Fréttablaðið - 19.08.2004, Page 4

4 19. ágúst 2004 FIMMTUDAGUR
Heilbrigðiseftirlit Austurlands:
Hyggst beita Impregilo dagsektum
KÁRAHNJÚKAR Staðfest hefur verið
að ennþá er tvímennt í svefnskálum
ítalska verktakafyrirtækisins
Impregilo þrátt fyrir að herbergis-
stærð sé undir 8 fermetrum. Slíkt
er skýlaust brot á reglugerðum og
hyggst Heilbrigðisnefnd Austur-
lands leggja á sektir ef úrbætur
verða ekki gerðar fljótlega.
Impregilo fékk í febrúar síðast-
liðnum undanþágu til að fleiri en
einn gætu deilt herbergi en aðeins
með þeim fyrirvara að stærð hvers
herbergis færi ekki undir átta fer-
metra. Enn er tvímennt í sautján
slíkum herbergjum og hafa yfir-
mönnum Impregilo verið send
formleg áminning vegna þessa.
Það er ekki eina áminningin sem
heilbrigðiseftirlitið sendir upp á há-
lendið fyrir austan. Þrátt fyrir ít-
rekaðar ábendingar og fresti eru
ekki enn komnar upp ræstilaugar í
svefnskálum í aðalbúðum né heldur
í svefnskálum starfsmanna í Tungu
sem er annar af þremur starfs-
mannabúðum Ítalanna.
Heilbrigðiseftirlitið hefur ekki
fengið nein svör eða útskýringar á
töfum frá Impregilo og mun sektar-
ákvæðum verða beitt í byrjun sept-
ember. ■
MENNINGARNÓTT Búast má við umferð-
artöfum í miðborginni og nágrenni
vegna dagskrár Menningarnætur á
laugardag. Götum verður lokað og er
fólk hvatt til að nýta sér almennings-
vagna. Menningarnótt er nú haldin í
níunda sinn.
Strætó ekur á öllum leiðum til
klukkan eitt um nóttina. Vagnarnir
munu ekki aka um Hverfisgötu og
Lækjargötu og verður biðstöð þeirra
í miðborginni í Vonarstræti. Lækjar-
gata verður alveg lokuð fyrir allri
umferð. Þá verða Vonarstræti og Frí-
kirkjuvegur aðeins opin fyrir Strætó.
Hverfisgata verður lokuð frá klukkan
tíu um morguninn en hægt verður að
komast í bílastæðahúsið Traðarkot
með aðkomu frá Ingólfsstræti og
Klapparstíg. Milli klukkan ellefu og
tólf verður Tryggvagötu og Geirsgötu
lokað vegna skemmtiskokks.
Mörg bílastæðahús verða opin til
klukkan fjögur um nóttina, án endur-
gjalds. Þau eru Traðarkot á Hverfis-
götu gegnt Þjóðleikhúsinu, Vitatorg
við Lindargötu, Ráðhúskjallarinn við
Tjarnargötu og Bergsstaðir við
Bergsstaðastræti. Einnig er hægt að
leggja bílum án endurgjalds á bíla-
stæðum milli Alþingis og Oddfellow
með aðkomu frá Tjarnargötu og um
Skothúsveg. Opnað verður fyrir bíla-
stæði í Kolaportinu eftir klukkan þrjú
um daginn. Fólki er líka bent á að
nýta sér bílastæði við Háskóla Ís-
lands og Íslenska erfðagreiningu. Þá
eru einnig bílastæði við Kjarvalsstaði
og á Skólavörðuholti sem auðvelt er
að komast að.
Útisalerni verða meðal annars á
Amtmannsstíg við Menntaskólann í
Reykjavík, við Reykjavíkurhöfn og
Ingólfsstræti. Þá eru salerni á mið-
stöð Strætó við Hafnarstæti og
Bankastræti sem verða opin til klukk-
an þrjú um nóttina. Þá er hægt að
komast á salerni á Vesturgötu 7 frá
klukkan níu um kvöldið til klukkan
tvö um nóttina.
Týnd börn verða í húsnæði mið-
borgarprests í risinu að Austurstræti
20 og verður opið þar til klukkan hálf
tólf um kvöldið. Hjólastólar verða
lánaðir hreyfihömluðum og öldruðum
á Höfuðborgarstofu við Aðalstræti 2.
Eirberg lánar hjólastólana sem þó eru
í takmörkuðu magni og er fólki því
bent á að panta hjólastól tímalega í
síma 590 1500. Þá mun ferðaþjónusta
fatlaðra halda út akstri til miðnættis.
hrs@frettabladid.is
Flóð í Boscastle:
Sluppu við
mannfall
BRETLAND, AP Breska lögreglan tel-
ur að enginn hafi látið lífið þegar
mikið flóð breytti Boscastle á
Englandi úr rólegu sveitaþorpi í
hamfarasvæði.
Um tíma var ekki vitað um af-
drif fimmtán manns sem var
saknað eftir flóðin. Eftirgrennsl-
an lögreglu og björgunarstarf á
vettvangi hafa leitt til þeirrar
ályktunar að enginn hafi látist í
flóðinu.
Dave Hill, yfirlögregluþjónn í
lögreglunni í Devon og Cornwall,
sagði það ganga kraftaverki næst
að enginn hafi látist. ■
Á að lækka skatta á áfengi?
Spurning dagsins í dag:
Fylgistu með útsendingum frá
Ólympíuleikunum?
Niðurstöður gærdagsins
á visir.is
19%
81%
Nei
Já
KJÖRKASSINN
Farðu inn á visir.is og segðu þína skoðun
visir.is
Prestsembætti
í Seljakirkju:
Einn sótti um
brauðið
ÞJÓÐKIRKJA Séra Bolli Pétur
Bollason er eini umsækjandinn
um prestsembætti í Seljakirkju
í Breiðholti. Embættið var aug-
lýst laust frá 1. september næst-
komandi og rann umsóknar-
frestur út hinn 11. ágúst. Biskup
Íslands skipar í embættið til
fimm ára að fenginni umsögn
valnefndar prestakallsins, í
henni sitja fimm fulltrúar úr
prestakallinu auk vígslubiskups
í Skálholti.
Séra Valgeir Ástráðsson er
núverandi sóknarprestur Selja-
kirkju en séra Bolli hefur unnið
með honum í afleysingum fyrir
séra Ágúst Einarsson. ■
Demantar í
Vestmannaeyjum:
Sennilega
gamansemi
DEMANTAR Sigurður Steinþórsson,
prófessor í jarðfræði í Háskóla
Íslands, segir að fréttir um dem-
antafund í Vestmannaeyjum séu
sennilega grín. „Vestmannaey-
ingar eru svo gamansamir,“ seg-
ir hann.
Sigurður segir demanta
myndast við mjög sérstök skil-
yrði sem ekki séu til staðar í
Vestmannaeyjum en í gær
greindi fréttavefur í Vest-
mannaeyjum frá því að þýskur
jarðfræðingur hefði fundið
demant í hrauninu sem rann
1973.
Ingvar Atli Sigurðsson, jarð-
fræðingur í Vestmannaeyjum,
er líka mjög efins um fréttirnar.
„Ég tel þetta afar fjarstæðu-
kennt. Ég hef enga trú á þessu,“
segir hann. ■
BJÖRGUNARSTARF Í GANGI
Fjölmennt lið hefur unnið við björgunar-
og hreinsunarstarf.
HERBERGI Í SVEFNSKÁLA
Enn er tvímennt í nokkrum herbergjum
þvert á lög og reglur.
Menningarnótt
í miðborginni
Fólk er hvatt til að nýta sér strætisvagna á Menningarnótt. Þeim sem
koma á einkabílum er bent á bílastæði við Háskóla Íslands, Íslenska
erfðagreiningu og Kjarvalsstaði. Ókeypis verður í bílastæðahús.
DÝR MYNDI PÁFI ALLUR
Koma páfa kostaði kirkjuna um 130 millj-
ónir. Hún skuldar um hundrað milljónir.
Skuldum vafin kirkja:
Dýrkeypt
koma páfa
FRAKKLAND, AP Ferð Jóhannesar
Páls páfa annars til Lourdes virð-
ist ekki ætla að verða til fjár. Alla
vega ekki fyrir kaþólsku kirkjuna
á svæðinu sem er skuldum vafin
eftir heimsóknina sem kostaði
hana vel yfir hundrað milljónir
króna.
Pílagrímar sem voru viðstadd-
ir messu á sunnudag voru beðnir
um að leggja kirkjunni til styrk að
andvirði um 900 króna. Skipu-
leggjendur treystu á að fólk gæfi
pening meðan það biði eftir að
komast inn á svæðið þar sem
messan var haldin. Það gekk ekki
nógu vel eftir, að sögn skipuleggj-
enda, vegna þess að það hafi geng-
ið alltof greiðlega að koma fólki
inn á messuna. Eftir standa skuld-
ir upp á hundrað milljónir. ■
MENNINGARNÓTT Í REYKJAVÍK
Bílastæði og almenningssamgöngur skipta miklu máli þegar tugir þúsunda safnast saman í miðborginni. Á kortinu er að finna leiðbein-
ingar um hvernig er best að haga ferðum sínum á laugardagskvöld.