Fréttablaðið - 11.11.2004, Blaðsíða 89
FIMMTUDAGUR 11. nóvember 2004
Kvikmynd Carls Theodors
Dreyer um Píslarsögu Jóhönnu
af Örk þykir ein fegursta og
magnaðasta afurð þögla tímabils-
ins í kvikmyndasögunni. Þessi
mynd verður sýnd í Háskólabíói í
kvöld við undirleik Sinfóníu-
hljómsveitar Íslands.
„Þessi mynd er algjört tíma-
mótaverk og bautasteinn norrænu
gullaldarinnar frá þessu tíma-
bili,“ segir Oddný Sen kvik-
myndafræðingur, sem hefur
skipulagt hina árlegu kvikmynda-
tónleika Sinfóníuhljómsveitarinn-
ar undanfarin ár.
„Carl Theodor Dreyer var
helsti frumkvöðull Dana á þögla
tímabilinu, en hann er líka ein-
hver vanmetnasti leikstjóri sem
um getur. Á sextíu ára ferli gerir
hann held ég aðeins fjórtán
myndir, í Danmörku, Noregi,
Þýskalandi og Frakklandi, og
notar byltingarkenndar aðferðir
sem höfðu ekki verið notaðar áður
í kvikmyndum.“
Þar má nefna mikla notkun
nærmynda og sérstakt samspil
ljóss og skugga, sem Dreyer notar
til að skapa ákveðna dulúð og um
leið til að ná fram raunsæisblæ.
„Þetta hefur verið kallað
transcendental cinema, sem þýða
má sem handanveruleikabíó.
Dreyer er þar fremstur á blaði
ásamt japanska kvikmyndaleik-
stjóranum Ozu og franska leik-
stjóranum Robert Bresson.“
Danski leikstjórinn Lars von
Trier hefur orðið fyrir miklum
áhrifum af Dreyer og stundum
beitt aðferðum þessa frumkvöð-
uls í myndum sínum.
Myndina um Jóhönnu af Örk
gerði Dreyer í Frakklandi árið
1928 með Maríu Falconetti í hlut-
verki hinnar heittrúuðu Jóhönnu
sem fór í fararbroddi Frakka
í baráttu gegn bresku her-
námsliði.
Dreyer fjallar þó í mynd sinni
einkum um trúarlíf Jóhönnu og
réttarhöldin yfir henni. Saman-
burður við Píslarsögu Jesú Krists,
sem Mel Gibson sendi frá sér ný-
verið, hefur óneitanlega skotið
upp kollinum.
Myndin er sýnd í endurgerðri
útgáfu með nýrri og undurfag-
urri tónlist eftir bandaríska tón-
skáldið Richard Einhorn. Flytj-
endur ásamt Sinfóníuhljóm-
sveitinni eru sönghópurinn
Hljómeyki ásamt fjórum ein-
söngvurum, þeim Hallveigu
Rúnarsdóttur, Dóru Steinunni
Pálsdóttur, Agli Árna Pálssyni og
Keith Reed. ■
Gullaldarbíó með Sinfóníunni
■ KVIKMYNDATÓNLEIKAR
■ TÓNLEIKAR
Sweeney
Todd
Misstu ekki af SWEENEY TODD!
Einhver magnaðasta sýning sem sést hefur
á íslensku leiksviði
Aðeins TVÆR sýningar eftir!
Rakarinn morðóði
Óperutryllir eftir Stephen Sondheim
Fös. 12. nóv. kl. 20
Sun. 14. nóv. kl. 20
SÍÐUSTU SÝNINGAR
Miðasala: www.opera.is
og í síma: 511 4200
VINAFÉLAG ÍSLENSKU ÓPERUNNAR þakkar félags-
mönnum stuðninginn á liðnum árum og hvetur þá
til að missa ekki af þessari mögnuðu sýningu
– munið afsláttarkjörin!
KRINGLUKRÁIN UM HELGINA
• Fjölbreyttur sérréttamatseðill
öll kvöld vikunnar
• Tilboðsmatseðill
fyrir Leikhúsgesti
• Hópamatseðill
• Sérsalur fyrir hópa
Borðapantanir í síma 568-0878 www.kringlukrain.is
Stuðboltinn Herbert Guðmundsson
ásamt Stuðbandalaginu
um helgina
Bjóðum einnig jólahlaðborð
í sér sal fyrir hópa
- virka daga jafnt sem um helgar
Sýningardagar:
söngkabarett
Nánari upplýsingar í síma 533-1100 og á www.broadway.is
Miðasalan opin alla virka daga til kl. 18:oo
Frábærar viðtökur
og nú fara borðin hratt
Þarftu að vita meira?
Núer bara
að hringja
og panta!
„Með næstum allt á hreinu"
Hjálmar Hjálmarsson,
Andrea Gylfa, Valur Freyr,
Jónsi, Margrét Eir,
Linda Ásgeirs og margir fleiri
Tvímælalaust eitt besta
jólahlaðborðið
-ein skemmtilegasta
sýningin og eitt besta verð
sem boðið er uppá í ár:
Verð
frá
4.800
krónum
Býður
nokkur betur?
Jólahlaðborð
„Með næstum allt á hreinu“
og dansleikur
Á föstudagskvöldum: Hljómsveitin Hunang
Á laugardagskvöldum: Í svörtum fötum
Jólahlaðborð:
19. nóvember, fá borð laus
20. nóvember, fá borð laus
26. nóvember, fá borð laus
27. nóvember, uppselt
3. desember, fá borð laus
4. desember, fá borð laus
10. desember
11. desember
Sýningar:
20. nóvember
27. nóvember, uppselt
4. desember, fá borð laus
11. desember
JÓHANNA AF ÖRK Hið stórbrotna meistaraverk Carls Dreyer verður sýnt í Háskólabíói í
kvöld við undirleik Sinfóníuhljómsveitar Íslands.
GUÐLAUG DRÖFN ÓLAFSDÓTTIR
Syngur djass á Hótel Borg í kvöld.
Djass á
Borginni
Á hverju fimmtudagskvöldi, eða
svo gott sem, má ganga að því
vísu að úrvalsdjasstónlist hljómi í
Gyllta salnum á Hótel Borg. Í
kvöld er það Guðlaug Dröfn
Ólafsdóttir söngkona sem stígur á
stokk ásamt hljómsveit sinni, sem
er skipuð þeim Ásgeiri Ásgeirs-
syni gítarleikara, Vigni Þór Stef-
ánssyni píanóleikara, Róbert Þór-
hallssyni bassaleikara og Pétri
Grétarssyni trommuleikara.
„Við ætlum að flytja endurút-
setta djassstandarda, en sumt
af þessu er poppvafið,“ segir
Guðlaug.
Á efnisskránni eru lög eins og
Love for Sale eftir Cole Porter,
April in Paris eftir V. Duke og Old
Devil Moon eftir B. Lane ásamt
dægurlagasmellum eftir Bítlana
og Van Morrison.
„Þetta er ekki neitt rokk og ról,
en allt frá því að vera rólegt upp í
það að fólk getur dillað sér í stól-
unum.“
Guðlaug er ein fjölmargra Ís-
lendinga sem á undanförnum
árum hafa stundað nám í djass-
tónlist í Hollandi. Guðlaug kom
heim frá námi fyrir ári og hefur
verið að hasla sér völl í tónlistar-
heiminum hér á landi. ■