Fréttablaðið - 17.09.2004, Blaðsíða 42

MESTA HÆKKUN
Marel 1,92%
Burðarás 1,44%
Straumur 1,21%
ICEX-15 3.571
KAUPHÖLL ÍSLANDS [ HLUTABRÉF ]
Fjöldi viðskipta: 260
Velta: 1.619 milljónir
+0,31%
MESTA LÆKKUN
Og fjarskipti -2,63%
Fiskimarkaður Íslands -1,82%
HB Grandi -1,39%
MARKAÐSFRÉTTIR...
Fjárfestingarfélagið Atorka á
nú yfir sjö prósent í breska dreif-
ingarfyrirtækinu NWF Group.
Hlutur Atorku er metinn á 430
milljónir króna. NWF sérhæfir sig
í dreifingu matvæla og olíu.
Halldór Gunnar Eyjólfsson
hefur verið ráðinn framkvæmda-
stjóri fjármálasviðs Sjóvár-Al-
mennra frá og með 30. septem-
ber. Halldór hefur gegnt starfi
framkvæmdastjóra tjónasviðs.
Guðmundur Jóhann Jónsson
lætur af störfum eftir 22 ára starf
hjá félaginu.
Farþegum Icelandair fjölgaði um
13,3 prósent í ágúst. Frá áramótum
eru farþegar nítján prósentum fleiri
en í fyrra. Verð bréfa í félaginu var
óbreytt í Kauphöll Íslands í gær.
KPMG RÁÐGJÖF SELD KMPG hefur selt ráðgjafar-
þjónustu sína þremur starfsmönnum. Kaupend-
urnir eru Ragnar Þórir Guðgeirsson, Ingvi Þór Ell-
iðason og Hafliði Sævarsson. Undanfarin misseri
hafa alþjóðleg endurskoðunarfyrirtæki í auknum
mæli skilið rekstrarráðgjöf frá starfsemi sinni. Gert
er ráð fyrir að KPMG ráðgjöf verði þó áfram í sam-
starfi við KPMG endurskoðun og áfram til húsa í
höfuðstöðvum KPMG í Borgartúni.
OLÍUTUNNAN Í HUNDRAÐ Hugo Chavez, forseti
Chile, hélt því fram í gær að verð á olíu gæti farið
upp í eitt hundrað dali á
tunnu. Hann segir að
Íraksstríðið valdi áfram
miklum óróa á mark-
aðnum og ekki sjái fyr-
ir endann á
því.
GRÓÐI HJÁ MEIÐI Útlit er fyrir að fjárfestingarfél-
agið Meiður slái öll met í hagnaði í ár. Félagið er
stærsti hluthafinn í KB banka en verðmæti hans
hefur hækkað hratt í ár. Hlutur Meiðs er um sext-
án prósent og hefur hækkað að verðmæti um
meira en 22 milljarða í ár. Það má því gera ráð fyr-
ir að hluthafar í Meiði séu sáttir við þá Sigurð Ein-
arsson og Hreiðar Má Sigurðsson sem stýra bank-
anum.
VELJA ÞAÐ STRANGASTA Gunnar Jónsson, for-
maður Lögmannafélags Íslands, kvaddi sér hljóðs
á fundi Verslunarráðs í gærmorgun þar sem fjallað
var um skýrslu um íslenskt viðskiptaumhverfi. Þar
sagði Gunnar að hann hefði á tilfinningunni að
þegar íslensk stjórnvöld ákvæðu að sækja fyrir-
myndir að lagasetningu til útlanda þá væri venjan
að taka ströngustu lagaákvæðin sem þau finndu
og raða þeim svo saman í íslenska löggjöf. Val-
gerður Sverrisdóttir viðskiptaráðherra taldi þessa
gagnrýni ekki á rökum reista.
30 17. september 2004 FÖSTUDAGUR
Valgerður Sverrisdóttir segir
drög að breytingum á lögum um
hlutafélög og einkahlutafélög
verða sett á netið í næstu viku og
hagsmunaaðilum gefist færi á að
veita umsögn sína. Í drögunum er
að finna lagabreytingar sem lagð-
ar eru í til í kjölfar skýrslu við-
skiptaráðherra um umhverfi ís-
lensks viðskiptalífs.
Hún sagði hins vegar að fyrir-
hugaðar breytingar á samkeppn-
islögum yrðu ekki lagðar fram
strax. Hún sagði að flest benti til
þess að góð umræða gæti skapast
um tillögurnar.
Fundarmenn á morgunverðar-
fundi Verslunarráðs í gær lýstu
efasemdum um að boðuð löggjöf
um viðskiptaumhverfi yrði til
bóta. Á fundinum fjölluðu, auk
Valgerðar, þau Þórunn Guð-
mundsdóttir hæstaréttarlögmað-
ur og Þór Sigfússon, fram-
kvæmdastjóri Verslunarráðs Ís-
lands, um skýrsluna.
Í máli Þórunnar komu fram
miklar efasemdir um tillögur
nefndarinnar um breytingar á
samkeppnislögum. Hún gagnrýn-
ir fyrirhugaðar breytingar á
skipulagi samkeppnisyfirvalda en
stærstan varhug geldur hún við
hugmyndum um að yfirvöld fái
heimild til þess að mæla fyrir um
skipulagsbreytingar hjá fyrir-
tækjum sem ekki verða að til-
mælum Samkeppnisstofnunar.
Þórunn segir ekkert í um-
hverfi viðskiptalífsins á Íslandi
kalla á að valdheimildir sam-
keppnisyfirvalda verði auknar
með svo afgerandi hætti. Hún
bendir einnig á að skýrsluhöfund-
ar hafi tiltekið sérstaklega að
ekki hafi verið sýnt fram á að
uppbrot fyrirtækja hafi haft til-
ætlaðan árangur í för með sér.
Þetta sé til dæmis reynsla Banda-
ríkjamanna.
Þór Sigfússon lagði fyrst og
fremst áherslu á það í máli sínu að
ef reglur um stjórnarhætti í fyrir-
tækjum yrðu lögfestar gæti það
reynst smáum fyrirtækjum erfitt.
Hann tók sem dæmi að í litlum fjöl-
skyldufyrirtækjum væri óeðlileg
krafa að svo skýr skil væru á milli
stjórnar og framkvæmdastjórnar
eins og eðlilegt væri að gera kröfu
um í skráðum fyrirtækjum.
Þór óttast að flóknari reglur
kunni að draga úr einkaframtaki í
íslensku athafnalífi. Hann segir að
vernda þurfi frumkvöðlaeðli þjóð-
arinnar en það kunni að heftast ef
flóknar reglur um stjórnarhætti
eigi að ná til allra fyrirtækja óháð
stærð þeirra. Hann leggur enn-
fremur áherslu á að atvinnulífið
hafi haft frumkvæði að því að auka
gagnsæi í viðskiptalífinu og telur
heppilegast að slíkt frumkvæði sé
áfram í höndum þess.
thkjart@frettabladid.is
Áhyggjur af breytingum
vidskipti@frettabladid.is
Geest eftir væntingum
Uppgjör breska matvælafyrir-
tækisins Geest var í samræmi við
væntingar og afkomuviðvörun
félagsins. Bakkavör á fimmtung í
félaginu.
Hagnaður félagsins lækkaði en
salan jókst. Félagið er fjárhags-
lega mjög sterkt og dugar hagnað-
ur þess fyrir afskriftir og fjár-
magnsliði til að greiða skuldir
þess.
Félagið tilkynnti einnig kaup á
fyrirtækinu Anglia Crown sem
sérhæfir sig í tilbúnum mat fyrir
sjúkrahús. Geest keypti einnig
eigin hlutabréf á markaði og er
stefnan sett á að kaupa allt að tíu
prósent af eigin bréfum.
Bakkavör má ekki gera yfir-
tökutilboð í Geest fyrr en í desem-
ber í fyrsta lagi. Talið er að yfir-
taka verði reynd fljótlega upp úr
áramótum. Hátt eigið fé Geest og
digrir sjóðir Bakkavarar gera að
verkum að Bakkavör þarf líklega
ekki að sækja sér hlutafé til kaup-
anna. Mikið svigrúm er því til
skuldsetningar. Bréf Geest hækk-
uðu um tæp fjögur prósent á
markaði í gær. ■
FJÁRHAGSLEGA STERKIR Fjárhagslegur styrkur Geest og Bakkavarar mun gera yfirtöku
Bakkavarar á Geest mögulega án hlutafjárútboðs.
Peningaskápurinn…
HLUTABRÉF Í ÚRVALSVÍSITÖLU: Actavis 50,0 +0,60% • Bakkavör 27,60
+0,36% • Burðarás 14,10 +1,44% • Atorka 4,55 -1,09 • HB Grandi 7,10 -
1,39 • Íslandsbanki 10,00 +0,50 • KB banki 497,00 -0,40% • Landsbank-
inn 11,70 - • Marel 53,00 +1,92% • Medcare 6,55 - • Og fjarskipti 3,70 -
2,63% • Opin kerfi 26,70 -1,11% • Samherji 12,60 - • Straumur 8,35
+1,21 • Össur 85,00 -
FR
ÉT
TA
B
LA
Ð
IÐ
/G
VA
■ BÍLAR LÆKKA
VERÐBÓLGA Í BANDARÍKJUNUM
mældist 0,1 prósent í ágúst og
var það í smræmi við væntingar.
Verðbólga síðasta árið mælist nú
2,7 prósent. Verðlækkun á bílum
dró úr hækkuninni, en þeir lækk-
uðu um 0,3 prósent og fatnaður
um 0,2 prósent. Hlutabréfavísi-
tölur hækkuðu við birtingu taln-
anna, þar sem minni líkur eru
taldar á hraðari hækkun stýri-
vaxta.
RÁÐHERRA AFHENT SKÝRSLA Gylfi Magnússon, formaður nefndar um viðskiptaum-
hverfið á Íslandi, afhendir Valgerði Sverrisdóttur eintak. Skýrslan og hugsanlegar lagabreyt-
ingar í kjölfar hennar voru til umræðu á fundi Verslunarráðs í gær.
Þórunn Guðmundsdóttir segir
það geta haft verulegar afleiðing-
ar á vilja erlendra aðila til að
fjárfesta í íslenskum fyrirtækj-
um ef lögfest verður heimild
samkeppnisyfirvalda til að skipta
upp fyrirtækjum.
„Þetta er það fyrsta sem er-
lendir fjárfestar spyrja um þegar
þeir koma inn á markaðinn. Þeir
spyrja hvernig lagaumhverfið sé
og hvaða hættur kunni að leynast
í því,“ segir hún. Að mati Þórunn-
ar eru engin rök fyrir því að lög-
festa slíkar valdheimildir hér á
landi.
Hún segir að þegar slíkum úr-
ræðum hafi verið beitt erlendis
þá sé um mjög stór fyrirtæki á al-
þjóðlegan mælikvarða að ræða.
Hún spyr hversu lítil íslensk fyr-
irtæki þurfi að vera til þess að
komast hjá því að eiga uppskipt-
ingu á hættu.
Þórunn segir að það fyrirtæki
sem líklegast eigi á hættu að vera
skipt upp hér á landi sé Síminn
sem nú standi til að selja enda sé
Síminn það fyrirtæki sem oftast
hafi fengið ákúrur frá samkeppn-
isyfirvöldum. Þórunn segir það
sérkennilegt ef skapa eigi laga-
umhverfi þar sem örsmá fyrir-
tæki í alþjóðlegum samanburði
eigi á hættu að verða bútuð niður.
Hún gefur lítið fyrir þann mál-
flutning að þótt heimild til upp-
skiptingar verði lögfest þá verði
hún ekki notuð. „Af hverju að
setja þetta í lög ef það á ekki að
nota það. Mig hryllir við tilhugs-
uninni um að þetta úrræði verði
inni í lögum,“ segir hún.
Hún fullyrðir að ekkert fyrir-
tæki leiki sér að því að brjóta
samkeppnislög eða fá á sig sekt-
ir. Neikvæð umræða og fjár-
hagslegt tjón af núverandi úr-
ræðum séu það mikil að hennar
mati að ekki sé ástæða til að
herða á úrræðum samkeppnis-
yfirvalda.
thkjart@frettabladid.is
Slæmt fyrir erlenda fjárfestingu
Tillögur að breytingum á lögum um fyrirtæki verða lagðar fram til kynningar innan
skamms. Á fundi Verslunarráðs komu fram áhyggjur þess efnis að löggjöfin gæti dregið
mátt úr atvinnulífinu.
Þórunn Guðmundsdóttir hæstaréttarlögmaður segir að sig hrylli við þeirri tilhugsun að
sett verði í lög heimild til að brjóta upp fyrirtæki vegna samkeppnisbrota. Hún telur nú-
verandi úrræði duga.
FR
ÉT
TA
B
LA
Ð
IÐ
/E
.Ó
L
ÞÓRUNN GUÐMUNDSDÓTTIR Segir
að ekkert fyrirtæki leiki sér að því að brjó-
ta samkeppnislög.
■ FLEIRI LÆKKA VEXTI
SAMVINNULÍFEYRISSJÓÐURINN
hefur bæst í hóp þeirra lífeyris-
sjóða sem ákveðið hafa að lækka
vexti á verðtryggðum vöxtum
sjóðfélagalána. Stjórn Samvinnu-
lífeyrissjóðsins ákvað að lækka
vexti lánanna í 4,6 prósent. Vext-
ir verða ákveðnir mánaðarlega
héðan í frá. Þeir sjóðfélagar sem
nú greiða fasta vexti af lánum
sínum verða að undirrita umsókn
um skuldbreytingu.