Fréttablaðið - 11.08.2004, Blaðsíða 34

22 11. ágúst 2004 MIÐVIKUDAGUR
Við hrósum...
... yngri landsliðum Íslands í körfuknattleik. Bæði drengja- og stúlkna-
landslið þjóðarinnar hafa farið hamförum erlendis að undanförnu og
verið sómi, sverð og skjöldur íslensku þjóðarinnar. Framtíðin er björt í
körfuboltanum og vonandi ber forystu sambandsins gæfu til að hlúa að
þessu afreksfólki framtíðarinnar.
„Það er komin samstaða.
Hafnarfjarðarmafía. Mætir í
Kaplakrika.“
FH-lagið fangar vel stemninguna þessa daganasport@frettabladid.is
HVAÐ? HVENÆR? HVAR?
8 9 10 11 12 13 14
Miðvikudagur
ÁGÚST
Þegar einar dyr lokast...
... þá opnast aðrar. Ólafur Gottskálksson
var rekinn á dyr hjá Keflavík en er á
leiðinni til Watford á Englandi þar sem
hann mun æfa næstu daga. Auk þess
mun Ólafur æfa með Swansea.
■ ■ SJÓNVARP

17.35 Olíssport á Sýn.

18.50 UEFA Champions League á
Sýn. Bein útsending frá leik
Dynamo Búkarest og
Manchester United í forkeppni
meistaradeildarinnar í knatt-
spyrnu.

21.00 Íslandsmótið í Motocross á
Sýn.

21.30 Stjörnugolf 2004 á Sýn.

22.00 Olíssport á Sýn.

23.15 UEFA Champions League á
Sýn.
TILBO‹SDAGAR
16 ára landsliðið í körfu:
Strákarnir
unnu stórsig-
ur á Finnum
KÖRFUBOLTI Íslensku strákarnir í 16
ára landsliðinu eru að standa sig
vel í Evrópukeppni 16 ára liða en
íslenska liðið tekur nú þátt í b-
deildinni sem fram fer í Brighton
á Englandi. Íslenska liðið vann
stórsigur á Finnum, 71-53, í fimm-
ta leik sínum á mótinu í gær og
hefur unnið fjóra af fimm leikjum
sínum til þessa. Í kvöld mæta
strákarnir gríðarlega sterku liði
Makedóníu sem er ósigrað á mót-
inu.
Leikurinn byrjaði ekki vel
fyrir íslenska liðið sem lenti 10-17
undir í fyrsta leikhluta. Eftir það
fóru strákarnir að spila frábæran
bolta og leiddu í hálfleik, 45-33.
Finnar reyndu nokkrar leikað-
ferðir í síðari hálfleik en það var
sama hvað þeir reyndu, okkar
strákar áttu svör við öllu. Íslenska
liðið átti stórleik í gær og allir
léku vel að þessu sinni. Hittnin
fyrir utan var góð megnið af
leiknum og var gott jafnvægi í
sóknarleiknum. Enn sem fyrr
spiluðu strákarnir góða vörn og
hefur vörnin verið aðall liðsins
hingað til í mótinu. Njarðvíking-
urinn Hjörtur Hrafn Einarsson
var stigahæstur með 23 stig,
Hörður Axel Vilhjálmssson var
með 18 stig og 8 stoðsendingar og
Brynjar Þór Björnsson var með
14 stig en hann er stigahæsti leik-
maður íslenska liðsins á mótinu.
Íslenska liðið er sem fyrr í
öðru sæti í mótinu en þjálfari þess
er Benedikt Guðmundsson. ■
HJÖRTUR HRAFN EINARSSON Skoraði
23 stig gegn Finnum.
Skýr og einföld skilaboð
Framarar hafa unnið tvo leiki í röð og komið sér upp úr fallsæti í Landsbankadeild karla í knatt-
spyrnu. Þegar Ólafur H. Kristjánsson tók við liðinu var staðan þó vonlítil enda sat liðið eitt og
yfirgefið á botni deildarinnar.
FÓTBOLTI Framarar hafa hafið sína
árlegu björgun á úrvalsdeildar-
sætinu (Sjötta útkall) og tveir
sigrar í röð, á ÍA (4-0) og Grinda-
vík (2-1), komu liðinu úr vonlítilli
stöðu af botninum og upp úr fall-
sæti í fyrsta sinn síðan í byrjun
júní. Ólafur H. Kristjánsson tók
við liðinu í byrjun júlí en missti af
tveimur fyrstu leikjunum. Síðan
hann kom að hliðarlínunni hefur
liðið náð í sjö stig út úr fjórum
leikjum og bætt markatölu sína
um fjögur mörk.
„Ólafur kom strax með skýr
skilaboð til allra leikmanna um
hvað hann vill fá frá hverjum leik-
manni bæði varnar- og sóknar-
lega. Þetta eru einfaldar skipanir
sem við reynum að fara eftir og
það er gott fyrir hvern leikmenn
að vita nákvæmlega hvað leik-
maðurinn við hliðina á að gera. Þó
svo að það hafi verið skipulag
áður þá hefur hann einfaldað það
aðeins og komið því betur til skila
til leikmanna.
Ólafur hefur líka unnið mark-
visst í að bæta varnarleikinn og
efla skyndiupphlaupin sem hefur
skilað okkur miklu í síðustu leikj-
um,“ sagði Ríkharður Daðason,
fyrirliði Fram, sem hefur skorað 4
mörk í fjórum leikjum undir
stjórn Ólafs en var með þrjú mörk
í fyrstu níu deildarleikjum sum-
arsins.
„Við erum enn í „duga eða
drepast“ stöðu og við komum okk-
ur inn í mótið með því að vinna
upp á Skaga. Fyrir þann leik held
ég að allir fyrir utan okkur sjálfa
hafi verið búnir að afskrifa okkur
en við erum að sýna það að við
erum ekki dauðir úr öllum æðum.
Það er mjög gott fyrir klúbbinn al-
veg eins og leikmennina að við
séum komnir upp úr fallsæti.
Maður veit af áhangendum
Fram út um allt og nú vonast mað-
ur til að þeir hætti bara að vera
áhangendur og fari að verða
stuðningsmenn. Við þurfum á
fleiri áhorfendum að halda og
með meiri stuðningi förum við
vonandi að geta spilað betri fót-
bolta,“ sagði Ríkharður eftir 2-1
sigur á Grindavík á mánudags-
kvöldið.
Ólafur sjálfur tók áhættu og
setti liðið í þungt æfingaprógram
í fríinu í kringum Verslunar-
mannahelgina og hann ætlar sér
að ná miklu meira út úr liðinu en
bara að hanga í deildinni.
„Það er vilji í strákunum og
vinnan hjá liðinu er miklu meiri
en mér hefur verið sagt að hafi
verið áður og það er jákvætt,“
sagði Ólafur H. Kristjánsson,
þjálfari Framara, sem ætlar sér
meira með liðið en að það hangi
bara í deildinni.
„Við höfum okkar markmið og
það er ekki bara það að hanga í
deildinni. Við höfum talað um það,
strákarnir, ég og Jörundur (Áki
Sveinsson aðstoðarþjálfari) að við
viljum aðeins meira en að bjarga
okkur frá falli úr deildinni,“ sagði
Ólafur sem hefur endurskipulagt
liðið og augljóslega gerbreytt
hugarfari leikmanna.
Framarar er þó hvergi nærri
sloppnir og næst á dagskrá er úti-
leikur á Fylkisvelli.
ooj@frettabladid.is
SIGURSÆLIR FH-INGAR FAGNA SIGRI Í BIKARKEPPNI FRÍ FH-ingar, sem fóru með sigur af hólmi í Bikarkeppni FRÍ, sem fram fór í Kaplakrika um helgina, sjást hér fagna
sigrinum. Þeir unnu nauman sigur á UMSS en aðeins munaði hálfu stigi á liðunum. Þessi sigur frjálsíþróttafólksins er fínasta afmælisgjöf til Fimleikafélagsins sem heldur upp á 75 ára
afmæli sitt á þessu ári.
58% STIGA Í HÚSI UNDIR STJÓRN ÓLAFS Framarar hafa náð í sjö stig í þeim fjórum
leikjum sem Ólafur Helgi Kristjánsson hefur stjórnað af hliðarlínunni.
STIG FRAM EFTIR MÁNUÐUM:
Maí: 4 af 9 mögulegum (44%)
Júní: 1 af 15 mögulegum (7%)
Júlí: 5 af 12 mögulegum (42%)
Ágúst: 3 af 3 mögulegum (100%)
STIG FRAM EFTIR ÞJÁLFURUM:
Ion Geolgau: 5 af 24 (21%)
Jörundur Áki Sveinsson: 1 af 3 (33%)
Ólafur Kristjánsson : 7 af 12 (58%)