Fréttablaðið - 17.09.2004, Blaðsíða 4

4 17. september 2004 FÖSTUDAGUR
Síðasti skóladagur fyrir boðað verkfall kennara:
Sjö tugir funda án nokkurs árangurs
KJARABARÁTTA Fjölmiðlaumræða
hefur haft neikvæð áhrif á kjara-
viðræður kennara og sveitarfé-
laganna. Birgir Björn Sigurjóns-
son, formaður launanefndar sveit-
arfélaganna, hefur merkt það á
viðræðunum við kennara.
Deilendur hafi gert samkomulag
við ríkissáttasemjara um að ræða
stöðu mála ekki opinberlega.
Hvað ber í milli, hvar strandar og
um hvað verði ekki gefið upp.
Kjarasamningar kennara hafa
verið lausir frá því í apríl. Samn-
ingsnefndirnar hafa fundað 60 til
70 sinnum hjá ríkissáttasemjara,
formlega og óformlega.
Ásmundur Stefánsson ríkis-
sáttasemjari segir að þrátt fyrir
stíf fundarhöld hafi staða um-
ræðnanna ekki breyst.
„Í hreinskilni sagt er engu við
fundi þeirra að bæta og engar
fréttir að færa,“ segir Ásmundur.
„Það er erfitt að segja hvort við-
ræðurnar þokist í samkomulags-
átt. Það ræðst að því hvernig
framvindan verður.“ Ásmundur
segir engin tilboð hafa gengið
milli deilenda.
Í dag er síðasti skóladagur
grunnskólanna fyrir boðað verk-
fall. Náist ekki samningar fyrir
mánudag fara um 4.400 kennarar í
verkfall. Það snertir heimili rúm-
lega 43 þúsund skólabarna. ■
Viðræður kennara
eru á villigötum
Sveitarstjórar gagnrýna samningatækni kennara og launanefndarinnar. Þeir segja kjara-
viðræðurnar ekki í takt við nútímaviðræður. Þær séu í vítahring.
KJARABARÁTTA Á 21. öldinni ætti að
skoða samningagerð kennara upp
á nýtt. Óásættanlegt er fyrir
kennara að störf þeirra séu metin
í mínútum og klukkustundum.
Kennarasamband Íslands ætti að
ræða kjaramál sín með öðrum
hætti en nú er gert, segir Ragn-
heiður Ríkharðsdóttir, bæjar-
stjóri í Mosfellsbæ og fyrrver-
andi skólastjóri.
„Sem sérfræðingur í mínu
fagi myndi ég vilja láta meta
mína færni út frá öðru en mínút-
um og klukkutímum,“ segir
Ragnheiður. „Ég vil sjá aðra
hugsun í samningum kennara. Á
þessari stundu, í svo viðkvæm-
um kjaraviðræðum, vil ég ekki
tjá mig frekar,“ segir Ragnheið-
ur sem hélt framsögu um
málið á Grunnskóla-
þingi sveitarfélaganna 26. mars
og stendur við orð sín.
Guðmundur Ingi Gunnlaugs-
son, sveitarstjóri Rangárþings
ytra, tekur undir orð Ragnheiðar.
„Þetta virkar eins og við séum í
vítahring. Það er erfitt að hnika
neinu til í starfi kennara. Kerfið
er orðið margbrotið, flókið og nið-
urnjörfað. Það fara endalausar
viðræður í að ræða um einhverjar
mínútur til eða frá.“
Guðmundur segir umræður
um vinnu-
tíma og
k e n n s l u -
s k y l d u
h a m l a
því að
samningar náist milli kennara
og sveitarfélaga. „Félög, kenn-
arar og viðsemjendur þeirra,
sem eru fulltrúar okkar sveitar-
félaganna, þyrftu að finna
leið út úr þessu flókna
kerfi þar sem öll verk
og viðvik eru tíund-
uð og þau mæld í
mínútum og brot-
um úr mínútum.
Almennir kjara-
samningar eru
ekki gerðir á
þennan hátt í
dag,“ segir
Guðmundur:
„Ég trúi ekki
öðru en ef
þetta hæfi-
leikaríka fólk
sem situr nú
beggja vegna
borðsins sett-
ist niður,
v i r k i l e g a
einbeitt, til að finna aðrar leiðir
þá tækist það.“
Ekkert miðar á fundum kenn-
ara og sveitarfélaganna hjá ríkis-
sáttasemjara sem seg-
ir að haldi við-
ræður áfram
með líkum
hætti og
undanfarna
daga komi
til verk-
falls á
mánudag.
Á að lækka áfengisskatta?
Spurning dagsins í dag:
Hefurðu beðið um launahækkun
á árinu?
Niðurstöður gærdagsins
á visir.is
18%
82%
Nei
Já
KJÖRKASSINN
Farðu inn á fréttahluta
og segðu þína skoðun
VÉLAMIÐSTÖÐ EHF.
Þriggja manna verkefnisstjórn á að móta til-
lögu að sölu hlutar Reykjavíkurborgar í Véla-
miðstöð ehf. og Malbikunarstöðinni Höfða
hf. og leggja fyrir borgarráð fyrir árslok.
Borgarfyrirtæki:
Samstaða
um sölu
SVEITARSTJÓRNARMÁL Lagt er til að
Þórólfur Árnason, borgarstjóri
Reykjavíkur, feli þriggja manna
verkefnisstjórn að móta tillögu að
sölu hlutar Reykjavíkurborgar í
Vélamiðstöð ehf. og Malbikunar-
stöðinni Höfða hf. og leggja fyrir
borgarráð fyrir árslok.
Tillaga þessa efnis var sam-
þykkt á fundi Borgarráðs í gær.
„Taka skal tillit til hagsmuna
Reykjavíkurborgar sem aðaleig-
anda fyrirtækjanna tveggja og
jafnframt sem eins helsta kaup-
anda þjónustu þeirra. Miðist til-
lögurnar við að tryggja sem
virkasta samkeppni á starfssviði
fyrirtækjanna,“ segir í tillögunni.
Þórólfur Árnason borgarstjóri
er sagður fagna einingu borgar-
stjórnarflokkanna um málið og
segir söluna í takt við þá stefnu
borgarinnar að selja rekstrarein-
ingar sem betur eiga heima á al-
mennum markaði.
Borgarfulltrúar Sjálfstæðis-
flokksins fluttu tillögu um söluna
á Vélamiðstöðinni og Malbikunar-
stöðinni Höfða á borgarstjórnar-
fundi fyrr í mánuðinum og var
henni þá vísað til til borgarráðs. ■
TILBOÐ LAUNANEFNDAR SVEITARFÉLAGANNA
TIL GRUNNSKÓLAKENNARA Í MAÍ:
1. Minnka kennsluskyldu umsjónarkennara úr 28 kennslu-
stundum á viku í 27 við lok samningstímans - en jafnframt
að bjóða þeim sem hafa óbreytta kennsluskyldu tveggja
launaflokka hækkun í staðinn.
2. Auka lágmarksundirbúning á forræði kennara úr 20 mínút-
um fyrir hverja kennslustund í 27 mínútur, aðallega með
tilfærslu á vinnu af sumri yfir á starfstíma skóla.
3. Sameina vinnutíma kennara undir verkstjórn og frímínútur
og minnka úr 11,94 klukkustundum á viku í 11,04
4. Taka upp nýja miklu hærri launatöflu.
5. Auka fjármagn í launapotti og efla sveigjanleika um notk-
un hans.
6. Taka (aftur) upp álag ef kennari hefur tvo námshópa samtímis.
7. Auka framlög til endurmenntunar kennara úr 3,02% í 4%
með því að setja 1,5% til símenntunaráætlana skóla með
nýju framlagi launagreiðenda og tilfærslu úr Vonarsjóði
(0,5%).
8. Hafa áfangahækkanir með sama sniði og ASÍ/SA samningar.
9. Taka upp tryggingarákvæði gagnvart launaþróun annarra
(Danska leiðin).*
10. Setja í kjarasamning ákvæði um réttindi og skyldur og fella
niður lög um sama efni.
Kostnaðaráhrif af þessum tillögum á samningstímabilinu eru tæp-
lega 19% en þá eru ekki metin áhrif af 10. lið.
MAT LAUNANEFNDAR SVEITARFÉLAGA Á
KRÖFUM KENNARASAMBANDS ÍSLANDS:
1. Minnka kennsluskyldu kennara úr 28 kennslustundum á viku
í 26.
2. Minnka kennslu umsjónarkennara enn frekar.
3. Auka lágmarksundirbúning á forræði kennara úr 20 mínútum
fyrir hverja kennslustund í 30 mínútur.
4. Draga úr verkstjórnarvaldi skólastjóra með því:
a) að minnka tímann undir verkstjórn úr 9,14 klst. á viku í 9 klst.
b) að setja hámark á þann tíma sem má töflusetja fyrir
önn/ár í 4 klst. á viku og
c) að takmarka hvaða faglegu störf má fela kennurum innan
verkstjórnartímans.
5. Taka upp nýja miklu hærri launatöflu.
6. Byrjunarlaun grunnskólakennara (30 ára með umsjón og tvo
launaflokka úr potti) verði 250 þús. kr.
7. Grunnröðun faggreinakennara og umsjónarkennara verði jöfnuð.
8. Launapottur verði afnuminn (felldur inn í grunnlaun) og nýr
6% launapottur tekinn upp.
9. Fimm launaflokkar (hver 3%) komi til vegna kennsluferils í
stað þriggja launaflokka vegna símenntunar.
10. Taka (aftur) upp 20% álag á kennsluyfirvinnu.
11. Taka (aftur) upp álag ef kennari hefur tvo námshópa samtímis.
12. Hækkun framlaga í Námsleyfasjóð úr 1,3% í 2%.
13. Taka upp mótframlag launagreiðanda í séreignarsjóð, 2%
14. Auka framlag launagreiðanda í orlofssjóð úr 0,25% í 0,5%.
15. Hafa áfangahækkanir með sama sniði og ASÍ/SA samningar.
16. Hafa tryggingarákvæði gagnvart launaþróun annarra.
Launanefnd sveitarfélaganna segir kostnaðaráhrif af kröfunum á samn-
ingstímabilinu um 50%. Kennarar hafa gefið út að þeir geti sætt sig
við 30-35% kostnaðarhækkun. Þeir hafa ekki gefið upp hvar eigi sú
skerðing að koma fram. Heimild: Vefur Sambands íslenskra sveitarfélaga
LAUNANEFND SVEITARFÉLAGANNA
Sat fund með kennurum og skólastjórnendum í gær. Hvorki samninganefnd sveitarfélaga
né kennara tjá sig um stöðuna í kjaraviðræðunum.
FR
ÉT
TA
B
LA
Ð
IÐ
/E
.Ó
L.
FR
ÉT
TA
B
LA
Ð
IÐ
/P
JE
TU
R
SI
G
U
RÐ
SS
O
N
STÓRA SAMNINGANEFND KENNARA
Einblínir á mínútur og klukkustundir í samn-
ingagerð við launanefnd sveitarfélaganna.
Það kemur í veg fyrir að samningar náist, seg-
ir Guðmundur Ingi Gunnlaugsson. Óásættan-
legt er fyrir kennara að störf þeirra séu metin
með þeim hætti á 21.öldinni, segir Ragnheið-
ur Ríkharðsdóttir.
gag@frettabladid.is