Fréttablaðið - 21.08.2004, Blaðsíða 52

ÚR ÍÞRÓTTAHEIMINUM
Miðjumaðurinn Xabi Alonso semleikur með Real Sociedad hefur
gengið frá samn-
ingi við Liverpool.
Alonso sagði á
blaðamannafundi
að nú væri hann á
leið til félags með
mikla sögu og að
öflugir hlutir væru
að gerast. Kaup-
verðið er talið 10,7 milljónir punda
en spænskir fjölmiðlar greindu frá
því að samningurinn gilti næstu
fimm árin. Miðjumaðurinn öflugi
hefur verið undir smásjánni hjá
knattspyrnustjóra Liverpool, Rafael
Benitez og hefur lengi verið í miklu
uppáhaldi hjá Benitez. Fleiri Spán-
verjar virðast vera í náðinni hjá
knattspyrnustjóranum því sögur
herma að Luis Garcia, leikmaður
Barcelona, sé líka á leiðinni til hinna
rauðu.
Forráðamenn Chelsea hafa riftsamningi sínum við austurríska
markmanninn Jürgen Macho. Hann
var fenginn til liðsins um sumarið
2003 en varð fyrir því óhappi að slíta
krossbönd og lék ekkert með síð-
asta vetur. Macho var ekki inni í
myndinni hjá Chelsea í vetur og
komust báðir aðilar að samkomu-
lagi um að hann yrði leystur frá
samningi og gæti þá reynt fyrir sér
annars staðar.
Enski varnarmaðurinn John Terryer sannfærður um að enska
landsliðið sé búið
að hrista af sér
slenið síðan á EM í
Portúgal fyrr á
þessu ári. Terry
segist þess fullviss
að menn muni
mæta galvaskir til
leiks á HM 2006 og þar verði stórir
hlutir uppi á teningnum. „Við eigum
enn mikið verk fyrir höndum en ef
við höldum áfram á sömu braut eig-
um við góða möguleika,“ staðhæfði
Terry. Greinilegt er að 3-0 sigurinn á
Úkraínumönnum hefur reynst Eng-
lendingum mikilvægur fyrir sjálfs-
traustið en Terry átti stóran þátt í að
andstæðingarnir skoruðu ekki mark
í leiknum.
Spánverjar og Litháar eru búnir aðtryggja sér sæti í átta liða úrslitum
í körfuknattleik á
Ólympíuleikunum
í Aþenu. Bæði lið
hafa unnið alla
þrjá leiki sína og
eru þar af leiðandi
örugg með sín
sæti. Stórleikur
undankeppninnar verður háður í
dag þegar Litháar mæta bandaríska
„Draumaliðinu“ og vilja þeir fyrr-
nefndu gera allt sem í sínu valdi
stendur til að halda Draumaliðinu
fjarri verðlaunapalli. Hið stjörnum
prýdda lið Bandaríkjamanna á
greinilega erfitt uppdráttar um þess-
ar mundir.
Cristiano Ronaldo, leikmaðurManchester United, hefur kvart-
að undan meiðsl-
um í nára. Ronaldo
átti að mæta til æf-
inga á nýjan leik til
United eftir að
Portúgalar voru
slegnir út úr kepp-
ni á Ólympíuleik-
unum. Alex Fergu-
son, knattspyrnustjóri Manchester
United, sagði að ekki væri vitað
hversu slæm meiðslin væru og að
Ronaldo myndi gangast undir rann-
sókn. Ólíklegt þykir að Ronaldo verði
með í leiknum í dag gegn Norwich.
STEFNIR Á ÚRSLITIN Þórey Edda Elísdóttir hefur tvíbætt Íslands- og Norðurlandametið
í stangarstökki kvenna í sumar og hún ætlar í úrslitin í Aþenu. Fréttablaðið/Teitur
ÓLYMPÍULEIKAR Ein bjartasta von
okkar Íslendinga á Ólympíuleikun-
um í Aþenu er stangarstökks-
drottningin úr Hafnarfirði, Þórey
Edda Elísdóttir. Hún lenti í Aþenu
á þriðjudag og stóra stundin renn-
ur upp í kvöld er hún tekur þátt í
undankeppni stangarstökksins.
„Mér líst mjög vel á aðstæður.
Þetta er eins og það gerist best,“
sagði Þórey Edda í spjalli við
Fréttablaðið í Ólympíuþorpinu í
gær þar sem hún safnaði kröftum
fyrir keppnina. Þórey Edda var
líka ánægð er hún sá aðstæðurnar
en hún telur þær henta sér vel.
Stokkurinn er mjög djúpur og það
er nákvæmlega þannig sem Þórey
vill hafa það.
„Ég er eins tilbúin og ég mögu-
lega get verið. Allur undirbúning-
ur hefur gengið mjög vel og ég
hefði ekki viljað gera neitt öðru-
vísi eða breyta neinu. Ég tel mig
vera algjörlega tilbúna,“ sagði
Þórey Edda. Það hefur verið stöð-
ugur stígandi hjá Þóreyju í sumar
og hún vonast til að toppa í Aþenu.
„Það er mikil tilhlökkun í mér
og mér finnst eiginlega voðalega
furðulegt að þetta sé að skella á.
Þetta er búið að vera svo langt í
burtu svo lengi þannig að það er
voðalega skrítið að hugsa til þess
að þetta sé í kvöld. Tilfinningin er
góð og ekki síst vegna þess að mér
finnst ég vera tilbúin.
Það þarf að stökkva 4,45 metra
til þess að komast í úrslit en lægri
hæð gæti dugað ef fáir komast yfir
þá hæð. Þórey ætlar að stökkva
fyrst 4,15 metra síðan 4,30 og þar á
eftir 4,40 metra. Að lokum reynir
hún við 4,45 metra ef allt gengur
að óskum. „Ég er ekkert farin að
dreyma um neitt meira en að kom-
ast í úrslit eins og er. Ég byrja á
því og ef það gengur upp get ég
sett mér nýtt markmið. Það getur
allt gerst á svona mótum.“
henry@frettabladid.is
Er algjörlega tilbúin
Stangarstökkskonan Þórey Edda Elísdóttir byrjar að stökkva í kvöld
40 21. ágúst 2004 LAUGARDAGUR
52-53 (40-41) Sport 3 20.8.2004 20:44 Page 2