Fréttablaðið - 21.08.2004, Blaðsíða 48

36 21. ágúst 2004 LAUGARDAGUR
Vissir þú
... að á miðvikudag vann íslenska landsliðið í knattspyrnu í fyrsta sinn
sigur á þjóð sem hampað hefur heimsmeistaratitlinum. Ísland hefur
leikið við allar þjóðirnar sem unnið hafa HM að Argentínu undanskilinni.
Þetta var í þriðja sinn sem Ísland og Ítalía áttust við á knattspyrnul-
vellinum.
„ Þeir sögðu að Muhammad Ali hefði dansað eins og fiðrildi og stungið eins og býfluga.
Lið Arsenal syndir eins tignarlega og höfrungur - og bítur eins og hákarl.”
Brian Clough, fyrrum framkvæmdastjóri Nottingham Forest, í grein um Arsenal í
The Sun í gær. Clough heldur ekki vatni yfir liðinu og vill sjá það setja nýtt met
yfir flesta leiki í röð án taps.sport@frettabladid.is
HVAÐ? HVENÆR? HVAR?
18 19 20 21 22 23 24
Laugardagur
ÁGÚST
GYLFI EINARSSON
Hann segir að það væri gaman ef hann kæmist til annarra liða í Evrópu en er samt ekki að stressa sig á því. Samningur hans við Lilleström rennur út um áramót. FRÉTTABLAÐIÐ/E.ÓLL
Frábært að skora hjá Ítalíu
Gylfi Einarsson var maður leiksins þegar Ísland vann Ítalíu. Gylfi skoraði seinna mark Íslend-
inga og átti stóran þátt í fyrra markinu. Samningur Gylfa við Lilleström rennur út um áramót.
■ ■ LEIKIR

14.00 Völsungur og HK mætast á
Húsavíkurvelli í 1. deild karla.

15.00 KA og Fram mætast á Akur-
eyrarvelli í Landsbankadeild karla.

16.00 Stjarnan og Þór mætast í
Garðabæ í 1. deild karla.
■ ■ SJÓNVARP

06.55 Ólympíuleikarnir í Aþenu á
RÚV. Útsending frá keppni í
frjálsum íþróttum.

09.35 HM í 9 Ball á Skjá 1.

09.55 Ólympíuleikarnir í Aþenu á
RÚV. Samantekt af viðburðum e.

11.25 Ólympíuleikarnir í Aþenu á
RÚV. Útsending frá leik Frakka
og Angóla í handbolta kvenna.

11.45 Enska knattspyrnan á Skjá 1.
Southampton mætir Blackburn.

12.50 Landsleikur í knattspyrnu á
Sýn. Leikur Englands og Úkraínu
e.

13.00 Ólympíuleikarnir í Aþenu á
RÚV. Borðtennis karla - úrslit í
tvíliðaleik.

14.00 Ólympíuleikarnir í Aþenu á
RÚV. Samantekt frá keppni
morgunsins.

14.00 Enska knattspyrnan á Skjá 1.
Liverpool fær Manchester City í
heimsókn.

15.30 Ólympíuleikarnir í Aþenu á
RÚV. Úrslitakeppni í frjálsum
íþróttum þar sem Þórey Edda er
á meðal keppenda.

16.15 Enski boltinn á Skjá 1. Man.
United mætir Norwich.

16.40 Inside the US PGA Tour.

17.05 Íþróttir um allan heim á Sýn.

18.00 Gillette-sportpakkinn á Sýn.

18.10 Ólympíuleikarnir í Aþenu á
RÚV. Úrslitakeppnin í frjálsum
íþróttum heldur áfram.

18.25 Motorworld á Sýn. Þáttur um
akstursíþrótta.

19.35 Ólympíuleikarnir í Aþenu á
RÚV. Bein útsending frá keppni í
frjálsum íþróttum.

19.55 Ólympíuleikarnir 2004 á Sýn.
Bein útsending frá keppni í
strandblaki kvenna.

20.45 K-1. Bardagaíþróttir.

23.15 Hnefaleikar á Sýn. Bardagi
De la Hoya og Felix Sturm.

00.45 Ólympíuleikarnir í Aþenu á
RÚV. Samantekt frá deginum.
FÓTBOLTI Gylfi Einarsson, leikmað-
ur Lilleström í Noregi, fór mik-
inn í vináttulandsleik Íslendinga
og Ítala á miðvikudag. Átti hann
stóran þátt í fyrra markinu og
skoraði seinna markið. Hann var
vitanlega í skýjunum þegar
íþróttadeild Fréttablaðsins setti
sig í samband við hann. „Það var
alveg frábært að skora þetta
mark. Þvílík tilfinning,“ sagði
Gylfi, hæstánægður með árang-
urinn hjá sínum mönnum.
Gylfi er nú kominn til Noregs
á nýjan leik þar sem hann hyggst
klára tímabilið með Lilleström.
Hann blæs á þær sögusagnir að
hann hafi „týnst“ í boltanum í
Noregi. „Ég lenti í meiri varnar-
vinnu á miðjunni og er þar af
leiðandi ekki jafn áberandi,
skora ekki jafnmikið af mörkum
eins og ég gerði hjá Fylki. Ég vil
ekki meina að ég hafi verið léleg-
ur hjá Lilleström í þessi þrjú ár.
Það er mikil vinna sem liggur að
baki en hlutverkið breyttist bara
örlítið. Við breyttum aðeins til í
leikkerfinu og það er ástæðan
fyrir þessu.“
Okkar maður virtist ekkert
hafa teljandi áhyggjur af hvort
frammistaðan gegn Ítölum
myndi opna fleiri dyr erlendis.
„Það er aldrei að vita og það væri
gaman ef það myndi gerast. Ég
er hins vegar ekkert að stressa
mig á því.“
Það vakti mikla aðdáun þegar
Gylfi samdi sérstaklega við lið
sitt Fylki þegar vitað var að
Lilleström ætlaði að semja við
hann. Þannig fékk Fylkir, sem ól
Gylfa upp, eitthvað fyrir sinn
snúð. „Það leit upphaflega þannig
út að ég færi frítt út og Fylkir
fengi ekki neitt. Ég ákvað að taka
sénsinn og skrifa undir hjá Fylki
til þess að félagið fengi eitthvað,
ef til samnings kæmi. Það er fínt
að ég gat skilað einhverju til
baka til klúbbsins en það væri
erfitt í dag, enda breyttir tímar á
fótboltamarkaðnum. Það er ekki
jafnmikið um að íslenskir leik-
menn séu keyptir.“
Samningur Gylfa rennur út í
nóvember og er ekki kominn
neinn flötur á þau mál. „Við erum
bara að ræða þetta okkar á milli
og það er í raun ekkert að gerast.
Það liggur ekkert á,“ sagði Gylfi
að lokum.
smari@frettabladid.is
Ég ákvað að taka
sénsinn og skrifa
undir hjá Fylki til þess að
félagið fengi eitthvað, ef
til samnings kæmi.
,,
FÓTBOLTI Diego Armando Mara-
dona, knattspyrnugoðið mikla,
hefur barist við kókaínfíkn í fjöl-
mörg ár en ekki haft erindi sem
erfiði hingað til. Eftir að hafa
hneykslað knattspyrnuheiminn
með kókaínneyslu sinni árið 1991
og ítrekað fengið jákvæðar niður-
stöður úr lyfjaprófum, hefur líf
þessa frábæra knattspyrnumanns
stefnt hraðbyri niður á við.
Nýlega birti mexíkóska blaðið,
Futbol, myndir af Maradona í
endurhæfingarstöð þar sem hann
sást taka inn kókaín. Einnig má
sjá hann spígspora um allsnakinn
með vinum sínum og njóta ásta
með kærustu sinni. Í fréttinni
kemur fram að kappinn hafi verið
fluttur á sjúkrahús í mjög slæmu
ástandi og verið milli lífs og
dauða.
Maradona er nú staddur í
Búenos Aíres þar sem hann heyir
áfram harða baráttu gegn kókaín-
fíkninni. Nánustu ættingjar
Maradona hafa farið þess á leit
við argentínska ríkið að hann
verði settur í farbann til að geta
klárað meðferðina. Sjálfur hyggst
hann halda til Kúbu eða Sviss í
þeim tilgangi að fara í áframhald-
andi meðferð gegn „flösu djöfuls-
ins“, eins og kókaín er oft kallað.
KNATTSPYRNUGOÐIÐ
Vesalings Maradona virðist ekki eiga möguleika gegn kókaíni.
Knattspyrnugoð hneykslar:
Maradona með flösu djöfulsins
48-49 (36-37) Sport 20.8.2004 20:40 Page 2