal þess sem fannst í fyrrum tjaldbúðum A. F. Hansens voru ryðgaðar
niðursuðudósir. Raunar var ein dósanna óopnuð.
Tjald Hansens kom undan snjó í sumar á tindi Herðubreiðar og komu
skálaverðir í Herðubreiðarlindum því til byggða.
♦♦♦