Fréttablaðið - 21.08.2004, Blaðsíða 20

Í níunda skipti halda Reykvíking-
ar menningarnótt, en hún var
fyrst haldin á 210 ára afmæli
Reykjavíkur árið 1996. Á þessum
árum hefur hún breyst mikið og
umfang hennar aukist mjög. Í
fyrsta skipti sem við héldum
menningarnótt sóttu um 15 þús-
und manns miðborgina en í fyrra
komu þangað yfir 100 þúsund
manns. Í ár verður dagskráin
fjölbreyttari en nokkru sinni fyrr
og geta gestir miðborgarinnar
notið rúmlega 200 viðburða. Sér-
stök áhersla hefur verið lögð á að
höfða til barna og fjölskyldna
þeirra og aldrei hafa jafn margir
viðburðir einmitt miðast við
ungu kynslóðina.
Menningarnótt í Reykjavík
hefur fest sig í sessi sem einn
mikilvægasti viðburður í Reykja-
vík, já raunar í landinu öllu. Með
samstilltu átaki og frumkvæði
fjölmargra aðila, einstaklinga,
fyrirtækja, félagasamtaka og op-
inberra aðila, hefur tekist að
skapa viðburð, eða réttara sagt
marga viðburði, sem eru sjálf-
sprottnir og eiga rætur í þjóðar-
vitund Íslendinga, en tengjast
óneitanlega í síauknum mæli
þeirri breiðu flóru menningar-
strauma sem hafa búið um sig í ís-
lensku þjóðfélagi og sem við tök-
um opnum örmum. Í mínum huga
er menningarnóttin orðin órjúfan-
legur hluti af borgarlífinu og það
er ekki síst fyrir tilverknað borg-
arbúa sjálfra og gesta þeirra sem
hún hefur öðlast þann sess.
Undanfarin ár hafa borgar-
búar boðið til sín gestum úr öðru
sveitarfélagi en með því móti
eykst fjölbreytni hátíðarinnar. Í
ár koma Vestmannaeyingar í bæ-
inn með sína skemmtilegu og al-
þýðlegu menningu og eru þeir
boðnir hjartanlega velkomnir.
Að þessu sinni hefur verið sett
upp sérstakt viðburðadagatal
menningarnætur á vef Reykja-
víkurborgar en það er tengt
landupplýsingakerfi þannig að
hægt er að sjá staðsetningu allra
viðburða og flokka þá eftir teg-
undum. Þetta er stórskemmtileg
nýjung í miðlun dagskrárupplýs-
inga sem ætlunin er að þróa
áfram í tengslum við aðrar hátíð-
ir og viðburði í borginni.
Það er öllum ljóst að til þess að
viðburður eins og menningarnótt
fari í alla staði vel fram verða all-
ir að liggja sitt af mörkum. Til að
mynda er ráðlegt að fólk nýti sér
þjónustu strætisvagna eða komi
gangandi eða hjólandi en skilji
frekar bílinn eftir heima. Það
mun greiða mjög fyrir umferð,
en margar götur í miðborginni
verða lokaðar almennri bílaum-
ferð eins og gefur að skilja. Eins
og áður sagði beinist dagskrá
menningarnætur æ meir að börn-
um, unglingum og fjölskyldum
þeirra. Menningarnótt og SAM-
AN hópurinn, sem er samstarfs-
vettvangur frjálsra félagasam-
taka og stofnana sem láta sig
varða velferð barna, hvetja gesti
Menningarnætur til að njóta há-
tíðarinnar á ábyrgan hátt. Margir
hafa veitt athygli skilaboðunum í
auglýsingum: „Mamma/pabbi er
mín fyrirmynd“ en þau vísa til
þess að samverustundir fjöl-
skyldunnar eru sterkasti þáttur-
inn í að mynda góð tengsl og
stuðla að jákvæðum boðskap um
forvarnir. Því ber að halda til
haga að foreldrar eru bestir í for-
vörnum.
Undirbúningur menningar-
nætur hefur verið í höndum sér-
stakrar verkefnisstjórnar undir
forystu Ágústs Ágústssonar
markaðsstjóra Reykjavíkurhafn-
ar en verkefnið er vistað á Höf-
uðborgarstofu undir stjórn Svan-
hildar Konráðsdóttur en verkefn-
isstjóri er Sif Gunnarsdóttir.
Þessi hópur hefur lagt kapp á að
eiga gott samstarf við þá aðila
sem sinna öryggis- og umferðar-
málum, s.s. Lögregluna í Reykja-
vík, Slökkvilið höfuðborgarsvæð-
isins, Slysa- og bráðavakt Land-
spítalans, Strætó bs. og fleiri að-
ila. Það varðar miklu að vel sé
haldið á þessum þáttum þegar
svo mikill mannfjöldi safnast
saman í miðborginni. Ég vil fyrir
hönd Reykjavíkurborgar færa
verkefnisstjórninni, starfsfólki
Höfuðborgarstofu og samstarfs-
aðilum öllum bestu þakkir fyrir
frábært starf. Að lokum býð ég
alla Reykvíkinga og gesti þeirra
velkomna í miðborg Reykjavíkur
í dag og kvöld og vonast til að
þeir njóti þeirrar menningar-
veislu sem í boði er. Gleðilega há-
tíð! ■
Á menningarnótt er sannkallað
ánægjuefni að kynna nýtt framtak til
að gera almenningi kleift að njóta
verka samtímalistamanna okkar.
Myndlistarmarkaðurinn hefur verið
í mikilli lægð. Að frumkvæði menn-
ingarmálanefndar hefur nú verið
opnað „Artótek-Listmunahlaða“ í
Borgarbókasafninu í miðborginni.
130 listamenn hafa sett fram á fjórða
hundrað listaverk sem almenningur
getur valið úr til að leigja og hafa
með sér heim. Leigan er frá 1000 kr.
á mánuði fyrir minnstu verkin, allt
upp í 10 þúsund fyrir þau stærstu.
Leigugjaldið getur svo gengið upp í
kaup ef menn vilja. Fjölbreytni er
mikil: „venjuleg“ málverk, ofin verk,
þrívíðir skúlptúrar, og jafnvel verk
sem þorri fólks myndi kalla „fram-
úrstefnuleg“. Komið og skoðið í dag,
Artótekið er opið frá kl. 13-21 í kvöld
og svo má sjá þetta allt á Netinu:
www.artotek.is
Ásamt Artótekinu bjóðum við
fólki þann möguleika að kaupa
myndlist í galleríum borgarinnar
með vaxtalausum lánum. Hvar bjóð-
ast betri kjör? Reykjavíkurborg, KB
Banki og galleríin ásamt listamönn-
um hafa sameinast um að bjóða þessi
kjör. Lágmarksupphæð til kaupa
með vaxtalausu láni er 36 þúsund,
hámarkið 600 þúsund. Ég vil þakka
KB Banka fyrir að taka að sér um-
sýslu þessa og styrkja með framlagi,
borgin leggur fram upphæð á móti,
og gallerí og listamenn slá af sinni
þóknun. Vonandi getur orðið til
myndlistarmarkaður með þessu
móti. Víst má telja að hafi almenn-
ingur áhuga á vaxtalausum lánum til
myndlistarkaupa geti með því sam-
komulagi sem nú hefur tekist orðið
til myndlistarmarkaður sem veltir
a.m.k. 60 milljónum króna. Þetta er
tilraun sem getur ekki mistekist, því
hún er algjörlega undir áhuga al-
mennings komin. Eins og Áslaug
Thorlacius formaður SÍM sagði við
opnun Artóteks: Þetta er lýðræðis-
legt, fyrir almenning, án forsjár, í
samvinnu við listamenn. Nú velur
fólk einfaldlega sjálft, og það getur
valið um leiðir til að koma listinni
fyrir á heimilum sínum og vinnu-
stöðum. Gjörið svo vel! Í dag verður
kynnt í nýju Nýlistasafni á Lauga-
vegi styrkveiting Reykjavíkurborg-
ar vegna þessa nýja húsnæðis. Við
höfum átt í viðræðum við fulltrúa
Nýló ásamt fleirum um að safnið
komi sér fyrir á besta stað í miðbæn-
um. Við höfum kallað til fulltrúa
einkaframtaksins í þær viðræður og
mun skýrast á næstunni hvernig
Nýló hyggst hafa störf á nýjum og
glæsilegum stað, sem við fögnum
innilega. Nú er að myndast í mið-
borginni ákveðinn „listakjarni“ þar
sem galleríin á Laugavegi og við
hann, ásamt Nýló og Safni (samtíma-
listasafni sem borgin kom á laggirn-
ar ásamt eigendum), eiga að geta lif-
að og hrærst í kallfæri. Með þessum
fjölþættu aðgerðum á skömmum
tíma má segja að staða myndlistar í
borginni hafi batnað mjög. Og er þá
ótalinn „Alþjóðlegi tengslasjóður-
inn“ sem menningarmálanefnd beitti
sér fyrir að yrði stofnaður með SÍM,
og ber nafn Muggs. Hann á að stuðla
að því að einangrun bestu lista-
manna okkar verði rofin, að þeir geti
notið samstarfs á alþjóðlegum vett-
vangi og veitt hingað straumum sem
bæta menningarlíf í borginni. Verði
okkur öllum að góðu! ■
21. ágúst 2004 LAUGARDAGUR20
Velkomin á menningarnótt
Borg gleði og lista
STEFÁN JÓN HAFSTEIN
FORMAÐUR MENNINGARMÁLANEFND-
AR REYKJAVÍKUR
UMRÆÐAN
MENNINGARNÓTT
ÁRNI ÞÓR SIGURÐSSON
FORSETI BORGARSTJÓRNAR
UMRÆÐAN
MENNINGARNÓTT
20-21 Umræðan NR. 2 20.8.2004 20:12 Page 2