Fréttablaðið - 03.09.2004, Qupperneq 25

Hvernig væri nú að
kennarar vöknuðu
upp og byrjuðu að bera
virðingu fyrir fagmanninum
í sjálfum sér?
Fagmaðurinn - grunnskólakennarinn
Sjúkrasaga mín er löng og erfið
en nú hef ég náð mér eftir áratuga
þjáningar. Ég hef ítrekað verið
skorinn upp vegna minnisleysis
og settur í gifs vegna hugbrota.
Eftir allar þessar aðgerðir fékk ég
mikinn áhuga á læknisfræði. Ég
las mér lítillega til um hana og fór
síðan og keypti mér skurðáhöld á
netinu og auglýsti ódýrar skurð-
aðgerðir. Ég hef reyndar líka
nokkra reynslu í svona skurði því
að ég er mikill veiðimaður bæði á
stöng og byssu þannig að ég er
vanur að gera að og úrbeina. Það
furðulega var að enginn vildi fá
ódýra aðgerð hjá mér, fékk ekki
einu sinni að fjarlægja vörtur.
Mér var sagt að fólk treysti ekki
þeim sem hefðu ekki lært til verk-
anna og að fólki væri annt um líf
sitt. Aðrir læknar urðu líka alveg
snarvitlausir og ég var kærður og
lenti í málaferlum. Dómarar
sögðu að læknar þyrftu lækninga-
leyfi og enginn nema sá sem hefði
tilskylda menntun og próf mætti
stunda lækningar. Þegar þarna
var komið við sögu spyrnti ég við
fótum og benti þessum kjánum á
að þetta tíðkaðist hjá kennurum.
Hjá þeim hefði t.d. fræðslustjóri
Reykjavíkur Gerður G. Óskars-
dóttir sagt að hún væri ánægð
með alla þá sem væru að kenna
þrátt fyrir að ákveðinn hluti
þeirra væri án kennaramenntun-
ar, samt væri starfsheitið grunn-
skólakennari lögverndað og
starfsréttindi hans einnig. Það
hlýtur að mega gera þetta í öllum
störfum fyrst að það má í kennslu
þar sem viðskiptavinirnir eru
bara börn, framtíð Íslands. Ég
auglýsi því enn og aftur þjónustu
mína og hef nú bætt við mig lög-
fræði- og verkfræðiþjónustu.
Það sjá allir fáránleikann í
þessu. Hvernig væri nú að kenn-
arar vöknuðu upp og byrjuðu að
bera virðingu fyrir fagmanninum
í sjálfum sér? Kennarar hafa há-
skólapróf sem gefur þeim réttindi
til að kenna. Þeir hafa lagt mikla
vinnu í að læra uppeldis- og
kennslufræði sem er lykillinn að
fjölbreyttum og góðum kennslu-
háttum. Hvers vegna er það liðið
að einhverjir séu að kenna sem
ekki hafa til þess réttindi, hversu
góðir leiðbeinendur sem þeir eru
(ég er góður að úrbeina samt sker
ég ekki upp). Sætta foreldrar sig
við að börnin þeirra séu með leið-
beinanda en börn nágrannans
kennara? Borga þessir foreldrar
ekki sömu skatta? Eiga foreldrar
barna með leiðbeinendur rétt á
endurgreiðslu frá sínu sveitar-
félagi? Það ætti að vera krafa
okkar allra að enginn fengi að
kenna án tilskilinna réttinda. Þeir
leiðbeinendur sem eru að kenna
núna ættu að fá forgang í fjarnám
Kennaraháskólans og aðlögunar-
tími fyrir yfirvöld menntamála
yrðu þrjú til fjögur ár. Eftir þann
tíma myndi enginn kenna nema að
vera fagmaðurinn - grunnskóla-
kennarinn. ■
25FÖSTUDAGUR 3. september 2004
Pólitískt áræði þurfti
Það þurfti pólitískt áræði til að velta
þessu hlassi af stað sem nú er farið að
rúlla svo um munar til hagsbóta fyrir all-
an almenning en það var einmitt ætlun-
in með bættum lánakjörum Íbúðalána-
sjóðs. Stjórnendur KB banka og síðan
allra hinna trúa því að staðið verði við
kosningaloforð okkar og þeir bregðast
við þeirri samkeppni einfaldlega í tíma.
Nú er lag að fylgja þessum frábæra ár-
angri eftir með öflugum málflutningi
þess efnis að við meinum það sem við
segjum og stöndum við það.
Guðmundur Geir Sigurðsson á
hrifla.is
Grunnnetið í eigu þjóðarinnar
Ef við lítum á reynslu annarra þjóða af
einkavæðingu á dreifikerfum getum við
tekið Kaliforníuríki og raforkukerfi þeirra
sem dæmi. Þar hefur ríkt neyðarástand
á raforkumarkaðnum um nokkurt skeið
í kjölfar einkavæðingar. Kaliforníubúar
hafa oft mátt þola okurverð, orku-
skömmtun og jafnvel rafmagnsleysi.
Þetta má meðal annars rekja til þess að
lítil uppbygging hefur verið í dreifikerfi
raforkunnar. Einnig vantar samræmingu
í dreifikerfinu. Sem sagt, slík dreifikerfi
henta ekki á samkeppnismarkaði eins
og fram kemur að ofan og sést einnig á
reynslu Kaliforníuríkis. Í tilvikum eins og
með grunnnet síma er einkavæðing
þess ekki til hagsbóta fyrir almenning.
Er ekki kominn tími til að við Íslending-
ar bregðum út af vananum og lærum af
reynslu annarra þjóða? Seljum Símann
en látum grunnnetið vera áfram í eigu
þjóðarinnar enda lýtur það ekki lögmál-
um frjálsrar samkeppni.
Þórólfur Rúnar Þórólfsson á politik.is
Hæfar konur á Íslandi
Að halda því fram að á Íslandi sé lítið af
hæfum konum er fjarstæða. Að líkja
réttindabaráttu kvenna við réttinda-
baráttu sköllóttra og einhleypra er enn
meiri fjarstæða enda hefur lítið farið
fyrir því að sköllóttum mönnum eða
einhleypum sé sérstaklega haldið frá
völdum í samfélaginu. Hins vegar verð
ég að taka undir það að fatlaðir og
„svartir“ (geng ég um leið út frá því að
hér sé átt við Íslendinga sem ekki
skipta um lit í andlitinu við minnstu
veður- eða heilsubreytingar) geri tilkall
til valda í samfélaginu. Það er nefnilega
svo að fólk með mismunandi bakgrunn
setur mismunandi baráttumál á oddinn.
HG á murinn.is
Bardagar í Afríku
Það virðist fremur lögmál en undantekn-
ing að bardagar geysi í einhverju ríki
Afríku. Sífellt heyrum við frásagnir af fólki
á flótta og þjóðum sem verða hungri að
bráð. Stundum virðist alþjóðasamfélagið
dofið fyrir fréttum af þessu tagi og var at-
burðarásin í Rúanda fyrir tíu árum síðan
dæmi um slíkan dofa. Lengi vel leit út fyrir
að hið sama gæti gerst í Súdan, þar sem
mikið ófremdarástand ríkir í Darfur-héraði
í norðvesturhluta landsins. Janjaweed,
vopnaðar sveitir Araba, hafa barist gegn
svörtum íbúum svæðisins frá því á síðasta
ári með ógnvænlegum afleiðingum. Talið
er að nú þegar hafi um fimmtíuþúsund
manns látið lífið og um ein milljón manna
sé nú á hrakhólum. Enn einu sinni virðist
alþjóðasamfélagið hafa vaknað í seinna
fallinu.
Fanney Rós Þorsteinsdóttir
á deiglan.com
JÓN PÉTUR ZIMSEN
UMRÆÐAN
KJARAMÁL KENNARA
,,
Útsalan er eingöngu í verslun Hans Petersen á Laugavegi 178
Verð nú 21.900
23.000
kr. afsláttur
Verð nú 13.590
4.300
kr. afsláttur
Verð nú 44.900
15.000
kr. afsláttur
Verð nú 29.900
15.000
kr. afsláttur
DX 4530
• 5 milljón pixla
• Þrefaldur aðdráttur
DX 6440
• 4ra milljón pixla
• Fjórfaldur aðdráttur
MV 600i Videovél
C44UX prentari
RICHO G4
• 3ja milljón pixla
• Þrefaldur aðdráttur
Verð nú 5.900
2.000
kr. afsláttur
Mikið úrval af stafrænum myndavélum, prenturum og aukahlutum.
AF NETINU
24-25 Leiðari 2.9.2004 16:25 Page 3