Fréttablaðið - 11.08.2004, Blaðsíða 35
MIÐVIKUDAGUR 11. ágúst 2004 23
ÚR ÍÞRÓTTAHEIMINUM
Þeir kappar, Gunnar Viðarsson ogStefán Arnaldsson, langbesta
dómarapar okkar Íslendinga í hand-
knattleik og þótt víðar væri leitað,
munu dæma á
ólympíuleikunum í
Aþenu sem hefjast á
morgun. Þetta er
enn ein skrautfjöð-
urin í hatt þeirra fé-
laga og fer að verða
erfitt að koma þeim
fleirum fyrir. Þá
verður Kjartan Steinbach eftirlits-
dómari á vegum Alþjóðahandknatt-
leikssambandsins.
Karlalið Vals í handknattleik dróst ímorgun gegn sviss-
neska liðinu, Grass-
hopper frá Sviss, í 2.
umferð í Evópu-
keppni félagsliða.
Valsmenn eiga fyrri
leikinn og verður
hann háður 9. eða
10. október.
Í3. umferð í áskorendakeppni Evr-ópu, sem verður í nóvember, dróg-
ust Framarar gegn rúmenska liðinu
Uztel Ploiesti og fengu Framarar fyrri
leikinn á heimavelli og er hann á
dagskrá í nóvember en ekki liggur
fyrir nákvæm dagsetning.
Nú er talið líklegt að enski lands-liðsmaðurinn Michael Owen,
leikmaður Liverpool, gangi í raðir
spænska stórliðsins Real
Madrid á allra næstu dög-
um. Kaupverðið er talið
vera 10 miljónir punda
og þar að auki fengi
Liverpool Fernando
Morientes eða Samuel
Eto’o. Miklar vangaveltur
hafa verið um framtíð
Owens hjá Liverpool í
langan tíma og hefur
hann ítrekað neitað að
skrifa undir nýjan samn-
ing. Þegar Steven Gerr-
ard samþykkti að spila áfram með
Liverpool héldu flestir að Owen
myndi gera slíkt hið sama en svo
virðist ekki ætla að fara.
Franski knattspyrnumaðurinnJermaine Aliadiere, sem er á
mála hjá ensku meisturunum í
Arsenal, verður frá í að minnsta kosti
þrjá mánuði vegna hnémeiðsla sem
hann hlaut í leik um samfélags-
skjöldinn á sunnudaginn. Leikið var
Þúsaldarleikvanginum í Cardiff í Wa-
les og lauk leiknum með sigri
Arsenal, 3-1, gegn bikarmeisturum
Manchester United.
Og aðeins meira um Arsenal.Francis Jeffers, leikmaður fé-
lagsins, mun vænt-
anlega spila sem
lánsmaður hjá
Charlton Athletic í
vetur. Arsenal keyp-
ti Jeffers fyrir væna
summu árið 2001
en hann hefur ekki
náð að festa sig í
sessi hjá félaginu og var lánaður til
Everton á síðasta tímabili.
Sú dvöl endaði illa því leikmannin-um og David Moyes, fram-
kvæmdastjóra Everton, lenti saman
síðastliðið vor og þar með varð ekk-
ert úr því að Everton keypti leik-
manninn eins og til stóð.
Southampton hefur hafnað tilboðifrá Aston Villa í sóknarmanninn
snjalla James
Beattie. Talið er að
tilboðið hafi hljóð-
að upp á sex millj-
ónir punda en það
er að minnsta kosti
tveimur milljónum
minna en Sout-
hampton vill fá fyrir
leikmanninn sem hefur verið helsti
markaskorari liðsins undanfarin ár.
Mörg önnur lið eru á höttunum eftir
Beattie og þar má nefna Charlton
Athletic, Newcastle United og Totten-
ham Hotspur.
Birmingham City hefur samið viðfyrrverandi leikmann Tottenham
Hotspur og enska
landsliðsins, mið-
vallarleikmanninn
Darren Anderton,
til eins árs. Leik-
maðurinn, sem er
32 ára gamall, var
leystur undan
samningi við
Tottenham í sumar en hann hefur
verið meiðslum hrjáður undanfarin
misseri. Talið er að hann fái borgað
fyrir hvern leik sem hann spilar.
Hughes dæmdur í sex ára
fangelsi
Lee Hughes, leikmaður enska úrvals-
deildarfélagsins WBA, hefur verið
dæmdur til sex ára fangelsisvistar.
Hinn 28 ára gamli Hughes var fundinn
sekur um manndráp af gáleysi en hann
keyrði 13 milljón króna Mercedes-bif-
reið sinni, af gerðinni CL500, á annan
bíl, Renault Megane, þann 23. nóvem-
ber síðastliðinn. Hughes stakk af á
hlaupum og gaf sig ekki fram við lög-
reglu fyrr en 36 tímum síðar.
Hinn 56 ára gamli Douglas Graham,
sem var fjögurra barna faðir, lést við
áreksturinn en hann sat í baksæti bif-
reiðarinnar. Fimmtug kona hans,
Maureen, slasaðist alvarlega en þau
hjónin höfðu þáð far heim þetta örlaga-
ríka kvöld
eftir
skemmtun í
nágrenninu,
af kunningja
þeirra, Al-
bert Frisby.
Frisby þurfti
að dvelja í
þrjá mán-
uði á spít-
ala eftir
áreksturinn
og er nú
bundinn
við hjóla-
stól. Hann
sagði við vitnaleiðslur að hann hefði
séð bifreið Hughes nálgast á öfugum
vegarhelmingi. Hughes viðurkenndi að
hafa drukkið tvö viskíglös þetta kvöld.
Við réttarhöldin, sem stóðu yfir í sex
daga, neitaði Hughes sakargiftum en
það tók kviðdóminn þó ekki nema 90
mínútur að komast að niðurstöðu.
Hughes, sem ber gælunafnið „Ginger
Ninja,“ var á sínum mjög öflugur fram-
herji og til að mynda seldi WBA hann til
Coventry árið 2001 fyrir 5 milljónir
punda. Dvöl hans þar varð þó skamm-
vinn og hann sneri aftur til WBA ári
seinna.
Maureen Graham sagði að hún hefði
aldrei heyrt Lee Hughes getið fyrr og að
hún hefði engan áhuga á fótbolta. Hún
sagði mann sinn heitinn hafa fylgt
Coventry að málum, liðinu sem Hughes
var einmitt seldur til eins og áður var
getið. Hún sagði eftir að dómur féll að
hún vonaðist til að Hughes gerði sér
grein fyrir því hvað hann hefði gert fjöl-
skyldu hennar: „Eitthvað hefur verið
tekið frá fjölskyldu minni sem ekkert
getur komið í staðinn fyrir. Við verðum
einfaldlega að sætta okkur við þennan
missi. Enginn getur skilið þá miklu sorg
og vanlíðan sem fjölskylda okkar hefur
mátt þola á síðustu níu mánuðum,“
sagði Maureen Graham.
Það má reikna með því að við sjáum
Lee Hughes ekki framar á knattspyrnu-
vellinum.
ÍSLANDSMEISTARAÁHÖFNIN 2004 Þernan er Íslandsmeistari kjölbáta árið 2004 og
hér sést áhöfn hennar taka við verðlaunum en hana skipa Gunnar Geir Halldórsson (skip-
stjóri), Áskell Fannberg, Ólafur Axelsson, Steinn Steinssen og Trausti Ævarsson.
Íslandsmótinu í siglingum lauk um helgina:
Þernan fyrst í mark
SIGLINGAR Þerna frá Þyt í Hafnar-
firði sigraði Íslandsmótið í sigl-
ingum sem lauk um helgina en
keppnin var afar spennandi og að-
eins eitt stig skildi að tvo efstu
bátana í lokin. Góður vindur var
alla keppnina en þó nokkuð
sveiflukenndur frá 5-11 m/sek.
Alls voru sigldar fimm umferðir
og voru brautirnar nokkuð mis-
munandi en flestar mjög góðar.
Menn voru allmennt ánægðir með
brautirnar sem lagðar voru.
Þernan sigraði eins og áður
sagði en hún er undir stjórn Gunn-
ars Geirs Halldórssonar og hlýtur
því nafnbótina Íslandsmeistari
kjölbáta árið 2004. Í áhöfn Þernu
voru Gunnar Geir Halldórsson
(skipstjóri), Áskell Fannberg,
Ólafur Axelsson, Steinn Steinssen
og Trausti Ævarsson.Í öðru sæti
var Sæstjarnan frá Ými í Kópa-
vogi. Skipstjóri hennar er Viðar
Olsen. Í þriðja sæti lenti Besta frá
Brokey í Reykjavík undir stjórn
Baldvins Björgvinssonar. Keppn-
in var haldin af Siglingafélagi
Reykjavíkur, Brokey. Keppnis-
stjóri var Jón Rafn Sigurðsson. ■
Íslenska körfuboltalandsliðið lék þrjá landsleiki gegn Pólverjum um síðustu helgi:
Spiluðu best með Eirík inn
á en verst með Arnar Freyr
KÖRFUBOLTI Hinn þrítugi Eiríkur
Önundarson átti mjög góða endur-
komu í íslenska körfuboltalands-
liðið um helgina eftir að hafa ver-
ið ítrekað settur út í kuldann af
landsliðsþjálfurum undanfarin ár.
Eiríkur hefur verið allt í öllu
hjá ÍR-ingum undanfarin ár en
hefur ekki hentað þegar hefur
komið að því að velja leikmenn í
landsliðið. Nú er aftur á móti ann-
að uppi á teningnum.
Það virðist henta Eiríki vel að
spila eftir hraðari leikstíl Sigurð-
ar Ingimundarsonar þjálfara og
það sást vel í vináttulandsleikjun-
um þremur gegn Pólverjum um
helgina.
Eiríkur skoraði 8,7 stig og gaf
4,3 stoðsendingar að meðaltali á
þeim 17,7 mínútum sem hann spil-
aði í leik í þessum þremur leikj-
um. Eiríkur hitti meðal annars úr
fimm af níu þriggja stiga skotum
sínum (56%) og nýtti helming
skota sinna í leikjunum.
Hans besti leikur var tvímæla-
laust í Hólminum á laugardaginn
þegar hann skoraði 15 stig og gaf
fimm stoðsendingar að auki.
Eiríkur skoraði þá meðal annars
11 stig í röð fyrir Ísland á þriggja
mínútna kafla í lok þriðja leik-
hluta.
Á þeim tíma náði íslenska liðið
forustunni og frumkvæðinu í
leiknum sem það hélt síðan út
leikinn. Frammistaða hans hjálp-
aði liðinu líka mikið því þær 54
mínútur og 43 sekúndur sem hann
var inni á vellinum hafði íslenska
liðið yfir með heilum 28 stigum,
145-117.
Enginn leikmaður íslenska
liðsins hafði jafnmikil áhrif á leik
íslenska liðsins í þessum þremur
leikjum við Pólverja og aðeins
Hlynur Bæringsson (+15) og
Magnús Þór Gunnarsson (+6)
náðu að vera réttum megin við
núllið en tólf leikmenn voru með
óhagstætt skor.
ooj@frettabladid.is
GENGI ÍSLANDS ÞEGAR ÁKVEÐNIR LEIKMENN VORU INNÁ
+28 Eiríkur Önundarson 54 mín:43sek (145-117)
+15 Hlynur E. Bæringsson 91:41 (195-180)
+6 Magnús Þór Gunnarsson 78:16 (171-165)
-2 Fannar Ólafsson 66:26 (139-141)
-2 Helgi Már Magnússon 35:53 (74-76)
-2 Lárus Jónsson 22:11 (42-44)
-3 Pavel Ermolinskij 13:23 (17-20)
-5 Friðrik Stefánsson 49:43 (86-91)
-5 Sigurður Á. Þorvaldsson 54:19 (118-123)
-8 Halldór Ö. Halldórsson 3:7 (4-12)
-8 Jakob Ö. Sigurðarson 11:29 (22-30)
-9 Páll Kristinsson 19:54 (36-45)
-9 Pálmi F. Sigurgeirsson 9:55 (14-23)
-12 Páll Axel Vilbergsson 68:33 (127-139)
-19 Arnar Freyr Jónsson 20:27 (25-44)
EIRÍKUR ÁTTI GÓÐA LEIKI GEGN
PÓLVERJUM Eiríkur Önundarson er kom-
inn aftur í íslenska landsliðið og átti mjög
góða leiki gegn Pólverjum um síðustu
helgi.