Morgunblaðið - 10.11.2005, Blaðsíða 48

Morgunblaðið/RAX
BÆNDUR á Skeiðum bera kúamykju á tún.
Þótt komið sé langt fram í nóvember má ætla
að mykjan veiti einhverja næringu því ekki er
komið frost í jörðu. Búast má við frosti sunn-
anlands aðfaranótt laugardags samkvæmt
veðurspá fyrir næstu daga.
Bændur bera á tún
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 10. NÓVEMBER 2005 VERÐ Í LAUSASÖLU 220 KR. MEÐ VSK.
Opið 8-24 alla daga
í Lágmúla og Smáratorgi
ÁSTHILDUR Helgadóttir
landsliðsfyrirliði í knatt-
spyrnu segir að það séu
mikil gleðitíðindi að liðum í
úrslitakeppni Evrópumóts
kvennalandsliða verði
fjölgað úr átta í tólf frá og
með næstu keppni. „Nú
ættu möguleikar okkar að
aukast verulega,“ segir
Ásthildur og ennfremur að
KSÍ og íslensk félög þurfi
að vinna markvisst að því
að sá langþráði draumur
íslenskra knattspyrnu-
kvenna um að komast í
lokakeppni stórmóts verði
að möguleika.
Eggert Magnússon er í
framkvæmdastjórn Knatt-
spyrnusambands Evrópu
sem tók þessa ákvörðun.
„Við hljótum að setja stefn-
una á að vera með í úr-
slitakeppninni árið 2009,“
sagði Eggert. | Íþróttir
Gleðitíð-
indi fyrir
kvennafót-
boltann
NÝ ÍSLENSK rannsókn sýnir að
nægileg inntaka D-vítamíns geti
styrkt beinin og varið fólk gegn
beinþynningu. Þetta kemur fram á
vef HealthScout, en þar kemur einn-
ig fram að niðurstöður rannsóknar-
innar hafi verið birtar í nýjasta hefti
læknatímaritsins Journal of the
American Medical Association.
„Rannsóknir okkar benda til þess
að næg inntaka á D-vítamíni sé þýð-
ingarmeiri en mikið magn kalsí-
ums.“ Þetta er haft eftir Gunnari
Sigurðssyni, yfirlækni sameinaðrar
innkirtla- og efnaskiptadeildar við
Landspítala – háskólasjúkrahús, á
vef HealthScout. Í samtali við
Morgunblaðið segir Gunnar um að
ræða stóra hóprannsókn þar sem
þátt tóku 1.600 Íslendingar á aldr-
inum 35–85 ára, en rannsóknin fór
fram á árunum 2001–2003 og var
unnin í samvinnu við Laufeyju
Steingrímsdóttur á Lýðheilsustöð
og samstarfsmenn Gunnars á LSH,
þá Ólaf Skúla Indriðason, Leif
Fransson og Örvar Gunnarsson.
„Markmið okkar var að meta
ýmsa þætti í sambandi við bein-
heilsu og eitt af því sem við gerðum í
rannsókninni var að mæla bæði D-
vítamínbúskapinn með blóðmæl-
ingu og kalkhormónið í blóði til að
meta kalkbúskap líkamans,“ segir
Gunnar og bendir á að eitt af því
sem gerist þegar kalk vantar í lík-
amann sé að hækkun verði á kalk-
hormóni í blóðinu til þess að hækka
kalkið aftur upp að eðlilegum mörk-
um.
„En það gerist oft á kostnað bein-
anna. Þess vegna þykir óheppilegt
að kalkhormónið sé hærra en það
þarf að vera.“
Taka lýsi eða D-vítamíntöflur
Að sögn Gunnars var niðurstaða
rannsóknarinnar sú að til þess að
halda kalkhormóninu innan eðli-
legra marka skipti mestu máli að D-
vítamín í blóði væri í góðu lagi. „Sé
svo þá þarf kalkneyslan ekki að vera
meira en 800 mg á dag, en það er
ráðlagður dagskammtur fyrir full-
orðna,“ segir Gunnar og bendir á að
auðvelt sé að fá kalkið úr mjólkur-
ríkri fæðu. „Þetta þýðir að almenn-
ingur þarf ekki að taka aukakalk
nema í þeim tilfellum þegar fólk er á
sérstökum beinverndandi lyfjum,
þ.e. lyfjum gegn beinþynningu. Að-
alatriðið er sem sagt að tryggja D-
vítamínbúskap líkamans, sem best
er gert með því að taka lýsið sitt eða
D-vítamíntöflur,“ segir Gunnar.
D-vítamínneysla kemur
í veg fyrir beinþynningu
Íslensk rannsókn á samspili kalk- og D-vítamínneyslu birt í læknatímariti
Eftir Silju Björk Huldudóttur
silja@mbl.is
ÖKUMAÐUR 44 tonna steypubíls með
tengivagni slapp án alvarlegra meiðsla
í gær þegar bíll hans valt allt að 10
metra út fyrir veg, rétt fyrir ofan Eg-
ilsstaði. Tildrögin voru þau að ökumað-
ur hugðist bremsa til að athuga hvort
hálka væri á veginum. Fljúgandi hálka
hafði myndast á stuttum tíma á veg-
inum og þegar hemlunar gætti á tengi-
vagninum fór hann að snúast og fór
fram fyrir sjálfan bílinn á ferð. Við það
henti hann bílnum út fyrir veg og er
bíllinn ónýtur að sögn lögreglunnar á
Egilsstöðum. Talið er að vagninn sé
mikið skemmdur ef ekki ónýtur. Lög-
reglan telur að það hafi orðið ökumanni
til lífs að ökumannshúsið hafnaði ofan í
skurði í stað þess að leggjast saman á
jörðinni. Ökumaðurinn var fluttur á
slysadeild til aðhlynningar.
Steypubíllinn var á leið upp í Kára-
hnjúkavirkjun með fullan geymi af
steypu en nánast ekkert lak út við slys-
ið. Vagninn vó 32 tonn og var heild-
arþyngdin á bílnum um 44 tonn. Veg-
farendur komu fljótt að og hringdu á
sjúkrabíl.
Varð til lífs
að lenda
ofan í skurði
JÓHANNES Georgsson, fv. fram-
kvæmdastjóri Iceland Express, hefur
verið ráðinn framkvæmdastjóri hjá
sænska lágfargjaldafélaginu FlyMe. Mun
Jóhannes bera ábyrgð
á öllum markaðs- og
sölumálum félagsins,
leiðakerfi og verð-
lagningu, en hann hef-
ur unnið við endur-
skipulagningu FlyMe
sl. tvo mánuði.
Félagið var stofnað
í mars á síðasta ári og
meðal stærstu eig-
enda er Fons eignar-
haldsfélag. FlyMe er með fjórar Boeing
737-300 þotur í rekstri og flýgur innan-
lands í Svíþjóð, auk áætlunarflugs milli
Stokkhólms og Helsinki.
Jóhannes segist í samtali við Morg-
unblaðið vera ánægður með að fá að tak-
ast á við þetta verkefni og er bjartsýnn
fyrir hönd félagsins. Taprekstur á ungu
félagi í uppbyggingu sé ekki óeðlilegur en
reksturinn hafi nú verið endurskipulagð-
ur. Frekari tíðinda af fyrirtækinu er að
vænta í dag. | Viðskipti
Jóhannes
til FlyMe
Jóhannes Georgsson
LAUNANEFND aðila vinnu-
markaðarins sat á fimm klukku-
stunda löngum fundi í gær og held-
ur áfram fundahöldum í dag. Gert
er ráð fyrir stífum fundahöldum
næstu dagana, en nefndin hefur
tíma til miðnættis á þriðjudaginn
kemur, 15. nóvember, til að komast
að niðurstöðu. Þá vinna stjórnvöld
áfram að tillögum sínum varðandi
aðkomu að endurskoðun kjara-
samninga og er jafnvel gert ráð
fyrir öðrum fundi með stjórnvöld-
um vegna þessa fyrir helgina.
Gylfi Arnbjörnsson, fram-
kvæmdastjóri Alþýðusambands
Íslands, segir að það sé miklu já-
kvæðari tónn í viðræðunum en ver-
ið hafi til þessa, en ekki sé á þessu
stigi hægt að fara út í það nánar
efnislega um hvað viðræðurnar
snúist. Menn séu hins vegar sam-
mála um að vinna áfram í málinu.
„Það er alveg klárt að viðhorf
okkar viðsemjenda hefur breyst
yfir í það að vera allavega tilbúnir
að ræða hluti. Ég ætla ekki að full-
yrða um niðurstöðuna, hvort þetta
komi til með að duga, en mér finnst
vera miklu jákvæðari taktur í
þessu, bæði á fundi með ríkis-
stjórninni og eins með atvinnurek-
endum,“ sagði Gylfi í samtali við
Morgunblaðið í gærkvöldi.
Hann sagði að umræðan um
helgina, þar sem fram kom að
þunglega horfði um samkomulag,
hefði greinilega ýtt við mönnum og
þeir áttað sig á að það stefndi í
óefni að óbreyttu.
„Við sitjum núna við og erum að
máta hluti og prófa okkur áfram.
Það er auðvitað forsendan fyrir því
að finna lausnina að menn geti far-
ið í það. Góðu fréttirnar eru þær að
við erum í bullandi vinnu og höld-
um því áfram á morgun (í dag) og
næstu daga,“ sagði Gylfi einnig.
Morgunblaðið/Þorkell
Launanefnd aðila vinnumarkaðarins
Gylfi Arnbjörnsson, framkvæmdastjóri ASÍ, Ólafur Darri Andrason,
hagfræðingur ASÍ, Ari Edvald, framkvæmdastjóri SA og Hannes G.
Sigurðsson, aðstoðarframkvæmdastjóri SA á fundinum í gær.
„Miklu jákvæðari
tónn í viðræðunum“
Eftir Hjálmar Jónsson
hjalmar@mbl.is
SÉRSVEIT ríkislögreglustjóra var send í
Ármúla í gær eftir að 33 ára kona reyndi
að ræna leigubílstjóra vopnuð loftbyssu.
Hún sat í bílnum hjá bílstjóranum og gaf
sig sjálfviljug fram þegar lögreglan kom á
vettvang. Engu skoti var hleypt af byss-
unni.
Hjálparbeiðnin kom í gegnum leigubíla-
stöðina og var tilkynnt að konan væri
vopnuð byssu. Greip lögreglan því til við-
eigandi ráðstafana. Konan var handtekin
og sett í fangaklefa og látin bíða yfir-
heyrslu. Tildrög atviksins eru til skoðunar
en konan mun hafa óskað eftir tiltekinni
þjónustu bílstjórans sem hann veitti ekki
og tók hún þá til bragðs að reyna að ræna
hann.
Ógnaði leigu-
bílstjóra með
loftbyssu
♦♦♦
♦♦♦