Fréttablaðið - 19.08.2004, Qupperneq 42

ÓLYMPÍULEIKAR „Okkur finnst við hafa
gefið allt í fyrstu tvo leikina. Það er
í eðli okkar Íslendinga að þurfa að
hafa meira fyrir hlutunum en marg-
ar aðrar þjóðir. Við erum ekki jafn
stórir og sterkir og andstæðingur-
inn. Það sér það hver maður,“ sagði
hornamaðurinn Guðjón Valur Sig-
urðsson, sem fór mikinn þegar ís-
lenska liðið sökkti þeim slóvensku
með ótrúlegum kafla.
„Það small allt eftir að við
komumst yfir. Það virtist létta á
mörgum að komast loksins yfir.
Menn hreinlega svifu og sýndu allar
sínar bestu hliðar. Það er það sem
við verðum að gera. Um leið og við
náum þessari forystu léttir press-
unni og fleiri taka af skarið. Sóknin
gekk mjög vel og við sendum alltaf
á fríu mennina,“ sagði Guðjón Val-
ur, sem var einstaklega ánægður
með leik íslenska liðsins.
„Þessi leikur var kennslubókar-
dæmi í því hvernig á að spila hand-
bolta. Aldrei að gefast upp og vinna
saman. Það er alveg sama hver
klikkar, þá er næsti maður tilbúinn
við hliðina á honum. Hjá okkur
snýst allt um þessa samstöðu og
þannig verður það að vera því við
erum kannski ekki með eins stóran
leikmannahóp og hinar þjóðirnar.
Við stöndum saman og það skilaði
okkur sigri í dag. Léttirinn eftir
svona leik er alveg rosalegur.“
ÓLYMPÍULEIKAR Það var hrein unun að
fylgjast með „strákunum okkar“ á
gólfi Pavilion-hallarinnar í Aþenu
í gær. Eftir að hafa lagt mikið á
sig í fyrstu tveim leikjunum án
þess að uppskera nokkuð mætti
liðið enn ákveðnara í leikinn gegn
Slóvenum og hver einasti maður
var staðráðinn í því að skila sínu.
Með samstilltu átaki tókst Íslend-
ingum loksins að brjóta ísinn. Þeir
tóku forystu sem þeir héldu og
unnu að lokum glæstan sigur.
Leikurinn fór reyndar ekkert
sérstaklega vel af stað. Íslenska
liðið var fljótlega lent undir, 3-7,
en með mikilli baráttu spilaði það
sig inn í leikinn á ný og jafnaði 7-
7.
Það var reyndar ótrúlegt að
það skyldi takast því slóvenski
markvörðurinn, Beno Lapanje,
var nánast búinn að múra fyrir
markið. Hinum megin á vellinum
var stórskyttan Siarhei Rutenka í
fantaformi og skoraði nánast að
vild. Með áframhaldandi baráttu
tókst íslenska liðinu samt að halda
jöfnu í leikhlé, 10-10.
Íslenska liðið mætti enn
grimmara til síðari hálfleiksins,
tók strax frumkvæðið í leiknum
og lenti aðeins einu sinni undir í
síðari hálfleiknum, 12-13. Með
frábærum varnarleik og hröðum
og öguðum sóknarleik bættu
strákarnir jafnt og þétt við foryst-
una. Þeir héldu síðan tveggja til
þriggja marka forystu allt þar til
Slóvenar tóku við sér og jöfnuðu,
21-21, með aðeins ellefu mínútur
eftir. Lapanje var aftur vaknaður
og óttuðust margir að nú myndu
Slóvenarnir valta yfir okkur.
Þá fór í hönd einhver magnað-
asti leikkafli sem sést hefur hjá
íslenska liðinu í áraraðir. Þegar
Slóvenar hefðu getað tekið foryst-
una stal íslenska liðið boltanum,
Garcia skoraði úr hraðaupphlaupi
og komst í 22-21. Í kjölfarið
fylgdu þrjú glæsileg mörk frá
Guðjóni Vali, tvö úr hraðaupp-
hlaupum, og Ísland var komið
með hreðjatak á leiknum, 25-21.
Þessa forystu létu strákarnir
aldrei af hendi og fögnuðurinn
var ósvikinn í leikslok enda eru
strákarnir búnir að bíða lengi og
vinna vel fyrir þessum sigri.
Það er hálfósanngjarnt að telja
upp einhverja sérstaka menn sem
sköruðu fram úr í leiknum. Þetta
var sigur liðsheildarinnar og allir
skiluðu sínu og vel það. Varnar-
leikurinn var hreint stórkostlegur
og frábært að var að fylgjast með
hvernig liðið lamaði hann öfluga
Vugrinec. Guðmundur stóð síðan
vaktina vel fyrir aftan. Sóknar-
leikurinn var mjög líflegur og
skynsamur þar sem menn misstu
aldrei móðinn og virtust alltaf
eiga svör við fjölbreyttum varn-
arleik Slóvena. Innkoma þeirra
Róberts, Gylfa og Ásgeirs af
bekknum var frábær og sérstak-
lega var Róbert öflugur.
Þetta íslenska lið hefur lært
lexíu í hverjum leik í Aþenu og
stöðugt bætt leik sinn. Mikill stíg-
andi hefur verið í spilinu og allt
small síðan saman gegn Slóven-
um. Það var orðið langt síðan liðið
vann síðast leik á stórmóti. Ísinn
hefur loksins verið brotinn og það
er vonandi að strákarnir fylgi því
eftir með álíka leikjum.
henry@frettabladid.is
■ ■ LEIKIR
 19.00 Þróttur og Valur mætast á
Valbjarnarvelli í 1. deild karla í
knattspyrnu.
 19.00 Njarðvík og Haukar mætast
í Njarðvík í 1. deild karla í
knattspyrnu.
■ ■ SJÓNVARP
 06.55 Ólympíuleikarnir í Aþenu á
RÚV. Bein útsending frá undan-
rásum í sundi þar sem Örn Arnar-
son er meðal keppenda.
 09.15 Ólympíuleikarnir í Aþenu á
RÚV. Samantekt af viðburðum
gærdagsins.
 10.50 Ólympíuleikarnir í Aþenu á
RÚV. Bein útsending frá keppni í
blaki karla.
 12.35 Ólympíuleikarnir í Aþenu á
RÚV. Sýnt frá keppni í strandblaki
kvenna.
 13.30 Ólympíuleikarnir í Aþenu á
RÚV. Samantekt af keppni morg-
unsins.
 15.00 Ólympíuleikarnir í Aþenu á
RÚV. Sýnt frá úrslitakeppni í júdó.
 16.25 Ólympíuleikarnir í Aþenu á
RÚV. Sýnt frá úrslitakeppni í
sundi.
 16.45 Sýnt frá heimsmeistara-
mótinu í 9 ball á Skjá 1.
 18.30 Olíssport á Sýn. Fjallað er
um helstu íþróttaviðburði heima
og erlendis.
 20.15 Ólympíuleikarnir 2004 á
Sýn. Útsending frá leik Bandaríkj-
anna og Ástralíu í körfubolta
karla.
 22.20 Ólympíukvöld á RÚV. Í þætt-
inum er fjallað um helstu við-
burði á Ólympíuleikunum í
Aþenu. Umsjón hefur Logi Berg-
mann Eiðsson.
 23.15 Ólympíuleikarnir í Aþenu á
RÚV. Sýnt frá úrslitakeppni í fjöl-
þraut í fimleikum kvenna.
 23.15 Golf á Sýn. Sýnt frá evr-
ópsku mótaröðinni í golfi.
30 19. ágúst 2004 FIMMTUDAGUR
Vissir þú ...
... að þrettán leikmenn af fimmtán hafa fengið að spreyta sig með
íslenska landsliðinu í handbolta á Ólympíuleikunum. Róbert Sighvatsson
hefur ekki enn verið valinn í hópinn en Kristján Andrésson hefur setið á
bekknum í síðustu þremur leikjum en ekki komið inn á. Guðjón Valur
Sigurðsson hefur spilað alla leikina þrjá, samtals í 180 mínútur.
„Rússagullið heillar.”
Jón Arnór Stefánsson í viðtali við Fréttablaðið í
fyrradag. Jón Arnór er að reyna losna undan
samningi við Dallas Mavericks því hann hefur lítið
sem ekkert fengið að spila. sport@frettabladid.is
HVAÐ? HVENÆR? HVAR?
16 17 18 19 20 21 22
Fimmtudagur
ÁGÚST
Við hrósum ...
... Róberti Gunnarssyni fyrir að koma
með frábæra innkomu í sóknina í sein-
ni hálfleiknum gegn Slóvenum. Róbert
nýtti öll fjögur skotin sín í seinni hálfleik
og ísland vann góðan sigur.
Sameinaðir stöndum vér
Íslenska handboltalandsliðið vann gríðarlega mikilvægan sigur gegn Slóvenum í gær, 30-25.
Liðið vann upp fjögurra marka forskot Slóvena. Liðsheildin skilaði liðinu sigrinum.
Samstaðan skilaði sigri
FÖGNUÐUR
Guðjón Valur Sigurðsson fékk faðmlag frá félögum sínum eftir leikinn.
FRÉTTABLAÐIÐ/TEITUR
ÍSLAND–SLÓVENÍA 30–25 (10–10)
Leikmenn Mörk/víti–Skot (stoðs.)
Guðjón Valur Sigurðsson 7-11 (2)
Ólafur Stefánsson 6/1-11/1 (6)
Jaliesky Garcia 6-13 (5)
Róbert Gunnarsson 4-4 (0)
Snorri Steinn Guðjónsson 2-5 (4)
Sigfús Sigurðsson 2-5 (1)
Gylfi Gylfason 1-2 (0)
Ásgeir Örn Hallgrímsson 1-2 (0)
Rúnar Sigtryggsson 1-2 (2)
Einar Örn Jónsson 0-3 (0)
Markverðir Varin/víti–Skot (hlutfall)
Guðmundur Hrafnkelss. 15-39/3(38%)
Roland Valur Eradze 0-1/1(0%)
TÖLFRÆÐIN ÍSLAND–SLÓVENÍA
Hraðaupphlaupsmörk: 9–4 (Guðjón 3,
Garcia 3, Sigfús 2, Rúnar).
Vítanýting (fiskuð): 1 af 1 (Sigfús).
Varin skot í vörn: 3–2 (Ólafur, Rúnar,
Garcia).
Tapaðir boltar: 6–17
Brottvísanir (í mín): 6–6
LÉTTIR
Íslenska landsliðið fagnaði
gríðarlega þegar ljóst var
að sigurinn var í höfn.
FRÉTTABLAÐIÐ/TEITUR