Fréttablaðið - 17.09.2004, Blaðsíða 46

„Þetta hefur verið mikið minn-
ingaframleiðsluár með opnun
Þjóðminjasafnsins, heimastjórn-
arafmælinu, málþingum um at-
vinnuframfarir og fleira þar sem
meginþemað er velmegun á þess-
ari öld sem liðin er frá því að Ís-
lendingar fengu heimastjórn,“
segir Jón Þór Pétursson sagn-
fræðingur, en hann er frummæl-
andi, ásamt Ólafi Teiti Guðnasyni
og Hilmu Gunnarsdóttur, á fundi
hjá Sagnfræðingafélagi Íslands
þar sem kostir og gallar bókar-
innar Forsætisráðherrar Íslands
verða ræddir.
Yfirskrift fundarins er Ráð-
herrabókin: Þarfaþing eða endur-
tekningar í vönduðum umbúðum?
og búast þau Jón Þór og Hilma
við fjörugum umræðum um bóka-
útgáfu af þessu tagi en þau hafa
ýmislegt við nýju ráðherrabókina
að athuga.
„Það er mikið um endurtekn-
ingar í þessari bók og það er búið
að skrifa ævisögur flestra þess-
ara manna í bókum og ritgerð-
um,“ segir Hilma. „Hún er hins
vegar mjög vönduð og gerð af
miklum efnum þannig að umbúð-
irnar eru vissulega glæsilegar.“
Hilma og Jón Þór segja bókina
vera dæmigerða stórmennasögu
og hún sé unnin samkvæmt úrelt-
um sagnfræðihugmyndum sem
voru í tísku um miðbik síðustu
aldar. „Þetta er sagan skrifuð að
ofan og þar eru stórmennunum
gerð skil. Mönnum sem komu og
leiddu þjóðina áfram. Þetta er
einhliða söguskoðun og ber yfir-
bragð minningargreina. Útgáfa
rita af þessu tagi er pólitísk þar
sem þeim er ætlað að stappa stáli
í þjóðina og sannfæra hana um að
við eigum enn sterka leiðtoga
sem leiða okkur til velsældar og
bera þjóðina á herðum sér.“
Jón Þór segir að þessir leiðtog-
ar séu kynntir til sögunnar sem
menn sem hafi gefið okkur líf sitt
og sál og miðað við umræðuna
um heimastjórnina og ráðherra-
bókina sem sé vissulega rúsínan í
pylsuendanum á 100 ára afmæl-
isveilsu heimastjórnarinnar
bendi allt til þess að gera eigi
Hannesi Hafstein að því sem Jón
Sigurðsson hefur verið hingað til.
„Það virðist standa yfir leit að
nýju sameiningartákni og það
má segja að þeir Hannes og
Davíð Oddsson kallist á. Davíð
skrifar um Hannes og speglar
sig í Hannesi sem arftaka hug-
sjóna hans.“
Fundurinn er haldinn í
Reykjavíkurakademíunni við
Hringbraut 121 á milli klukkan
12-13.15 í dag. ■
34 17. september 2004 FÖSTUDAGUR
ANNE BANCROFT
Þessi síunga leikkona sem táldró ungan Dustin
Hoffman í The Graduate og eiginkona spéfugls-
ins Mel Brooks er 73 ára í dag.
Sterkir leiðtogar kallast á
FORSÆTISRÁÐHERRABÓKIN: STÓRMENNASAGA SKRIFUÐ AÐ OFAN
„Besta leiðin til þess að fá flesta eiginmenn
til að gera eitthvað er að gefa í skyn að þeir
séu ef til vill of gamlir til þess að gera það.“
- Anne Bancroft kann tökin á körlunum eins og marg oft hefur
komið fram bæði á hvíta tjaldinu og í lífinu sjálfu.
timamot@frettabladid.is
Elskuleg eiginkona mín, móðir okkar,
tengdamóðir og amma
Elín Ólafsdóttir
Stekkjarkinn 13, Hafnarfirði
lést á Heilbrigðisstofnun Þingeyinga, Húsavík mánudaginn 6. septem-
ber 2004. Útför hefur farið fram í kyrrþey að ósk hinnar látnu.
Þökkum innilega auðsýnda samúð og hlýhug.
Jón Strandberg, Sigríður Jónsdóttir, Ásbjörn Björgvinsson,
Ólöf Jónsdóttir, Harry Þór Hólmgeirsson og barnabörn.
Ástkær eiginmaður minn, faðir okkar,
tengdafaðir og afi,
Jón Aðalsteinn Stefánsson
Miðtúni 4, Seyðisfirði
er lést föstudaginn 10. september, verður jarðsunginn frá
Akureyrarkirkju föstudaginn 17. september kl. 13.30.
Sigurbjörg Jónsdóttir, Ómar Trausti Jónsson, Hafþór Svanur Jónsson,
Sigrún Steinarsdóttir, Lára Ósk Jónsdóttir, Ingvi Þór Rafnsson,
Þóra Gylfadóttir, Einar Sigurðsson og barnabörn.
Elskulegur faðir okkar, tengdafaðir, afi og langafi,
Eiríkur Óli Ólafsson
Kirkjustíg 2, Eskifirði
verður jarðsunginn frá Eskifjarðarkirku sunnudaginn
19. september kl. 15.00.
Ólöf María, Helga Ólena, Árný og Lára Elísabet Eiríksdætur,
makar, börn og barnabörn.
Ástkær dóttir okkar og litla systir mín,
Fjóla Kristín Gústafsdóttir
verður jarðsungin í dag, föstudag 17. september, frá
Bústaðakirkju kl. 13.30.
Elísabeth Anna Friðriksdóttir, Gústaf Þór Gunnarsson, Friðrik Helgi
Gústafsson.
ANDLÁT
Guðný Skúladóttir, Ljósvallagötu 8, lést
31. ágúst. Útförin hefur farið fram í kyrr-
þey.
Margrét Guðmundsdóttir, Ljósheimum
14, lést 7. september. Útförin hefur farið
fram í kyrrþey.
Elís Gunnarsson, Vatnabúðum, Eyrar-
sveit, lést 12. september.
Haukur Jónsson, Rauðalæk 61, lést 13.
september.
Gunnhildur Daníelsdóttir, frá Viðars-
stöðum, lést 13. september.
Halldóra Ingibjörg Ingólfsdóttir (Inga),
Lyngbrekku 1, lést 13. september.
Alda Rannveig Þorsteinsdóttir, lést 14.
september.
Halldór Jón Ólafsson, Hátúni 6b, lést
15. september.
Ingvar Loftsson, Birkigrund 33, lést 15.
september.
JARÐARFARIR
10.30 Guðlaug Kristjana Guðlaugsdóttir,
frá Búðum í Hlöðuvík, verður jarð-
sungin frá Hafnarfjarðarkirkju.
13.30 Júlíus Pálsson, Hjarðartúni 5,
Ólafsvík, verður jarðsunginn frá
Fríkirkjunni í Hafnarfirði.
13.30 Ragna Helga Rögnvaldsdóttir,
hjúkrunarheimilinu Eir, verður
jarðsungin frá Fossvogskirkju.
15.00 Ólöf Jóna Björnsdóttir, Ásvalla-
götu 65, verður jarðsungin frá Nes-
kirkju.
Á þessum degi árið 1978 komu
Anwar el-Sadat, forseti Egypta-
lands, og Menachem Begin, for-
sætisráðherra Ísraels, saman í
Hvíta húsinu í Washington og und-
irrituðu drög að friðarsáttmála
sem kenndur er við Camp David.
Að baki samkomulaginu lágu 12
daga samningaviðræður sem fóru
fram á milli leiðtogana að undir-
lagi Jimmy Carter, þáverandi for-
seta Bandaríkjanna.
Carter bauð þeim Sadat og
Begin að koma til fundar í Camp
David, sumarbústað Bandaríkja-
forseta í fjöllum Maryland.
Gengið var frá endanlegum
friðarsamningi milli Egypta og
Ísraela í mars árið 1979 en það
var fyrsti friðarsamningurinn
sem Ísraelar gerðu við arabíska
nágranna sína.
Sadat og Begin hlutu Friðar-
verðlaun Nóbels árið 1978 fyrir
viðleitni sína til að binda enda á
stríðsástandið sem geisað hafði á
milli landa þeirra allt frá stofnun
Ísraelsríkis árið 1948.
Sadat naut mikilla vinsælda á
Vesturlöndum fyrir sáttfýsina en
var ekki jafn vel þokkaður af
aröbum og 6. október árið 1981
var hann myrtur af öfgasinnuðum
múslimum. Friðarsamningurinn
sem hann átti þátt í að gera heldur
enn þann dag í dag. ■
Sadat og Begin semja frið
ANWAR EL-SADAT Forseti Egyptalands
taldi vænlegast að friðmælast við Ísraela.
ÞETTA GERÐIST
SADAT OG BEGIN LEGGJA GRUNNINN AÐ FRIÐI
17. september 1978
HILMA GUNNARSDÓTTIR OG JÓN ÞÓR PÉTURSSON Sagnfræðingarnir segja bókina
Forsætisráðherrar Íslands vera full ljúfa lesningu.
FR
ÉT
TA
B
LA
Ð
IÐ
/V
IL
H
EL
M
„Ég er búin að bera Fréttablaðið út
síðan í maí 2003,“ segir Ásdís Eva
Svansdóttir sem er blaðberi vik-
unnar hjá Fréttablaðinu enda búin að
standa sig með miklum sóma. Hún
ber út í þrjár götur og hefur yfir
engu að kvarta enda telur hún það
ekki eftir sér að rjúka snemma á fæt-
ur til þess að koma blaðinu til skila.
„Þetta er ekkert mál,“ segir hún og
samþykkir það feimnislega að hún
eigi vel inni fyrir nafnbótinni
blaðberi vikunnar.
Nú fer annar veturinn hennar sem
blaðberi í hönd og hún segist ekki sjá
neina ástæðu til að kvíða myrkrinu og
kuldanum og ætlar ótrauð að halda út-
burðinum áfram.
Ásdís Eva fékk stafræna myndavél
frá BT í verðlaun fyrir að hafa borið
Fréttablaðið út með sóma og spáir því
að hún muni nota myndavélina mikið.
Hún er á leiðinni til Danmerkur í
október og þá kemur sér vel að hafa
vélina með. Hún fór til Krítar í sumar
og segir ferðalög til útlanda vera eitt
af helstu áhugamálum sínum en ann-
ars finnst henni skemmtilegast að
versla, vera með vinum sínum og
hlusta á tónlist.
Það er viðtekin venja að spyrja
blaðbera að því hvað þeir séu með í
vösunum og Ásdís Elva svarar þeirri
spurningu í lokin. „Ég er með lykla,
gloss og strætómiða í vasanum.“ Allt
sem þarf til að komast í gegnum dag-
inn eftir að Fréttablaðið er komið í
hús. ■
BLAÐBERI VIKUNNAR
ÁSDÍS EVA SVANSDÓTTIR HEFUR BORIÐ FRÉTTABLAÐIÐ ÚT Í RÚMT ÁR MEÐ MIKLUM SÓMA OG ER BLAÐBERI VIKUNNAR.
Ekkert mál að bera út á veturna