Fréttablaðið - 11.08.2004, Blaðsíða 25

7MIÐVIKUDAGUR 11. ágúst 2004
Þau voru einbeitt börnin í leik-
skólanum Sjónarhóli í Grafarvogi
þar sem þau sátu og bjuggu til
landslags- listaverk úr ýmsum
náttúruefnum í umsjá Jódísar
Hlöðversdóttur textílhönnuðar.
Þar voru mótuð tjaldstæði á fjöll-
um, fossar, vötn og meira að segja
veiðimenn. Eflaust hafa útilegur
sumarsins áhrif á myndefnið en
fleira kemur til. „Ég fór með
börnin í Listasafn Íslands. Þau
voru nú ekkert sérlega spennt í
byrjun en svo bara gerðist eitt-
hvað þarna inni,“ segir Jódís og
lýsir ferðinni frekar: „Sýningin
heitir Umhverfi og náttúra og þar
eru allskonar vídeóverk sem
börnin höfðu gaman af. Það kom
skemmtilega á óvart að þau hrif-
ust áberandi mest af nútímaverk-
um en minna af gömlu meisturun-
um. Svo komum við að innsetn-
ingu á efstu hæð sem heitir Farm-
ur og er eftir Katrínu Sigurðar-
dóttur. Þetta eru lítil landslags-
verk í glerkössum og börnin voru
svo heilluð af þeim að ég ætlaði
ekki að ná þeim út úr safninu. Þau
urðu fyrir hugljómun sem kom
mér á óvart hjá fjögurra og fimm
ára börnum. Mér tókst að fá þau
með mér með því að lofa því að
þegar við kæmum aftur upp á
leikskóla tækjum við til hendinni
og gerðum eitthvað svipað. Ég
hrærði svo út gifs, lét þau hafa
tréplötur og síðan líktu þau eftir
myndunum á safninu en fóru samt
sínar eigin leiðir. Notuðu allskon-
ar efni úr náttúrunni sem við vor-
um búin að viða að okkur áður og
eigum til í skúffum svo sem sag,
laufblöð, sand og steina. Þetta
kom allt í góðar þarfir.“
Jódís er búin að koma sér upp
prýðilegum skála eða Listakoti, í
Sjónarhóli þar sem hún kennir
krökkunum myndlist. Þar er
greinilegur metnaður lagður í
verkefnin og um það bil mánaðar-
lega setur hún upp sýningar í skól-
anum á verkum barnanna. Hún
kveðst líka gera sér far um að
kynna fyrir þeim heim listanna
sem skili sér í auknum áhuga. „Það
er gaman að sjá hvað heimsókn á
listasafn dregur fram mikla sköp-
unarþörf hjá þeim,“ segir hún og
bætir við. „Mér fannst tilgangi
ferðarinnar í Listasafn Íslands
fullkomlega náð.“
gun@frettabladid.is
Sköpunargleðin fær útrás:
Tilgangi safnferðar
fullkomlega náð
Jódís myndlistakennari með áhugasaman hóp leikskólabarna á Sjónarhóli. Þau heita Dröfn, Hanna Björt, Emilía Katrín, Katla
Björg og Hallvarður Óskar.
FR
ÉT
TA
B
LA
Ð
IÐ
/G
VA
Ritgerðarsamkeppni fyrir unglinga:
Stærðfræði yfir og allt um kring
Ritgerðarsamkeppni um stærðfræði hefur verið hleypt af stokkunum á
vegum félags um eflingu verk-og tæknifræðimenntunar. Ritgerðarefn-
in eru: stærðfræði og tækni, stærðfræði og listir og stærðfræði allt í
kring og þátttakendur eiga að vera fæddir á árunum 1988-1990. For-
maður dómnefndar er Matthías Johannessen skáld og fyrstu verðlaun
eru ferðatölva frá EJS. ■