Fréttablaðið - 27.03.2004, Qupperneq 16

30 27. mars 2004 LAUGARDAGUR
Björgólfur Thor Björgólfsson,fjárfestir og athafnamaður, er
sá Íslendingur sem skarar mest
fram úr að mati þjóðarinnar um
þessar mundir, samkvæmt nýrri
skoðanakönnun Fréttablaðsins.
Fast á hæla honum koma forystu-
menn þjóðarinnar, þeir Davíð
Oddsson forsætisráðherra og
Ólafur Ragnar Grímsson forseti.
Athafnaskáldið skýtur þar með
leiðtogunum ref fyrir rass.
Það eru einkum karlar í þétt-
býli sem telja Björgólf Thor skara
mest fram úr, en af þeim 52
atkvæðum sem Björgólfur fékk í
könnuninni komu 26 úr þeirri
áttinni.
Fjármálafólk í mestu
uppáhaldi
Þjóðin virðist halda mest upp á
athafna-, fjármálamenn og kaup-
héðna ýmiskonar. Þeir fengu sam-
anlagt alls 142 atkvæði, eðan 40
prósent af þeim sem svöruðu.
Björgólfur Thor á vitaskuld
mestan þátt í þessari góðu útkomu
fjármálamanna, en einnig lögðu
þung lóð á vogarskálarnar þeir
Kári Stefánsson, með 25 atkvæði,
Björgólfur Guðmundsson faðir
Björgólfs, með 23 atkvæði, og
Þorsteinn Már Baldvins-
son, forstjóri Sam-
herja, sem fékk 17
atkvæði, einum af la-
ndsbyggðinni. Á
meðal annarra athaf-
na- og fjármálaman-
na sem komust á blað
voru þau Jón Ásgeir
Jóhannesson. for-
stjóri Baugs, með 6 atkvæði,
Magnús Scheving. forstjóri Lata-
bæjar. með 6 atkvæði, Rannveig
Rist, forstjóri Alcan, og Jóhannes
í Bónus með þrjú atkvæði. Eitt
atkvæði fengu þeir Alli Rúts, at-
hafnamaður í Mosfellsbæ, Baldur
Guðnason fjárfestir, Bjarni
Ármannsson, forstjóri Íslands-
banka, Björn Leifsson í World
Class, Jón Helgi Guðmundsson í
Byko, Margeir Pétursson
fjárfestir og Sigurður G.
Guðjónsson, forstjóri
Norðurljósa.
Stjórnmálamenn koma
næstir
Tólf stjórnmálamenn voru
nefndir og fengu þeir samtals 62
atkvæði, eða 17,4%. Þar vegur
þyngst fylgi Davíðs Oddssonar,
sem heldur uppi fylgi stjórnmála-
mannanna með sitt 41 atkvæði.
Næst í röðinni á meðal stjórn-
málamanna koma þau Ingibjörg
Sólrún Gísladóttir og Steingrímur
J. Sigfússon með fjögur atkvæði
hvort. Þrír töldu Halldór Ás-
grímsson skara mest fram úr og
jafnmargir voru þeirrar skoðunar
í tilviki Össurar Skarphéð-
inssonar. Guðni Ágústsson átti
sér tvo fylgismenn í
þessari könnun, og
þeir Björn Bjarna-
son, Geir H. Haarde,
Valgerður Sverris
dóttir, Þorgerður
Katrín Gunnars-
dóttir og Ög-
mundur Jónasson
áttu sér einn
aðdáanda hvert.
Þess má einnig
geta, að Steingrímur Hermanns-
son, fyrrverandi forsætisráðher-
ra, sem hættur er afskiptum af
stjórnmálum, fékk eitt atkvæði í
könnuninni, sem og Ingibjörg
Pálmadóttir, fyrrum heilbrigðis-
ráðherra, en hún hefur verið í
fréttum undanfarið vegna opn-
unar á nýju hjúkrunarheimili
fyrir börn. Þess ber að geta að
Ólafur Ragnar Grímsson, með sín
9% atkvæða, er ekki talinn í
þessum hópi, enda jafnan lögð á
það áhersla að forsetinn sé ekki
stjórnmálamaður, þó svo Ólafur
eigi sér vissulega fortíð á því
sviði.
Þá íþróttafólk
Eiður Smári Guðjohnsen ber
höfuð og herðar yfir aðra íþrótta-
menn, ef marka má könnunina, en
alls fær
íþróttafólk um 11%
atkvæða. Þar vega þyn-
gst 25 atkvæði Eiðs, en
næstur í röðinni kom
Ólafur Stefánsson
handboltakappi með
þrjú atkvæði. Jón Arn-
ar Magnússon tug-
þrautarkappi, Jónas
Breki hokkímaður og
Kristín Rós sundkona
fengu tvö atkvæði
hvert og þau Bjarni
Þorleifsson tai kwon
doe kappi, Hannes
Hlífar Stefánsson
skákmaður, Helena
Sverrisdóttir körfu-
boltastúlka, norðan-
maðurinn Ingvar Örn,
Jón Arnar Stefánsson
körfuboltamaður og
Magnús Ver krafta-
jötunn fengu eitt
akvæði hvert.
Og síðan listafólk
Listafólk, með alls
35 atkvæði eða 10%,
fylgir fast á hæla
íþróttamannanna í
hugum fólksins. Björk
Guðmundsdóttir tón-
listarmaður fer þar
fremst í flokki, með 15
atkvæði, og næstur
henni, úr allt annarri
átt, kemur leikarinn Örn Árnason
með fjögur atkvæði. Þrír töldu
Jónsa í Svörtum fötum skara mest
fram úr og þeir Ólafur Elíasson
myndlistarmaður og Ólafur
Jóhann Ólafsson rithöfundur nutu
hylli tveggja einstaklinga hvor.
Þau Arnaldur Indriðason
rithöfundur, Baltasar Kormákur
leikstjóri, Birgitta Haukdal
söngkona, Guðbergur Bergs-
son rithöfundur, Guðrún
Gunnarsdóttir söngkona, Jón
Nordal tónskáld, Stefán Karl
leikari og Þórarinn Eldjárn
rithöfundur fengu eitt
atkvæði hvert. Og svo sá
einn aðspurðra ástæðu til að
ljá Spaugstofunni í heild sinni
atkvæði sitt, og teljast þeir
fimmmenningar þar
með sem einn lista-
maður í þessu könnun.
Skiptir máli að slá
í gegn erlendis
Athygli vekur að af
topp tíu starfa fjórir
einstaklingar ákaflega
mikið í útlöndum og
hafa ekki síst unnið
frægðarverk sín þar,
en þetta eru þau
Björgólfur Thor, Eiður
Smári, Kári Stefáns-
son og Björk Guð-
mundsdóttir. Þar að
auki hafa tvö verið
mjög mikið í útlön-
dum, þau Björgólfur
Guðmundsson og
Vigdís Finnbogadóttir.
Ástþór Magnússon bjó
einnig um nokkurt
skeið í Englandi og
Ólafur Ragnar hefur
einnig verið talsvert
erlendis, eins og frægt
er orðið.
Athygli vekur
einnig að af þeim 75
einstaklingum sem
nefndir voru, eru ein-
ungis 12 konur. Alls
fengu konur 39
atkvæði, eða 11%
atkvæða. Það kann að
vera, án þess að nokkuð sé fullyrt
í þeim efnum, að lágt svarhlutfall
hafi komið konum verr en körlum,
en einungis 45% af 800 manna
úrtaki treystu sér yfir höfuð að
nefna nokkurn þann Íslending
sem þeir töldu skara fram úr um
þessar mundir. Hinum kaldhæðnu
leyfist því hugsanlega að túlka
niðurstöður könnunarinnar á
þann veg að 55% Íslendinga telji
engan Íslending, ekki nokkurn
mann, bera höfuð og herðar yfir
annan um þessar mundir.
gs@frettabladid.is
Samkvæmt nýrri skoðanakönnun Fréttablaðsins eru athafna- og fjármálamenn í mestu uppáhaldi á meðal þjóðarinnar. Spurt var: Hvaða
Íslendingur skarar mest fram úr um þessar mundir? Og niðurstaðan lét ekki að sér hæða:
Björgólfur Thor
skarar mest fram úr
TOPP 10
SPURT VAR Hvaða Íslendingur skarar
mestu fram úr um þessar mundir að
þínu mati?
1. Björgólfur Thor Björgólfsson 14,6%
2. Davíð Oddsson 11,4%
3. Ólafur Ragnar Grímsson 9,0%
4.–5. Eiður Smári Guðjohnsen 7,0%
4.–5. Kári Stefánsson 7,0%
6. Björgólfur Guðmundsson 6,5%
7. Þorsteinn Már Baldvinsson 4,8%
8. Björk Guðmundsdóttir 4,2%
9.–10. Ástþór Magnússon 2,0%
9.–10. Vigdís Finnbogadóttir 2,0%
Úrtakið var 800 manns
Könnunin var gerð 22. mars síðastliðinn
356 manns eða 45%, svöruðu
4.–5. KÁRI STEFÁNSSON
Forstjóri deCODE fékk 7%
atkvæða og deilir sæti með
Eiði.
1. BJÖRGÓLFUR
THOR BJÖRGÓLFSSON
Fjármálamaðurinn er í
fyrsta sæti með 14,6%
atkvæða.
2. DAVÍÐ ODDSSON
Forsætisráðherrann
fékk 11,6% atkvæða.
3. ÓLAFUR RAGNAR
GRÍMSSON
Forseti Íslands fékk
9 % atkvæða.
4.–5. EIÐUR SMÁRI
GUÐJOHNSEN
Knattspyrnuhetjan fékk 7%
atkvæða og er því í fjórða til
fimmta sæti.
Opið um helgar
frá 11-17
Dalvegi 6-8 · Kópavogi · Sími 535 3515
www.kraftvelar.is
Er garðurinn í þínum höndum ?