Fréttablaðið - 11.08.2004, Blaðsíða 22

Fyrstu dagana í skólanum er mikilvægt að ganga með þeim yngstu
í skólann. Gott er að ganga með þeim um skólabygginguna og
kynna þau fyrir stofum, salernum og mötuneyti. Mikilvægast er
auðvitað að kynna barnið fyrir kennaranum.
Verkmenntaskóli Austurlands í Fjarðabyggð
getur bætt við nemendum næsta skólaár
m.a.í grunndeild rafiðna, málmiðnanám
(þ.á.m. framleiðslutækninám í samvinnu
við ALCOA/Fjarðarál), sjúkraliðanám og á
bóknámsbrautir (náttúrufræðabraut og
félagsfræðabraut).
Við skólann er starfrækt heimavist og
mötuneyti.
Áhugasamir eru beðnir að hafa samband
við skrifstofu skólans í síma 477-1620 eða
með tölvupósti va@va.is
Frekari upplýsingar eru að finna á
heimasíðu skólans va.is
Kennara vantar í eftirtaldar
stöður við grunnskóla
Vesturbyggðar.
Bíldudalsskóli:
Almennan bekkjarkennara
Íþróttakennara
Patreksskóli:
Almennan bekkjarkennara
Sérkennara
Myndlistarkennara
Skólinn tekur þátt í Dreifmenntarverkefni sem felst í nýtingu fjarfundarbún-
aðar og tölva til fjarkennslu á milli skóla á svæðinu. Í tengslum við verkefn-
ið fær hver kennari fartölvu til eigin afnota. Nýtt íþróttahús er á Bíldudal.
Upplýsingar veitir Nanna Sjöfn Pétursdóttir skólastjóri í símum
4561257 og 8641424 og netfangi nanna@vesturbyggd.is.
Tölvunám í ágúst:
Til að hressa upp á kunnáttuna
„Í þau 18 ár sem skólinn hefur
verið starfræktur höfum við boð-
ið upp á sumarnámskeið,“ segir
Halldór Kristjánsson, fram-
kvæmdastjóri Tölvu-og verk-
fræðiþjónustunnar á Grensás-
vegi. Hann segir 30-50 mismun-
andi námskeið í boði nú í ágúst,
frá 6 upp í 21 klukkustund hvert
og námsefnið allt tölvutengt. Það
getur verið stafræn ljósmyndun,
umbrot, vinna á bókhaldsforrit,
heimasíðugerð og hvaðeina. En
hverjir sækja svona námskeið í
ágúst? „Það eru til dæmis ung-
menni sem vilja hressa uppá vissa
þætti tölvukunnáttunnar áður en
skólinn hefst, sjálfstæðir atvinnu-
rekendur og fólk úr öllum grein-
um þjóðlífsins sem á erfitt með að
fara í nám á öðrum tímum,“ segir
Halldór. ■
Anna Sigga segir áberandi í seinni tíð hvað börn séu hvatvís og ör og fljót að bregð-
ast við áreiti en telur það eiga sínar skýringar.
Anna Sigga, aðstoðarskólastjóri Breiðholtsskóla:
Börn eru orðin skemmtilegri en áður
„Börn sætta sig ekki lengur við
að vera bara móttakendur og læra
steinþegjandi þó að það hafi hent-
að okkur. Þetta er bara þróun en
það er ekki hægt að segja að börn-
in hafi versnað. Ég mundi ekki
taka undir það undir nokkrum
kringumstæðum,“ segir Anna Sig-
ríður Pétursdóttir, sem titluð er
talkennari í símaskránni. Hún
hefur langa reynslu af skólastarfi,
hóf kennslu við Breiðholtsskóla
1973 og er að hefja sitt níunda ár
sem aðstoðarskólastjóri þar. Um
tíma sinnti hún einnig talkennslu í
nokkrum skólum til viðbótar en
hætti þegar henni fannst annríkið
orðið um of.
Þótt Anna Sigríður eða Anna
Sigga eins og hún er oftast kölluð,
sé enn á besta aldri hefur hún
upplifað miklar breytingar innan
grunnskólans. Skólaár og skóla-
dagur hafa lengst, samræmdum
prófum fjölgað og samsetning
bekkja breyst. Fyrst var börnum
raðað eftir getu, nú er blöndunin
alger en áhersla lögð á einstak-
lingsmiðað nám og samvinnu
nemenda, án aðgreiningar. Þá hef-
ur sjálfstæði skóla aukist og þar
með vald stjórnenda. Það líkar
Önnu Siggu vel. „Skólar eru frá-
leitt allir eins og það er gott fyrir
stjórnendur að geta hagað hlutun-
um eins og hentar þeirra skóla.“
Í Breiðholtsskóla standa breyt-
ingar fyrir dyrum. Anna Sigga
lýsir þeim. „Við lögðum stunda-
töfluna upp þannig núna að ár-
gangar geti unnið saman og kenn-
arar blandað hópum innan hvers
árgangs. Þetta fyrirkomulag
þekkist víða og útheimtir mikla
samvinnu kennara.“ Eins og áður
hefur komið fram er Anna Sigga
ekki ein þeirra sem finnst allt á
niðurleið í uppeldi þjóðarinnar.
„Börnin eru að mörgu leyti
skemmtilegri nú en áður. Þau eru
frjálsari og hafa meiri þekkingu á
ýmsu. Hinsvegar er áberandi í
seinni tíð hvað börn eru hvatvís,
ör og fljót að bregðast við áreiti,“
segir hún. Einnig bendir hún á að
nú á tímum eigi öll börn rétt á að
vera í skóla og séu þar, hvort sem
þau falli inn í bekki eða ekki.
Skóladagurinn sé langur og gamla
stoðfjölskyldukerfið fyrir bí.
Anna Sigga telur skólana
reyna að laða sig að breyttum að-
stæðum barnanna og þeim miðl-
um sem þau alist upp við. Allt sé
gert til að hvert og eitt fái notið
sinna hæfileika enda sé fræðslu-
miðstöðin búin að setja fram áætl-
un til tíu ára um stefnumiðaða
kennsluhætti. En kalla þau mark-
mið ekki á fleiri kennara? „Jú, þau
kalla á fleira starfsfólk við skól-
ana. Við erum með börn innan um
sem þurfa alveg manninn með sér.
Stefna stjórnvalda og fræðslu-
miðstöðvar er að vera með öll
börn í skólanum og sinna þeim á
þennan hátt en þá verður líka að
gera það með þeim stæl að ekki
þurfi að skammast sín fyrir það.“
gun@frettabladid.is
FR
ÉT
TA
B
LA
Ð
IÐ
/G
VA
Rétta skólataskan:
Ómissandi í skólann
Þegar valin er skólataska fyrir
yngstu kynslóðina þá er mikilvægt
að hún sé vel gerð svo hún valdi
ekki barninu einhverjum óþægind-
um. Í Pennanum Eymundsson fást
mjög góðar skólatöskur fyrir unga
fólkið sem er að feta sín fyrstu spor
á skólabrautinni. Þar er hægt að fá
skólatöskur með mjúku baki og
vatnsheldum botni og einnig fylgir
með nestispoki og vatnsbrúsi. Bæði
eru til töskur fyrir stelpur og stráka
og koma þær í tveim stærðum. Mitt-
isólar og ólar yfir brjóstkassann eru
á töskunum sem eru stillanlegar og
einnig er hægt að stilla axlarólar
svo að taskan passi barninu sem
best. Með sumum töskunum fylgir
leikfimispoki sem hægt er að taka
frá og nota einan og sér. Ekki spillir
svo fyrir að töskurnar eru flottar að
sjá og með alls kyns hólfum til að
geyma allt skóladótið sem er auðvit-
að ómissandi í skólann. Þessar tösk-
ur styðja mjög vel við bakið og hafa
vakið mikla lukku hjá íslenskum
skólabörnum. ■
Penninn Eymundsson hefur selt Jeva-töskurnar í mörg ár og
eru þær mjög vinsælar.
Beckham-töskurnar hafa hlotið skólatöskuverðlaun í Skandi-
navíu vegna gæða.
FR
ÉT
TA
B
LA
Ð
IÐ
/E
.Ó
L