Fréttablaðið - 17.09.2004, Blaðsíða 6
6 17. september 2004 FÖSTUDAGUR
Fjórir franskir ferðamenn festu bíl sinni í Ófæru:
Óðu ána upp að mitti
LÖGREGLA Fjórir franskir ferðamenn
sem leit var hafin að skiluðu sér til
byggða heilir á húfi rétt eftir klukk-
an tólf í hádeginu í gær.
Frakkarnir höfðu bókað sig á
Hótel Rangá í fyrradag og skilið
farangur sinn eftir á hótelherbergj-
unum. Lögðu þeir síðan af stað í bíl-
ferð en ekki var vitað hvert ferð
þeirra var heitið. Þegar fólkið hafði
ekki skilað sér inn á hótelið klukkan
átta í gærmorgun var haft samband
við lögregluna á Hvolsvelli. Við at-
hugun lögreglu kom í ljós að Frakk-
arnir höfðu sýnt því áhuga við
ferðaskrifstofu að skoða Heklu.
Björgunarsveitir voru því kallaðar
út um klukkan ellefu og hófu leit á
svæðinu í kringum Heklu. Síðar
kom í ljós að Frakkarnir höfðu farið
inn í Landmannalaugar, þaðan inn
að Eldgjá og að Ófærufossi. Í baka-
leiðinni festu þeir bíl sinn í ánni
Ófæru og þurftu að vaða upp í mitti
til að komast úr ánni. Þaðan gengu
þeir um átta kílómetra að skála í
Hólaskjóli þar sem þeir eyddu nótt-
inni. Í gærmorgun hittu Frakkarnir
hollenskt par við skálanum sem
keyrði þá til byggða. ■
Neysla erlendra
ferðamanna eykst
Tekjur af erlendum ferðamönnum hafa aukist um milljarð fyrri hluta
árs miðað við sama tímabil í fyrra. Tekjur vegna erlendra ferðamanna
voru 16 milljarðar fyrir áratug en 37 milljarðar í fyrra.
FERÐAIÐNAÐUR Gjaldeyristekjur af
erlendum ferðamönnum fyrstu
sex mánuði ársins hafa aukist um
milljarð frá því á sama tíma í
fyrra, samkvæmt upplýsingum
frá samgönguráðuneytinu.
Tekjurnar fyrri helming þessa
árs námu tæpum 15 milljörðum
króna. Af þeim voru um 5,5 millj-
arðar í fargjaldatekjur en restin
vegna kaupa ferðamanna á vörum
og þjónustu í landinu. Fargjalda-
tekjur voru álíka og í fyrra og var
aukningin því nær eingöngu
vegna neyslu ferðamanna eftir að
til landsins var komið.
Tekjur af erlendum ferðamönn-
um hafa vel ríflega tvöfaldast á
undanförnum áratug. Þær voru
tæpir 16 milljarðar 1993 en rúmir
37 milljarðar í fyrra. Fargjaldatekj-
ur jukust úr tæpum 6 milljörðum í
tæpa 13 milljarða á tímabilinu og
tekjur vegna neyslu úr tæpum tíu
milljörðum í um 24,5 milljarða. Á
síðasta ári komu í fyrsta sinn
fleiri en 300 þúsund erlendir
ferðamenn til landsins og hefur
þeim fjölgað um 124 þúsund frá
því fyrir sex árum. Á milli áranna
2002 og 2003 fjölgaði ferðamönn-
um um tæp 40 þúsund. Hver
ferðamaður sem kom til landsins í
fyrra eyddi að meðaltali um 120
þúsund krónum. Af þeim fóru
rúm 40 þúsund í fargjöld og tæp
80 þúsund í neyslu. Árið 1997 var
meðaltalseyðslan sú sama en
skiptingin öðruvísi. Flugfarið var
dýrara, kostaði tæpar 55 þúsund
krónur að meðaltali, og varði hver
ferðamaður rúmum 65 þúsund
krónum í vöru og þjónustu.
Neyslan hefur því aukist um 15
þúsund krónur á ferðamann að
meðaltali á síðustu sex árum en
flugfarið er að sama skapi 15 þús-
und krónum ódýrara en áður var.
sda@frettabladid.is
Atlantsolía í Reykjavík:
Bensínstöð
fyrir áramót
BORGARMÁL Borgarráð staðfesti í
gær breytingu á borgarskipulag-
inu sem gerir ráð fyrir að reist
verði sjálfsafgreiðslustöð fyrir
bensín og olíu við Bústaðaveg.
Atlantsolía hefur þegar fengið
fyrirheit um lóðina, sem stendur
norðan við veitingastaðinn
Sprengisand og austan hesthúsa
Fáks á svæðinu.
„Við viljum þakka borgaryfir-
völdum fyrir þetta,“ segir Hugi
Hreiðarsson, markaðsstjóri Atl-
antsolíu. „Þetta er stór dagur
fyrir Reykvíkinga og Atlantsolíu
því það hefur sýnt sig að það rík-
ir verðsamkeppni í þeim bæjar-
félögum þar sem Atlantsolía rek-
ur bensínsölu. Undirbúningur að
hönnun stöðvarinnar er þegar
hafinn og við væntum þess að
stöðin verði komin í gagnið fyrir
áramót.“ ■
Veikir ferðamenn:
Fengu sextíu
milljónir
HEILBRIGÐISMÁL Tryggingastofnun
greiddi í fyrra tæplega sextíu
milljónir króna vegna sjúkra-
kostnaðar íslenskra ferða-
manna; 29 milljónir vegna ferða
í löndum utan Evrópska efna-
hagssvæðisins, 27 milljónir til
landa innan svæðisins og rúma
milljón króna til endurgreiðslu á
beinum útlögðum kostnaði ein-
staklinga í EES löndunum.
Ferðamenn geta á grundvelli
EES-reglna um almannatrygg-
ingar fengið nauðsynlega
sjúkrahjálp þegar þörf krefur
hjá heilbrigðiskerfi hins opin-
bera í löndunum. Sjúkrakostn-
aðurinn er svo gerður upp eftir
á, beint milli tryggingastofnana
viðkomandi landa. ■
VEISTU SVARIÐ?
1Hvaða dómari fékk flugeld í höfuðið áleik í Meistaradeildinni í fyrrakvöld?
2Hvaða sjónvarpsþáttur á Popptívimun hætta um áramótin?
3Hvað heitir utanríkisráðherra Rúss-lands?
Svörin eru á bls. 50
SKÁLINN Í LANDMANNALAUGUM
Frönsku ferðamennirnir sem leitað var að í
gær fóru inn að Landmannalaugum, það-
an í Eldgjá og að Ófærufossi. Í bakaleið-
inni festu þeir bíl sinn í ánni Ófæru og
urðu að skilja hann eftir.
FR
ÉT
TA
B
LA
Ð
IÐ
/Ö
R
N
Þ
Ó
R
AR
IN
SS
O
N
TEKJUR AF ERLENDUM
FERÐAMÖNNUM
Tekjur Neysla Fargjalda-
alls innanlands tekjur
1990 13.572 8.806 4.766
1991 14.157 8.684 5.473
1992 13.362 8.124 5.238
1993 15.747 9.764 5.983
1994 17.804 10.595 7.209
1995 19.915 12.004 7.911
1996 20.755 11.722 9.033
1997 22.006 12.021 9.985
1998 26.336 14.633 11.703
1999 27.498 16.070 11.428
2000 30.459 17.967 12.492
2001 37.720 22.881 14.839
2002 37.137 22.835 14.302
2003 37.305 24.531 12.774
FJÖLDI FERÐAMANNA TIL ÍS-
LANDS UM LEIFSSTÖÐ Á TÍMA-
BILINU 1997-2003
1997 183.973
1998 221.081
1999 247.656
2000 289.418
2001 295.000
2002 270.307
2003 308.768
FERÐAMENN SKOÐA SÓLFARIÐ
Hver ferðamaður sem kom til landsins í fyrra eyddi að meðaltali um 120 þúsund krónum.
Af þeim fóru rúm 40 þúsund í fargjöld og tæp 80 þúsund í neyslu.
FR
ÉT
TA
B
LA
Ð
IÐ
/G
VA
LAGARFLJÓT OG EGILSSTAÐIR
Bæjarstjórn Egilsstaða brást á fundi sínum
í gær hart við hugmyndum sem viðraðar
hafa verið um að færa þjóðveg eitt þannig
að hann liggi með fjörðum í stað Breið-
dals og Skriðdals.
Tekist á um þjóðveg eitt:
Vilja ekki
missa veginn
SVEITARSTJÓRNARMÁL „Bæjarstjórn
Austur-Héraðs mótmælir hug-
myndum um lengingu þjóðvegar
eitt þannig að hann liggi með
fjörðum í stað Breiðdals og Skrið-
dals,“ segir í bókun bæjarstjórnar
frá því í gær. „Bæjarstjórn skorar
á þingmenn og samgönguyfirvöld
að standa gegn slíkum hugmynd-
um, enda eru þær í andstöðu við
þá stefnu sem viðhöfð hefur verið
að þjóðvegur 1 sé ávallt stysta
hringleið um landið. Slík breyting
minnkar ekki þörf fyrir varanlega
vegagerð og breiðari brýr í Skrið-
dal. Öryggi vegfaranda á þeirri
leið verður ekki bætt með því að
færa til númer þjóðvega, því stað-
reyndin er sú að allur meginþungi
umferðarinnar velur sér stystu
leið milli áfangastaða, eins og
kom í ljós þegar vegur yfir Öxi
var lagfærður.“
Bæjarstjórn Austur-Héraðs
samþykkti að koma sem fyrst á
fundi með sveitarstjórn Austur-
byggðar, en hún hafði áður ályk-
tað um færslu þjóðvegar eitt. Á
fundinum á að leita nánari skýr-
inga og upplýsinga um afstöðu
sveitarstjórnar Austurbyggðar. ■