Fréttablaðið - 06.09.2003, Qupperneq 29

LAUGARDAGUR 6. september 2003





  

 






  

 
 

  ! "
#
    "

$$
! %









 
  
    

Lykilleikmaður
þýska landsliðsins
FÓTBOLTI Michael Ballack er lykil-
leikmaður þýska landsliðsins sem
mætir því íslenska í undankeppni
Evrópumótsins á Laugardalsvelli
á morgun. Ballack er einn besti
miðvallarleikmaður heims og
skoraði meðal annars sigurmark
Þjóðverja í undanúrslitum heims-
meistaramótsins í Suður-Kóreu og
Japan. Hann gat ekki tekið þátt í
sjálfum úrslitaleiknum á móti
Brasilíu þar sem hann var í leik-
banni. Þjóðverjar töpuðu leiknum
og vildu margir kenna fjarveru
Ballacks um.
„Einbeitni og yfirvegun hefur
alltaf einkennt hann þótt hann sé
ekki mjög gamall,“ segir Lárus
Guðmundsson, fyrrverandi at-
vinnumaður í knattspyrnu.
Ballack hóf að æfa knatt-
spyrnu með BSG Motor Karl-
Marx-Stadt þegar hann var sjö
ára og lék þar allt til ársins 1995.
Þá skipti hann yfir í Chemnitzer
og svo í Kaiserslautern. Ballack
var ekki lengi að festa sig í sessi.
Hann lék 30 leiki fyrir
Kaiserslautern en var keyptur til
Bayer Leverkusen árið 1999.
Sama ár lék hann sinn fyrsta
landsleik gegn Skotum.
„Þegar Ballack lék með
Kaiserslautern vildi Bayern
München fá hann til sín en honum
fannst það of stór biti. Hann fór
því til Leverkusen og sló mjög
fljótlega í gegn sem síðar varð til
þess að hann var keyptur til
Bayern,“ segir Lárus.
Að sögn Lárusar er Ballack
gríðarlega fjölhæfur leikmaður
en fólk tekur ekki endilega eftir
honum í fyrstu. „Hann er ekki að
sóla þrjá eða fjóra í einu heldur er
með elegant leikstíl – mjög mjúk-
ur – og er alltaf á réttum stað,“
segir Lárus. „Það sem meira er að
þá reynir hann að forðast sviðs-
ljósið og er mjög svo hógvær. Það
er það sem ég virði hvað mest við
hann – hvað hann er í raun mikill
karakter. Hann er leiðtogi á vell-
inum sem dregur aðra leikmenn
með sér. Ef liðið hefur átt í barn-
ingi er hann maðurinn sem skorar
mörkin sem leysa hnútinn.“
Ballack hefur leikið 154 leiki í
Bundesligunni og skorað 42 mörk.
Þrátt fyrir mörkin segist hann
kunna best við sig sem varnar-
tengiliður.
Lárus telur helsta galla Ballacks
vera þann að hann sé ekki nógu
fljótur. „Þess í stað les hann leikinn
vel og er fljótur að skila sér í eyð-
ur,“ segir Lárus. „En hann er lykil-
leikmaður í þýska liðinu og ef hann
nær sér á strik á móti Íslendingum
er voðinn vís.“ ■
ÞÝSKA STÁLIÐ
Þýska landsliðið æfði á Laugardalsvelli í gær. Nokkrir leikmenn hafa verið meiddir en það
skýrist í dag hvort þeir verði klárir í slaginn.
Michael Ballack
Leikstjórnandi Bayern München og
þýska landsliðsins. Hann hefur verið
einn besti leikmaður Þýskalands undan-
farin ár og er potturinn og pannan í
miðvallarspili landsliðsins.
FRÉTTAB
LAÐ
IÐ
/RÓ
B
ERT
FRÉTTAB
LAÐ
IÐ
/RÓ
B
ERT